| الإهداءات |
|
|||||||
|
|
أدوات الموضوع | انواع عرض الموضوع |
09-01-2008, 07:38 PM
|
#1 | ||||
|
I ♥ PALESTINE
قوة السمعة: 107
 |
تصوير مميز :: +]| رحلتــي الى المغرب الحبيب |[+
السلام عليكم ورحمة الله وبركاته
كل عام وانتو بخير ومبارك عليكو الشهر الله يتقبل منا ومنكم الصيام والقيام +تابع لمضوع تطليع المرارة +  طلبت مني احلى سيرين انزل صور رحلتي للمغرب ومصر فهالموضوع عن رحلتي الى المغرب مع الجامعة  رحنا على مدينة افران من مدن المغرب عشان حدث معين  اقيم في جامعة الاخويننبدا باسم الله طبعا كانت رحلة طويلة 8 ساعات بالطيارة طلعت روحنا من القعدة ووصلنا للدار البيضاء بعديها استنينا كم ساعة وركبنا طيارة تانية متجيهن الى مدينة افران وصلنا الفندق باخر الليل كانت الساعة 3 ،، لما دخلنا كان في صوت موسيقى انا استغربت ،، بعدين قلت اااااااااااه اكيد هادا عرس اكتشفت تاني يوم انه ملهى ليلي طبعا اللي عايش بجو الخليج بعرف قديش برودة الجو بالشتاء فالمغرب بالنسبة النا كانت زي الاسكيمو يالله شو متنا من البرد وكانت الدفاية عنا خربانة فكملت مابدي اطول عليكو نمناعال4 وكان لازم نقوم الصبح لنروح نسجل في الحدث حكالنا الدكتور اجهزوا عال7 قمنا الصبح عال6 وانا مسكت الكاميرا وصرت اصور فتحت الشباك وعهيك كان بطل بس شو كان الجو سممممم انزلنا تحت مالقينا الدكتور ولا اي حد عشان نروح للجامعة فطلعنا برة نتمشى هي صورة للفندق اللي كنا نازلين فيه اسمه لي شامنييز كان في حديقة صغيرة مقابلة للفندق رحنا نتمشى فيها شوفوا الابيض اللي في الصورة هادا كان برد من برودة الجو تجمدت المي هاي كانت في نص الحديقة منظر من الحديقة بعديها رحنا صحينا الدكتور  وانطلقنا للجامعة مشيا لانو الجو بارد والجامعة قريبة مناظر كانت في طريقنا هي وصلنا للجامعة مدخل الجامعة : هان الحفل الافتتاحي ماتقيش بلادي يعني ماتلمس بلادي يعني ماتضرها حكالنا الدكتور انه هاي انحطت بعد احداث صارت فالمغرب او تفجيرات على مااعتقد هادا كان جاي بحكي عاشي جديد في نظم الداتابيز المهم هوا فرنسي ومن 6 سنين ماحكى انجليزي فكان يحكي انجليزي مفرسن مافهمناش منو اشي بعد الحفل ورجونا الجامعة مناظر منها هادا المسجد نسيت اسمه جوا الجامع بجنن كتير حلو رحنا نصلي فيه هادا المسبح من برا وهيو من جوا بس كان مختلط للاسف وفي يوم مخصص للبنات المحجبات شوفو مااحلا السما هان بتجنن اشياء من داخل المكتبة اللي عملها امير المؤمنين محمد السادس وبعديها صار الحدث الكبير واخيرا اجينا للحفل الختامي عملوه فقصر قديم مش عارفة مين بيناه ،، بنسى كتير والله  هدا عباب القصر كان في هدول بقدموا فلكلور شعبي بس افففففف شو طرشوني طرش انتبهوا فالصور الجاية بتلاقوا فالطقية اللي بلبسوها حبل طويل بصيروا يلفوا راسهم ليحركوا بس حلوة الحركة الصراحة مشاهد من الحفل الختامي ومن القصر كمان هاي الصورة واضحة وهو بحرك الحبل اللي في الطقية في الحفل الختامي قدمولنا اكلة شعبية اسمها مسطيلة (عبارة عن لحم وسكر ،، طعمها كان غريب بالنسبة الي )وبعديها ارجعنا من افران الى الدار البيضاء هاي صور للغيوم من الطيارة مطرت لما وصلنا وصلنا الدار البيضاء وقعدنا نستنى الطيارة من الملل صورت هالورد اهداء الكم كلكم وبعديها روحنا الى بلادنا وتوتة توتة خلصت الحتوتة 
|
||||
|
|||||
| اقتباس المشاركة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض الشجري