بنات المنتدى بدنا نتعرف عليكو اكتر بليييز

[اوتار الحرية]

ونسيت احكي اني عايشة في الامارات وبالاخص بالشارقة
وطبعا جنسيتي فلسطينية

[Pink Rose]

فكرة حلوة كتير يا عسل ..

//

انا رورو ^^ او بينك روز من الاردن ..

عمري 17 سنة بطبقهم ان شاء الله بـ 28/9 ..

فلسطينية من مواليد وسكان الاردن بالعاصمة عمان تحديدا

بدرس .. وهالسنة ان شاء الله توجيهي الفرع الادبي ..!

بحب النت كتير وما بتخيل اقعد يوم من غيره ^^

من هواياتي غير النت كمان القراءة .. بحب اقرأ كتير خصوصا من النت

اما من الكتب مش كتير ..

بحب البحر كتير كتير .. بس للاسف بعيد عنا ومش بسهولة لنوصله ..

بحب القمر كمان كتير ^^ وبتخيل مرات لو اقدر اعيش عليه ^^

اكتر شي بكرهه بالحياة الكزب والنق :@

وانه حدا يفهم التاني غلط ..!

بحب الصدق والصراحة ..

بس ما تكون الصراحة على حساب اني اجرح حدا

خجولة كتير وحساسة زيادة عن اللزوم

بتمنى اخفف من هالصفتين شوي ^^

متسرعة كمان وهالشي بسببلي مشاكل مرات :(

بقولوا عني عصبية وعنيدة

اخترت النك نيم تبعي يكون Pink Rose لاني بحب الورد كتير

وبحب اللون الزهري كمان ..

مع العلم اني بموت بالورد الجوري الاحمر

بس هيك .. كترت حكي انا ^^

//

يسلمو كتير ضو القمر عالفكرة الروعة .. ما ننحرم يا رب

واهلا وسهلا بكل الصبايا .. تشرفنا والله

[زينة نابلس]

انا زينة
من نابلس فلسطين
مو ضروري العمر بس بين 20 و 25
درسة خدمة اجتماعية في جامعة النجاح الوطنية
هواياتي
سماع اغاني القيصر
وبحب النت
وبحب المغامرات كتير

[loaloa]

أول شي الموضوع روووووعة و كتيييير حلو ... يسلمو يا ضوء القمر ...
المهم , أنا اسمي آلاء .. فلسطينية من طول كرم و مقيمة بالإمارات .. عمري خخخخ 13 سنة بكملهم بشهر تلاتة .. أنا بصف ثامن ... أنا مرحة و بحب الضحك كتيييير و طول نهاري بضحك بكره الحزن و بموت بالفرح ... أنا و أعوذ بالله من كلمة أنا بحب الصداقة كتير ... بس مشكلتي اني اجتماعية بس مع صاحباتي ... و كتييير بستحي.... من هواياتي بحب السباحة بس ما بعرف .. سمعتوها شي بحب السباحة بس ما بعرف خخخ و بحب الأشغال اليدوية و بحب كتيير الرياضة و الرقص .... بحب الأواعي و الاكسسوارات و الأحذية و كل شي متل هيك ... بس أكبر حابة أكون designing engineer ..................... و بس ... يسلمو عالموضوع

[Maram .. ~]

أنا مريم.. من فلسطين - غزة - السجاعية بس عايشة بالإمارات بعجمان

رايحة صف 9 ..

بحب القراءة و النت طبعا و السباحة..

تاريخ ميلادي 21-2-1995

بس أدخل الجامعة بدي أدرس graphics

ممممممممم شو كمان..

بحب رقم 2..

عندي 3 خوان أصغر مني و أخت أكبر مني..

يعني بكون التانية..

ممممممممممممممم

ما بحب كتير التلفزيون بس بتابع لرسوم سالي ..

بعشق إشي إسمو أناشيد و خصوصوا إلي بتكون أناشيد وطنية..

و بس..

ان شا الله بنتعرف عليكوا كلكوا..

شكــــرا كتير حبيبتي ضو..

:)

[شفتا]

اوكي

[&نسيم الروح&]

انا واعوز بالله من كلمه انا

اسمي نسومه

والحقيقي حنونه ههههههههههههه

عمري 20 و7 شهور ونازله بالــ 19

هواياتي كانت كتابه الشعر والقصص والتصوير والشوبنج اما من بعد ما هرب شيطان الشعر خففت الكتابه

اما اشياء تانيه متلا دارسه لحد توجيهي

وازا صحلي رح ادرس جامعه هون

عايشه بكندا عندي بيبي وكان عندي بنت بس هلا ستها اخدتها لانه هي اعتبرت انه هي احق

حبيبتي شتقتلها بس بشوفها دايما

المهم شو بدكم كمان والله بفتح كتابي وبحكي ههههههههههههه

اه في كمان عيد ميلادي بــ 15 ديسمبر

قرب حضروا الهدايا ههههههههههههه

عندي 4 اخوان وحده منهم بنت كلهم اصغر مني وما في حد قبلي

نفسي ادرس هندسه مكاترونكس او طب اسنان وانشالله بدرسهم

شايفه حالي على بشوف حاله علي, طيبه بس مو طيبه, بحب اكون انا وما حد يقلي ليش ما تكوني متل فلانه

بنجلط والله

ولي يا هبله انا ما بدي اعرفك على حالي عارفتيني يمكن اكتر من حالك

وفكرتك حلوه وخلص بكفي هلا بكبر راسك وبسير قد الكره الارضيه ههههههههههههههههههههههه

ميرسي الك ولي

[الحان الحرية]

احم احم ,,

السلام عليكم,,

انا الحان الحرية الملقبة بـ توتي ,,

العمر :- 15 سنة و شهرين تقريباً,,

تاريخ الميلاد بـ 8-6

و طالعة ع الصف العاشر اللي هو اول ثانوي ,,

بحب اقعد ع النت كتير ,, و بكتب شعر ,, و بحب القراءة,,بحب السباحة كمان ,,

ما بطلع كتير ,,

نتيجة عن ذلك ما بهتم بالموضة ,,

نتيجة عن ذلك كمان ما بهتم بالشكليات بالمرة ,,

بكره التكبر + الأقنعة ,, يعني قدامك شي و من وراكي شي تاني + و بكره المشاكل بشكل عام ,,

بحب افرفش ,, مع انه نادراً يعني

و بحب اطلع مع انه نادراً ما بيصحلي اطلع ,,

و بحب اسافر مع انه نادراً ما بسافر ,,

و متل ما بيقولو كل ممنوع مرغوب ,,

و بس,,

شو كمان بدكم تعرفو ,,

آه

بـ طفولتي ستي ربتني ,,

و بمتنى اخلص دراستي و ادرس اشي منيح بس لسا ما قررت هندسة أو اشي بالكمبيوتر ,,

ما بطيق التلفزيون ,, غير نادراً

و بحب انشد و اسمع اناشيد ,,

و الي اخين و اخت ازغر مني ,,

و اغلى ناس بالدنيا قلبي هما ستي و سيدي و امي :)

و كتير بحب المنتدى ,,

يعني ما بقدر امضي يوم واحد من غري منتدى غير عند اشد الظروف

و بحس المنتدى بيتي التاني ـههههههههـ

بحس حالي وطنية ,,

بحب فلسطين كتير ,,

و لما احس اني بالغربة عنجد بحس انو قلبي بيحترق ,,

بتمنى اشوف فلسطين و لو بس مرة ,,

و اضافة الي انو i love " حماس"

و هيك حياتي كلها خلصت ـهههههههههههـ

انهبلت شوي ـهههههـ

خلص بيكفي هيك

ان شا الله يا ست صرصار = ضو الشجر تكوني عرفتيني هلأ

آل يعني مش عارفيتني ـهههههـ

سي يو :)

[الحان الحرية]

ما شاء الله

قصة حياتي ـهههههههههههههـ

[مغرورة بس معذورة]

عمري 18 أحب الموسيقى وبفرقة تشجيعheadphone:36_11_10[