:::::::::::::الفتيــــــــــــــات و الموبــــــــــايل مع او ضد؟؟؟؟:::::::::

[ابنة الشتات]

الموبايل متله متل اي شي سواء للشب او للبنت
الي بدو يستعمله صح بيستعمله صح والي بدو يستعمله غلط بيستعمله غلط
والبت او الشب الي مو حاطين الدين بين عيونهم رح يغلطو لو كانو عايشيين بصحرا قاحله

(كل شيئ سلاح ذو حدين) والانسان هو الي بيختار مصيره

بس بالشغلات التقنيه هاي مافرق بين الشب والبنت
ويمكن الشباب بخبصوا أكتر من البنات...
من ملاحظتي بالدنيا انو فئة معينه من البنات ( الله يبعدهم عنا ) هن عاطلات
اما الشباب معظمهم الا من رحم ربي بخبصو طبعا بدرجات متفاوته
بس برجع وبحكي الغلط غلط ع الشب وع البنت

..........
المشكلة هلأ للشب والبنت على حد سواء شغلة الكشخة ومبايل آخر صرعة وكل كم يوم بيتغير المبايل هاي المشكله الحقيقية .... وفوق كل هاد مش عاجبهم!!

.....

شكرا ع الموضوع يتحق النقاش

[نرمين]

اما بالنسبة الي

فانا بقول انه مع وضد في نفس الوقت

يعني انا مع انه الفتيات يحملوا الموبايل

ولكن في حالة الضرورة القصوى يعني متلا لو البنت كانت في الكلية متلا او في الشغل او عند حدا بتعرفه وبدها تتاخر فاكيد راح تحتاج الى موبايل علشان تخبر اهلها بانها ودها تتاخر

وضده انه علشان المعاكسات اللي بتحصل في هااااااااي الأيام وبعدين الصحيح انه الفتيات اللي تحت 20 سنة ما يحملوا الموبايل لأنه ماله ضرورة معهم فليش لحتى يحملوه بالأساس ولا هو مظهر من المظاهر الكذابة متل ما بيقولوا انا بعرف بنت كانت بالتوجيهي اشتروا الها اهلها موبايل ولكن لم تاخذه معها الى المدرسة لأنه كان فقظ لغرض مكالمة خطيبها فقط في البيت ولما اتجوزت تركته ( الموبايل ) عند اهلها وذهبت مع زوجها

مشكورين على الموضوع الجميل ودمتم بود وسلالام

[زهرةاللوتس]

اول شي يسلمووو كتير على الموضوع الحلو كتير
تاني شي انا برايي مو غلط البنت تحمل موبايل اذا الاهل واثقين من تربايتهم ,,,,, وانا عندي قناعة لو البنت او الشب بدهم يعملوا شي غلط ,,,,,,, ما في أي شي ممكن يمنعهم ....
بس لما نعود اولادنا على تحمل المؤولية وانهم يكونوا قد الثقة الي اعطيناها الهم أنا متأكدة إنهم مستحيل يخونوا هذه الثقة

بس برضو لازم يكون رقااااابة على الموبايل من جهة الأهل

الله يعطيكي العافية

[ماري]

انا مع وضد للبنات لان بعضهم بحافظ على حالو والنص لا بعمل شي غلط يعني حكي مع شباب او رسايل
شكرا الك

[maya_m]

انا مع فكره انو الصبيه تحمل بلفون بس تعرف كيف تستخدم في اشيا ايجابيه مش سالبيه وهو ضروري كتير والبنت لازم تكون متطوره وملاحقه كل شي بسير بدنيا ما لازم تم محلها لانو من حقنا نعمل كل شي بدنا ايا بس بطريقه الصالحه وشكرا

[احمد ابو غنام]

اقل من 18 عام لا واذا بعد فلازم يكون مع المراقبة,انا لا اشك في عفة وشرف وطهارة اخواتي المسلمات ولكن الفتاة تغلب عليها العطفة ورقة القلب وقد تنجر وراء الاشياء بسرعة وتكون غير قادرة على التمييز في مرحلة ما وهنا للاهل دور كبير في ترية الفتاة وارشادها ومتابعتها وعلى الفتاة ان تكون اكثر حذرا وفطنة وان تفكر جيدا قبل اي قرار والغيرة هنا تلعب دور كبير حين ترى الفتاة صديقتها يفعلن كذا وكذا..........والباقي عندكم ,اخواتي الكريمات ارجو الا تفهمن رأيي بشكل خاطئ ولكن هذه نصيحةولا اشكك غي قدراتكن وذكائكن والله من وراء القصد.