♪..مــــــآيــــك المــنــتــدى مـــع ~ شـهيـــد غ ـزة ~..♪

[أســ{ــمــرآنــ}ــي]

(( فاصل ونواصل ))

بكتب اسمك يا حبيبي
عالحور العتيق
بتكتب اسمي ياحبيبي
عارمل الطريق
وبكرة بتشتي الدني
عالقصص المجرحة
بيبقى اسمك ياحبيبي
واسمي بينمحى

بحكي عنك ياحبيبي
لآهالي الحي
بتحكي عني ياحبيبي
لنبعة المي
ولما بيدور السهر
تحت قناديل المسا
بيحكو عنك ياحبيبي
وأنابنتسى

وهديتني وردة
فرجيتا لصحابي
خبيتا بكتابي
زرعتا عالمخدة
هديتك مزهرية
لاكنت داريها
ولاتعتني فيها
تاضاغت الهدية
وبتقلي بتحبني
مابتعرف قديش
مازالك بتحبني
ليش دخلك ليش

[أســ{ــمــرآنــ}ــي]

السلام عليكم .


اليوم بدي احكيلكم شوي عن طبيعة حياتي ,,
بطفولتي كنت عايش ببيت جدي , بيت كبير ، ع الطراز القديم ،
كان يعيش فيه جدي وجدتي وولادهم الخمسة ( 4 ولاد , بنت ).
طبعا كل واحد من ولادهم متجوز وعنده عيلته ، بس كلنا عايشين بنفس البيت ,
صح عددنا كبير , بس كانت الحياة حلوه ,
المهم لما كان عمري شي سنه وشوي جدتي أخدتني من عند امي وأبوي
وصرت انام عندها ( بنفس البيت , بس مكان النوم بيختلف ) ، ليش عملت هيك!! ، لأنها بتحبني (( طبعا مهو أنا أول طفل بيجي للعيله )),
وكمان عشان أمي تهتم أكتر بأخوي التاني اللي أجى بعدي ع طوول ،
وضليت انام عندها لأنتقلنا لبيتنا الجديد , كان عمري وقتها 11 سنة ..

درست المرحله الأساسية والمتوسطة بمدرسة قريبة من بيتنا , درست فيها من الصف الأول حتى الصف التاني متوسط ( الصف الثامن ),,
كنت أطلع كل سنة الأول على صفي ،، (( كنت شاطر بالمدرسه كتير )) , وإزا بدكم بفرجيكم الشهادات
إلا بالصف التامن ما كنت من الأوائل , بهداك الصف كتير كنت مهمل ، ومو فارقه معي ,,

هلأ كان المتعارف عليه عنا بالمدرسه , إنو الطلاب الشاطرين والأوائل بدراستهم والمؤدبين بكونوا قاعدين بالكراسي الأماميه ,, والمقاعد الخلفيه من الصف بتكون للطلاب الفاشلين ، والصيع , والزعراان طبعا حضرتي ما كنت أجلس مع الشاطرين , كنت أحب اجلس بآخر المقاعد , مع الفاشلين ههههههه
كنت أحس اللي بالمقاعد الاماميه , معقدين ، وما بحكوا الا بالدراسه طول الوقت ، لهيك
كنت افضل اقعد بالخلف ، واصيع مع اللي بصيعوا , وأكون مشاااغب ،،

كانو دائما الأساتذه يحكولي تعال أقعد هوون مع الشاطرين ، ويستغربو مني كيف انا الأول ع الصف قااعد بالآخر مع الفاشلين ،،
حتى بتذكر بيوم من الاياام ، عملنا مشكله بالصف انا وشلتي وضربنا ولدين ، ولما أشتكو علينا لمدير المدرسة، وطلبنا لنروح عنده اتفاجئ لما شافني , ترك كل الشله وبلش يبهدل فيي أنا
قال كيف اعمل طوشه وانا شاطر ومؤدب ههههههه .

طبعا أبوي كان دائما يبهدلني على زناختي بالصف , وبيوم من الايام بهدلني بهدله جامده جدا جدا ،
بتعرفو ليش ؟؟ أنا بحكيلكم .. بهداك اليوم روحت من المدرسة وحامل معي " تنبيه + إنذار أولي " عشااان مشكله عملتها بالصف ,, عااادي وأنا يهمني

كنت أمضي يومي بعد المدرسة ، بالحاره مع بقيه الاولاد، نلعب كورة ، أو عاملين مشااكل مع ولاد الحارات التانيه ,
بجد كااانت ايام حلوه كتير ،، رااحت كلها وما ضل منها الا ذكريااات .

[أســ{ــمــرآنــ}ــي]

بالمرحله الثانوية أنتقلت على مدرسه تانيه ،
بعيده عن بيتنا ,, وكمان أنتقلنا وانا عمري 11 سنة لبيتنا الجديد ،
وكانت مسافه كبيره بين المدرسه والبيت،
لهيك ولا مره وصلت المدرسه الصبح بالوقت المحدد ،،

بالمدرسه الجديده كان الوضع غير , الطلاب كباار أحسهم بمقاام جدي خخخخ
وكمان المعلمين كتير شديدين ، ودايما معصبين ،، بصراحة كان نفسي أبكي بأول يوم
دخلت فيه هاد المدرسه ههههههه.

الصف التاسع أستعدت مكاني ورجعدت بالمركز الأول بالصف ، وعقلت شوي ،
أما بالصف العاااشر فشويه العقل الي كانو معي طاارو كلهم ,, ضليت شاااطر بس رجعت زنخ ومشااغب،
واللي ساعدني إنو الصف كله كااان مشااغب , لدرجة إنه مدير المدرسة نقل صفنا من الطاابق التاني ,
وحط غرفتنا بجنب غرفته ، عشان يقدر يسيطر علينا ,,

بجد كان هذه السنة أجمل سنين دراستي بالمدارس ، كانو كل الي بالصف رووعه وناااايس
وكلنا يد واحدة , يعني المدير ما يعرف يوخد منا لا حق ولا باطل ,
وكانت كلمتنا وقرارنا واحد ما بيتغير ,

بهااد الصف كنت كل يوم إثنين أزور المدير , أنا ومجموعة من الطلاب ، لأنو ما كنا معنا أدوات الرسم ،
ما كنا نحب الرسم ولا نحب مدرسها , لهيك ما كنا نجيب ادوات الرسم عشان المدرس
يحكيلنا اطلعو من الحصه وروحو ع المدير , فهيك كنا نمضي هاي الحصه برا بالسااحه ههههه
ومره منهم , طلعنا ع المدير كالعاده ، كنا متوقعين انه نفس الحكي بدنا نسمعه، بس هالمره كانت غير
طلع المدير محضر حاله مزبوط , مشتري ادوات الرسم على عددنا , فلما وصلنا عنده طلعهم من مكتبه
وحكالنا يلا ارجعو ع الصف يا حلوين بصراحة صدمنا بتصرفه وضااعت علينا القعده بالشمس



درست توجيهي علمي ، وعقلت بهذه الفتره , وانتبهت على دروسي
وحصلت على معدل 90 بالثانويه العاامة ,,

[أســ{ــمــرآنــ}ــي]

الذين يشاهدون محتوى الموضوع الآن :
‏ ‏حورية فلسطين


عاامل نسكافيه ، توخدي فنجااان !!

منورة يما

[أســ{ــمــرآنــ}ــي]

إتفضلو أشربوا نسكافيه ، لساتها سخنة , هلأ اللي طلعتها من التلاجة .

خليني أكمل حكي , بلاش يضيعوا الكلمات من راسي،

بعد نجااحي بالتوجيهي , وبعد ما خلصت الحفلات والكناافه والمشاوي وما بعرف شو ,,
كاان النقااش محتدم بالبيت وين بدي أدرس ، وكل انسان يطرح رأيه ،
الموهم حكيت لأبوي بدي أساافر أدرس برا ،؟ كنت افكر ادرس الطب بألمانيا ،
هلأ بجد هديك الفتره كنت كتير ملخبط , ومش عااارف شو القراار الصح،
إنو أدرس برا فلسطين , ولا أدرس داخلها ،، ضليت بهاد الحاال ليوم أبوي حكالي
إسمع يا إبني , أطلع ع الأردن فتره أسبوع إتنين بتغر جو ,. وبعدها بتقرر وين تدرس ,
والله أنا ما كزبت خبر ,, بعد يومين حملت شنطة السفر ,, وطلعت للجسر عشان اروح ع الاردن ،
وهووون كانت المصيبة , ع الجسر الإسرائيلي ما سمحولي أغادر الضفة ، حاولت مرة وتنتين وتلات
عشان اسافر وكل مرة نفس النتيجة .
للأسف ما أتحقق حلمي بالدراسة برا فلسطين, لهيك أخترت جامعة بيرزيت ودرست فيها برمجة كمبيوتر،

الجامعة بتقع بالقرب من مدينة رام الله (( إسئلو اياد أكيد بيعرفها )), بس بالفتره الي سجلت فيها بالجامعة كان المشوار بين جنين ورام الله يقعد 5- 12 ساعة ، بسبب حواجز الاحتلال وتسكيرهم للطرق ,,

واجهت بالبدايه صعوبه كبيره بالتعود على جو الجامعة , والسكن بعيد عن أهلي،
خاصة إني كنت مدلل بالبيت، وما كنت أعتمد على حالي بشيء ، إزا كاسة شاي ما كنت أعرف أعملها ،

بأول شهر اللي بالجامعه كنت أتصل على أبوي وأصير أبكي وأحكيله بدي ماما هههههههه
لا بجد كانت لحظات صعبة جدا ، لقيت حالي بمفردي ، ولازم أعمل كل شيء بإيدي...
أصعب شيء بالبداية ما كنت أعرف شو بدي أطبخ ، أولا لاني ما بتقبل أي أكل ، تانيا ما بعرف أعمل شيء من الاكل ابدا ابدا , وأكل المطاعم ما كان يعجبني هئ هئ هئ كنت أنام بالجوع

لا كله يهووون قداام الغسيل , أول مرة بوقف فيها قداام الغسالة ، حطيت ملابسي فيها كلهم مع بعض
الأبيض والملون ,, وحطيت الماااي ومسحوق الغسل ،، وحكيتلها سيري على بركه الله ,,
والله لا يفرجيكم شو صااار . طلعو ملابسي بشكل تااني ، الأبيض عله بقع ألواان ، والي كان لونه أسود صار أبيض ,, شو بدي أحكي لأحكي ،، شيء عجيب وغريب اللي صار فيهم

ولما جليت أول مرة ,, كسرت صحون وكاسات ، كانو يضلو يسقطوا من إيدي ، ما بعرف ليش !! معقول لأني أهبل ؟

بس وين ؟ مع الأيام صرت أحسن من الشيف رمزي بالطبيخ ، وأحسن من نانسي عجرم بالغسيل ،
وبالشطف والجلي والمسح وما بعرف شو ، ست بيت أصيله ، صار شغلي مية مية

[أســ{ــمــرآنــ}ــي]

الفترة اللي قضيتها بالجامعة ,, كااانت نااايس كتير ومن أجمل أيام حياتي،

جو الجامعة والسكن والحياة بعيد عن الأهل إلها طااابع خااص ,

أثرت فيي هذه الفترة كتير ، وصقلت شخصيتي ، ووضحت معالمها بشكل أكبر ,

أتعلمت فيها الإعتماد على نفسي بكل شيء وبشكل أكبر , وكنت مسؤول عن كل قراراتي
بعيد عن تدخل العيله ،

عرفت فيها نااس كتيره , عرفت المنيح والسيء , الطيب والخبيث, الناجح والفاشل،
أحتكيت مع معظم شرائخ المجتمع ,, وعرفت كيف الناس بتفكر ,

كل هاد الشيء ساعدني أكتر لأفهم الحياة صح , وأتعلم من أخطائي وتجاربي ,

عملت أشيااء كتيره , غلطت ببعضها ونجحت ببعضها ,,

أكتشفت قديش هي الحياة صعبه ، وقديش الإنسان بتعب ليحقق أحلامه ,

بمجمل أيام الجامعة كانت حياتي مختلفه عن حياتي عند أهلي,
أحلى شيء هو تعرفي على ناااس من كل فلسطين ، من رام الله و الخليل وحتى غزة ,,
أتعرفنا على شباااب أروع من هيك ما في ، وبصدق هلأ انا مشتقلهم كتير كتير كتير

[أســ{ــمــرآنــ}ــي]

الذين يشاهدون محتوى الموضوع الآن :
‏ ‏فتاة الحب, ‏إسراء الفلسطينية


هلا والله ببنت بلدي ,, منوره

وكمان هلا بمشرفتنا العامه اسراااء

منورين الموضوع

[أســ{ــمــرآنــ}ــي]

انا سبتك وانت مني
ندمانه للنهارده
لو حتى غصب عني
ما كنش لازم ارضى
انا بتطمن عليك
وانا من بعيد لبعيد
بخاف لو رحت ليك
الاقيك حبيت جديد
مش من حقي العتاب
مانا سبتك للعذاب
لكن ربي اللي عالم
اخلاصي و حبي ليك
انا حبعد عنك وانا وياك قلبي
هتحمل تعبي
بعدك الله يعيني
لو صدفة قبلتك صبرني ياربي
لا يبان لك حبي
وانت قريب مني

حاولت انا اداري حبك
و اضحك على روحي و انسى
صورتك ما غابتش عني
شايلاك في قلبي لسه
الليل عليا طال
وانا بسأل نفسي ليه
بخبي حنيني ليك
ولا بقدر يوم عليه
يمكن جنيت عليك
بس انت الله يجازيك
خليتني عايشة عمري
على شان بعيشة ليك


آآآآآآآخ كل ما أسمع هالأغنية
بتقطع وبتمزع وبصير نفسي أبكي ،

لو صدفة قبلتك صبرني ياربي
صبرني يا ربي

تعبت وقرفت من هيك وضع ،
الله يهونها علينا

سوري كاان فاصل نكد وبتاااابع بعد الاعلان

[أســ{ــمــرآنــ}ــي]

السلام عليكم .,

ممممم

شو رأيكم أحكيلكم شوي عن بلدي ،، يلا فرصة تتعرفو عليها ,
يمكن تحبوها وتيجوا تزوروها

قباطية تقع على بعد 10 كيلومتر جنوب مدينة جنين ,
أكتر شيء بتشتهر بــ صناعة حجر البناء ،
فيها مناطق كبيره مزروعه بشجر الزيتون ،
هي بلد زراعي وفيها إكتفاء ذاتي من جهة المحاصيل الزرااعية ,,

عدد سكانها بصل تقريبا 25 ألف نسمة ،
أهلها طيبين , وبحترموا الضيف وكريمين ,, بس عندهم مشكلة مشتركة,
روسهم قاسية وأقسى من الحجارة نفسها ،، ومممم بصراحة اهل البلد بحبوا المشاكل هههههه

مممم في منطقة بالبلد إسمها " الحارة القديمة " , لانو كل بيوت هذه المنطقة قديمه جدا ,
وعلى الطراز القديم ، وبيوتها متلاصقة ببعض ،

البلد متلها متل غيرها من قرى ومدن فلسطين شاركت بالإنتفاضة الاولى والتانية ,
أتميزت بقوة مقاومتها خاصة بالإنتفاضة الأولى وأشتهرت بصمودها ضد الإحتلال ,

فرضت اسرائيل على البلد ما يسمى " منع التجول " (( يعني ممنوع الناس تخرج من بيوتها )) , لمدة 40
يوم متواصل ,, كان يرفع هذا الحظر لمدة ساعة كل 3-4 أيام ,

بالإنتفاضة الأولى أهل البلد قاموا بأول عملية إعدام لعميل ( متعاون مع الجيش الاسرائيلي ) ,
أعدموه بشكل علني على عمود إنارة بالشارع الرئيسي للبلد ،

وكمان من قباطية خرجت أول عملية استشهادية , نفذها أحد ابناء البلد بمدينة تل ابيب , رد على مجزرة الحرم الابراهيمي ,,

[أســ{ــمــرآنــ}ــي]

مسائكم خير ،،


الليله بدي أحكيلكم عن مواقف مرت علي ولحظاات يمكن ما أنساها ابدا ,
لحظات فيها حزن ولحظات فرح ،
إلا انها حــ ضل عالقة بذاكرتي , ومن الصعب أنساها ,,

لعمي الصغير بنت هلأ هي بالصف الأول ، من يوم ما أجت على الدنيا وانا أمووت عليها ،
طفلة بجد إنها رووعة , إسمها " ساجدة " أتعلقت فيها بشكل كبير , وما في يوم بمر الا احكي معها او اروح اشوفها ,
المهم قبل شي 4 سنين , بأول أيام عيد الفطر أخدت سيارة عمي الصغير ,
وأخدت ساجدة معي ,, كنت بدي أروح أشوف واحد من اصحابي بمدينة جنين ,
رحت عنده ,, وقعدت معااه أكتر من ساعتين ., أكلنا بوظه وطشينا بالسياره ,
وإنبسطنا كتير ،، طبعا كل هاد وسااجدة كانت لسه معي ،،
وقبل ما أرجع لبلدي , وقفت عند محل ألعاب وأشتريت ألعاب للست ساجدة ،،
(( بصراحة كانت الألعاب الي والها ,, بس لا تحكو لحد ))

المهم ,, وأنا مروح ، ع الطريق ،، بمدخل بلدنا , عملت حاادث بالسيارة ,,
ضربت بسيارة تانية ,, شفيرها كان سكراان ومااشي بسرعة جنونيه ,,
دخل المفترق بدون ما ينتبه ازا في سيارات أو لا ,, وضربت سيارته بسيارتي ،،
المشكله إنو كل الضربة كلها كانت من جهة ساجدة ,, كات قاعدة على الكرسي اللي جنبي ,
ومو حااطط عليها حزام الأمان ،
أنا لما شفته بده يضربنا ,, حاولت أمسك سااجدة ، بس ما لحقت ،، صاار الحادث بأقل من تانيه ,,

لما ضربو السيارات ببعض , ومن قوة الضربة ، أرتطم راسي بشيء من السيارة وفقدت الوعي ،
وساجدة هي كمان طارت من الكرسي ,,
صحيت بعد الحاادث كنت بالمستشفى ,, عندي جرح براسي ,, ورضوض بصدري وظهري ،
أما سااجدة فكاانت معظم الضربه براسها ,, كانت حالتها حرجة ,
أول ما صحيت على حاالي منيح كانت اول كلمة بحكيها وين ساجدة ؟
حاولو ما يحكولي شو وضعها , إلا اني أصريت عليهم ، ولما حكولي ،
كان عندي عقل وطااار ، بطلت أرضى أحكي مع حد , ونفسيتي تعبت كتير ،
وضليت معها بالمستشفى اكتر من اسبوع ,, وكل هاي المدة ما نطقت ولا كلمه ،
بس الحمد لله ,, البنت أتعافت وهلأ متل الحصاان ،، الله يحميها ,,


صدقوني ما بقدر أوصف مشاعري بهديك اللحظاات ,, حسيت بخووف كبير على البنت ,
ولو صاار الها شيء , يمكن موتت حالي بعدها ,
لكن الله أختاار الأحسن , وعدت هديك الحادثة على خير ,,