بنات المنتدى بدنا نتعرف عليكو اكتر بليييز

[الحان الحرية]

احم احم ,,

السلام عليكم,,

انا الحان الحرية الملقبة بـ توتي ,,

العمر :- 15 سنة و شهرين تقريباً,,

تاريخ الميلاد بـ 8-6

و طالعة ع الصف العاشر اللي هو اول ثانوي ,,

بحب اقعد ع النت كتير ,, و بكتب شعر ,, و بحب القراءة,,بحب السباحة كمان ,,

ما بطلع كتير ,,

نتيجة عن ذلك ما بهتم بالموضة ,,

نتيجة عن ذلك كمان ما بهتم بالشكليات بالمرة ,,

بكره التكبر + الأقنعة ,, يعني قدامك شي و من وراكي شي تاني + و بكره المشاكل بشكل عام ,,

بحب افرفش ,, مع انه نادراً يعني

و بحب اطلع مع انه نادراً ما بيصحلي اطلع ,,

و بحب اسافر مع انه نادراً ما بسافر ,,

و متل ما بيقولو كل ممنوع مرغوب ,,

و بس,,

شو كمان بدكم تعرفو ,,

آه

بـ طفولتي ستي ربتني ,,

و بمتنى اخلص دراستي و ادرس اشي منيح بس لسا ما قررت هندسة أو اشي بالكمبيوتر ,,

ما بطيق التلفزيون ,, غير نادراً

و بحب انشد و اسمع اناشيد ,,

و الي اخين و اخت ازغر مني ,,

و اغلى ناس بالدنيا قلبي هما ستي و سيدي و امي :)

و كتير بحب المنتدى ,,

يعني ما بقدر امضي يوم واحد من غري منتدى غير عند اشد الظروف

و بحس المنتدى بيتي التاني ـههههههههـ

بحس حالي وطنية ,,

بحب فلسطين كتير ,,

و لما احس اني بالغربة عنجد بحس انو قلبي بيحترق ,,

بتمنى اشوف فلسطين و لو بس مرة ,,

و اضافة الي انو i love " حماس"

و هيك حياتي كلها خلصت ـهههههههههههـ

انهبلت شوي ـهههههـ

خلص بيكفي هيك

ان شا الله يا ست صرصار = ضو الشجر تكوني عرفتيني هلأ

آل يعني مش عارفيتني ـهههههـ

سي يو :)

[الحان الحرية]

ما شاء الله

قصة حياتي ـهههههههههههههـ

[أع ـــشقـ أنفاسهـ]

يسلمووووو كتير ع الفكرة

ندخل في المهم ^_^

أنــــــــا

اسمي : هديل

عمري :17 هاي السنه توجيهي علمي الله يوفقني

وفلسطينية من غزة بس عايشه بالسعوديه تحديدا بالدمام للي بده يزورني خخخخخ

امممممممم

شو كمان


بحب النت كتيير بس مو هوايتي

هوايتي الرسم

بحب اتعرف على نااس كتير ويكون عندي اصحاااب وبحب اسافر كتير و بعشق اللبس والمووضه زكروني شو كمان امممم

لمااا فتت عالمنتدى في عضوتين لفتوا انتباهي كتير بدمهم الخفيف

هماا

بلو قيرل & الرمشـ الحسااسـ

وكل الاعضاااء حبابين

يؤيؤ انا نسيت انه احكي عن حالي مو عن الاعضااء خخخخ

وشوو كمان بدكم تعرفوا ؟؟

تح ـــــيتي

انسهـ : هدووووول

[a7la sereen]

مررررررررررررررررررحبا صبايا

انا اسمي سيرين
عمري 15 سنه وتاريخ ميلادي 24-10-1992 بحبو كتير لتاريخ ميلادي مش عارفه ليش
برجي العقرب بس ما بقرص ما تخافو وما بأمن بالابراج والحكي الفاضي

انا فلسطينيه عايشه في الضفه في ضواحي مدينه الخليل في قريه اسمها صوريف ازا سمعتو عنها

ترتيبي التانيه بالبيت بعد اختي سماح اكبر مني بسنه
السنه الجاي طالعه ع صف او تانوي ادبي
كنت بدي اسجل علمي بس ماما وبابا واختي سماح ما خلوني قال صعب ما بقدر عليه
مع انو صاحباتي كلهم كانو بدهم ياني اطلع علمي بس هيك اريحيلي

عندي صاحبات كتير اكبر مني وقدي واصغر مني بحب اتعرف كتير ع البنات واكون صداقات

نفسي احكي معك يا ضو القمر شكلك امورة

عن صفاتي انا طيوبه مرة عملنا انتخابات في الصف وطلعت انا اطيب وحده خخخخخخخخ
بس انانيه مرات وعنيده الي بعقلي بعملو وازا كنت بدي اطلع مشوار وماما مش راضيه بحطها تحت الامر الواقع

بعمل مقالب كتير باخواتي خخخخخخخخخخخخخ

هيك بكفي وجعتلكو راسكو خخخخخخ

مرسي ضو القمر يا ريت لو اتعرف عليكي ازا بتقدري تعطيني ايميلك

[Pink Rose]

يا مية اهلا وسهلا والله بكل الصبايا

منورين القسم والمنتدى كله

وتشرفت بمعرفتكم اكتر .. نورتوا ^^

[رولى]

يلا دوري وسعولي
انا رولا عايشة بالاردن
عمري 19 سنة مش لا يغركم العمر بس مخي مخ وحدة عمرها 10 سنين هههههههه
مشاركة من زمان بالمنتدى بس بدخل عليه كل فترة والتانية
نفسي اعرف البنات الموجودين هون ونكون صاحبات سوى بس مش طالع بايدي شي

[a7la sereen]

المشاركة الأصلية كتبت بواسطة رولى يلا دوري وسعولي
انا رولا عايشة بالاردن
عمري 19 سنة مش لا يغركم العمر بس مخي مخ وحدة عمرها 10 سنين هههههههه
مشاركة من زمان بالمنتدى بس بدخل عليه كل فترة والتانية
نفسي اعرف البنات الموجودين هون ونكون صاحبات سوى بس مش طالع بايدي شي

يا هلا رولا تشرفنا

ليش مو طالع بايدك شي؟؟

[المستبده]

انا اسمي امممممممممم اكرام

جنسيتي فلسطينيه

انا من بيت لحم

بحب النت كتييييير

انا بالنسبه الي ما بحب الغيره

بحب التواضع

بحب الناس يعني ما بتكبر ع حد

بحب بنات صفي

بحب صاحباتي

عندي 3 صاحبات يااه كانو 7

برجي الحوت......والله وانا كمان ما بآمن بهالشغلات

اها نسييييييت انا طالعه عالتامن

عمري 13 سنه تقريبا يعني

انتبهت ع وحده هوايتها الرقص ههههههههههههههه

بحكيلها نيالك يا عم اذا ممكن تعلموني

لانو والله كان في عندنا خطبه اختي قبل اسبوعين وما عرفت ارقص الا تهبل

السنه الجايه في عندنا العرس هههههههههههههههه

بحكيلكم انكم كلكم خفيفين دم

والامورات الحان الحريه وسيرينو حبيتهم

ههههههههههههههههه

بكفي

[a7la sereen]

المشاركة الأصلية كتبت بواسطة المستبده والامورات الحان الحريه وسيرينو حبيتهم

وانا كمان حبيتك وخوصي من اسمك المستبدة في قصيدة بحبها كتير لنزار قباني اسمها المستبدة

يا ريت لو نتعرف ع بعض

انا جارتك من الخليل

[عسولة الأقصى]

احم ,, احم ,, تلات احمات ,,

(على قولة نور اليقين )


طيب ,,

وسعن شوي ,, أيوا هيك ,,

طبعا عسولة دايما بتيجي مت أخرة و محدش بعرفها بالمنتدى ,,

بس زي ما بيحكو أن تاتي متأخرا خيرا من أن لا تأتي ,,

فبداية ,, اسمحنلي أن اعتزر ع تأخيري ,,

آسفـــــــــة ,,

أنا عسولة ,, فلسطينية,, من القدس ,, لاجئة بالاردن ,, عمري ما رحت فلسطين طبعا ,,

امممممم ,, عمري 20 و بدرس هندسة ,,


أنا مقيمة بالامارات ,,

اممممممم ,,

هواياتي مش كتيرة ,,

بحب أكون صداقات ,, نت ,, رقص ,, قراءة و مطالعة ,,
وهيك يعني ,,

عندي امنيتين ,,

أحج ,,الله يطعمنا جميعا ,, و أروح ع فلسطين ,,

الله يحقق أمانينا جميعا ,,

و الله انكم أحلى صبايا ,, و خسارة كبيرة للي ما بيعرفكن ,,

ازا بتحبو تعرفو شي تاني ,,

أكيد رح كون موجودة لأجاوب ,,

يسلمو يا ام الافكار ,,

تحية الكن كلكن ,,