شباب فلسطين

إيمـان · 11-17-2009, 07:49 PM

آيــوهــ..|.,

نور الهدى · 11-17-2009, 08:26 PM

آسفة ع التأخير :/

رح اجاوب هلأ ^^

إيمـان · 11-17-2009, 08:32 PM

بنستنآآ...العســـل..

نور الهدى · 11-17-2009, 10:47 PM

س 1 / عبري عن " ذاتكِ " بـ خمس كلماتٍ فقط ..؟!

احيانا متسرعة

واقعية جدا

متفائلة جدا جدا ^^

صارمة احيانا

مرحة - للي بيعرفوني -

اما قصص طيبة القلب و العاطفية هاي ما بحب احكي عنها .. لحالها بتبين في الوقت المناسب ^^

//

س 2 / .. أيهما الأقرب لطبيعتكِ " الهدوء / الصمتْ / القوَه / غير ذلك " .. ؟!

في غالب الاحيان الهدوء ..

//

س 3 / .. هل أنتِ واثقة من ذوقكِ .. ؟!

يس

//

س 4 / .. ما رأيكِ بهذه العبارات ..

(أ ) .. حلاة البنت شعرها .. ؟! : )

حسب .. في بنات بكون الشعر الطويل عليهم احلى .. و في بنات العكس

//

( ب ) .. كُل فتاةِ بأبيها مُعجبه .. ؟!

ما بعرف .. حسب البنت

عن نفسي طبعا بحب بابا .. لكن مش عن اعجاب ^^

شخصياتنا مختلفة .. و لو انا بنتفق في كثير اشياء

//

( ج ) .. نصف الرجل مرأه .. ؟!

ممم

برأيي ربعه

اكيد المرأة مكملة للرجل .. و الرجل مكمل للمرأة ^^

//

س 5 / .. أعطي نفسكِ " نسبه من 100 " لكلِ منْ ..

النعومه / الذوق / الفضول / الخجل / الهدوء / الرومانسيه/ العاطفه / ..؟!

النعومه : حاليا شي 66%

الذوق : مش ممكن الواحد يحدد نسبة ذوقه .. الذوق ما اله تقييم .. كل انسان مختلف عن التاني

الفضول : 80%

الخجل : 60 %

الهدوء : 70%

الرومانسية و العاطفية : هههههههههه

والله محرج هالسؤال .. ما بقدر احكي لانه ما بعرف اقيمهم

//

س 6 / .. خمس عبارات توجهينها لـِ " إنـاث " المنتدى .

حاليا ما عندي شيء معين احكيه

بس ربنا يحميكوووو من كل شر :)

س 7 / .. بكلمتان صفي الوضع العام لـ " إناث المنتدى " ؟!

اكيد حلوات و عسولات و طيوبات ^^

ولو .. هدول بركة المنتدى :)

س 8/ .. لونكِ المٌفضل .. ؟!

الازرق

//

س 9 / أيهما تفضلين عطرآ برائحة " الورد / الفواكه / البخور و العود " ؟!

بفضل رائحة الورد اكيد .. لانه خفيف

رائحة الفواكه طفولية .. و العود و البخور ريحتهم ثقيلة

//

س 10/ هل تُجيدين الطبخْ .. ؟!

بعرف اطبخ شوي .. لكن ما بعرف احضر الحلويات مش عارفة ليش !!

//

س 11 / .. جميعنا معشر الإناث تحدث لنا " مواقف مُضحكه " ..

مممم

والله ما متزكرة ولا موقف هلأ

لكن عندي موقف لما كنت طفلة بالمدرسة في الجزائر .. هادا بس اللي جاي ببالي هلأ

هادا لما كنت بالصف الرابع او الخامس .. المعلم طلب منا انشاء عن الشجرة و فوائدها ..

نسيت ما عملته .. و لما رحت للمدرسة تاني يوم طلب من اللي ما عملوه يوقوموا عشان يعاقبهم

انا خفت و ما حبيت اقوم .. و بعدين ما كان بدي اتبهدل

لما خلص من العقابات بلش يطلب من الطلاب يوقوم يقروا انشائاتهم .. و لما اجا دوري حملت دفتري و فتحت على صفحة بيضا

اكتشفت اني كتبت سطرين قبل ما انام ليلة امبارح .. قمت قريتهم و بلشت اقرا الباقي من مخيلتي

و بس تجيني فكرة بحكيها

خلصت الانشاء .. و اكتشفت انه المعلم كان وراي و شايف انه ما كتبت شي !!

قعد يضحك و يحكيلي " يا فيلسوفة !!" .. و حمل الدفتر و فرجاه للصف كله !!

و طبعا اتعاقبت .. و فوق هالشي حسيت باحراج بحياتي ما حسيت زيه !!

//

س 12 / أكملي الفراغات : )

والله ما الي بهاي الخواطر !

بس بنجرب

( أ ) أنا " " أحب " راحة البال " وَ أكره " التوتر "

(ب) لو كان الأمر بيدي لـ " غيرت مجرى التاريخ "

(ج ) قالوا " مستحيل " وَ قلتْ " لا شيء مستحيل اذا وجدت الارادة "

(د) يحدثٌ أحيانآ " ان نفقد بصيص الامل "

( هـ ) لا شيء يستحق الـ " الحزن "

( و ) أكتفيتُ منَ " الحنين "

س 13 / كوني شُجاعه وقدّمي إعتذار علني فلمن تعتذرين ؟!

لاهلي

والله ما عارفة ليش لكن حاسة حالي مقصرة

و لاهلنا المستضعفين في كل مكان ..

س 14/ بطاقتكِ الشخصيه ؟!

إسمي نور الهدى .. اهلي بنادوني هدى قال لانه اسمي طويل .. بالمدرسة بنادوني نور .. الاساتذة نور الهدى !!

عمري 19 سنة

جزائرية و مقيمة في فرنسا من شي 7 سنين بمدينة Lyon

^^

//

س 15/ كلمه أخيرهـ تودين قولها لنا ؟!

شو بدي احكي

مشكورين ع الاستضافة الطيبة

على فكرة قسم النواعم نادر ما اشارك فيه .. يمكن لاني دفشة نوعا ما

لكن ما شاء الله عليكم انتوا كفيتوا و فيتوا ^^

و يسلموا ايديكم

جورية القسام · 11-18-2009, 06:16 AM

شو هاد نور .. هدى .. نور الهدى , ^^

شي حلو كتير ,

خاصة هـ الموقف .

صحيح محرج ..

بس هـ المعلم غلط لما عاقبك ,

انتِ جبتِ موضوع انشاء . بس ما كتبتي .

صح ولا لأ .!!

منورة نوور ,

تواجدك بينّا اسعدنا