شباب فلسطين

أم الوليد · 10-28-2009, 09:53 AM

المشاركة الأصلية كتبت بواسطة دمعة أسى بانتظار العسل إم الوليد

تسلمي ياسكرة انتي

الفتاة المشرقة شكرا لاختيارك حبيبتي

هلاشفتو ورح رد ان شالله

أم الوليد · 10-28-2009, 10:03 AM

مكان الميلاد أين كان ؟

الدوحة - قطر

حياة الطفوله من كان المؤثر الأول بها ؟
العيلة كلها يمكن

موقف من الطفوله مازال عالق في ذهنكـ ؟

ممممممم كنا بالبحر وكنت يمكن 8سنين واختي 4 سنين هلا ماكنت اسبح منيح وهي بتلعب عالشط حبت الذكية تتغمق في السباحة طبت عوجهها بالمي وانا حبيت اتفالح وانقذها امت غرقت فوقها

كمان مرة شفت عصفور ميت بجنينة بيتنا مسكتو وحطيت فوقو تراااااااب وكنت 5 سنين اجت ماما ارتعبت بس شافتني بحطو بالرمل ، بس انا ماكنت بعرف انو حقيقي بفكر لعبة متل بيوت الرمل بالبحر

هل كانت توجد معامله مختلفه كونكـ بنت عن باقي اخوانك الأولاد ؟

انا ماعندي خوان شباب بس عالبنات اه رغم انو التانية بس كتيييييييييييييييييييييير تدللت ومعروف انو ملك(أميرة البيت المدللة)

اليوم الدراسي الأول هل تتذكري حالكـ فيه ؟

بتذكر كانت الروضة عاملة حفلة استقبال ولبستني ماما فستان ابيض حلو وحكتلي رايحين حفلة وخدي هالحلويات لاصحابك وراحت ملك وبس وصلت لقيت شو استقباااااااااااااال تحفة بس شكلو كان من حلاوة الفستان مش الي وصرت وزع عالاطفال حلو وانبسطت وماحسيت بالوقت

عبث الطفوله كيف تصفينه في بضع كلمات ؟

براءة وحب ودلال واستقرار

صديقات الطفوله هل مازلوا على تواصل ؟
ممممممم للأسف كل سافر من هون

إلى ماذا كنت تطمحين وهل وصلتي لطموحكـ ؟

كنت بدي كون مدرسة اطفال حمدلله اجت فترة درست وقضيت نفسي

كيف هي نظرتكـ للحياة اليوم ؟
دوم في شمس بتشرق مهما طال الليل

من هي الشخصية الرجالية التي تعجبكـ ؟
أحمدالشقيري (حامل هم الأمة، بأسلوب معاصر، حضور جميل)
العيلة عمو الله يحفظو

شكرا حبيباتي عالاستضافة اللذيذة ، وشكرا لاختيارك حبيبتي الفتاة المشرقة

بختار جورية القسام

جورية القسام · 10-28-2009, 04:58 PM

أهلين ملووك .

منورة .

شكراً على الاختيار .

بعدين برد .!

عاشقة فلسطين.. · 10-28-2009, 05:18 PM

اوك بنستناك

دموع الفرح · 10-28-2009, 05:39 PM

فكره جميله جداً
كل التحيه

Pink Rose · 10-30-2009, 02:27 AM

حلوة كتير اجوبتكم صبايا

ما شاء الله عليكم ^^

يعطيكم الف عافية ..

//

بانتظارك حبيبتي جورية :)

PaLeSt!Ne SouL · 10-30-2009, 07:13 AM

بانتظارك حورية

جورية القسام · 10-30-2009, 12:39 PM

مكان الميلاد أين كان ؟

الخرج . السعودية

حياة الطفوله من كان المؤثر الأول بها ؟
ما حد .!

موقف من الطفوله مازال عالق في ذهنكـ ؟

اخدتني اختي مرة ع مدرستها . و صفينا بالطابور .. اجت وحدة من وراي صارت تضربني برجلها ..

ليش ما بعرف .؟! .. مع اني لا بعرفها ولا بتعرفني . لما ارجعت على البيت . حكيت لـأميي . وصارت تحكيلي ليش ما ضربتيها . ؟! .. سكتت وما جاوبت .. ( طول عمري بدون شخصية ادافع فيها عن حالي .

....

ومرة . لما كنت بالصف التاني . كانت اختي بالخامس . فتعبت اختي . واجا بابا واخدها .. وضليت لحالي بالمدرسة .

خايفة وزعلانة . ومديت تمي عشرة شبر . ولما اجا بابا واخدني . ما سلمت عليه . وكنت كتيير مقهوورة وزعلانة .

هل كانت توجد معامله مختلفه كونكـ بنت عن باقي اخوانك الأولاد ؟

آه . فيه كتير

اليوم الدراسي الأول هل تتذكري حالكـ فيه ؟

لا ما بتزكر . بس لما نقلوا مدرستنا من حي لـ تاني . ما حكولنا وين المدرسة التانية . وتهنا واحنا بندور عليها .

ولما لاقيناها . تعبت . ودخت . واستفرغت . صرنا بدنا نتصل على بابا يروحنا . حكولنا ما في تلفون .

عبث الطفوله كيف تصفينه في بضع كلمات ؟

براءة لا توصف . يا ليتنا نرجع

صديقات الطفوله هل مازلوا على تواصل ؟

لا

إلى ماذا كنت تطمحين وهل وصلتي لطموحكـ ؟

لما كنت صغيرة . كان نفسي اطلع مُدَرِسة . بس غيرت رأيي بالنهاية

كيف هي نظرتكـ للحياة اليوم ؟

قرف . وطلعان روح . الله ياخدني

من هي الشخصية الرجالية التي تعجبكـ ؟

بتعجبني الشخصية القوية والحنونة بـ نفس الوقت . ويكون الو عطلات . مو متل اخواني .دهون وبس .!!!

شكراً ملووك على الاختيار .. عسوولة

بختار حبيبة قلبي waяm heaяt.

عاشقة فلسطين.. · 10-30-2009, 01:50 PM

هه
اجوبة رائعة أختي
شكرا الك

أم الوليد · 10-30-2009, 02:24 PM

جورية لاتحكي هيك عن حالك انتي ماشاء الله عنك حبوبة وظريفة والدنيا حلوة سدايني ولازم نعيشها وتكون نظرتنا للشمس الجاي مش لليل الي راح ...تقبل مروري غاليتي

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء