][®][^][®][مــــــآيــــك المــنــتــدى مع مديرنا مــحــمــود][®][^][®][

[.:.!دموع الرحيل!.:.]

رجعـنـــــا بعد غيــــاب

هلأ يا جمـــــاعة الخير .. انا كبرت شوي وصار عمري قريب الـ 12 سنة ..

وبهالعمر اتحجبــــت .. الحمدلله

وكنت بهالمدرسة متل ما قولتلكم .. عاقلة كتير .. لا بكش ولا بنش

ولما حاول اشاغب شوي .. انكمش بسرعه لأنه مش طبعي .. وتمسكني الناظرة بشاغب

أقوم اهمد من بعض هالصرخه أشهر بحالها هههههههههههههه

هو انا خلقة ما الي بالمشاغبات .. شو حال لو مرة جربت بس أفكر اشاغب ..

اقوم الاقي الناظرة ع حظي .. واقفه ع الباب .. بتسمعني وانا بصرخ ع البنـات

وهو اول مرة بحيـاتي .. بقرر اعطي رأيي بقوة ههههههههههههههه

أجت أحطبتني .. والي عمبشاغبو مزبوط ..

طلعو من المشكل متل الشعر من العجينة ..

وانا المسكينة العاقلة .. أكلت بهدلة أمام الملأ

ولا قدرت الناظرة أدبي ,, وهدوئي طول السنة ..

إخس بس

بعدين صرت برييفيه ..

وكرهــــت المدرسة كتير كتير ،، وكانت سنة بريفيه يعني تقديم رسمي

وغبت عن المدرسة يمكن شي 34 السنــــــــــة

والكل كان ناطر خبر رسوبي ..

هو انا بس .. قررت أدرس أخر شهر ...

والكل فاقد الأمل ..

واجت الامتحانات وقدمــــت ..

وبس طلعو النتايج ..

نجحـــــــــت الله وكيل

وكتير من رفقاتي اللي كانو يلوموني انه ليش ما بحضر بلمدرسة ومدري شو

رسبو

وانا كيف نحجت .. الله أعلـــــــم .. عناية إلاهية الحمدلله

ما بروح من بالي منظر بابا ..

وهو بس اجا بالليل مصدوووم

ههههههههههههه يطلع فيني وبماما ويقولها

بس نفسي افهم هالبنت كيف نجحت .. ما حضـــــــرت شي طول السنة

هههههههههههههههههه

الحمدلله ..

وبس خلصت ..

دخلت معهد شريعه إسلامية ..

كــــــانت أحلى ايام بحيـــاتي ..

كتير حبيت هاي الدراسة ..

والحمدلله كنت أطلع دايما من الـتلاتة الأوائل ..

كمـــــــان بأيام المعهد كنــــت هادية ورايئة ..

ولسه شخصيتي عادية . . مش هالقوية زيادة

واذا ما عرفت شي استحي اسأل .. والخ ..

شي دمـار يعني مش عارفه كيف كنت متحملة حالي

وخــــلصـــت المعهد .. وصار وقـــت الجـــامعه..

النقلة النوعية

[.:.!دموع الرحيل!.:.]

هلأ دخلت الجــــامعه ..

كـان شي جديد عليي ..

شي كتير غير عن المعهد ..

بلشت افكاري .. تتغير .. وتتوسع ..

اتوسعت مجالات تعارفي على ناس .. من جميع الأشكال والأفكار . ..

أغلب البنـات جوا فلسطينيات .. وكان لسه ما عنـدي اهتمام بالقضية الفلسطينية ابداً

البنـات جوا يفكروني لبنانية .. من طريقة كلامي .. ولما اقول اني فلسطينية بنصدمو .. قال

بس صحبتـي إلهم فادتني كتير ،، كنت ضل الاقيهم قاعدين يحكو عن فلسطين .. والجهاد والخ ..

وانا مش فاهمه شي .. بس صرت أحب أعرف شو هالشي الي هيك مالي تفكيرهم

وبحكو عنه بشوق ولهفة وإصرار وحب ..

ومع الوقــــت .. صرت أخد منهم شرايط اناشيد فلسطينية ..

وشوي شوي ,, لحد ما عشقت القضية .. وهاي كـــانت أهم نقلة بحيـــاتي ..

لهلأ بشكر ربي عليها .. انو عرفني على هالبنـات .. ووفقهم انه يكونو سبب من اسباب سعادتي

بالدنيـــــا

لأنه حبي وتعلقي بقضيتي .. بعتبرو هو وقت ولادتي الحقيقية



وهيني لســـــاتني بالجــــامعه ..

اضطريت اوقف سنـة عن الجامعه عشان الأحداث الي صارت والمنطقة هونيك

بتخوف .. بابا ما رضي يبعتني راحت عليي سنة ..

وهيني هلأ ماشية بهالجامعه وبعد عليي قريب الـ سنة ونص

[.:.!دموع الرحيل!.:.]

الجدير بالذكر .. انه خلال هالكم سنة بالجـــامعه

ما عـــادت شخصيتي هي شخصية نانا الي ما بتعرف اتدافع عن حالها

والي قلبها طيب ع الفاضي والمليـان

لا تقريبا قلبت 350 درجة مش 360 ..

لأنه ضل 10 درجــــات .. لأن في اشيا بتضل بالشخصية .. بتضل الها ثوابت وقيم والخ ..

اما عند الحق .. شخصيتي قلبت كتير ،،

وبكون أدهــــا .. فعلا صدقوا الناس لما كانو يحكو

انه الجامعه بتلعب دور كبير .. بتقواية شخصية البنـــت

بس الوحده لازم تعرف .. كيف تستعمل هالقوة بالشخصية بالحق .. ما تستعملها .. بشي

بدون أخلاق .. أو خارج إطار الحيـاء .. والبنت بتضل بنت !

وبـــــس .. هيك عرفتو كيف كنت اضل حزنانه عالنــــاس .. وبعملهم مية حســــاب

وهلأ لااء .. بشوف الصح بعملو .. والغلط ما بعملو .. وبحكي الي لازم احكيه ..

وما بتفرق معي حدا ..

قال يعني ..

[.:.!دموع الرحيل!.:.]

نيجي لدخولي عالمنتدى .. وتعرفي عليـه ..

الي هي بعتبرهـــا من أجمـل الأشيـاء الي صارتلي بحيــــاتي ..

والله لا يحرمنـي منه ولا منكم ..

كنت صرلي فترة بتفش على منتدى فلسطيني سجل فيـه ..

اي بشهر 4 بسنة 2006 !

وكنت الاقي كتـــير ! وسجل بالكل .. بس سبحـان الله يضل عنـدي إحساس

انه مش هو هالمكـان الي انا بفتش عليه !

لحـد ما يوم من الأيـام لقيت شباب فلسطين ..

حسيـت براحه في مش طبيعيه ..

وسجلـــت .. !

بتذكر أول واحد رد ع موضوع الترحيب ..

كـان محمود .. كمـان حسيت اني بعرفو من زمــــــــــان ...

وبتذكر إبن فلسطين قال اجالي بقولي انتي عضوة معنا قديمة وجاي

تسجلي بعضوية جديدة هههههههههههه

وانا كنت لسه طيبة وما بعرف بهالأمور !

قلت ليش هيك عميتهمني هيدا .. ههههههههههه

حتـى أكتر شغله بتذكرها أول فتـرة .. اني كنت كتير انسى كيف بينكتب اسمــــي ..

واضل ساعه افتش على مشاركة الي بالمنتدى .. انسخ اسمي

عشان اقدر ادخل ههههههههههه

بعدين مرت فتــرة اضطريت اترك المنتدى ,,

وكـنت على اساس اترك النت كلو بدون رجعه !

وكـان يوم من أصعب أيـــام الي مرت عليي ..

وبعدين الحمدلله رجعــــت .. ! ومشي الحال

بتذكـر أول وحده ضفتهـا عنـدي عالايميل هي :: دلوعـة الشـام :: حبيبة قلبي ..

الله يذكرها بالخير ..

ومرة محمود بعتلي رساله .. بيعرض عليي فكرة الإشراف

قام رفضــت .. قلتلو بفضل اخدم المنتدى بدون تحمل هيك مسؤولية كبيرة ..

بعدين مر اليوم .. وما رد عليي .. خفت يكون زعل .. هههههههههههههه

قام رجعت بعتلو .. خلص اذا في ضرورة اني كون .. بستلم ..

وانا استلمـت من هـون .. بعد فترة قصيرة صارت حرب تموز بلبنـان ..

واضطريـنـا نطلع من البيـت ! والكعادة اي حدا بيصير مشرف ...

لا بد يطير .. ليش ما بعرف

كمـان هالفترة كنت بعدت فيها عن المنتدى .. بس اطل كل فتـرة ..

كمـان كانت مرحلة صعبه كتيرة !

بس لمـا رجعـــت .. كـان عنـدي عدة بنـــــات عالمسنجر من المنتدى ..

ومع الوقــت اتعرفت على كتير بنـــــات .. هلأ كل واحد فيهن قطعه من قلبي ..

مش رح أذكر أسمـــاء عشـان ما قصر بحق حدا ،، لأنه الكل غالي ..

ولو بدي أكتب ما بخلص .. وما بوفي حقهم ..

سواء الأخوة أو الأخوات ..

أعز نــــاس على قلبي

ومع الوقـــت .. صرت مشرفة عـــامـة ..

وكـنـت كتير خايفه من المسؤوليــــة ..

بس بعدين اتعودت ..

وبعدين مع الصدفة صرت مديرة .. سبحـان الله

بس راحت فجــر عشـان توجيهي ..

الله يذكرهـا بالخير يا رب ..

يا رب ترجع ع خير عن قريب وتستلم مكــــانهـا .. من جديد .. حبيبة قلبي والله ..

دايما بلاحقهـا بهالجملة .. هههههههههههههه بجننهـا

وهــــاي هي كل القصـــــــة ..

آسفة مطيت الموضوع كتير أكتر من المدة المعينة سامحونـــي ..

واختصرت أخر شي قدر الإمكــــــان

وبحب اوجه تحية وشكر لمشرفـات هالقسـم ووردة الأقصى الي بعرف انه الها دور كمـان فيه ^^

بجد رائعـات ..

ابدعتوا .. ما اتوقعـت يوصل القسم لهون ،، والله يفتح عليكن كمـان وكمـان ..وما يحرمنــــا منكم

وردتــــــي ...

المــــايك معــــك

[Abu Shadi]

في معك شوكلاتة اختي دموع ههههههههه

واااااااااااااااااء بكيتيني وحزنتيني وقطعتي قلبي

حدا يعطيها حلوة البنت صارت خجلانة بالاخر

هههههههههه

بمزح معك خيتووو لا تاخدي البطاطا من الثلجة
خديها بطيبة

تحيتي الك وربنا يوفقك

[.:.!دموع الرحيل!.:.]

ههههههههههههه

يقطع شرك

نورت أخـي .. الله يبارك فيك

[Pink Rose]

حبيبتــي دمــوع ..

واللــه انـك مـن اروع الشخصيـات اللـي ممكـن الانسان يعرفهـم بحيـاته

وقليــل كتيــر لمـا نـلاقـي اشخـاص متــلك ,,

مواقفـك وشخصيتـك بتجــنن .. كتيــر بحـب قـوة شخصيتـك وتصرفـاتك

والـك معـزة خاصــة بقلبــي واللـــه ..

مـش عارفـة شـو اقـولك

بـس اللــه يحفظـك ويحميكـي ويخليكـي لاهـلك يـا رب

ويكتــر مـن امثــالك حبيبــة قلبـــــي .. اللــه لا يحرمنــا منــك

[Princess of Sense]

دموع الرحيل

ما شاء الله عنك بتجنني بكل احوالك

انت من اكتر الاعضاء اللي حبيتهم في المنتدى

والله يخليكي لأهلك ولأصحابك ولألنا لأنك بتستاهلي كل خير

وانت يا دموع الرحيل غالية كتير على قلبي وقلب الاعضاء التانيين

لأنك بتحبي تساعدينا وقلبك طيب ومنورة المنتدى بوجودك ومشاركاتك

وبالأخير بحب اقولك الله يوفقك بحياتك وينجحك وتعملي اللي في بالك

وانبسطنا معك كتير بالمايك يا قمر

[.!. وردة الأقصى .!.]

أحم أحم المايك معي ماحد يحكي

هههههههههههههههه

مممم

بصراحه مو عارفه شو بدي أحكي غير الله يخليلنا اياكي يااااارب

شخصيتك وقلبك وكلك على بعضك بتجنني ,,

عارفه زكرتيني ايام المدرسة كنت متلك انااا بالزبط

ههههههههههههههههههه

ماكنت احب الغياب ابدا ً ,, ومن أول يوم بالمدرسة ضربت صحبة مع البنات ..

هههههههههههههههه

بس انو كنت اعرف انو اليوم اجازة خلص اسكت هههههههههه

و لما كبرت مابعرف انئلبت 350 درجة ع ئولتك

سرت اكره المدرسه كتير

يسعدلي اياكي إنتي وحكياتك اللي بجننو

أحلى باقة ورد لأحلى مديرة بالكون :)

[بسكوتة]

يا سلاااااام

استمتعت وأنا بقرأ .. خسارة خلصتي بسرعة هههههههههههه

عن جد يا نانا شخصيتك كتير حلوه وقلبك عالكل ..

وحبيتك بسرعة من أول ما دخلت المنتدى

الله يسعدك دنيـا وآخـره

ويجمعني فيكي على خيـر يا رب ..

ومواقفك وإنتي صغيره كتيييير بتضحك ههههههههههههههه

واللي صار معك بالجامعة نفس اللي صار معي تقريبا

يعني صرت أحسبها منيح ووعيت وتعلمت كتير شغلات حلو الواحد يتعلمها

بس لسه لا يخلو الأمر من بعض الهبل ^.^

نـورتي المايك حبيبتي نانا ..

وما ننحرم من طلتك علينا