علموني اللهجة الفلسطينة

[غزلان الجزائرية]

المشاركة الأصلية كتبت بواسطة أبومجاهد

ما شاء الله عليكم ..

صرتو خبراء لهجات من ورانا ..^^

مش قصتنا ..

المهم ..

اهلا بالأخت غزلان الجزائرية وان شاء الله بتكتسبي خبرة في اللهجة في الفلسطينية ..

بالنسبة للهجات الفلسطينية لزيزة اكتير ..

وحابب احكيلكم قصة صارت معي وأنا في الصف السادس في مدارس الوكالة ..

والدي مدرس حكومة وأنتو ابتعرفو أنو مدارس الحكومة في الشمال أغلبها جبلية ولهوانية ..

فكنت اتعرف على مدرسين اصحاب ابوي واروح ادرس عندهم في البيت ...

ويلي صار أنو صار عندي خبرة في لهجاتهم ..

وكنت أحكي مع صحابي بلهجت الجبلية واللهوانية بروح الفكاهة ..

وفي يوم المدرس أجا ياخذ إحصائية عدد الجبالية وهم المواطنين الأصليين والمهاجرين ..

في فصلنا ما كان حدا وفجأ صار الطلاب يحكو للمدرس عني أنو أنا مواطن من كتر مكنت احكي معهم بلهجات المواطنين ^^

صرت أقول أنا مهاجر من وين مواطن ...

طبعا ً بلدتي الأصلية >> المسمية الكبيرة

نسأل الله أن تكون العودة قريبة

معليش خويا مش يقولو من عاشر قوما اربعين يوما اصبح منهم

أحسن من أنك مهاجر في بلاد أروبية وتخليك مثلهم في لغة وعاداتهم

شئ اهون من شئ

- نعم أخذت خبرة على اللهجة الفلسطنية ما يميزها عن اللهجات الاخر

* لغة هادئة مثلا الواحد يكون معصب او غير لا فرق بينها
*معضم مخارج حرو فها حلقية كدس - كاعد - الخ
* وذكر الله دائما في لسان الفلسطيني الحمد لله - لله يعطيك العافية .. الخ

آآآآآآآآآآآآآآآآآآآآآآ مين خويا ان بعد العسر يسر

بارك الله فيك

[غزلان الجزائرية]

المشاركة الأصلية كتبت بواسطة عاشق فلسطين المجنون اهلا و سهلا اذا بدك اي اشي انا جاهز

وبك اكثر خويا

نعم أريد فتح الحدود

شكرا

[غزلان الجزائرية]

المشاركة الأصلية كتبت بواسطة عاشق فلسطين المجنون باب هاظ الولد الي ظربني مبارح

بابا هدا الطفل ظربيني البارح

[عاشق فلسطين المجنون]

يا معلم قديش علبة العصير الكبيرة؟؟؟

[نسيم الخلد]

السلام عليكم ورحمة الله وبركاته
أختي الكريمة :: غزلان الجزائرية
أهلا وسهلا فيك بيناتنا




جبتلك شوية مصطلحات فلسطينة

وإن شاء الله تنال اعجابكم



مستهلسكو = يعني مش معبركو



ككسة = كيكة


البيارة = المزرعة


شمينت = نوع من انواع اللبن مفردة من مخلفات العدو الصهيوني


الكوربة = راس الشارع = لفة آخر الشارع


ضاوي = فاقد = ما بفهم اشي


براد = بكرج = إبريق بنقول براد الشاي أو بكرج الشاي


بشكير = منشفة اللي بنشف فيها وجهنا على الصبح


فرشة = معناتها فراش بس احنا بندلعها فرشة


ابطيني = يعني بياكل اكل ما شاء الله ولا هو داري عن حاله


بابور = زي فرن الغاز بس على صغير واله عين وحدة وبشتغل على الكاز (بابورالكاز)



اقلط الشارع = اقطع الشارع


عشرطعش = يقصد فيها الكثرة من الشئ


تخت = سرير


رمزون = إشارة مرور ضوئية


كلنس = محارم


سطل = جردل = دلو


هواية = مروحة


نونة = يعني شوي


نتفة = اقل من شوية


منجك حالك = يعني زبط حالك


روق يا ضاوي = يعني وحد الله يا مجنون


على بلاطة = يعني من الآخر


كوشي = يعني اسود


شكشوكه = (اكله ) بندوره وبيض


بابوج = شبشب


معصلج = مزرجن = مش راضي أو بمعنى آخر راكب راسه


فورسة = فسحة اللي في نص الحصص في المدرسة


كنتين = كافتيريا المدرسة


صف = فصل المدرسة


الزغيرة = الزغنونة = صغيرة


جمطة = يعنى ما بتنبلع = ما تنزل من زور


طشه = يعني فسحة او طلعة علي البر او علي البحر


اجنص = لنج =جديد


مواسرجي = السباك


حنفية = صنبور


ورا الدار = خلف البيت


قاع الدار = الجزء الامامي للدار


قزاز = زجاج


سيرج = زيت الذرة او زيت عباد الشمس


سقاطة = حصالة


قداحة = ولاعة


بربيج = خرطوم المياة


لنش = سفينه صيد اسماك كبير


حسكة = سفينة صيد صغيرة


شياطة = الاداة المستخدمة في التزحلق على امواج البحر


زمور = منبه السيارة


كوربة = التفاف الشارع .. تقاطع يعني


منقرز = محتاج الى سيجارة


مخرمن = محتاج شاي او قهوة أو دخان


شخبطة = خرابيش الجاج


شقلب وجهك عني= يعني ما بدي اشوف خلقتك


سبهللة = يعني بدون مسؤولية


افتح مخك وطقطق دنيك = ركز معي الله لايسيئك


تلقحيه = واحد رامي حالو علينا


دكانة = سوبر ماركت


نتخرف = ندردش مع بعض


ام العبد و ابو العبد = اسم فلسطيني قح


قح = عالاخر


فرم الشاب = طحنه = خلاه زي الطحينه


فعص في بطن الشاب = خبط في بطنه هلكه


جلدة راسه خميله = عبيط او بفهمش بسرعه


بدكاش = ما بدك


شاكوش = مطرقة


فطبول = كرة قدم


طقية = قبعة


شمر = ارفع البنطلون او الجلبية


قرفان = واحد مش طايق حالو بالمرة


سك عالدم = يعني انسى ومش فايقلك


برقان = برتقال بس الواحد بيكون مستعجل


بوزك = وجهك


زير = الاناء المصنوع من الفخار يوضع في الماء


قشاط = اللى بيكون على البنطلون


طنجره = بالمصرى حله هاى اللى بيكون فيها الطبيخ اسمها طنجره


الحين = يعني الان


حبيبى يا حج = حبيبى يا قلق = حبيبى يا لوز = حبيبى يا حوت


شقفه = حته قطعه


يع = يعنى قرفان من اشى


اوعى تتزحلق = يعنى تندب دير بالك فى صابون على البلاط
الخوصة = السكين


شرشف = ملاية


جربان = شراب ( في الرجل بلبسوه )


شاف = اللي بيحطو فيه الميّة


ليدن = علكة


احلقلو = طنشو = ماتعبرهوش


ترللي = مهوي = اهبل


يجاكر = يعاند


زبدية = صحن من الفخار لعمل الدقة الغزاوية


ورق دوالي: ورق عنب


قمباز = لباس فلسطيني يلبسه الختارية


سجرة = شجرة


اسكومية = يعني ايس كريم


الفرشوحه = يعني سندويش الشاورما


ريحة : يعني عطر


قصافة = يعني مقص أظافر


هلأ = الان = هسا = الحين بالفلاحي


مطعوج = من الفعل انطعج


والمصدر تاعو انطعاج وهو الشء المعوج


ازعق عليه = نادي عليه


ضلك كاوي = ضلك ماشي على طول (نفس الطريق )


يختي = اسلوب نداء للمؤنث


يخو= اسلوب نداء للمذكر


بعكش = فتش = ابحث = دور


بسكليت = يعني دراجة


عرسة= فأر كبير


طراحة (( بالجبالي )) = فرشة للنوم



عندكم اضافه ضيفوها ,, ومنكم نستفيد ....


****************