بصراحه

[مبروك ما اجاكم]

والله كنت حابب اني اعلق على كل مشاركة بس الوقت ما سمحلي
والان اسمحولي ان اعلق وان اعطي راي الشخصي بالموضوع

نسبة البنات الي بتصارح اي شب بحبها قليلة ولكنها بازدياد مع الانفتاح الرهيب الذي نشهده والمسلسلات الي ما خلت اشي يعتب عليها زي ما ابتعرفو

لكن بالنسبة الي زي ما حكت اخت هنا انو اذا اجت بنت وحكتلي بحبك صراحة رح انبسط وتزيد ثقتي بنفسي
ولو اني استبعد انو في بنت تحكي للشخص اني بحب الا اذا كانت متاكدة انو ببادلها الشعور

وعلى فرض اني ما ببادلها الشعور ليس لي الحق ان استحقرها لان كسر الخواطر والله شغلة مش قليلة

يعني اذا ولا بد استحقرها بداخلي وما ابينلها بس بقدر اني احكي معها بالعقل وافهما انو هالقصة ما رح تزبط يمكن تزعل بس ما اني اتف بوجها ومن هالخربيط هاذااسمو استخفاف مع الاحترام الشديد

وصدقونو اجمل ما في البنت خجلها بس بصراحة اتمنى انو البنت الي بحبها انها تيجي تحكيلي بحبك مع اني مستبعد
لاني زي ما حكيت قليل من الفتيات بيحكين هالاشي

في النهاية ادعو للجميع بالتوفيق وشكرا على مشاركتكم كل واحد باسمه
وانا شب يا هيا
تحيتي للجميع
محمد

[فارس الوطن]

رد على الاخت ليمار


حكيت لي عودة .. وهيني



اول شي قبل ما احكي افهمي اني انا مش شيخ .. اللي بشوفني بحكي هاد صايع ..بس انا بفهم

بديني اكتر من اي واحد شيخ الحمد لله و اولا واخيرا ما بحب الخطأ

البنت مابجوز تحكي للشاب هالكلمة ..

الدليل..قال تعالى(فلا تخضعن بالقول فيطمع الذي في قلبه مرض وقلن قولا معروفا )


اظن عاد ما ضل نقاش ..


ومتل ما البعض حكى والاخت سويت سوول حكت

ازا كانت فاهمه وواعيه ماتحكيها الا للي بتشوف انوببادلها نفس الشعور وممكن يكون في مستئبل للعلاقه

اختي الكريمة .. الحب بمعناه غالي جدا ما تفكري بكلامي اني بحاربه .. بالعكس شخصيا انا مريت بتجربة

استنزفت كل مشاعري

والحب بقدسه بشكل مش طبيعي بس يكون [SIZE="3"]حب حقيقي[/

SIZE] بكل معاني الكلمات ..


الحب مشاعر مش بإيدنا نسيطر عليها ..
الدليل: ضرب الله مثلا في قصة اعجاب ابنة شعيب بموسى عليه السلام

على الحب كمشاعر تلامس القلوب عرض والدها الزواج على موسى عليه السلام ..فأنفق من عمره

الشريف عشر سنين في سبيل حبه لها.. فلولا أن الحب من أغلى الأشياء.. لما ذهب كثير من زمن الانبياء

فيه ..

تثبيت الدليل: أوضح النبي صلى الله عليه وسلم لهذا

المفهوم بأن نار الحب إذا اشتعلت لا يمكن اطفاؤها إلا بالنكاح وذلك بقوله :

(لم ير للمتحابين مثل النكاح) والنكاح هنا بمعنى الزواج

وبالكون كله اجمل شي الانسان يتزوج من البنت اللي بحبها حب جنون ..وزي ماحكى الرسول مابنطفئ

هالشي إلا بالزواج ..



وقال تعالى ( ومن أياته أن خلق لكم من أنفسكم أزواجا لتسكنوا إليها وجعل بينكم مودة ورحمة )


بس اهم شي يكون الحب من طرفين بحبو بعض عنجد ..ويكونو الطرفين مقبلين على زواج .. ما يكونو ماخدين الاشي لعبة او

كل واحد بفكر انو بتسند ع مشاعر الطرف الاخر .. وما يجي حد مابنكن لإلو اي مشاعر يقول هالكلمة وتكون

من بنت مش بالقلب زي ماحكيت قبل انا بستحقرهااللي هيك وكمان بنظري بايخة جدا وعندها نقص في

ذاتها او قلة عطف من اهلها وبدها تضع عواطفها وتعوض قلة الحنان في شخص غريب عنها ..


هاد اللي عندي .. وتحياتي

[مبروك ما اجاكم]

اختي ليمار ابدا ما في استحقار ما اتفكرو هيك


اخي فارس قضية الحلال والحرام ما النا خلاف علبها
القضية هي قضية معاملة انت بتحكي انو لازم انتف بوجها وانقلها روحي انقلعي انضبي بدار ابوكي

وهذا تصرف خاطئ اخي بتقديري انا ما بحكي انو اخدها بالحضن واه شكرا الك لا
انت بتحكي انو حرام فهمها يا اخي انو حرام باسلوب انها تستفيد منك
ولا تكسر بخاطرها

ما تزعل مني فارس
تحيتي لك

[limar]

اخي فارس انتا بردك عليها بهاي الطريقة راح تحقرها وتجرحها

لو كان ما بيعجبك هالشي غلط انو ترد عليها بهاي الطريقة

في احترام لمشاعر العالم

غلط نستخف فيها كان فيك تصد بطريئة ما تجرحها فيها وتفهمها وتوعيها

[مبروك ما اجاكم]

من قرائتي للمشاركات لاحظت شبه اجماع من البنات انو مستحيل تحكي للشب اني بحبك
هل هذا حياء او خوف من الكسفه

[sweet soul]

المشاركة الأصلية كتبت بواسطة مبروك ما اجاكم من قرائتي للمشاركات لاحظت شبه اجماع من البنات انو مستحيل تحكي للشب اني بحبك
هل هذا حياء او خوف من الكسفه

اكيد مش من رايي لاني انا حكيت ازا حسيتها وحطيت بموقف انو لازم احكيها راح احكيها

[مبروك ما اجاكم]

طيب لو صدك بطرقة بتشبه طريقة فارس ايش رح يكون موقفك

[صقر الخليل]

مرحبا انا حبب احكي رائي
صح البنت الها مشاعر واحسيس بس مش لزم ننسى انو من اجمل صفات الفتاه
عفت النفس والخجل والحياء , هدا الشي الي بميز البنت عن الشب
وكمان ليش الوحده تحب قبل الزواج , ليش تخلى الشيطان يتغلب عليها
لولى نظرها للشب واختلطها معى كام ما حبتو الحب ما بيجي من الباب لطقة صح
اقبلى مروري وشكرا على الموضوع الحلوو يسلموووووووووووو
تحياتي صقر الخليل

[sweet soul]

المشاركة الأصلية كتبت بواسطة مبروك ما اجاكم طيب لو صدك بطرقة بتشبه طريقة فارس ايش رح يكون موقفك

مممممممممممممم طيب شوف انا مريت بهل التجربه مش عم بحكي هيك كلام وبس وحكيتلو اني بحبو بس لما حكيتها كنت متأكدة مليون بالميه انو متلي واكتر مش رحت حكيتها لواحد مش عارفه شو شعورو اتجاهي يعني كنت متأكدة ومش ندمانة اني عملت هيك بالعكس بحكي لوني عملتها ئبل كمان

شكرا

[مبروك ما اجاكم]

وهاد الي حبيت اني أ أكد عليه
وزي ما حكيت لا اظن انو في بنت بتحكي لشخص اني بحبك
الا ما اتكون متاكدة من انو ببادلها نفس الشعور

العفو منك sweet suol شكرا الك