الإدارة Vs الأعضاء

[مُتمرده]

المشاركة الأصلية كتبت بواسطة شهيد

وأيضا الأصل حبنا للمنتدى والاعضاء والجو وكل هاي الاشيء تفرض علينا انو ما نترك المنتدى

لمجرد حدث عابر او مشكلة حصلت :)

ما رأيك ؟

مم أنآ حكيت إنو يمكن لو سوء تفآهم أعدي عليه ، وكأن شيئاً لم يـكن !
ولكن أنآ من النوع اللي مآ بينسى
ومتل مآ حكيت شي ع شي ع شي ،، ممكن يصير شي مش منيح ، فهمت شي؟ ::p
بس القصد انو لو صآر أكتر من موقف مـُشآبه ،، بدون عرط ، مآ رح تكون النتيجه منيحه!

وع بلآطه ،، اللي بحكم تركي للمنتدى
هوي هل الي اصدقآء فيه ، تعودت ع نآسو
يعني الفتره اللي بكون قضيتهآ هون ،، لأنو مآ بهون علينآ الخبز والملح :p

وهيـك أنآ معك :)
وكلوو لـوز :)

[مُتمرده]

المشاركة الأصلية كتبت بواسطة moe

بدي اوضح هـ الشي لانه بيحكي عن الادارة لاي موقع كان ..


البنت بطبيعتها عاطفية ,لا تٌحَكَّم ..

ولا قولتك ليش فش رئيسة دولة في الاسلام ؟

طيب سمعت بالمقولة المشهورة جدا ( النساء ان حكمن ظلمن ) ؟

طيب مر عليك حديث الرسول صلًّ الله عليه وسلم (( النساء ناقصات عقل ودين )) ؟


معنى كلامي , انه المرأة بطبيعتها البيولوجية والبسايكولوجيه لا تُحكًّم

::

لكننننن ..

لمن احكي عن حكم , ف انا ما بعني انه لا يجب ان تكون المشرفة او الادارية في منتدى معين انثى

فهي مجرد انها تؤدي دور , وكلمتها ما بتمشي الى بكلمة اداري الموقع الرسمي

وهادا ( في الحالة المثالية ) ..


:))

ممم
أخي أنآ والله معك انو المرأه لآ تحكم ، أنآ شخصياً بكره أتعآمل مع أنثى
بأي معآمله رسميه ، دكتوره في الجآمعه ، معلمه ، أي أي وظيفه
بس السبب انو
الانثى مش بتغلب عليهآآ العآطفه ،،، يآآآآآآ ريت
الانثى سمعت هالجمله ، وصآرت شريره
مآ في بقلبهآ رحمه
مشآن هيك أنآ مآ بحب أتعآمل مع الأنثى وعنجد الأنثى مآ لآزم تحكم
ولا تطلع من البيت حتى !!
بس بالنسبه للمنتدى ،، بحس مآ في فرق بين انثى وذكر
لأني مآ بشوف الاشرآف بيستحق كلمة "حـُكم " << كبيره عليه !!
وكون المنتدى الو طآقم اشرآفي من رجآل ونسآء
بضل أحسن بكتير ،،،
لأنو القرآر مشترك ،، وهآد لصآلحنآ "كأعضآء"
و مش لصآلح الإدآره ،، لو أخدت قرآر خطأ " لأنهم المفروض مجموعه بتتشآور فيمآ بينهآآ"

وبالنسبه لحديث " النسآء نآقصآت عقل ودين "
الـعقل ،، لأنو شهآدة المرأه بشهآدة رجلين مش أكثر
والدين لأشيآء اخرى ،، هآد توضيع الرسول الكريم نفسو :)

وهآد مش معنآه انو الرجآل مش نآقصين عقل ودين برضو ،، او اشيآء اخرى :p

PaLeStiNe FlOwEr ,دمع المطر معجبون بهذا

[نسيم الخلد]

المشاركة الأصلية كتبت بواسطة شهيد ههههههههههههههههههه رد جميل ومضحك بنفس الوقت :)

اختصرت ما كنت أريد أن أوضحه من خلال الموضوع :)

يا هلا نسيم الخلد ^_^

يا هلا بك أكثر أخي
أراك فيك شخص حكيم في التعامل مع الأمور
وفقك الله لكل خير

[شهيد]

المشاركة الأصلية كتبت بواسطة Ňαňα

أهلًا يا جماعة :)

عن تجربة بحكيْلكم إنو إنتو فلَّـه !

فكرة إنو تشوفوآ آلمدير متوآجد -خطين تحت متوآجد- و بيشـآرك بفاعلية ؛ و بياخد و يعطي معانا و بيرد عَ موآضيعنا , مهما كانت إنشغالاته بيضل يهتم بالمنتدى و الأعضاء مش تارك المسؤولية ع المشرفين و نافخ راسو مبسوط ع حالو و عَ كلمة مدير إلي تحت إسمو

فَـ أنا أحيّي هَـ آلنقطة .

و برضو المشرفين و المشرفات إلي عنجد بينزلوآ موآضيع و بيردوآ و بيحترموآ الأعضاء جدًا و مفيش دونية فِـ آلتعامل دآ شيء جميل

- محمود ؛ طاقمك الإشرافي - تمسك فيه بـ إيديك و رجليك ولا تتخلى عنهم !

نرجع للموضُـوع- معليْش إنشكحت بس من كتر ما أنا مبسوطة فيكم :p

بصراحة إذا صار معايْ هالموقِف فِـ أي من المنتديات إلي جربت فيها عكس إلي مكتوب فوق - بترك ..

لأنو أنا وآثقة و متأكدة من إنو مستحيل يكون بدر مني شيئ يخالف القوانين لدرجة إني أنحظِر !

المنتدى إسلآمي ملتزم - و مـآ آخذ المسمى دآ من فرآغ .

و عَ الأقل لو هتحظروني ؛ بعتقد إني بستحق ولو توضيح بسيط .. لأنو أنا فِـ يوم كنت عضوة و فعالة فِـ المنتدى

لو هما شايفيين إنو ما بستحق التوضيح و طوَّفوآ فكرة نشاطي ف المنتدى - فـ أنا شايفة إنو أحسن "خليهم يحرقوآ بـ جاز" > شايفين السّقة

لو أخدت تنبيه مسلًا مسلًا - ممكن أطوَّف ؛ بس بيبقى فـ قلبي شي كذآ

يعني بكون قاعدة ع التكَّـة -

أنا مش من النوع إلي بحب آخد و أعطي فـ موضوع عـآرفة إيش هيكون قرارهم فيه

سو إزآ جمَّدتوني و تناقشتوآ معاي - يا أهلن وسهلن

جمَّدتوني و ما رديتوآ علي - "إحرقوآ بـ جـآز"

* طولت و تحمست نوعنْ ما ؛ لأنو بقدرش "ع قولتكم " أصيغ رأييِ بـ مختصر وآضح و مفهوم .. بحب الإستفاضة
& إعفوني من التصويت لأنو فـيه خيارين مرجَّحين

و شكرًا كبييييييييييييرة لـ طاقم الإدارة الرائِع

نانا، أول شيء بشكرك كتير ع هالكلمآت الجميلة وإن شاء الله نكون عند حسن ظنك فينا :)

و عَ الأقل لو هتحظروني ؛ بعتقد إني بستحق ولو توضيح بسيط .. لأنو أنا فِـ يوم كنت عضوة و فعالة فِـ المنتدى

هي مووجودة بمنتدانا زي ما قولت، أي تحذير تنبيه ما شابه بيكون بعد حديث مباشر مع العضو

أنا مش من النوع إلي بحب آخد و أعطي فـ موضوع عـآرفة إيش هيكون قرارهم فيه


سو إزآ جمَّدتوني و تناقشتوآ معاي - يا أهلن وسهلن
جمَّدتوني و ما رديتوآ علي - "إحرقوآ بـ جـآز"

ههههههههههههههههه أحيي وأنتقد بنفس الوقت فيك روح اللامبالاة

فرضاً، حسيت انو عنجد انك بتنتمي لهالمكان و انو علاقتك بالاعضاء بطلت مجرد مشاركة وموضوع

انو صارت علاقة واخوة ومحبة وصداقة ولربما حب،

سؤالي الأن لو حدث سوء تفاهم، حادثة ما، موقف، بينك وبين الادارة وكان نصيبك نقول تحذير تنبيه

بتتركي المنتدى وقتها ؟! بمعنى اخر، بتعطي ظهرك لكل صداقاتك بالمنتدى مقابل احترام " كبريائك "

؟

PaLeStiNe FlOwEr معجب بهذا

[شهيد]

المشاركة الأصلية كتبت بواسطة ندا الروح ممم اخر احتمال والشي المستحيل يصير اني اترك المنتدي
ابدا ابدا
بختار اني ارتكالامور تسير على ماعليه ولااكترث !!
بس اكيد رح يخف حبي الو نظرا للطوشة ههه

جميل جداً، هل لو تعلقك وحبك لأعضاء المنتدى والجو السائد بين الاعضاء حيتأثر على غرار حادثة مع الادارة ؟

[شهيد]

المشاركة الأصلية كتبت بواسطة حيآة الروح حلو الموضوع
انآ بالنسبة لي مآ بحب المشاكل هههههه :d

أكيد بروح للإدارة بتأسف لها لو كان علي الحق او لا
وبفهم السبب والخطآ الي صار
وبكمل بالمنتدى عادي بس يمكن تقل مشاركاتي اكيد
واعتقد انو الادارة مش راح تكون معي متل اول
بس ولا يمكن اترك المنتدى لانو الاعضاء الي فيه ما شاء الله عنهم
حبيتهم كتير ^_^

حلو كتير يا ألاء، ما عندي ما اضيف حقيقة بعد جملتك الاخيرة ^_^

شكراً كثيراً ع مشاركتك

حيآة الروح معجب بهذا

[شهيد]

المشاركة الأصلية كتبت بواسطة حسام المصرى بس ولا واحد من فريق الادارة انحظر أبدا .. ^^

مش فرض ولا لازاما علينا نحظر حدا من الادارة عشان يتبين صدقنا وموضوعيتنا ههههههه !

غير، لا اخفي انو التعامل مع أخطاء الادارة بتأني ومنح أكثر من فرصة

لأسباب، انو الادارة محل ثقة وما حدا بيصل لهالمكان هكذا عبثاً

وانو كل شخص بالادارة حامل جزء من المنتدى،

لو حدث وأنو وضعنا كل انجازات وتعب وجهد هالمدير او المشرف العام وراء ظهورنا

وقمنا بمحاسبته على أي خطأ ما ، أيام قليلة لن نجد بالمنتدى احد :))

PaLeStiNe FlOwEr ,Ňαňα معجبون بهذا

[شهيد]

المشاركة الأصلية كتبت بواسطة دمع المطر امم بصراحة صار معي موقف مرة
وقتها كان بمخيلتي الحل الخيار الأول وتركته فعلاً لفترة من الوقت
بس بعدين رجعت عن رأيي لاني اكتشفت انها سخافة مني
مرات بنعصب وبنزعل من بعض ع أشياء حرام ما بتستاهل نخرب علاقتنا الطيبة ببعض
وانت يا شهيد صار معي موقف معك مرة يمكن بتتذكرو
أنا بعترف اني غلطت و تسرعت وندمت و بس حسيت انو فات الاوان
لان كل ما بفوت المنتدى بحس شي مش طبيعي بحسك بتتجنب الحكي معي
وأنا والله ما رجعت للمنتدى إلا لرجع كل شيي متل ما كان
حبيت أنو ما يضل حد زعلان مني
أكيد الصح بموضوعنا هاد انو نطالب بالحق ولو تبين انو الأمر صعب فالخيار الثالث أحرى

دمع المطر، الصديقة إسراء، لا أخفيك سراً أنو لأجل قريب جداً كنت ما أرتاح لوجودكم معنا !

ولربمآ للأسباب يللي انتي بتعرفيها منيح، وخصوصاً قصة الموقع التثاني

وانو كنت متشدد في رأيي لولا تدخل المهندس محمود مطر

وأنا تقبلت رأيه واحترمته،

لكن الأيام بتغير وبتبدل، والأن لا يوجد عندي غير الاحترام والتقدير والمحبة لكم ولكل أعضاء المنتدى

صحيح اني كنت اتجنب الحكي معاكم اجمالاً، لانو الموقف كان جداً مؤلم بالنسبة لالي

ولكن الأن ما في شيء والأمور صافي يا لبن :)

PaLeStiNe FlOwEr معجب بهذا

[شهيد]

المشاركة الأصلية كتبت بواسطة Maram .. ~ و انا ايضا متل ايمان ههههههههههه


صراحة مليش بالمشاكل يعني مش حتحظروني + الادارة صحابي يعني واسطة كمان


بس في حال صار شي ,, بنتناقش و بنشوف مين الصح


واكيد ما بترك المنتدى

هههههههههههههههههه فيتامين واو

حيآة الروح ,Maram .. ~ معجبون بهذا

[شهيد]

المشاركة الأصلية كتبت بواسطة حسام المصرى

طب شو التعويض عن الأضرار النفسية والمادية اللى حصلتلى .. ^^

بدى توقيع من كل واحد فى فريق الادارة ..ههههههههههه

ازا انت بدك تعويض ع خطأ ، احنا بدنا تعويضات ع أخطاء !

اسكت يا حسام والله ياما حمينا ظهرك وحكينا مع الاعضاء وهديناهم وانت ما بتعرف

PaLeStiNe FlOwEr ,حيآة الروح معجبون بهذا