هـل مـلابـس الـفـتـاة تـحـدد أخـلاقـهـا...؟!

[نور الهدى]

اتعجب صراحة للي يبرروا عدم لبس بعض البنات اللباس الشرعي بسوء اخلاق بعض المحجبات ،،

اللباس يدل على ثقافة البنت و على اخلاقها في الغالب ،،

البنت اللي بتستر حالها و تتقي ربنا في لبسها نحسبها ذات اخلاق و لا نزكيها

ما بدنا نضحك على حالنا و نبرر الخطأ بخطأ غيرنا

ليش البنت ما تلبس حجاب و تخلي اخلاقها عالية و تكون قدوة لغيرها ؟؟

ما رح يضرها سوء اخلاق غيرها ،،

و اذا صدر خطأ من بنت محجبة فهاد ما بعني انه والله حجابها ما نفعها بشيء ،، يلا نترك الحجاب و اللبس المحتشم !!

في هاي الحالة كمان رح نترك الصلاة لأنه في ناس بتصلي و بتسرق و بتزني و بتشرب خمرة !!

ولا يلا نصير نصرانيين لأنه جارنا النصراني بعمل الخير بينما جارنا المسلم بأذينا !!

رح تقولوا انه مش لهالدرجة كان قصدكم ،، لكن هيك منطقكم ،، و لو اتبعناه رح نوصل لهذه النتائج

الله يهدينا جميعا !

[خيـرَ أُمـة]

جاري وليد اعترف لي سابقا بانه يرتكب الزنا .. مع العلم انه يصلي الخمس صلوات في المسجد !!

برايكم هل نترك الصلاة من أجل وليد ؟؟

كذلك من تترك الحجاب والله لأنه هناك بنات محجبات سيئات الأخلاق ..

احسبوها صح !!

عموما في باب كبير في الفقه الاسلامي .. اسمه "فقه اللباس" وبيتكلم عن ما يجوز من اللبس في الاسلام ..

أخوكم

[الفتاة المشرقة]

السلام عليكم

انا حابب اشارك برأي

صحيح هناك علاقه بين اللبس والاخلاق لا شك

يعني معقول وحده لابسه اشي مش كويس بدها تكون حاسبي حساب حدا

الا بعض الناس

يعني في بنات ما بلبسن حجاب بس كمان ما بلبسن ملابس مش ساتره يعني محتشمه صح!

وكمان فتايات الحجاب اولا قبل الجلباب لانو في بنات بلبسن حجاب بدون جلباب وبيكون لبسهن اخر موضه كمان هذخ بتكون اخلاقها مش ولا بد وانا احترم الجميع

اما الي بلبسن جلباب لازم يحترمنو واكيد الي بتلبس جلباب اخلاقها ما شاء الله هذا الي لازم يكون
واكيد الانسان بعرف يفرق بين البنت الي لابسه عن دين والي لا بسته من غير دين

وبالاخير العادات والتقاليد بتحكم والمجتمع كمان
يعني ان كانت في مجتمع بتقبل هذا اللبس فتكون عادي واخلاقها كويسه

وكمان المنقبات وخاصه الي بظهرن عيونهن هذه مش حلوه واكيد حرام وخاصه ان كانت حاطه كحل ووو
فأكيد رح يلفت النظر

وبالاخير اللهم احفظ بنات المسلمين من كل سوء

[نابلسية كححح]

انا عن حالي الفتاة لازم تهتم بحالها بس برضو ما تظهر مفاتها والا كانت صاحبة سمعه سيئة

ولكن هذا لا يعني ان من يلبس اللبس الاسلامي او الواسع انه اخلاقه 100 % لاا انا كتير شفت ناس متنقبين بس للاسف

فيهم بعض الصفات التي لاتستحملل

بس الواحد اذا كانت اخلاقه عالية .. و عارف مين حالو بلتزم بمنظه واخلاقه ..

و هادا اللي عندي

يسلمو عالموضوع الحلو

[فلسطينيه والراس مرفوع]

شايفتكم فاتحيين باب للنقاش

وحاد كمان ^.^

طيب منيح

رح احكيلكم رايي من خلال التجربة مع البنات اللي محجبات واللي مش محجبات

اكيد ملابس البنت بتحدد اخلاقها

يعني مش معقول اتكون بنت اخلاقها عالية وكلها ادب واحترام ولابسة لبس كله خلاعة

ومكشوف...باختصار عريانة

وبنت ما عندها اخلاق ولا ادب ولابسة زي شرعي كامل

اكيد طريقة كل بنت باللبس ناتجة وطالعة عن اخلاق هاي البنت واقتناعها

بانو الحجاب والجلباب ستر لالها وفرض عليها من ربنا وانو

في الها مصلحة باللبس الشرعي

والبنت اللي بتكون لابسة غير هيك

ما بكون عندها اقتناع بالزي الاسلامي رح اتكون اخلاقها مش بزيادة

هاي القاعدة العامة ....صح؟

وانا ما بدي اظلم البنات كلهم

لاني جربت النوعين منهم

يعني في بنات على مستوى مدرستي

اخلاقهم عالية كتييييييير ومؤدبات ومربيات وحتى مقتنعات كتير بالدين الاسلامي

ومع زلك مش محجبات اصلا ...

وبنات تانيات ...لابسات الزي الشرعي كامل

ومحجبات ... بس ما عندهم هالاخلاق اللي لازم اتكون في بنت ملتزمة متلهم

واكبر دليل انو لما رحنا رحلة مدرسية

يعني بعدنا عن اهلنا

كل المحجبات ..مش كلهم كلهم ..رموا حجابهم ورا ضهرهم

واللي لابسات جلباب ...كمان رموووووه

ولما ارجعنا لبسوهم كمان مرة .....


بعدين شو الفايدة من حجاب البنت لما ايكون نص رقبتها مبينة ولا دانها طالعة ؟

ولما اتكون مش مقتنعة فيو؟

ولا حاطة حلقة ومطلعتها من تحت الحجاب وهاي الموضات اللي طالعة جديد؟

ولا لما اتكون لابسة حجاب وملابس ديئة مفصلتها ؟

مشكور اخي خالد على الطرح المميز ^.^

[مؤيد]

ولا حاطة حلقة ومطلعتها من تحت الحجاب وهاي الموضات اللي طالعة جديد؟

هههههههههه ...

لا حول ولا قوة الا بالله ....

عاد المجوهرات ما بتلفت نظر الشب في البنت ابداً ، ما بتطلع عليها الا الشب الحرامي ليسرق ذهبها بس ^.^ ....

[فلسطينيه والراس مرفوع]

المشاركة الأصلية كتبت بواسطة مؤيد

هههههههههه ...

لا حول ولا قوة الا بالله ....

عاد المجوهرات ما بتلفت نظر الشب في البنت ابداً ، ما بتطلع عليها الا الشب الحرامي ليسرق ذهبها بس ^.^ ....

هههههههه

اها والله يا مؤيد

الشب ما بلفت نظرة هيك تفاهات ....

بس في بنات الله يسامحهم ويهديهم ....معمي على قلوبهم

وبفكروا انو بهاي الطريقة رح يلفتوا نظر الشباب

الله يهديهم ويصلحهم ويخليهم يعرفوا هدف الحجاب ومعناه

انو للسترة مش لشي تاني

[شهيدة الاقصى]

لا تعليــــــــــــــــــــــــــق

[الصمـــ رفيق الصحراء ــت]

لا والله مالو دخل اللبس

وتحياتي

[وردة المحبه]

مشكوره اكتير الموضوع حلو

طبعا شي اكيد لبس ما بحدد شخصية البنت لانو مش كل واحده بتلبس شرعي واسع محترمه مع احترامي لللجميع ومش مثل للاخلاق

ولي بتليس قصير مش شرط تكون مو محترمه يمكن تكون مؤدبه بس هاي قناعه عندها والمهم انو الواحده تكون واثقه من نفسها لو لبست طويل اوقصير ما بفرق معها راي الاخرين طل ماهي واثقه منن نفسها اشي اكيد لبس ما مثل للاخلاق

شكر اكتير