{بـاب الـحـارة} أم { بـاب الـريـان}

[اسد 22]

مشكورة امل على النصيحة وانا ما بحب ادخل إذا بدي أجرح حدا وخاصة مديرة المنتدى والله كلكم على عيني وراسي وبعتبركم اخوتي ومنكم الاكبر بس ما بهونلي حد يدافع عن مسلسل باب الحارة برأي

الله يا يستر يارب ماتزعلوا خدوني على عقلاتي بعتبروا بدافع عن الممسلين ؟

[أمل]

المشاركة الأصلية كتبت بواسطة اسد 22 مشكورة امل على النصيحة وانا ما بحب ادخل إذا بدي أجرح حدا وخاصة مديرة المنتدى والله كلكم على عيني وراسي وبعتبركم اخوتي ومنكم الاكبر بس ما بهونلي حد يدافع عن مسلسل باب الحارة برأي

الله يا يستر يارب ماتزعلوا خدوني على عقلاتي بعتبروا بدافع عن الممسلين ؟

و الله يا اخي تواجدك على عيني و راسي و شرف النا انك متواجد

وربنا يبارك فيك وفي غيرتك ع دينك و هيك بدنا من شباب الامة

و أصلا مين انا لحتى أمنعك تشارك

بس و الله بحس بالقهر لما بشوف مواضيعنا كلها مصيرها الاغلاق مشان هيك حبيت أتدخل قبل ما يصير شي و الله الكلام مو موجه الك بالدات بس كل الي بدو يخرج الموضوع عن نطاقو

وتقبل اخي اعتداري ان كان كلامي ترك في نفسك شي

بجد لآسف

بس بتمنى أنكم تفهمو وجهة نظري أكثر من أنو انتقاد

[اسد 22]

حاضر اختي احترامي راح اقرأ الموضوع بتمعن

[اسد 22]

اللهم أجعلنا من الذين يزدون رصيدهم في هذا الشهر لندخل باب الريان شكراً لكٍ اختي امل لا ننحرم

من جديدك ما الي غير الدعاء

[أمل]

المشاركة الأصلية كتبت بواسطة .:.!دموع الرحيل!.:. لا يآ أمل ..

ما في حدآ مش محتآج .. ليرفه عن نفسه ..

يعني 45 دقيقة هي الي رح تلهيه عن الأعمال الكبيرة الي الأمة محتاجته فيها ؟!

يمكن هالشي بيختلف بين ميول إنسـان وإنسـان !

بس لمآ هالإنسـان .. حتى لو مش محتآج لتنظيف فكر ..

بس هو بالتأكيد بحآجة لترفيه ..

يمكن انتي ترفهي عن نفسك بقعدة عالنت ..

يمكن غيرك يرفه عن نفسو بمتآبعة مسلسل اقل من ساعه باليوم

راقي ومحترم ! وين المشكله ..؟!

ما منقدر لأنه نحن ما عنآ ميول لهالشي نحكي غيرنا مش محتآج اله ..

طآلما هو مش شي غلط ولا محرم ! ..

يعني بعرف كتير نآس لأنهم ما عندهم هوآية بالنت .. ! بحكوآ ما بقعدوآ لأنه مضيعة للوقت

بينمآ همي برفهوآ عن حالهم بأمور أخرى

هآي صآرت إشيا بترجع لكل وآحد هو وميوله !

مش حلال على غيرنا .. حرام علينا !

طالمآ ما أسرفنا بهالشي يا أمل

طيب يا ننوش أنا ما قصدي انو الانسان راح يضل دايما يعمل ويعطي اكيد فيه اشي اسمو ترويح عن النفس بس ما تنسي يا نانا اني حصرت الموضوع في نطاق هالشهر المبارك الي الكل بينتظرو لحتى يقدر يقدم فيه شي ..

أنا بتفق معك انو كل واحد عندو ميول في طريقة الترفيه عن نفسو..وكمان كل واحد شو بيعتبرو مباح الو او غير مباح..

يعني أناما حكيت اني بما إني ما بحضر اي نوعية من المسلسلات كيف ما كان توجهها بهالشي اعطيت نفسي صفة اني أحسن من غيري ..جزما لا..طيب أنا كمان ممكن أقعد ع النت بدون ما أسوي شي..
بس هدفي يا نانا اني أغير من نفسي و بنفس الوقت الي معي

و لما ناقشنا برنامج خواطر وقلنا انو "كل الناس تعمل 8 ساعات الا نحن نعمل 9 ساعات 8ساعات لنا وساعة لليابان ""

وقلنا بدنا نفيد من خبرتهم في النهضة يعني هاي الساعة الي نحنا بنشتغلها لليابان أو غير اليابان بدنا ياها تكون في صالحنا نحنا..

يعني هما كل دقيقة بيستغلوها في اشي نافع فمابالك بال 45 دقيقة..

و بكرر انا ما حاطة نفسي بأني كل اشي عندي منظم ومنيح بس بدي وزي ما ناقشنا قبل بموضوع خواطر انا نفيدمن أخطائنا قبل غيرنا لحتى نقدر نحقق شي..

[أمل]

من كثر ما فاتحة عيوني بالموضوع حاسة حالي انو راح يفتحو خيوط العملية
و يا نانا راح أبعث لك لحتى تيجي تشرفي علي لحتى تنتهي المدة ههههههههه

و إلى جانب مديرة راح تصيري مشرفة صحية كمان

[.:.!دموع الرحيل!.:.]

فإذا يا اسامة بمنظآرك .. فلم الرساله الي كـان سبب إسلام الكثير من

الناس كمـان = محرم !

بعدين حكيت عن هالنقطه .. انه همي الممثلين بيظهرو وبيظهرو ..

والناس هيك هيك بتشوفهم ..

خليهم يشوفوهم بالشي الأفضل ! ..

,,

نسيم الشـام ..

والله يا عمري كلامك مش دقيق ..

انا لمآ انزل ع سوريآ .. بين كل مية بنت ! لألاقي بنت مش محجبة !

وحكتلك .. سوريا المدينة صار فيها انفتاح أكتر من قبل هالحكي صحيح

لكن لسه في محافظة عالقيم .. !

في لهلأ بعض الأمآكن بسوريا عايشين نفس عيشة باب الحارة !

حتى انه البنت قدام اخواتها الشباب

بتحط النص حجاب !

كلامك عن سوريآ مش بمكآنه يا نسيم ..انا بروح لهونيك

وغير هيك .. عندي كتير معآرف من سوريا .. ومتعايشة معهم ! ..

بالنسبه للحكومة .. فالأردن كمان من شو بتشكي حكومتها :s ..

مهمي بالاردن مرقت عليهم فترات .. لمآ الشاب يصير يروح عالمسجد كتير

يحطوه براسهم ! ..

اما بسوريا فهمي معروفة أنها أرض الأولياء .. وأرض العلمآء والأبدال كمان !

ومعروف انه مجتمع محآفظ ..

بس الي بيقصد اماكن الفساد .. طبعا ما رح يلقى إلا الفساد ! والعكس صحيح ..

المهم ..

يا اختي يا حبيبتي ..

عشـان الإستاذ معتز ولا غيره ..

مهي الناس بتحضر وبتحضر ... وهو هيك هيك بمثل ..

اي ياخد دور منيح ينفع الأمه ونشجعه عليه !

بعدين ع سيرة العريفي .. سواء مثل ولا ما مثل ..

انا كفتآة ,, من ناحية اني أفتن فيه ..

لو نظرت النظرة الي بتحكي عنها ..

نظري إله حيصير حرام ولا لاء ؟

ما بدنآ نكيل بمكيآلين !

..

وبالنسبه لأنه تحضريه على مر اربع سنين شي يتغير فيكي ..

يا حبيبتي مهو حكينا .. الشغله لا بيوم ولا بليله ولا سنة ولا سنتين

ولا عشره !

الشغله شغلة امور بتنزرع بالنفس زرع !

متل ما هو إعلامنا كلو فآسد صآرت الأمة فآسدة

ولو كـــل إعلامنآ هآدف لاتغير حآل الأمة !

بس 2 % إعلام حسن .. مقابل 98 % إعلام ساقط

من وين بدو يصير التغيير ؟

بس مش بسبب هالـ 98 % نظلم الـ 2 %

ونحكي عنه مضيعه للوقت ونحآربه ..

بس لأنه أخدنا فكرة عن الإعلام انه ساقط بسبب الإعلام الطاغي ! ..

.......

بالنسبة لسؤال أبو العبد الي مفكره انك احرجتيني فيه :P

إي عآدي .. بتوقع يكون بيحضرو !

ووين المشكله يعني ؟

ليش مش بشر هو ؟ وطآلمآ المسلسل ما في أي شي

وين الغلط بأنه يحضره .. بس أبو العبد الله يعينه .. هموم الدنيآ فوق راسه

بس لو صارله وقت وحضره وين المشكله !


...


أمول يا عمري كلامك صحيح ..

بس في نقطه ..

لازم الكل يستوعبهآ وهي الي انا مصرة كمل النقآش عشآنها

أنه الإعلام سلاح إلنا المفروض يكون ..

لمآ نحن نتركو ونخفف من شأنه رح يضل مسيطر عالساحه فيه الأعداء

وهالشي مش من صالحنآ ولا من صالح أمتنآ ..

يا امل انا لمآ شآهد هيك عمل .. بالنسبة للوقت الي نحن فيه يعتبر

عمل إعلامي مميز ..

لمآ شاهده .. أو إني عالأقل ما أحاربه ولو كـان عندي إنتقادات تكون مجرد

إنتقادات متل ما سااووا المشايخ الي كرمو المسلسل وانتقدوآ بعض

الأمور بالعمل .. بكون عمسآعد على رقي إعلامنآ ..

ومسآندته ..

مش أول ما بدآ الإعلام يتنفس نحو الأفضل نجي نكتم ع نفسه !

فـ وين مضيعة الوقت بهالقصة ؟!

لمـآ يكون هدفي هيك ..

هآي الساعه الزيآده بكون رصيد زآيد إيجآبيا بعدد سآعآتي مش العكس !

رجاء ً .. يا جمآعة بترجآكم

خصوصآ انتو الملتزمين ..

مش كل شي نوقف بوجهه بسبب غيرتنآ ع ديننآ بدون النظر للأمور التانيه

طيب خلي الناس تترك باب الحآره وتروح تحضر

نور مهند !

ولا اي شي تآني بزيد ثقافتهم فسآد ..

هيدا الي عمنحكي فيه مش أكتر ..

خلي الناس الي بعيده بس تستهلك ..

وخلينا نحن ننظر لهيك أعمآل على إنهآ خطوة جيدة نحو الأفضل !

على أمل انه إعلامنآ يرتقي شوي شوي ..

بس إذا ضلينا كل مآ بدو يبدآ يتحسن نوقف هيك بوجهه

ونقآطعه .. كيف بدو يتحسن !

بكرر ما في شي بصير بيوم وليله .. !

,,,

انا بصراحه انعل ّ قلبي ..

كلامي عمكرره .. لأني عمدور حولين نقطه معينه

الي رأيه غير رأيي مصر ما يفهمني فيها

المسأله مش مسألة باب الحاره ..

المسأله أنه خلوآ الإعلام الحسن .. يآخد طريقه

وبالمستقبل بصير جيد .. وبعدين جيدجدآ

وبمسآعدتكم إنتوآ وشغلكم ..

هآي أدوات الأعداء بستعملوها ضدنآ

خلينا نعرف كيف نستعملهآ لصآلحنا .. مع الوقت !

بعتذر عالإطآلة ..

الله يبآرك فيكم جميعآ

[.:.!دموع الرحيل!.:.]

ههههههههههههههههههه

ولك أمول روحي ارتآحي !

[نور الهدى]

شايفة حصن دفاع متين عن باب الحارة هههههه

//

انا حيادية مليش رأي خخخ

[أمل]

هع قال ارتاحي قال هو انتي خليتيني أرتاح :p

إجمالا يا نانا أنا كررت قبل هيك أكثر من مرة إنو بأييدك في كثير نقاط..بس ممكن طريقة العمل هي الي بتختلف..

رجاء ً .. يا جمآعة بترجآكم

خصوصآ انتو الملتزمين ..

بكررها للمرة الالف وبحكي عن حالي مش بلسان الكل ..كوني ما اتفق علي نقاط بالموضوع مش معناه انو اعطيت نفسي صلاحية إني احسن من غيري..

كام من واحد بيحضر كثير اشيا ممكن نعتبرها خارجة عن تعاليم دينا بس عند ربنا أحسن بكثير من واحد كل عملو ان يعمل خطب رنانة...

يعني هدفي من الموضوع زي ما ذكرت و الله تعبت من كثر ما كررتها مش محاربة هالمسلسل بعينو و إنما مشان نقدر نوصل من خلالو لحلول جذرية..بعيد عن التعصب للرأي..

و الحمد لله ماشاء الله أنا عن نفسي استفدت كثير من النقاش..

ختاما بدي بس أفسر شغلة رغم اني دكرتها بس كثير ما انتبهو عليها:

{بـاب الـحـارة} أم { بـاب الـريـان}

سب اختياري للعنوان مش حكم صدرتو ع الناس الي بتحضر المسلسل و انهم هيك راح يحرمو من أحد ابواب الجنة هذا علمه عند ربي ..و أيضا ليست لي الصفة التي أقدر من خلالها اصدار مثل هذا الحكم

بس من منطلق :

أنو كانت عندنا بروفسور لأحد المواد الاعلانية الي بندرسها بتقول:

pour attirer l'attention de quelqu'un , il faut attirer l'oeil avant tout

يعني لو بدك تثير انتباه حدا لازم تتثير انتباه العين قبل أي شي

مشان هيك إخترت العنوان لحتى يكون بالمواضيع أكبر عدد من الاعضاء و تكون آراء مختلفة لحتى نقدر نطلع بشي..

بتمنى الي ما فهمو قصدي من اختيار العنوان يكونو هلأ فهمو

و سامحونا لو الموضوع ترك شي بفس حدا

و السلام عليكم و رحمة الله

و كل عام و انتم الى الله أقرب