الاخ اسير حب فلسطين على كرسي الاعتراف

[هلــون]

صح نهال .. الحمد الله ما عندي ابداعات عشان ما يحطوني على الكرسي ههههههههههههههههههههه

والله اسير ابدعنا باجوبته .. ما شاء الله عليه .. بستاهل الكرسي

[اسير حب فلسطين]

المشاركة الأصلية كتبت بواسطة نهال اسمحيلي انا رح اجاوبك على ها السؤال اختي نور
لاني انا وكل اعضاء المنتدى نفسهم يعرفوا مين هو اسير حب فلسطين اللي اتحفنا باداعاته في المنتدى
وما شاء الله عليه
صح يا جماعة ولا انا غلطانة

والله خجلتيني يا اختي نهال انتي واختي هيلين

والله ما انا الا واحد منكم وبتعلم منكم

الله يبارك فيكم ويحميكم ويخليكم

اسير حب فلسطين

[رولينا]

مرحبا خيي اسير
بالصراحة انا ما رح اتعبك معي بالأسئلة
انا شايفة كل اللأعضاء ما شالله عليهم ما سابو سؤال الا وسألوك اياه
بس بتمنى تكون موفق في حياتك في جميع مجالاتك ان شالله

اختك اللي مش قوية هههههههههههههههه
رولينا

[اسير حب فلسطين]

المشاركة الأصلية كتبت بواسطة رولينا مرحبا خيي اسير
بالصراحة انا ما رح اتعبك معي بالأسئلة
انا شايفة كل اللأعضاء ما شالله عليهم ما سابو سؤال الا وسألوك اياه
بس بتمنى تكون موفق في حياتك في جميع مجالاتك ان شالله

اختك اللي مش قوية هههههههههههههههه
رولينا

اهلا وحياك الله اختي رولينا

نورتيني وشرفتيني بمرورك والله

بارك الله فيكي وادامك قوية للحق

اسير حب فلسطين

[نسرينا الفلسطينيه]

السلام عليكم ورحمه الله وبركاته

والله انا ما لاقيه اسئله ما شاء الله الاعضاء كفو وفو على رأي رولينا

بس قلت لازم اسأل صرت وعداك

وصرت أفكر أفكر وفكري يا نسرينا لحد ما طلع مع نسرينا 3 أسئله هما عادين بس رح اسألهم

1- شو أكتر قسم في المنتدى بتحب تفوتو؟؟

2- اوصفلنا طفولتك من كل النواحي؟؟

3-شو البلاد الي زرتها بحياتك وأي بلد نفسك تزورها؟؟

وازا خطر ببالي سؤال رح ارجع ان شاء الله

بالتوفيق

[نسرينا الفلسطينيه]

آآآسفين على الازعاج
بس اتزكرت سؤال رابع..

بدي اياك توصفلنا وصفتك العجيبه بعشق فلسطين

يعني انا شخصيا كنت افكر اني بعشقها عشق مش طبيعي ومن يوم ما عرفتك خيي

اكتشفت اني في عشقها صفر او حتى لم انل الصفر امام عشقك لها

بتمنى اتعلمنا كيف نحبها؟؟

[اسير حب فلسطين]

انتقل الى الاخت نسرينا

السلام عليكم ورحمه الله وبركاته

وعليكم السلام ورحمة الله

والله انا ما لاقيه اسئله ما شاء الله الاعضاء كفو وفو على رأي رولينا

بس قلت لازم اسأل صرت وعداك

حياك الله مرورك اكبر شرف والله

- شو أكتر قسم في المنتدى بتحب تفوتو؟؟

كلهم ولكن الاحب على قلبي الادبي ونور الاسلام

2- اوصفلنا طفولتك من كل النواحي؟؟

طفولتي متل طفولة كل طفل فلسطيني

عشت الحياة بمرها وحلوها
كنت انام على صوت القنابل والرصاص واصحى على صوت التكبير وجنازة شهيد
بجوز انا كنت مشاكس جدا وكنت اغلب اهلي واهل حارتي كثير
كنت احب اشوف واعرف كل شي بصير حوليه

كنت شقي دايما بدي اعرف واشارك باي شي
اكيد كانت طفولتي فيها حزن ما بنوصف ......كانت البسمة عندي مخلوطه بدمعه حزن
ما كنت اعرف شو يعني الالعاب او شو يعني الفرحة او السعادة
ولكن الحمد لله اني كنت ببيئة صالحة وايمانية

وطبعا اكبر الاثر كان من اهلي حفظهم الله وبالاخص والدي الذي كان دائما ينصحنا ويعلمنا كل شئ فقد كانت تربيتي منهم هي صاحبة الفضل الاكبر في مسيرة حياتي فالحمد لله انهم كانوا اسرة متدينة ووطنية

وعلى هيك استمرت حياتي شقاوة وحب معرفة لكل شي وكنت بحب عمل النشاطات والمشاركة بكل الاحداث

فقد كنت منذ صغري مهتما بهذه القضايا وكنت كثير السؤال عن اخبار المقاومة والأبطال..وبدأت قصي في النشاط عندما كنت في المرحلة الاعدادية حيث كنا نقوم بنشاطات كثيرة وكنت انا رئيس لجنة الطلاب في مدرستي ..وكنت مولعا كثرا بعمل النشاطات
وكانت بيئة المسجد هي الدافع الاكبر لطريقي في حمل امانة المقاومة والمضي في درب الجهاد
وكنت اتابع الدروس والمواعظ وكانت لي علاقات رائعة مع مقاومين وابطال الحي مما اعطاني الكثير من الامل لمتابعة الطريق
وبعد ان كبرت قليلا وكنت في مرحلة الثانوية كنت دائما اول من يكون موجود في المواجهات ضد الاحتلال
وكان جميع اهل المنطقه يعرفونني ويدعون لي فقد كنت اعرفهم جميعا والحمد لله لانني كنت احب التعرف علىالناس وخدمتهم
فقد كانت علاقاتي كثيرة مع اهل منطقتي وخارجها وفي شتى مدن الضفة
والفضل الكبير كان لاخواني الذين كانوا معنا منذ صغرنا وكانوا يصبون بنا روح الجهاد والمقاومة
واخص بالذكر منهم الشهيد البطل علي العطاونة ..والشهيد ناصر ارتيم.. وغيرهم الكثير

لحتى الحمد لله صار الي دور في الحياة

3-شو البلاد الي زرتها بحياتك وأي بلد نفسك تزورها؟؟

الحمد لله انا زرت

سوريا ..السعودية...الامارت...مصر...المغرب ...البحرين.....العراق....والسويد

نفسي ازور جزر القمر

بدي اياك توصفلنا وصفتك العجيبه بعشق فلسطين

بجوز هاد اصعب سؤال

لاني ما بقدر اوصف كم حبي لوطني فلسطين

لكن بحكي

استعمل كل جوارك وكل افكارك في حب الوطن .....خلي وطنك قدامك بكل شي لا تنساه ابدا باي موقف
تخيل انو فلسطين فارس الاحلام او فارسة الاحلام

اقعد لوحدك وصفي ذهنك وغمض عيونك وتخيل فلسطين وكل الاحداث هناك
افتح قلبك بكل جوارحه واملاه بسهام الشوق للوطن وانت لوحدك

راح تحس انو فلسطين ملكتك وانو جوارحك تحركت بكل معاني الحب
بس طبعا لكل واحد طريقة بحب فيها


ومشكورة نسرينا على الاسئلة وان شاء الله اكون جاوبت

[احلام]

الله يعطيك العافيه اسير كفيت ووفيت والله
وما بظن في حدا ضل عنده سؤال
وماشاءالله عنك لكل سؤال جواب
الله يديمك

[بنت الاقصى]

اشكرك جزيل الشكر على هذه الكلمة الطيبة

[اسير حب فلسطين]

اختي احلام

اختي بنت الاقصى

اشكركم على الاطراء والمرور الطيب الرائع


حياكم ربي وادامكم


اسير حب فلسطين