شباب فلسطين

أســـآمـة · 08-13-2009, 02:27 PM

يعطيكــ ألف عافيه أخي أبو سنايبر~

عندي مشكله جديدهــ،،

نزلت تعريف الصوتــ من النتــ،،

و كل شي زبط و نزل البرنامج و عاد التشغيلــ،،

بس الصوتــ ما اجا..!

[ Islam ] · 08-13-2009, 02:50 PM

المشاركة الأصلية كتبت بواسطة عزيز النفس
هذه مشكلة انه اصدار الانيستيلر يلي عندك قديم ..

ولحل هذه المشكلة حملي هذا البرنامج الصغير هو اخر اصدار من الانيستيلر ..

http://www.mediafire.com/download.php?zmmo5wzmkri

وبعد ماتنصبي الانستيلر نصبي الماسنجر وهينزل معك ميه الميه

هههههههه

يسلموو كتير عزيز

الله يعطيك العافية وينولك اللي ببالك .. امين >>

Abu Sniper · 08-13-2009, 05:06 PM

اسامه باشا ... يعني انحلت معك مشكلة اختفاء ملف التنصيب قبل الانتهاء ؟ طيب تمام تمام

بالنسبه لقصة تعريف الصوت ما عرف الصوت فعلا .. بيكون مش متوافق .... انته متأكد انك اخدت اسمو ونوعو بالضبط ؟

عموما حمل هذا البرنامج من الرابط :

http://www.filesend.net/download.php...c49327a8536050

طريقة التحميل من الموقع .. انزل لاخر الصفحه حتلاقي عداد ثواني بس يخلص راح تظهر لك كلمة download اضغط عليها وبلش تحميل

بعد ما تخلص نصب البرنامج ... دبل كلك على الملف ونكست نكست نكست بعدين فنش .. راح يشتغل البرنامج بشكل تلقائي معك وراح تلاحظ انو عرضلك جميع الاجهزه اللي عندك ... وعشان تعرف شو نوع كرت الصوت اللي عندك بالضبط انتقل الى كرت الصوت كما ترى بالصوره :

حيفتح عندك المتصفح ويبحثلك عن التعريف في قوقل بشكل مباشر .. انسخ الاسم الموجود في خانة البحث تبعت قوقل

وهاتلي اياه هنا وانا بجيبلك رابط تحميل لكرت الصوت اللي عندك

...

بانتظارك

أم الوليد · 08-13-2009, 05:07 PM

حطيتلك برنت سكرين لجهازي، بانتظار تشخيصك الو

Abu Sniper · 08-13-2009, 05:09 PM

عزيز النفس الله يعطيك العافيه ومشكور كتير على المشاركه ... هذا هو المطلوب الوصول اليه من كل الموضوع ( روح المشاركه )

الف تحيه الك

Abu Sniper · 08-13-2009, 05:17 PM

ام الوليد

.....

مشاكلك عويصه في الوندوز ..

لكن سؤال .. انتي بتسعملي برامج تعديل سكربتات او شيء من هذا القبيل ؟ ان كان بتستعملي برامج تعديل وكتابة سكربتات مثل برنامج OnScript

بتكون المشكله انك عدلتي او لعبتي باحد السكربتات بشكل خاطئ ما ادى الى انهيار بعض سكربتات الوندوز

في حال انو انتي ما الك اي دخل ببرامج السكربتات .. وما عملتي اشي بيكون موضوعك فيروس ادى الى فقد وتخريب بعض ملفات النظام DLL's :)

وهوا فعلا انتي بتحملي الفيروسات بشنطتك :)

عموما انا بصراحه في حاله زي هادي .. واول ما الوندوز يبلش يعطيني اخطاء من اللون الاحمر زي اللي عندك ... ما بتعب حالي وبصلح المشكله ... بل اني بنهي المشكله جذريا وبجدد الوندوز ( يعني بفرمت الوندوز وبركب بدلو ) لانو مشاكل زي هادي يصعب ويطول حلها .. في حال كان لها حل اساسا

..

المهم انو المشكله عندك ( خلل في السكربتات .. وفقد في ملفات النظام DLL's )

الحل : معرفة الملفات المفقوده وتبديلها بجديده .. لكن قصه طويله

حل اخر : فرمتي الوندوز وركبي وندوز اخر جديد بدون فقد اي بيانات

...

شوفي الحل اللي بعجبك وانا معاكي فيه ...

بالنسبه الي بنصحك بالفورمات .. وانا معاكي فيه .. ما تخافي من الكلمه ( فوووووورماااات ) القصه سهله جدا وكانك بتركبي برنامج :)

بانتظار ردك

أم الوليد · 08-13-2009, 05:22 PM

ممكن تعلمني الفورمات ، لانو ماعاد اودي جهازي لحد ، بكفي لاب توبي واقف ، كمان تبع الشغل؟؟؟؟؟؟؟؟خبرني شو اعمل وبعمل خطوة خطوة

Abu Sniper · 08-13-2009, 05:27 PM

امورك تمام ... اول اشي قوليلي .. في عندك اسطوانة وندوز ؟؟؟

اذا ما عندك اسطوانة وندوز .. عندك حلين ..

الأول : اشتريلك اسطوانة وندوز من اي محل

الثاني : حملي اسطوانة وندوز من النت .. ( قصه طويله شويه )

واذا بدك اتابع معك في عملية تنزيل وندوز من الانترنت وصنع اسطوانة وندوز . مافي اي مشكله انا جاهز

بانتظارك

Abu Sniper · 08-13-2009, 05:27 PM

امورك تمام ... اول اشي قوليلي .. في عندك اسطوانة وندوز ؟؟؟

اذا ما عندك اسطوانة وندوز .. عندك حلين ..

الأول : اشتريلك اسطوانة وندوز من اي محل

الثاني : حملي اسطوانة وندوز من النت .. ( قصه طويله شويه )

واذا بدك اتابع معك في عملية تنزيل وندوز من الانترنت وصنع اسطوانة وندوز . مافي اي مشكله انا جاهز

بانتظارك

أم الوليد · 08-13-2009, 05:28 PM

لا عندي وحدة بس رح ياخد وقت؟

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء