اهلا وسهلا باللي جاي..يا مرحبا باللي جاي ^^ (>>غرور انثى&عاشقة الرومانسية<<)

[أحلى مايا]

يسلمو للجميع على المرور ونورتينا بينك روز وان شاء الله نئدر نساعدك بأي شي محتجاخ ^^

[Pink Rose]

تسلمي حبيبتي مايا

رح عرف بحالي

انا بينك روز :: فلسطينية ,, مولودة وعايشة بالاردن

بحب فلسطين كتير ونفسي ازورها :)

عمري 16 سنة ,, بدرس وهلأ انا في الصف الاول ثانوي

الفرع الادبي <<< طول عمري كنت بدي علمي

بس الصف العاشر للاسف خلاني اغير رأيي ^^

شاطرة بالمدرسة

السنة الجاية توجيهي ويا رب خير :)

بيقولوا عني هادية ومرحة بنفس الوقت ,, خجولة وهاد الاشي ما بيخليني اجتماعية لحد كبير ..

عصبية في بعض المواقف ومتسرعة احيانا ونفسي ارتاح منهم هالعادتين

بكره الكزب وانو حدا يفهم التاني غلط ويحلل اشياء من راسه ما يكون الها اساس

حابة كتير اتعرف على بنات المنتدى وان شاء الله تيجي فرصة نتعرف سوا :)

بس هيك بكفي .. وان شاء الله اكون عضوة خفيفة عليكم ونقضي ايام حلوة مع بعض

[ღ حورية فلسطين ღ]

ملاك على الأرض

اهلا وسهلا فيكي حبيبتي وانشاء الله بتتعرفي عالكل

ودورك معنا بكون قريب

قولي الله

[ღ حورية فلسطين ღ]

بينك روز

كم سؤال عالسريع

1)كيف اتعرفتي عالمنتدى؟

2)شو طموحك في الحياة؟

3)شو ناوية تعملي بس تخلصي توجيهي؟

والي رجعة

رجعات مش رجعة ^_^

[Pink Rose]

بينك روز

كم سؤال عالسريع

1)كيف اتعرفتي عالمنتدى؟

اتعرفت عليه من عمو جوجل الله يخليلنا اياه ^^

بالبحث كنت بدور على منتديات فلسطينية

وطلعلي منتدى شباب فلسطين

اتصفحت المنتدى .. عجبني وسجلت فيه

2)شو طموحك في الحياة؟

اخلص دراسة واجيب معدل كويس بالتوجيهي

واكمل دراسة بالجامعة واشتغل ....

واعيش حياة حلوة ومستقرة :)

3)شو ناوية تعملي بس تخلصي توجيهي؟

رح اكمل دراسة بالجامعة ان شاء الله والله يوفقني ويوفق الجميع ^^

والي رجعة

رجعات مش رجعة ^_^

بتنوري يا قمر *_^

[تحـ البشر ـدوهـ]

فكرة حلوة

موفقين ان شاء الله


يعطيكم العافية صبايا

[ღ حورية فلسطين ღ]

تحدوه البشر تسلم

الله يعافيك يارب نورت

[أحلى مايا]

نورتينا والله بينك روز وعنجد ضيفة عزيزة و خفيفة علينا

واخت ملاك اكيد حيكون دورك موجود وبنشرفينا والله

[Pink Rose]

المشاركة الأصلية كتبت بواسطة أحلى مايا نورتينا والله بينك روز وعنجد ضيفة عزيزة و خفيفة علينا

واخت ملاك اكيد حيكون دورك موجود وبنشرفينا والله

تسلمي يا عسل .. انتي اللي منورة

[جرحٌ بملامح انسان]

ههههههههههه
عنجد فكرة روووعة
احلى مايا كنتي خايفة ما تزبطي بالقسم عملتيه جو أكشن .. عنجد صار كتير نشيط
طبعا مع حورية وافكارها .. لايقين على بعض
وعنجد أول اختيار موفق ^ ^
بينك روز وهاني المصري .. سجلوا بالمنتدى وتفاعلوا معه بسرعة
بينك روز .. اسألتي ^ ^

شو أكتر شي بتكرهيه
وشو أكتر شي بتحبيه
وشو أكتر موقف أثر عليكي بحياتك ومستحيل تنسيه ^ ^
و وين بتقضي احلى أوقاتك
ووو مممم بس خلص
ما في عندي هلأ اسئلة يمكن لقدام ^ ^

بينك روز الوانها الي بتستخدمهم كتير حلوات .. مواضيعها رووعة ... تنسيق وكلمات ماشالله
يعني كعضو جديد قمة بالتميز ^ ^

هاني المصري
انت من وين ^ ^
كم عمرك
شو أكتر شي بتحبه وأكتر شي بتكرهه
تعرضت لقصة حب قبل هيك ولا لأ .. وشو كانت نهايتها . . . الا ازا لسه مستمرة ^^

مواضيعك اغلبها عن الحب والخيانة ونقاش بهالشغلات عشان هيك سألتك

نورتوا المنتدى والله
ومرة تانية تسلمي مايا وحورية فلسطين على الموضوع الروووعة