أنا شيعية ..ليش بتكرهوني

[دموع الغربة واشواق العودة]

ييييه علينا رحت ورجعت
لقيتكم منتفين بعض ..
أول أشي أنتو هيك رح تضطروني أني أفصل في الموضوع أكتر
لحتى تفهمو قصدي ..
أنا كتبت هالموضوع ..مش عشان نقعد ونحدد بمصيرهم ..
وتقعد انتا ودمعة أسى تثبتولي انهم على غلط ..
أنا بريحكم وبحكيلكم أنهم على غلط ..
وأحنا مابيجوزلنا نحدد وين مصيرهم ..
الجنة أو النار هادا ما حدا بيعرفوا غير
ألله ..
ممكن سني ..بصلي وبصوم ..وبعبد ألله
وعشان غلطة زغيرة عملها بحياتو ..يفوت النار ..
وممكن شيعي /يهودي /مسيحي / علماني / بوذي /
وغيرو من الديانات والطوائف ..
يدخلو الجنة عشان ..شغلة منيحة عملوها مرة بحياتو ..
هاي شغلة مابيحقلنا الأفتاء فيها على ما أعتقد ..
تاني شي ..أنا كتبت الموضوع لهدف واحد ..
لما يكون في بنات معنا بالمدرسة وبنفس الصف شيعيات ..
بيدرسو نفس منهجنا وبيقرأو القرآن معنا ..
وعمرهم ماغلطو علي ..أو على رسولي أو على ديني ككل ..
أنا ليش بدي أكرههم ..اعطوني سبب واحد ..
ومع هيك ..كل معلمة بتفوت علينا ..
بتعمل حالها فيلسوفة زمانها ..
وبتقعد تسب وتلعن ..وتشتم بالشيعين ..
بالوقت نفسه ..الجيران يلي عايشين حولينا نصهم ..شيعة ..
انا ليش بدي اكرههم وهما ماداسولي ع طرف ..
أنا كتبت هالموضوع لأوضح هالنقطة بس ..
وأنا معكم في الإستفادة من تطورهم العسكري ..
والتواصل معهم إقتصادياً
لا زم نعرف شو ورا هالآراء ..
لحتى نعرف إحنا لازم نحط إيدينا بأيدين مين ..
وضد مين كمان ..
اما بالنسبة للي شتمو وسبو السيدة عائشة رضي الله عنها
فلكل إنسان طريقة للتعبير عن غضبو ..و ردو كمان
وكل إنسان حر ..
أنا إلي طريقتي الخاصة ..التي أدعو لها في هذا الزمن ..
انا ماحكيت أسكتو .....أبداً .
لكن أنا مش عاملة هالموضوع لتوضحولي اخطاء عقيدتهم وتثبتولي ..
هالأشي بالأدلة والبراهين ..
انا عارفة ومؤمنة بهالفكرة والموضوع ..
ولمن احكي عاملوهم بالتي هي أحسن ما بقصد ..
إعطائهم فرصة لتمرير معتقداتهم
والترويج لها بيننا ..
إن شالله تكونوا فهمتو قصدي ..
وعين صقر : أنا بتفهمك كتير منيح ..وأنا بشكرك كتير
ع متابعتك للموضوع ..
وكلامك على عيني وراسي ..
شكراً
وإن شالله تكونوا تفهمتو الموضوع
..^.^..