نقــاش :: طلــعــت النا في السحبــة ( الآل والئلنا ) والتصنــع !!

[Arabian girl]

الصراحة انا بخالفك يا محمود
الشخص مو ادا بحكي بالآل والئيل مو يعني راقي او انو بتصنع هادا الشي بطبيعتو حسب المجتمع اللي هو في بعدين في بعض الكمات اللي انت كاتبها ما حدا بيحكيها من الال والئيل متل الئرئان
وليش علقت ع الئيل والال وما علقت ع الكاف والجاف في سبب محدد ؟؟
مع كل احترامي الك بس هادي وجهة نظري

[الدكتور امير]

ممكن لكن ما في احلى من اللغة العربية الفصحى

[Arabian girl]

المشاركة الأصلية كتبت بواسطة الدكتور امير ممكن لكن ما في احلى من اللغة العربية الفصحى

طبعا ما في احلا منها

[عاشق البندقية]

هيهيهيهي

حبيبي يا حمود انت ابو المواضيع اللي بتيجي ع الوجع
هههههههههههههههههه


المهم

انت زكرتني بعضو من زمان يا جماعة الموضوع مش انها البنت أو الشب بدو يتدلع او بدها تدلع

الموضوع هيك وهيك

في شباب حكو انهم بمتعودين عطريقة كلام معينة مرات بيستثقلو القاف

مثلا انا متعود احكي جهوة

فبحتار اكتبها قهوة ولا جهوة ولا ئهوة

بس بنفس الوقت اللي بيحكي محمود صح بس انما هو سحل لتحت شوي (يعني كبر الموضوع شوي)

وحنا هلا كلنا منحكي عربي مش افرنجي وكلو مفهوم وعندي ما في فرق يا محمود

بس بنفس الوقت ما تطلعلي وحدةخالصة زي اللي كانت ساكنة بمخيم النسيوو

(النصيرات قصدها)

فاهم علي يا استاذ السيف عدي.

الخلاصة اخكو زي ما بدكم بس بدون مبالغة وفي حدوود الخلق والحياء

وكل كلامكم يا عمي صح ,, والله يهديني ويهدي الجميع

يسلمو حموود ع الموضوع

^_^

[عاشق البندقية]

أخ محمود شكرا على الرد .. بس في نقطة اهم حابب استفسر عنها .. وهي استغرابي من انو الموضوع مثبت .. مع اتو موضوع بسيط .. ومش مستاهل

التثبيت ، حابب اعرف منك مقياس تثبيت المواضيع هل بعتمد على اهمية الموضوع او اهمية العضو اللي بكتبوا ؟؟؟ بنتظر

الاجابة شكرا لئلك

بعدي اخي عدي مع انو هاد السؤال مش بمحلة اطلاقا

بس انا بقلك

انتن مش بحاجة للجواب

لانك انت مجاوب علية من خلال السؤل

والجواب هو اصلا بالسؤال تاعك (بالنسبه لالك )

والله انا بحسدو محمود على طيبتو ورقة قلبو

[روزي]

موضوع جدا رائع وكان نفسي حدا يثيرو من زمان لانوا بالفعل بدينا نضيع لغتنا العربية
بالتصنع وتضيع بعض الحروف الله يعطيك العافية اخي وتقبل مروري وردي البسيط هذا وشكرا

[حنان16]

وحلو حرف القاف على الأقل أول حرف من كلمة ( قلب ) ..

ولو قلبنا حرف القاف لـ ( كاف ) بتصير مشكلة طبعا ً ..

والله لفتة حلوة على الاقل تشوه للمقصودين صورة النسخ ده


هههه


المهم انا معك خيي بمعظم اللي قلته ويا رب اهدينا واهدي الجميع ...

على فكرة موضوعك ده بصراحة فكرني بلفتة مهمة راح تكون موضوعي القادم ان شاء الله

ومشكور خيي على كل شي

تحيتي

[الدكتور امير]

اكيد فاللغة العربية الفصحى هي من افضل ما يكون

[صدى الصمت]

::

اعترافــ بســ ي ــط

اول ما سجلتــ في المنتدى

كنت بكتب بالـــ ( عنجد ) ( احكي ) ( هلأ ) ...

بس ما طولت معي الشغلة ابدا

كلها فترة وعدتــ

وبعدين تدريجياً بديت اكتب بلغتي اللي بتكلم فيها بالبيت

ولا شعوريا وبدون ما حدا ينبهني للــ ( هلأ ) تعتي ^^

بس كان هالاشي بقلبيــ وحبيتـ اطلعو ..

::

[الدكتور امير]

حلو كتير

لانو الانسان و لا فيه احلى من انو يكتب بكل ما لديه من اصالة و ما في بيته