ادخل ... واعترف ... الآن ... لمن يجرؤ فقط ....

[رأفت]

المشاركة الأصلية كتبت بواسطة غزاويه مشكور اخي الكريم رافت على هالسؤال......

بصراحه انا وكنت صغيره كنت بخاف من البرايص .........والى الان.......بموت رعب منها..

اهلا غزاوية ...

البرايص هدول الهم وضع خاص ... احنا بنسميها ام بريص ...

انا شو بعمل فيها بدعس على ديلها و بخليها بلا ديل ...

بتصير تمشي زي البطة اللي راكبة بسكليت ...

تخيلي لو انتي تكوني نايمة و تفتحي عيونك تلاقي وحدة واقفة على سقف الغرفة ...

ههههههههههههه

تحياتي ...

[رأفت]

المشاركة الأصلية كتبت بواسطة شمس العروبة اممممم

الفيران طبعا

ولغاية دلوقتى

باخاف مووت منهم

مشكوور رافت على الموضوع

الفيران هدول مش مخليين حد من شرهم عاملين رعب للبنات ...

زلمة بشوارب و جثة ما بهز شعرة ببدن انثى ...

هالفار المفعوص بخلي صراخها يعبي البلد ....

نصيحة للمتزوجين .. اذا مرتك ما بترد عليك .. قلها ... هلا بجيبلك الفار ...

و شوف النتيجة ..

هههههههههههههههه

تحياتي ...

[رأفت]

المشاركة الأصلية كتبت بواسطة *ريحانة القلب*

مممم والله سؤال صعب شوي
لأني كنت اخاف من كتير اشياء


يعني من البرق والرعد
ومن العتمة
ومن الليل .... ومن الإبرة
والدكتووور ....


ده انا كنت خويفة هههههه



بس الحمدلله هلأ ما بخاف من شي
بالمرة ولله الحمد .. جريئة لدرجة







مشكور ع الموضوع

سلاااااامي

نيالك ...

انا لسة بخاف من البرق ...

مع اني ما بخاف و الحمد لله من اي شي خلقو ربنا ...

لكن هاي عقدتي بالحياة ... مع اني كمان بحب الشتا كثير ....

تحياتي ...

[رأفت]

المشاركة الأصلية كتبت بواسطة ابو جروح الي ما بخاف ما بخوف .....
انا بصراحه كنت بخاف من الظلام بس اليوم الحمد لله لء ....

اكيد ...

هلا صار الظلام يخاف منك ...

هههههههههههه

تحياتي ...

[رأفت]

المشاركة الأصلية كتبت بواسطة حافيه القدمين هههههههههههه
جد مهضوم اخ رافت
قعدت ساعه وانا اضحك عليك
انا بخاف من الصراصير هاي الكبيره الحمرا والحراثين والعقارب
والبسس كمان يعع بموت الف موته ولا شوف بساس خاصه السود الله يعافينا
يسلمو عزيزي
تحياتي ومودتي

ههههههههههههههه

انا مهضوم ... خصوصا لما يرشو علي زنجبيل ...

ساعة كاملة من الضحك المتواصل ... و الله عادل امام ما طلع معي براس هيك ...

الصراصير الحمرا الكبيرة ... وباقي الالوان ؟

الحراثين و العقارب ؟؟؟؟!!!!! انتي وين عايشة ؟؟؟؟ بالربع الخالي ؟؟؟

البساس!!!! معناها لا تطلعي من البيت بالمرة ...

ههههههههه

تحياتي ...

[الخليل]

مرحبا ياجماعة زمان ما شفناكو
بس عجبني الموضوع وحبيت اشارك
انا يا جماعة الخير بخاف من المهرج من وانا صغيربحسه برمز لشيء غامض وبخوف وبحسه بقرب للحية اللي بموت منها خووووووووووووووووووووووووووف لدرجة اني بحلم فيها كل يوم

[~ | Mazaj]

مممممم ..

كنت وانا زغيرة اخاف من الفراغ يلي تحت السرير هههههه

يعني السرير مش بيكون الو اربع رجلين وبالوسط فراغ ما في شي

كنت لما اقوم من النوم بالليل عشان اعمل شغلة او شي

افـط فـط عنـو ,, هههههههههه

والله هلقيت كمان بخاف بس مش زي قبل

وبرضـو بخـاف من النــار والحـريق ,,

خصوصــا انو مرة وانا زغيرة كان البيت على وشك انو ينحرق

وكمان اخوي انحرق من الشاي عنجد الله لا يورجيه لحدا

واكيـد الكل بيخاف من المـوت بس مش و احنا زغـار ..

لما نكبــر وندرك الامور ونعرف شو في بالقبر بنصير نحسب مية حساب لكل حركة بنعملها

بخاف من ابوي كمان

ادا كان معصب ولا مش معصب

هههههههههههههههههه ..

لما ابوي يضحك بحكي لامي شو صاير ابوي قاعد بيضحك :p

اخوي الكبير كنت زمان اخاف منو بس هالوقت ابدا ..

شو كمان بخاف ؟؟!!

بعرف ما خليت شي ههههههههههههههه

بخـاف من الـزلام بشكل عـام ,,

يمّااااا لو حد قرب علي ولا احتك في هيك ولا هيك ..

بتنكد كتير :(

مدري ليش

؟

بكفي رعبــات بنرجع كمان مرة ادا اتزكرنا ^_^

.

.

[Abu Shadi]

انا بخاف من الثعابين والعقارب مع اني الحمد لله ما شفت اي عقرب

ورغم انو مسكاتهم سهلة جدا الا انهم اكثر الكائنات غدرا ههههههههههههههههه

تحيتي الك في حافية عنا في المنتدى

لبسوها لحسن تنجرح

[دمعة فلسطين]

مشكور خيو على الموضوع

انا بخاف من الفيران ازا كان في فار في البيت ما بنام في وبخاف من الحشرات بشكل عام الصراصير لما اشوف صرصور بنجلط بعرف انه راح يسببلي الاحراج في المكان اللي انا في متل اليوم وحدة بتحكيلي صرصور وراكي فانا نطيت و يعني بلا فضايح طلعت من الغرفة عطول بعد شوي بتحكيلي ولك صرصور مطاط فانا انجلطت
وبخاف من العقارب والحيايا يماااااا وبخاف من البعبع خخخخخخخخخخ خلص بكفي ازا تزكرت شي برجع

[الحان الحرية]

انا بخاف من العتمة و الجراحه يعني الطب بشكل عام مع انه امي دكتورة
و برضو من الكلاب
و انا صغيرة كنت اخاف من كل اشي و خصوصا الجن و الان بخاف من الجن بس مش كتير
يعطيك العافية على هالموضوع