لو انت كنت بدالي بهالموقف ايش هتكون ردة فعلك {نقاش}

[قسامي غزة]

الســـــــــــــلامـ عليكــــــــــــــــــــمـ

كيف حالكم اخواني واخواتي الكرام

انا بصراحة صار معي موقف قبل اكم يوم
وهالموقف كان بالنسبة الي اني انصدمت من حكي الرجال
الي كان غريب علي بل فظيع
انتوا الحين بتحكوا مالوا قسامي ايش بيحكي
انا هاحكيلكم هالموقف ونتناقش فيه باسلوب راقي
قبل اكم يوم كنت راكب سيارة او بلغة اخر تاكسي
كنت بزيارة لدار اختي ومروح علي بيتنا
المهم ركبت بالتاكسي وحكيتلوا علي البلد قلي اطلع
المهم رحت اطلعت في السيارة
شايفين ما اشطرني بسمع الكلام انا
المهم دار حديث بالسيارة انا وتنين شباب كنا نحكي عن القدس
وانوا نفس الواحد يصلي بالاقصي الشريف
وكلنا متشوقين لزيارة القدس والصلاة بالاقصي
الي هوا السواق انتبهوا منيح لكلام السواق
قال انا نفسي اروح علي القدس عشان ارتاح
قلت اله ليش بدك ترتاح وايش الي متعبك
حكي بتعرفوا اول ما اروح علي القدس بدي اشلح من رجلي وارمي كندرتي علي
المسجد الاقصي واريح العرب واليهود من القدس الي متعبانا
بصراحة انا والشبين الي في السيارة اصابنا الذهول بل العجب بل مش عارفين شو نحكي
بقله ايش بتخبص قاعد انت وانت واحد ما بتفهم
الا هوا الي جمبي قام سلخ هالسواق كف علي رقبتوا والله كف حامي
والي جمب السواق التاني ضرب هالراجل
المهم وقفت السيارة ونزلنا منها ونزلنا السواق من السيارة
وكل واحد فينا رزفق هالسواق الي فيه العافية
اجوا الناس والتموا حولينا وشو القصة وشو الحكاية
المهم لما سمعوا الناس قعدوا يضربوا فيه واجوا ناس تانيين ركبوه بالسيارة بتعته
وشرد بالف عافية وانتهت القصة
الموضوع الي بدنا نحكي فيه
معقول في ناس من هالشعب تحكي هيك
ولا هاد راجل مريض ولا ما عندو فهم
ولا شو الحكاية بالزبط
هنا نفتح باب النقاش لكم واحكولي لو صار معكم هالموقف
شو هتكون ردة الفعل بتعتكم وكيف بدكم تتعاملوا مع هالموقف
ودمتم في حفظ الرحمان