فتح : بالصور يشاركون الاحتلال في حصار غزة فتح تدخل رايات وقبعات صفراء بدل الغذاء والدواء

[مؤيد]

المشاركة الأصلية كتبت بواسطة limar تسلم اخي
صح لازم الرجل المناسب ب المكان المناسب بس المشكله انه الجميع مفكر حاله انه الرجل المناسب وما حدا عم يتنازل لانهم مو شايفين الا المراكز الي بدهم يوصلولها
انا اكيد ما راح اكون اعرف اوضاعكم واوضاع الفلسطينيين الي عايشين ب الداخل لانه انا بحياتي ما رحت فلسطين بس ما بنسى اني فلسطينية وبحاول انابع كل الي عم بصير بس اكيد ما راح اعرف احاسيس ومشاعر الشعب هناك لاني ما عشت اوضاعهم
احنا الفلسطينيين المغتربين صرنا نحس ب ازمة كبيرة وين ما نروح
كنا قبل هيك عايشين بهلبلاد متلنا متل ابن البلد بس هلا منضل نسمع كلام كتير عن الي عم بصير باهلنا انه الفلسطينية بلشوا ببعض وانه كانوا مفكرين انه احنا اهل الجهاد والعزة والكبرياء والتوحيد بس كله طلع غلط وانه احنا ما بهمنا الا المراكز والجاه والمال وما النا اي علاقة ب الارض والجهاد
هادا الكلام الي منسمعه باثر فينا كتير لانه لو شو ما عملوا الفلسطينية احنا هون منضل قلوبنا معهم ومنضل رافعين راسنا ومنفتخر انا احنا فلسطينية
بس الي عم بصير اعطى مجال كبير للشماته لحتى نسمع متل هاد الحكي
مشان هيك بدعي الله يهدينا ويصلح حالنا عن قريب بازن الله

أهلا ً ....

بالنسبة للرجل المناسب مين بحدد ، أكيد نحنا الشعب ونحنا ابناء فلسطين الي بنحدد وكمان علماء الأمة الإسلامية .......

وبما انو الشعب اختار الرجل الأنسب في آخر انتخابات جرت ، وفازت حماس بأغلبية كبيرة ، أكيد هي الرجل المناسب .....

وكمان عدة شغلات بتحدد مين هو الأمين والأتقى والأفضل ليكون قائد وحاكم النا .......

وبدي أسئلك سؤال كتير سهل ، وأنا بجيب فيه علامة كاملة لو انسئلت هالسؤال ^_^ :

مين الأمين والمناسب ليكون في محلو ومنصبو ؟؟؟؟؟

هذا : ؟؟؟





أم هذا ؟؟؟



الجواب سهل كتير ^_^ .....

أما بالنسبة للشماتة ، فبما انك بالأردن ، فطبعا ً معروف انهم بكرهو اشي اسمو فلسطيني ، فأكيد هم طول عمرهم بشمتو فينا ومن زمان هالحكي مش جديد ، بس ما بهمنا حكيهم .....

وزمان انا كنت بالغربة عايش ، وكانو كتير مشايخ وناس يجو يحكو شو هالزعيم تبعكو الخاين هذا ، ليش بتغنوله دائما ً وبتحبوه وهم كل يوم مع اليهود ، هذا الحكي كان زمان كتير يحكوه ، حتى كانو يحكولنا كمان انو الناس ما بتبرعو للفلسطينين لإنو ما عندهم ثقة بالقيادة والحكومة لإنها بتسرق كل الأموال والتبرعات ... ولما اجت حماس الحمد لله اجت حكومة أمينة وقد حالها وتقول لدولة الاحتلال لأ ، وبالعكس هلأ صرنا نرفع راسنا لإنو صار عنا حكومة وقادة بنتشرف فيهم قدام العالم ، واسمعي كل القنوات كيف الشعوب العربية صارت تحيي وتمدح في حكومة حماس وقادتها ..... والمظاهرات المؤيدة وصلت اندونيسيا ازا ما معك خبر ....

والأحوال الي بتصير حاليا ً جوا فلسطين في الضفة وغزة أكيد مرحلة مؤلمة ورح تنتهي ان شاء الله لإنو دوام الحال من المحال .....

وربنا يجيب كل خير ويبعد عنا كل شر .......

تقبلي مني فائق احترام وتقدير اختي limar .....

[limar]

تسلم اخي
بالنسبة لجواب السؤال انا معك اكيد
الله يحمي اهل فلسطين وين ما كانوا ويهديهم انشالله
شكرا على الرد اخي

[مؤيد]

المشاركة الأصلية كتبت بواسطة limar تسلم اخي
بالنسبة لجواب السؤال انا معك اكيد
الله يحمي اهل فلسطين وين ما كانوا ويهديهم انشالله
شكرا على الرد اخي

ربي يسلمك ان شاء الله .......

وخلي أملنا بالله كبير ونطلب النصرة منو ، وهو رح ينصرنا أكيد .....

وان شاء الله هالمرحلة بتعدي وبتنتهي بسرعة لإنو مرحلة صعبة ومؤسفة على قلوبنا ، والي بصير اليوم هذا أكيد يدمي القلوب ويحزنها ..... لكن حسبنا الله ونعم الوكيل ....

بارك الله فيكِ .......

[بنت المخييم]

الله يسامحهم ويغفر الهم

[مؤيد]

المشاركة الأصلية كتبت بواسطة بنت المخييم الله يسامحهم ويغفر الهم

الله يهديهم ويرجعو لرشدهم ........

شكرا ً على مرورك الطيب بنت المخيم ..

[جرحٌ بملامح انسان]

لا يا حبيبي ما بدنا نفكر في مبررات
أنا هلأ لسه شفت الموضوع والرد معروف
أخ مؤيد من هو المسؤول عنا في القطاع ؟؟؟
حماس أم فتح
فلما تحمل مسؤولية الحصار على حماس
ثانيا حماس تمتلك أكثر من 800 نفق فقط في رفح .... أغلب هذه الانفاق تستخهدم لتهريب علب السجائر ( الدخان ) وتأخذ حماس ضريبة على كل علبة سجائر ثمنها الاصلي .. (( العلبة اللي بـ 10 بتبيعها للتجار ب 20 والتاجر رح يربح فيـها اذن وصلت 25 شيكل من أصل 7 أو 8 شيكل ))
أرباح فائقة وغير طبيعية . . .
لما لا تهرب الغذاء والطعام للشعب المحاصر بدلا من علب السجائر . . .أنا سأقول لك ... لأنها لا تربح معها كما تربح علب السجائر ... هذا يعني أنها ليست حكومة وانما شركة استثمار ...
شربتم دم الشعب ..
استيقظوا !!...
حسبي الله ونعم الوكيل

[مؤيد]

المشاركة الأصلية كتبت بواسطة احلى أنا لا يا حبيبي ما بدنا نفكر في مبررات
أنا هلأ لسه شفت الموضوع والرد معروف
أخ مؤيد من هو المسؤول عنا في القطاع ؟؟؟
حماس أم فتح
فلما تحمل مسؤولية الحصار على حماس

المسؤول الأول عنكم هو عباس بما انو هو رئيس الشعب الفلسطيني .....

والي محاصر القطاع هو الاحتلال ، وأرجوك لا تبرئ الاحتلال من جرائمه كما تفعلون جهارا ً نهارا ً ، وأيضا يشارك الاحتلال ثلة من المنتفعين في رام الله اسمها محمود عباس وعصابته ، وهذا بدا واضحا ً عندما أرادت دولة قطر بمشاركة عدة دول اسلامية استصدار قرار لرفع الحصار عن غزة ، فقام مندوب فلسطين في الامم المتحدة بالاعتراض على القرار وتم رفضه ، وهذا فضيحة حصلت لسه ريحتها طالعة لهلأ ....

ثانيا حماس تمتلك أكثر من 800 نفق فقط في رفح .... أغلب هذه الانفاق تستخهدم لتهريب علب السجائر ( الدخان ) وتأخذ حماس ضريبة على كل علبة سجائر ثمنها الاصلي .. (( العلبة اللي بـ 10 بتبيعها للتجار ب 20 والتاجر رح يربح فيـها اذن وصلت 25 شيكل من أصل 7 أو 8 شيكل ))
أرباح فائقة وغير طبيعية . . .

ههههههههههههههههههههههه

800 نفق ؟؟؟ شكلو حماس بتبني مدن جديدة تحت الأرض ههههههههههههه ...

بتعرف أنا مش رح ألومك انت على كلامك المضحك بالفعل ، لكن بلوم العقل التافه الي رح يصدق أقوالك .....

لما لا تهرب الغذاء والطعام للشعب المحاصر بدلا من علب السجائر . . .أنا سأقول لك ... لأنها لا تربح معها كما تربح علب السجائر ... هذا يعني أنها ليست حكومة وانما شركة استثمار ...

اوف هذا دخلنا بالاستثمارات وبالعقارات ونحنا مش عارفين ^_^ ...

بس فكرك حماس رح تنافس دبي في مجال العقارات والاستثمارات ^^ ... هههههههههه

شربتم دم الشعب ..
استيقظوا !!...
حسبي الله ونعم الوكيل

شايف صحيح ، حماس شربت دمنا هههههههه .....
بس بلاش تضلك تبرئ اسرائيل كل مرة ، ما حدا شارب دمنا نحنا الفلسطينين غير اليهود ، واحكيلك كلمة خير بكون منيح ....
وحسبي الله ونعم الوكيل على من يستحق .....