♪..مــــــآيــــك المــنــتــدى مـــع ~ شـهيـــد غ ـزة ~..♪

[sonbok]

الله يبارك فيكم يا اهلي بفلسطين

[sonbok]

وردة الاقصى و حورية الاقصى شكرا لكم على المواضيع الحلوة

[فلسطينيه والراس مرفوع]

مين بدو ييجي ع الضفـــة؟؟

دنــــد/ن

بتنوري يا بطــــ/ ة :)

[blue-girl]

كح

كح

كح

كح


الووووو


هوا انتو عايشين لسه

كح

كح

كح

كح


ههههههههههههههه

دودو بطه

التصريح معلقه عند اليهود

الله يعين

ادعولنا

لانو جد ستي تعباااانه

=(

[.!. وردة الأقصى .!.]

بلوتـــي عــن جــد الفتــرة اللـــي مسكتــي فيهــا المــايكـ

كــانت حلــوة كتيـــر وانبسطنــا كتيـــر معــكـ حبيبتـــي

يعطيكـــي ألـــف عافيـــة يـــارب

................................... ............



اليــــوم ضيفنـــــا يمتـــــاز بقلمــــه الراقــــي ..

إنسان لا يــملــك ســوى خــط قلــمه ليعبـــر عــن ما يخالجـــه من مشاعر

عندمـا يــكتــب فهـــو يــجذب الكثــير لكتاباتـــه ،، وعندما يعبــر يــرق قلب الجميع لمـا عبـر عنـه ،، وعندما يــقول يسمعــه الجميــع

ليــس لــدي الكثيــر لأقولــه ،،

ولكـــــن

سأسلمــه المايكـ ليـقــول هــو مالديـــه ..


فأهلآ وسهلآ بضيـــف المايــكـ



asmrani







المــايكـ بيــدكـ ميــــن قــدكـ ,,


تفضـــل ..

[أســ{ــمــرآنــ}ــي]

تــس .. تــس .. تــس ..
واحد .. إتنين .. تلات ..

إلى قاعدين ورا , ع الكراسي الأخيرة , سامعين الصوت منيح !!؟

أوك تمااام ,,

" وسمعني أحلى صدى صوت "



{ مالكم متفاجئين , لا يكون بتحكوا عني أهبل !! لا ياعمي ,., قاعد بجرب بالمايك شغال ولا لأ :36_1_12[1 }

بنرحب فيكم الليلة ,, وبتمنالك سهرة حلوة معنا , يلا فرجونا همتكم بالدبكة

مرحبتين .. ومرحبتين
وينهم هالدبيكة وين !!

مرحبتين .. ومرحبتين
وينهم هالدبيكة وين !!

وين محمود ! وين معروف !
وين إلياس ! وين حسين !


وردة الأقصى ,, ثانكس على المقدمة النايس .. بتمنى أكون خفيف الظل عليكم , وتستمتعوا بمسكتي للمايك .

[أســ{ــمــرآنــ}ــي]

أول شيء حابب أحكيلكم عن حالي ، أعرفكم بشخصيتي وشو بحب وشو بكره ،،

إسمي هو مجاهد ,
من مواليد جنين / فلسطين ,,
جيت على هــ الدنيا يوم السبت 11 / 5 / 1985 الساعة 9 بالليل ،، (( شفتو قديش أنا ذكي لسه بتذكر منيح اللحظه اللي أنولدت فيها )) ،،

أنا رقم واحد بعائلتي ,, يعني أنا الكبير المدلل

عايش ببلد إسمها قباطية (( بحكيلكم عنها بعدين )).
دراستي هي برمجة كمبيوتر (( تخصص رئيسي )) + إدارة أعمال (( تخصص فرعي )). درست بجامعة بيرزيت / فلسطين.

هواياتي مو كتيرة ,, بحب الرياضه بشكل عام ، بمارس منها كرة القدم وتنس الطاولة ، بهتم بالقراءه أحيانا .. شعر ، خواطر ، روايات . الإنترنت ,, وبس

بسمع أغاني عربية وأجنبية , قديمة وجديدة ، ما بتفرق معي مين اللي عم يغني , أهم شيء تكون الإغنية حلوة .. مممم بعشق عمرو دياب + نجوى كرم .. وبعتبرهم التوب ،،

برضو بحضر أفلام أجنبية وخاصة للممثلين اللي بحبهم متل jessica alba + Nicolas Cage وغيرهم ،، ومن جديد صرت أحضر الأفلام العربية الجديدة , خاصة أفلام أحمد حلمي






" قربوا شوي لأحكيلكم شيء عني "
أنا إنسان كتير هادئ , ما بحب المشاكل ودائما بحكي " إبعد عن الشر وغنيله " ،، ما بعصب ولا بنرفز إلأ نادرا ,, أعصابي دائما محطوطه بالتلاجة ,, ولو ولعت تحتي ناار يمكن ما أعصب ,, بس وإنتبهوا لهالإستثناء الصغير , صحيح أنو عصبيتي بتيجي مواسم لكن إزا عصبت بجد بصير متل البركان , أحرق كل شيء بمر عليه ، وبطلع الماضي والحاضر وبصير إنسان شرير (( حلوة إنسان شرير .. عجبتني )).

لكن حتى لو عصبت بجد , بضل أفكر بعقلي وبحسب كل حركة بقوم فيها ،، والحمد لله أنا من الناس اللي عقلهم بضل حاضر بكل وقت , وكل قراراتي بتكون عن طريقه.,. وتقريبا ما بوخد قراري عن طريق عاطفتي .

بدي اروح أصلي ,, بكمل بالليل إزا الله راد

[أســ{ــمــرآنــ}ــي]

صباآاحكم سكر ,.,

هلأ اللي صحيت أنا , غسلت وجهي متل الولاد الشطورين , ونظفت سناني ،، ورجعت للكمبيوتر ع طوول

الحمد لله اليوم مزاجي منيح , وإنشاء الله يضل هيك طول اليوم ,
لأنو حضرتي إنسان مزاجي , وكل دقيقة بكون بشكل ،،
جد هاد صفة بكرها بحالي ,, كتر تقلب المزاج ،
متعبة ,, ومقرفة .

حتى بالأكل أنا مزاجي , ومو كتير صحاب مع بعض ، يعني هي أكلة أو تنتين اللي بحبهم
" الملوخية " ,, هي الأكلة الوحيدة اللي بحكي بحبها بكل حالاتي المزاجية,
وما برفضها أبدا أبدا ,,
وباقي الوقت بكون أكلي حسب المزااج , يعني اليوم أكلت شيء معين , يمكن بعد أسبوع أحكي عنه ما بحبه ،،
بصراحة الله يعين أمي علي من هذه الناحية , مجننها

يا جماعة أنا بعشق الجلسات العائلية , خاصة إزا كانت العيلة كلها متواجده ،
أعمامي وأولادهم , جدتي , يعني بالمختصر كل أفراد العيلة اللي كونها جدي ..
بتكون الجلسة كتير حلوة ، ومسلية , وما بنزهق منها .
وأحلى شيء تكون هاد الجلسات بأيام الصيف ولياليه, بين الشجر ،
بتكون نااايس كتير ,,

بهيك لحظات بشارك الكبار حديثهم , وبشارك النسوان كلامهم ، وبلعب مع الصغاار ،،
يعني بكون متواجد على كافة الجبهات ,.,
وأكتر شيء بضل حامل بين إيدي حد من الصغااار الصغااار يعني مولود جديد
إزا متوفر .. وحاليا عندي بنت عم عمرها 9 أشهر ,, بتجنن ما شاء الله عنها ,
بضل حاملها وألعب أنا وياها ،
علمتها تحكي بابا وماما وأده هههههه
أنا بموووت بالاطفاال , ومستعد أقضي ساعات طويلة معهم ,. المهم ما يعملوها علي

[أســ{ــمــرآنــ}ــي]

بتعرفوا إنها الطبيعة بتجذبني كتير ,
كتير ناايس منظر الشجر الصبح بكير ، مع صوت العصافير ,,
بكوون كتير حلو وجوها منعش ,,

بيتنا محاط بالشجر وكتير أيام خاصة بالصيف بصحى على صوت العصااافير
بحب كل فصول السنة , الخريف ، الشتا , الصيف والربيع ,
كل وااحد بكوون الجو فيه مميز وخاص بهداك الفصل ,
بالصيف ما بحب كل اليوم , بفضل منه الوقت بعد المغرب حتى الفجر ,
لانو بتكون الشمس مو موجودة ،

أما الشتا جد ناايس , لما تكون مطر كتير بوقف ع الشباك برااقب المطر ,
أو حتى أحيانا بطلع أمشي تحته , جربوها كتير حلو تمشي تحت المطر ،،
بس الشتا مشكلته بالليل , ليله كتير طويل وبزهق ,
بشعر بالكآبه فيه

ما بحب أكون وحيد , بصراحة بخااف من الوحدة ،
إلا أحيانا بهرب من كل الناس , وبضل لوحدي,
بحب يكون هناك انسان يشاركني همي وحزني وألمي ,
إلا اني بخفيه بصدري وما بحكيه لحد ،
بعالج جروحي لوحدي , ومهما كنت متألم , بحاول أظهر قدام الكل إني طبيعي .

هذا الشيء بالذات أقرب أصدقائي بعرفوا إنه موجود فيي ,
ودائما بحكولي شخصيتك مليانه تناقض ,
كيف ما بتحب تكون وحيد , وبتخفي كل شيء بصدرك وما بتحكيه لحد ؟

بكره كلام الناس اللي ما بيخلص , وتعليقاتهم البايخة وإنتقادهم لكل شيء,
بالعادة ما بسمع كلامهم إزا كان تصرفي ما فيه شيء غلط ، ولما أعمل شيء
آخر همي هو كلام الناس ,,

أنا عنيد ,, وإزا حكيت كلمة , صعب أتراجع عنها ، خاصة إذا كنت على حق ,
بس بالنقااش انا مو عنيد كتير ,. بسمع رأي الغير وبتقبله إذا كان مقنع .

[أســ{ــمــرآنــ}ــي]

بنظري أهم شيء بالحياة يكون الإنسان صريح , ويعبر عن موقفه ورأيه بكل وضوح وصراحة ,
ويضل عند كلمته وما يكون الإنسان متلون , كل يوم بوجه مختلف ، معاي يكون بشكل ,
ولما أغيب عنه يطعني بكلامه .

اللي بقلبي على لساني , بحكي الحكي بوجه صاحبه , وما بلف وأدور كتير ,
أقصر الطرق الي بتوصل فكرتي بستخدمها .

ما بحمل شيء بقلبي تجاه إنسان غلط علي ,
يا بكون ردي بنفس الوقت الي صار فيه الغلط ,
أو بسامح وما بترك شيء بقلبي ,

وما بكترث بالحكي اللي بيصل عن طريق الناس , بإنو فلان حكى عنك كذا ,
وفلان حكى عنك ما بعرف شو ,, كل هاد الحكي ما بسمح لنفسي تصدقه ,

بساامح أي واحد أخطأ بحقي , بشرط ما يكون خطأه ما يكون بمس كرامتي ولا بخدشها ,
لأنو هاد الشيء مستحيل أسامح فيه , بالمقاابل بحاول قدر الإمكان ما أجرح كرامة أي إنسان ،
وإزا بيوم أخطأت بحق إنسان , ما عندي مشكله أقدمله إعتذار , بالعكس بكون فخور بنفسي لما أعترف
إني مخطأ بحق حد , وأعتذر منه .