لآلئ الجنـان || تلاوة الجزء العاشر + حفظ سوة النور

[صاحبة القلم الحزين]

::: السلام عليكم و رحمة الله و بركاته :::


كيفكم يا صبايا؟


ان شاء الله كلكم تكونو بصحة جيدة و مزاج تمام


كيف الصيف معكم؟؟ اشتغلتوا بالمشاريع اللي حكيتو عنها و لا شو صار معكم؟


يا ريت تخبرونا عن أخباركم و مغامراتكم هون


و هلأ راح نكمل في مشروع التلاوة إن شاء الله


للجولة الحالية راح يكون كالتالي


بس بحب أنوه انه تم تقليل صفحات التلاوة لصفحة واحده باليوم


لأنه في عنا مشروع جديد و هو مشروع الحفظ


وما بدنا نزيد الحمل عليكم بلاش تنسحبو الله لا يقدر


و هلأ بترككم مع برنامج التلاوة :


307 :: 183

317 :: 184

18 :: 185

28 :: 186

38 :: 187

48 :: 188

58 :: 189

68 :: 190

78 :: 191

88 :: 192










**************************


طبعاً بدنا نشكر الأخت الرمش الحساس على السنن اللي حطتها بالجزء السابق

و المفروض انه نسمة بلادي تستلم السنن في هالجولة بسسسسس

الأخت نسمة بلادي في عداد المفقودين و مش مبينة

لذلك راح تستمر معنا الرمش الحساس مشكوورة

و نسأل الله سبحانه و تعالى أن يثبتنا على الالتزام بسنن حبيبه المصطفى صلى الله عليه و سلم





***********************


أما المشروع الجديد اللي حابين نلتزم فيه

هو حفظ سورة النور


لأن الرسول صلى الله عليه و سلم قال

" ‏علموا رجالكم سورة المائدة وعلموا نسائكم سورة النور‏"


و ان شاء الله سوف أذكر لكم بالرد القادم فضل سورة النور


أما عن كمية الحفظ


فراح تكون قليلة لأنه " قليل دائم خير من كثير منقطع "


و صدقوني سورة النور سهلة نوعاً ما و آياتها مألوفة ومارقة علينا كلنا


و هيك راح يكون برنامج الحفظ ان شاء الله :


30/7 :: الآيات 1-5

31/7 :: الآيات 5-10

1/8 :: الآيات 10-15

2/8 :: الآيات 15- 20

3/8 :: الآيات 20- 22

4/8 :: الآيات 22- 26

5/8 :: الآيات 26- 29

6/8 :: الآيات 29- 31

7/8 :: الآيات 31- 34

8/8 :: الآيات 34- 38


مع العلم يا صبايا

انه كل يوم لازم تراجعو اللي حفظتوه باليوم اللي قبلو

و نصيحة مني

اقرأو الايات اللي بتحفظوها بالصلاة حتى ما تنسوها

و اذا ما مشى معكم البرنامج هيك احكولي عشان اعدله

يعني قابل للتعديل




و اذا تم الحفظ بنكون ان شاء الله حفظنا أكتر من نص السورة

لانه أصلا اياتها 64 آية




**************


أنا هيك بكون خلصت المهمة التي وكلت إليّ من قبل الأخت دموع الرحيل

و نسأل الله سبحانه و تعالى

الإخلاص بالقول و العمل


يا ريت اتضلو متابعين معنا

و الأخت ريحانة القلب بنحب نقلك الحمد لله على السلامة حبيبتي

و عمرة مباركة يااااارب

و يا ريت تحكيلنا مغامراتك هناك






و أخـيـــــــــــــــــــــــراً


:: إني أحبكم باللّه ::