شباب فلسطين

.. ريتّـــا .. · 08-03-2011, 01:01 PM

1: شو هدفك في الحيـآة ؟ شو طموحك ؟

هدفي في الحياة تحقيق ذاتي أكيد
كلّ منا يسعى لهالشي .. وأنا بحب أجري ورا مصلحتي دايماً
وبشوف مصلحتي بإني أتعلّم لآخر عمري .. لأنو العلم ما إلو عمر .. ومهما عرفنا رح نضلّ جاهلين بكتير أشياء

2: شو عملتك أو حكمتك في الحيـآة ؟
امممم كل يوم وكل موقف بعلّمنا أشياء ، وإن لأ فبيكسبنا التجربة
مش حابة أقتبسلك مقولات وحكم على إنها حكمتي بالحياة .. لإنو كل حكمة مقتصرة على شيء معين
أما الحياة مجموعة من الحكم .. اللي أكيد أنا ما وصلتلها لسّة أو ما تعلّمت الكتير منها والحياة قدّامنا إن شاالله بنتعلّم أكتر وأكتر بس بالراحة علينا .. لإني مبحبش طريقة الجلد في التعليم
ومبحبش أخسر إشي عشان أتعلم إشي تاني :(

3: شو هوآيتك ؟

امممم ما تضحك عليّ بس بالدرجة الأولى الرقص هههه
أتقن الــ belly dance
والرقص الغربي العشوائي
وحالياً بعلّم نفسي ذاتياً دروس في الصالصا عن طريق فيديوهات تعليم نتّية :)
بحب كمان أقرا ، لكن هالفترة مبتعدة شوي عن القراءة
بحب الطبخ لكن لا أمارسه كثيراً - دلع بنات -
وزي كل البنات بحب الموضة والميك أب .. إلى آخرة :)

4: مآ مكآنة الرجل عندك ؟

5: ميـن قدوتك بعد الرسـول - صلى الله عليه و سلم ؟

بكمّل باقي الأسئلة بس أرجع ،
برب

Yαś · 08-03-2011, 01:04 PM

امممم كل يوم وكل موقف بعلّمنا أشياء ، وإن لأ فبيكسبنا التجربة
مش حابة أقتبسلك مقولات وحكم على إنها حكمتي بالحياة .. لإنو كل حكمة مقتصرة على شيء معين
أما الحياة مجموعة من الحكم .. اللي أكيد أنا ما وصلتلها لسّة أو ما تعلّمت الكتير منها والحياة قدّامنا إن شاالله بنتعلّم أكتر وأكتر بس بالراحة علينا .. لإني مبحبش طريقة الجلد في التعليم
ومبحبش أخسر إشي عشان أتعلم إشي تاني :(

جميـل جداً =)
بانتظآرك ~

أبومجاهد · 08-03-2011, 01:06 PM

نورتي المحكمة ريتــآ

ممم ما في ببالي اسألة كتيرة

شو بتدرسي ؟

لو اجتك فرصة لتستقري بفلسطين بترجعي ؟

شو اكتر اكلة بتحبيها ؟

شو بلدك الاصلية ؟

و خلص ^^

اسد 22 · 08-03-2011, 01:55 PM

بدي اسأل

تحدثي لنا عن عادتاكم؟

ما هي الدول التي زرتيها؟

ما هي اكثر الوظائف المطلوبة عندكم؟

هدف تريدين ان تحققيه على المدى القصير؟

إن حققتيه ماذا ستشعرين؟

وإن حخقتيه ماذا ستشعرين من الناحية المادية والاجتماعية والروحية؟

إن لم تتحقيه ماذا ستشعرين من الناحية المادية والاجتماعية والروحية؟

.. ريتّـــا .. · 08-03-2011, 02:30 PM

4: مآ مكآنة الرجل عندك ؟
أبي وأخي وصديقي وحبيبي ونصفي الآخر :)
أكاد أجزم بأن ما من رجل عظيم قابلته أو قرأت عنه بحياتي ،
إلا وكانت وراءه امرأة عظيمة .. وفي الأغلب تكون هذه المرأة هي والدته :)
برأيي أن الرجل من يقود المرأة للحياة ، ولكن المرأة هي من تقوده للسعادة :)

5: ميـن قدوتك بعد الرسـول - صلى الله عليه و سلم ؟
كل الناس لي قدوة ،
الصالح قدوة لي في أن أكون مثله
والطالح قدورة لي في ألا أكون مثله

.. ريتّـــا .. · 08-03-2011, 02:41 PM

1: أفضل قسم بالمنتدى ؟
همس أقلامكم ، بس لو إنو أنشط شوي

2: لو حطوك مشرفة شو القسم الي بتفضليه ؟
إمممم بحب الأقسام العامة بشكل عام لإنو كل شي فيك تحطّو بهالقسم
وبكون فيه تنوّع كبير .. مش إشي واحد اللي ينحكى فيه
قصدي بالأقسام العامة " محطات عامة " بشباب فلسطين
اللي هوي مجموعة: الواحة العامة - جلسة نقاش - ملتقى الأحبة

3: اكلتك المفضله ؟
كتار .. بحب البيتزا ، المشاوي بشكل عام .. بس ما باكل من اللحمة إلا الجاج
يعني شاورما جاج .. بيتزا جاج .. شيش طاووك ..
بحب الملوخية والبتنجان كمان ، وبعشق التبّولة وسلطة البصل ، وسلطة البطاطا
حرام عليك ياسين كان أجّلت هالسؤال لبعد الإفطار ههههه

4: مكآنك المفضل ؟
غرفتي وبالتحديد سريري .. بقضّي كل الوقت عليه تقريباً طول وأنا في البيت

5: دولة تتمني زيارتها ؟
الهند

Maram .. ~ · 08-03-2011, 02:42 PM

يعطيكِ العآفية :)

* اكتر مكآن بتحبي تروحيله ؟

* بس تعصبي من شي شو بتعملي لتحى تهدي ؟

* بتآمني بصدآقآت النت ؟

* عندكْ فيس بوكـ ؟ و رأيك بالفيس سلبيـآت و إيجآبيـآت ؟

* برآيك الحساسيات بين الاعضآء شو سببهآ ؟ و كيف ممكن تتخفف ؟

* حسيتك مآ بتحبي تحكي عن حيـآتك الشخصية هآن ، في سبب معيّن ؟

:

برجـع ^^