♪..مــــــآيــــك المــنــتــدى مـــع ~ شـهيـــد غ ـزة ~..♪

[أســ{ــمــرآنــ}ــي]

انا سبتك وانت مني
ندمانه للنهارده
لو حتى غصب عني
ما كنش لازم ارضى
انا بتطمن عليك
وانا من بعيد لبعيد
بخاف لو رحت ليك
الاقيك حبيت جديد
مش من حقي العتاب
مانا سبتك للعذاب
لكن ربي اللي عالم
اخلاصي و حبي ليك
انا حبعد عنك وانا وياك قلبي
هتحمل تعبي
بعدك الله يعيني
لو صدفة قبلتك صبرني ياربي
لا يبان لك حبي
وانت قريب مني

حاولت انا اداري حبك
و اضحك على روحي و انسى
صورتك ما غابتش عني
شايلاك في قلبي لسه
الليل عليا طال
وانا بسأل نفسي ليه
بخبي حنيني ليك
ولا بقدر يوم عليه
يمكن جنيت عليك
بس انت الله يجازيك
خليتني عايشة عمري
على شان بعيشة ليك


آآآآآآآخ كل ما أسمع هالأغنية
بتقطع وبتمزع وبصير نفسي أبكي ،

لو صدفة قبلتك صبرني ياربي
صبرني يا ربي

تعبت وقرفت من هيك وضع ،
الله يهونها علينا

سوري كاان فاصل نكد وبتاااابع بعد الاعلان

[أســ{ــمــرآنــ}ــي]

السلام عليكم .,

ممممم

شو رأيكم أحكيلكم شوي عن بلدي ،، يلا فرصة تتعرفو عليها ,
يمكن تحبوها وتيجوا تزوروها

قباطية تقع على بعد 10 كيلومتر جنوب مدينة جنين ,
أكتر شيء بتشتهر بــ صناعة حجر البناء ،
فيها مناطق كبيره مزروعه بشجر الزيتون ،
هي بلد زراعي وفيها إكتفاء ذاتي من جهة المحاصيل الزرااعية ,,

عدد سكانها بصل تقريبا 25 ألف نسمة ،
أهلها طيبين , وبحترموا الضيف وكريمين ,, بس عندهم مشكلة مشتركة,
روسهم قاسية وأقسى من الحجارة نفسها ،، ومممم بصراحة اهل البلد بحبوا المشاكل هههههه

مممم في منطقة بالبلد إسمها " الحارة القديمة " , لانو كل بيوت هذه المنطقة قديمه جدا ,
وعلى الطراز القديم ، وبيوتها متلاصقة ببعض ،

البلد متلها متل غيرها من قرى ومدن فلسطين شاركت بالإنتفاضة الاولى والتانية ,
أتميزت بقوة مقاومتها خاصة بالإنتفاضة الأولى وأشتهرت بصمودها ضد الإحتلال ,

فرضت اسرائيل على البلد ما يسمى " منع التجول " (( يعني ممنوع الناس تخرج من بيوتها )) , لمدة 40
يوم متواصل ,, كان يرفع هذا الحظر لمدة ساعة كل 3-4 أيام ,

بالإنتفاضة الأولى أهل البلد قاموا بأول عملية إعدام لعميل ( متعاون مع الجيش الاسرائيلي ) ,
أعدموه بشكل علني على عمود إنارة بالشارع الرئيسي للبلد ،

وكمان من قباطية خرجت أول عملية استشهادية , نفذها أحد ابناء البلد بمدينة تل ابيب , رد على مجزرة الحرم الابراهيمي ,,

[أســ{ــمــرآنــ}ــي]

مسائكم خير ،،


الليله بدي أحكيلكم عن مواقف مرت علي ولحظاات يمكن ما أنساها ابدا ,
لحظات فيها حزن ولحظات فرح ،
إلا انها حــ ضل عالقة بذاكرتي , ومن الصعب أنساها ,,

لعمي الصغير بنت هلأ هي بالصف الأول ، من يوم ما أجت على الدنيا وانا أمووت عليها ،
طفلة بجد إنها رووعة , إسمها " ساجدة " أتعلقت فيها بشكل كبير , وما في يوم بمر الا احكي معها او اروح اشوفها ,
المهم قبل شي 4 سنين , بأول أيام عيد الفطر أخدت سيارة عمي الصغير ,
وأخدت ساجدة معي ,, كنت بدي أروح أشوف واحد من اصحابي بمدينة جنين ,
رحت عنده ,, وقعدت معااه أكتر من ساعتين ., أكلنا بوظه وطشينا بالسياره ,
وإنبسطنا كتير ،، طبعا كل هاد وسااجدة كانت لسه معي ،،
وقبل ما أرجع لبلدي , وقفت عند محل ألعاب وأشتريت ألعاب للست ساجدة ،،
(( بصراحة كانت الألعاب الي والها ,, بس لا تحكو لحد ))

المهم ,, وأنا مروح ، ع الطريق ،، بمدخل بلدنا , عملت حاادث بالسيارة ,,
ضربت بسيارة تانية ,, شفيرها كان سكراان ومااشي بسرعة جنونيه ,,
دخل المفترق بدون ما ينتبه ازا في سيارات أو لا ,, وضربت سيارته بسيارتي ،،
المشكله إنو كل الضربة كلها كانت من جهة ساجدة ,, كات قاعدة على الكرسي اللي جنبي ,
ومو حااطط عليها حزام الأمان ،
أنا لما شفته بده يضربنا ,, حاولت أمسك سااجدة ، بس ما لحقت ،، صاار الحادث بأقل من تانيه ,,

لما ضربو السيارات ببعض , ومن قوة الضربة ، أرتطم راسي بشيء من السيارة وفقدت الوعي ،
وساجدة هي كمان طارت من الكرسي ,,
صحيت بعد الحاادث كنت بالمستشفى ,, عندي جرح براسي ,, ورضوض بصدري وظهري ،
أما سااجدة فكاانت معظم الضربه براسها ,, كانت حالتها حرجة ,
أول ما صحيت على حاالي منيح كانت اول كلمة بحكيها وين ساجدة ؟
حاولو ما يحكولي شو وضعها , إلا اني أصريت عليهم ، ولما حكولي ،
كان عندي عقل وطااار ، بطلت أرضى أحكي مع حد , ونفسيتي تعبت كتير ،
وضليت معها بالمستشفى اكتر من اسبوع ,, وكل هاي المدة ما نطقت ولا كلمه ،
بس الحمد لله ,, البنت أتعافت وهلأ متل الحصاان ،، الله يحميها ,,


صدقوني ما بقدر أوصف مشاعري بهديك اللحظاات ,, حسيت بخووف كبير على البنت ,
ولو صاار الها شيء , يمكن موتت حالي بعدها ,
لكن الله أختاار الأحسن , وعدت هديك الحادثة على خير ,,

[ღ حورية فلسطين ღ]

لآخر مرة بحكيلكم ما حدا يشارك والبني آدم بيحكي


وبعدين يعني


اتفضل اسمراني كمل وتردش على حدا

يعني أنا اللي مسموحلي أرد ماسكة حالي وقاعدة مش راضية أرد

اوف

[أســ{ــمــرآنــ}ــي]

جيعااااااااااااااان ,, حد يعملي عشااا ,,
أنا ازا بحكي كتير بجوووووووووووع

طيب نكمل المواااقف ,, والموقف التاني الي بفكر أحكيلكم اياه
هو عبااره عن مقلب عملته مع صحاابي ايام الجاامعة ,,

كنت سنة أولى بالجاامعة , وعااايش بعمارة سكنية كل اللي فيها من الطلاب ،
كان معي بالشقة كمان شبين من بلدي ,
وبالشقة الي جنبي 4 شباب من الخليل (( انتبو خلاليله بالمنطقه ))
وكمان في شباب من منطقه جنين , وشباب من منطقه قلقيلية ..
تقريبا بوصل عددنا كلنا 20 طالب مع بعض بنفس العمارة ,
بيوم بعد ما روحنا من الجامعة , ألتقينا كلنا بشقتنا ، كنا نلعب شدة وإنرجل ،،
كان الجو شتا ومطر ، وكتير بااارد , وقسم منا قاعد بلعب شدة والقسم التاني قاعدين بنحكي
وبندردش ،، قطع هالقعدة الرومانسيه صوت موبايلي ، بزعق وبصيح ومفزع الحااره
ويا ريتني ما رديت على هداك الاتصال ، وكان الاتصال من شب صاحبي,
هاد الشب الي اتصل علي مشكلته مشكله ,, وقصته قصة,,
كاان الشب من منطقة جنين , وعقله صغير ،، ودايما عاامل مشااكل مع العالم ,
وأخر مشكله عملها كانت بنفس هاد اليوم الي اتصل علي فيه,
اتصل علي عشان اروح عنده مشاان نقعد مع الناس الي عمل معهم المشكله ونحلها
بدون ما تكبر ,, المهم حكيت للشباب من يروح معي ,, ما حد رضي يطلع ، عشان الجو باارد
آخر شيء ، مسكت كمان شب من ايده وسحبته معي بالقوة ،

طلعنا انا والشب ، ورحنا وحلينا المشكله , وكل شيء انتهى ، وصاار لازم نرجع على شقتنا ,
واحنا راجعين كان المطر غزير جدا ,, والجو بااارد ,, ع الطريق شفت مجموعه من الشباب واقفين عند
سوبرماركت وعم يمزحو مع بعض ,, وأصوااتهم عالية كتير وعاملين ضجة كبيره ,.

أنا لما شفت هيك منظر ,, أتحركت بداخلي كل الأفكار الشريرة ,
وحكيت للشب اللي معي ,, حاان وقت الإنتقاام ,, طبعا هو أطلع فيي
وشفت بعيونه نظراات الهبل ,, لأانو مش فااهم شيء من كلامي ,.

قربت ع الناس اللي عاملين ضجة , وأتصلت على بقية الشباب الي ضلو بالسكن ,,
وحكيتلهم انو إحنا عاملين طووشة , وبدنا منهم فزعة ،، وازا ما جيتو بسرعة , بقتلونا ,,
هلأ مع صوت الضجة الي كانت بالمنطقة ,, الفلم مشى على صحاابي بالسكن ,,

أنا والشب الي معي أخدنا طريق مختصر ,, وروحنا ركااض ع السكن ,
والشباب الي بالسكن طلعو برضو ركااض ع المكان الي حكيتلهم اني عاامل فيه مشكله ,

انا وصلت السكن ، ما لقيت حد منهم ,, كلهم طالعين يفزعولي ,,
وياا حراام طلعو بالمطر والبرد ,, وصلو مكان الطوشة وما لقيو حد ,, أتصلو علي
لقيوني عم أضحك ومبسووووووط ,,
بس ضحكتي ما طولت ,, لأنو لما رجعو للسكن
مسكونا وضلو يضربو فيي وبالشب لصارت اديهم توجعهم من كتر الضرب ,,

للأمانة وااحد من شبااب الخليل ,, لما ضربني بالقشااط الي كان لابسه ,
أتمنيت انو إمي ما ولدتني من كتر الوجع .. وضل مكان الضربة لونه ازرق فتره طويلة ,,


وبعد ما استوعبو المقلب , وخلصو ضرب فينا ,,
صارو يضحكو على حالهم , ويحكو لو اطلعنا معكم من البداية كان احسن
لانو على الحالتين طلعنا بالمطر ,,,

طح انا اخدت اللي فيه النصيب من القتل والضرب,
بس كنت مبسوط لانهم رجعو ع السكن مبلولين من المطر ,, وأنضحك عليهم

وأتعلمت درس بعد هااد المقلب ,, إنو ازا الواحد بده يعمل مقلب
لا يعمله بخليلي ,, عشان ما يصير فيه متل ما صااار فيي

على الهامش ,, بما اني ذكرت سيرة شباب الخليل ,
بدي أحكيلكم شيء ,,
معظم اصحابي بالجامعه هم من منطقة الخليل ,, لأنهم بجد روووعه
ودمهم خفيف وكتير طيبين ,, وشهمين وولاد أصل بس مشكلتهم الوحيده
صعب اقناعهم وراسهم يااابس هههههههههه

[بقـ..ــايـ..ـا إنسـ..ـانـ]

ما كنت عارف بالشروط اختي حورية ....

سوري اخوي اسمراني..

[ღ حورية فلسطين ღ]

المشاركة الأصلية كتبت بواسطة :: محمد ::

ما كنت عارف بالشروط اختي حورية ....

سوري اخوي اسمراني..

ولووووووو خود راحتك خيو

كنت عم بمثل إني معصبة

[أســ{ــمــرآنــ}ــي]

محمد وحوريه بلا صووت
طيرتوا الافكااار من رااسي هههههههههه


شوفو مين بالموضوع

:: بنت الخليل :: منورة خيتوو دموع الحنين
لسه كنت احكي عنكم طيبين وما في منكم
بجد احلى ناااس هم اهل الخليل

[a7la sereen]

وبالشقة الي جنبي 4 شباب من الخليل (( انتبو خلاليله بالمنطقه ))


للأمانة وااحد من شبااب الخليل ,, لما ضربني بالقشااط الي كان لابسه ,
أتمنيت انو إمي ما ولدتني من كتر الوجع .. وضل مكان الضربة لونه ازرق فتره طويلة ,,

وأتعلمت درس بعد هااد المقلب ,, إنو ازا الواحد بده يعمل مقلب
لا يعمله بخليلي ,, عشان ما يصير فيه متل ما صااار فيي

على الهامش ,, بما اني ذكرت سيرة شباب الخليل ,
بدي أحكيلكم شيء ,,
معظم اصحابي بالجامعه هم من منطقة الخليل ,, لأنهم بجد روووعه
ودمهم خفيف وكتير طيبين ,, وشهمين وولاد أصل بس مشكلتهم الوحيده
صعب اقناعهم وراسهم يااابس هههههههههه

احم احم في خليليه هوووون

[أســ{ــمــرآنــ}ــي]

المشاركة الأصلية كتبت بواسطة a7la sereen احم احم في خليليه هوووون

هلا والله بكل اهل الخليل,

منوره سيرين