مدرستكـ تحت المجهر .{{ رعد فلسطين }}. <<فضـآآيحكم هنـآآ

[PaLeSt!Ne SouL]

بانتظار جارة الجبل هههه

[عين فلسطين]

خلص انا بدي ارجع لانجل اس

ياريت
بيبني وبينك احلى

[PaLeStiNe FlOwEr]

المشاركة الأصلية كتبت بواسطة Just Me..MaRaM ههههههـ حلوهـ إجآبآتكـ .,,

مبينين معلمآتكت كآنو ظآلمآت :(

اللهـ يعينك .. ههـ

يعطيكي الف عافيهـ حبيبتي ,,

و بآنتظآر أنجولهـ .. أصدي جآرهـ الوآدي ^.^

انت الحلوة مرام

هما مو ظالمات هما مجرمات طبعا مو كلهم في منهم كويسات

والله يعافيكي

[PaLeStiNe FlOwEr]

شو وينك يا جارة هيهم حطوا اسمك لي ما جيتي؟؟!!!

شوفو يا جماعة ما دام اتأخرت حطو بدل جارة الوادي انجل اس p:

[waяm heaяt]

يلآآ سوسوو المشآكسة ..


بانتزآآركـ احنآ




متحمسة اشوف اج ـآبآتكـ ^^

اخيرا ورطوكي .. هههه


=)

[PaLeStiNe FlOwEr]

الذين يشاهدون محتوى الموضوع الآن : 3 ( الأعضاء 3 والزوار 0)
‏PaLeStiNe FlOwEr, ‏أبو يقين, ‏همسة العشاق~


همسة حبيبتي شو رأيك تروحي تنادي أختك؟؟!!

[جاآرة الوادي’’]

راجعه ع السهرة انشالله

وبكفي تعليق لو سمحتوا ,, والا ما بتشوفوا خير :p

[أســـآمـة]

بإنتظار جارة المحيط و إبداعاتها و فضايحها،،

[طوق اليمامة]

بإنتظار جارة القمر قصدي الوادي ههههههـ

[جاآرة الوادي’’]

افرشوا البساط الاحمر بالاول



إيِش أسم مدرستكـ ؟!.


من الاول للتامن ,, مدرسة بنات صوريف الاساسيه
في التاسع .. مدرسة رابعه ابو ديه
العاشر واحدى عشر .. مدرسة الفاروق الثانويه للبنات


في أي صفـ ؟!.

الصف الحادي عشر




كم نسبتكَ العـأَإم الماضي .** يلا طلعوا الفضايح .:؟!

العام الماضي جبت 95.8 فقط لا غير ,, (ولعلمكم التعليم عندنا كتيير صعب) يخلف عليَ




وكم ترتيبكـ ؟.!
التانية ,, طول عمري وانا التانية ,, قرفت هالترتيب

كم عدد الحصص .؟!
7 حصص والخميس 8 حصص


إيش هى مادتكـ المفضله ؟!

ممم بحب ال E والرياضيات وشوي من الكيميا ,,




تحب تذآكر من الدفتر او الكتاب .؟!
حسب المزاآج


هل انت من النوع الي تحب تشخبط عـَ الكُتب والدفــأإآتر ؟..!! <-

اناااآآ ,, مجرمه شخابيط ,, يعني يوم اكون طفشانة بمسك هالقلم وبشخبط ,, اما ع الدرج او ع الكتاب ,,
وهلأ في ع الدرج كلمة MISS U بالخط العريض ,, وازا انكمشت بحكي انو هاي الشخابيط من قبل مو مني


اذا انت متخرج ايش المرحله الي حبيتها ؟ وليه

انا مو متخرجه بس اكتر مرحله حبيتها ,, السابع والتاسع



هل انت من النوع الي يتكلم كثير ؟. او لا يتكلم او نـآدراً ؟.!

انا بحكي وانتوا بتحكموا ,, يعني يوم تكون الحصة ملل × طفش × زناخه وثقله دم
والطالبه (الي هي انا) بتزهق وبتقرف حالها .. ما بتلاقي الا احد هالحلين
اما انو تشخبط
او انو تبرم
والبرم احلى واسهل ,, بضل اقرقر مع اللي جنبي ومع اللي وراي ومع دمووع الحنين اهم شي .. لحتى انكمش ويصحلي بخعه وفعه ,,
ومرات بتصير مواقف بالحصة بتضطر الواحد انو يضحكـ ويبرم ,,





من أكثر معلم احبيته ؟ إيش كانت يدرسكـ ؟.!

سماهر معلمه العربي للصف السابع والتامن والتاسع ومس ريما ,, معلمه الانجليزي للصف العاشر



كم كــآن عدد الطلاب ؟.!!
34 اقتضاض سكاني




وين كــآن مكانك في الفصل ؟؟.!


كنت الدرج التاني في الجهه ناحيه الشبابيكـ لسنتين متتاليتين ,, وقبل فتره انتقلت ع الدرج الاخير بنفس الجهه




ومن كــآن جنبكـ ؟!



دودو ,, حبيبه قلبي لمدة سنتين وهي جنبي ولازقين بنفس الدرج
بس القدر فرقنا هالسنة وصرت على جنب عزف الحنين (توتو) بس دودو صارت بالدرج اللي قدامي ,, ما ابعدنا كتير يعني


كم مره كتبت تعهد او مخالفه . وليه ؟.! ومتى .؟!

مممم مرات كتيير كنت ع وشكـ اني اكتب تعهد ,, مرة في احداث غزة الاولى ,, طلعنا مسيرة ’’ اجو الاولاد من مدرستهم ع مدرستنا واخدونا ,, والمديرة سكرت البوابة من جوا بالقفل ,, يعني ما في مجال نهرب ,, بس في شب من الشباب اعطى بنت حجر وحكالها اكسري القفل .. والبنت اخدت الحجر واكسر بهالقف اكسر فيه لحد ما انكسر ,, والبنات هربن برا البوابة .. وطلعنا المسيرة ,, وتاني يوم (سجود) كانت ع رأس القائمة السوداء عند المديرة ’’ بعتت ورانا ,, ورحنا طبعاً ,, وخد ع بهادل ,, وكانت ع وشك انها توقعنا ع تعهد لولا انو انا رئيسة البرلمان الطلابي والا كان رحنا فيها وهددتنا واقبلنا التهديد وانتهى الامر ع خير ,, ^^




ومرة تانية كنت انا وصاحبتي (نيفين) طفشانين كتيير .. عملنا حجتنا العطش ورحنا طلبنا من المس انا نروح ع المي ونشرب ,, طبعا المس ما رضت .. حاولنا معها بس ما رضت .. واستنيناها لدارت وجهها .. وخد ع ركييض ,, نزلنا ع المي خلسة فكرناها ما شافتنا ,, بس طبعاً طلعنا غلطانين اتاريها شايفيتنا يوم هربنا ع المي ,, بعتت ورانا واخدتنا ع المديرة ’’ حكت المديرة معنا وبررنالها الموقف وحكتلنا المرة هاي سماح بس حطت علينا نقاط سود .. هع نقاط سود = تغيير نظرة للاسوء ,, بس مو سئ كتير




كم مرة انطردت من الحصه ؟.! وليه .؟.! ومتى ؟!

ممممممم ما بزكر اني انطردت .. اصلاً مين بيسترجي يطردني .. هي الدنياآ سايبهـ ,,!



كم مرة انحرمت من الفسحه ؟.! وليه ؟!

كلو ولا الفسحه ,, ببيع حالي بس الفسحه ما تروح مني ,,




عمرك اتهزات من مدرسك .؟! وليه ؟.!

ممممم ال اتهزأ ال ’’ انا ما بتهزأ ’’ انا بتبهدل ,,

بصراحهـ يعني اناآ الي 11 سنة بدرس من الصف الاول للحادي عشر ,, ومرت كتييير مواقف اتهزأت فيهاآ’’
مرات بتهزأ بسبب الرغي المستمر في الطابور الصباحي
او بسبب الرغي المستمر بالصف ,, والضحكـ

وقبل كم يوم ,, مطرت عندناآ مطر غزير ,, في هداكـ اليوم كناآ بتهايه حصة التكنولوجيا ,, طلعنا من مختبر الحاسوب بدنا نروح ع الصف .. وطبعاً شفناآ المطر ,, وانا واختكم دموع الحنين ما قدرنا نقاوم جمالو ,, طبعاً نزلنا نركض تحتيه ’’ وملابسنا صارو كلهن مي ,, رجعناآ ع الصف ولا كأنا عاملين شي ,, بس طبعاً المي اللي ع الملابس كشفتنا ’’ وخد ع تحقيح من ليلى البلاصي ,, وطبعاً اتهزأنا بس مو كتير ,, بس بالمواقف اللي متل هاي ’’ نحنا قدها


وطبعاً ,, يومياً لازم يصحلي (سجود اسكتي) ع الطابور الصباحي ,,’!

وغير هيكـ مواقف لا تعد ولا تحصى ,, بس خلي الطابق مستور




او هزأتِ مدرسك .؟؟!! >> ماكانه السؤال قوي شوي

هههههههههه يوووووه ياما هزأت ,,, انا اللي بهزأني بهزأو ,, ما بقدر اسكت ع الظلم ,,

وفي مرة من المرات ,, كان عندنا حصة رياضه وكنت انا من فريق كرة الطائرة .. حكتلي معلمه الرياضة اروح انادي بنات الفريق التانيات من صفوفهن ,, وطبعاً انا رحت (بسمع الكلمه) وبكل احترام فتحت باب الصف ,, وحكيت للمعلمه ,, مس بدي بنات كرة الطائرة ,, علشان بدنا نعمل مباراة ,, طبعاً المعلمة رفضت ,, حكيتلها اوكـ ,, طلعت وسكرت الباب وراي .. وأتاري الباب فيه خلل ,, بسكر لحالو وبقوة,, راح هالباب مسكر بهديك القوة ,, وانا كملت طريقي ونزلت ,, بعد شوي اجت بنت بتحكيلي تعالي للعلمه ,, طبعاً انا رحت ,, حكتلي ليش خبطتي الباب بقوة وراكي .. حكيتلها لا يا مس هاد فيه خلل وبسكر لحالو ,, حكتلي لا ما بسكر لحالو ,, حكيتلها بلى يا مس حتى هه شوفي .. وفتحت الاب وتركتو يسكر لحالو ,, طبعاً هو سكر بكل قوة ,, (برضو لحالو) ,, حكيتلها شفتي يا مس كيف بسكر لحالو وبطلع صوت عالي .. طبعاً المس ما اعترفت بالهزيمة .. وحكتلي طيب انتي ليش بتجاكري وبتردي جواب بوجهي .. حكيتلها لا يا مس انا ما برد جواب بوجهك ,, انتي سألتيني وانا جاوبت ,, حكتلي وكمان مصرة تجاكري ,, حكيتلها يا مس انا ما بجاكر انتي بتجاكري بحالكـ ,, حكتلي انتي قليله ادب حكيتلها : نعم ,,؟ اولا مو انتي اللي بتحددي ازا انا مؤدبة والا لا ,, وتانياً ,, مين انتي حتى تحكيلي هاد الحكي ,, تالتا انتي الغلطانة بس ما بدك تعترفي بغلطك ,, وطبعاً تركتها تبهدل ,, وطلعت وسكرت الباب وراي , وطبعاً الباب سكر بصوت عالي كمان مرة ,, هع



ومرة تانية ,, كان في تسجيل لرحله مدرسية .. وانا ودموع الحنين والشلهـ ما كنا بدنا نروحها ,, وفي بنات كتييير كمان ما بدهن يروحنها ,, طبعاً بما انو انا مديرة البرلمانالطلابي ودموع النائبة اكيد راح يكون النا منافسات كتاار ,, فـ وحدة من اعضاء البرلمان راحت ع المديرة وحكتلها انو نحنا محرضات البنات انو ما بيروحن رحلة ,, مع انو نحنا ما النا علاقة ولا بنعرف شي من اللي حكتو ,, طبعاً المديرة صدقت ,, بعتت ورانا وخد ع بهادل وتحقيقات .. طبعاً ,, حكيتلكم ما بحب الظلم وما بسكت عليه ,, عشان هيك فقدت الكونترول ع اعصابي وصرت ارد الجواب ب عشرة ع المديرة , لانو كل اللي بتحكيه كدب وافتراء .. وولعت بيني وبينا حرب ,, جن عيوني وعيونا وبالنهاية صار خير






انت رسبتِ سنه ؟.! اذا رسبت في اي صف ؟.ّ! وكم مره ؟.ّ! وليه ؟.ّ!
الشر برا وبعيد ,, بس شكلي السنة رايحه اعملها ,, (لا سمح اللهـ )




كم مرة هربت من الحصه ؟..! اذا هربت صادوكـ ؛) .؟؟!

ممم ما كنت اهرب بس كنت اتغيب عنها



كم مره نمت في الصف ؟.!

لا بس بنعس وعضام تمي بتتكسر وانا اتثاوب ,, ومرات بقيلل شوي ,, بس ما بنام :


في حد من المنتدى معــآك في مدرسه ؟ّ!. او صار معاك مره ؟.!

اهاآ حبيبتي وصاحبتي دموع الحنين ,, وهمسة العشاق كانت معنا بس اتخرجت ,, وفي عزف الحنين ,, سجلت جديد





واخيرا: اذا عندك صوره للمدرستك نزلها

هههههههه مدرستنا جديدة ولسى ما وصلت لمرحله انها تتصور وتنتشر بالنت ’’ ازا بدكم بعطيكم موقع المدرسة







خلص شيلوا البساط الاحمر ,, خلصت


يعطيني العافية ,, والله ايدي اتكسرو وضهري فتح نصين ,, وعيوني اتنفخوا فوق ماهم عاملين بف ::