||×× مدرسـة تخيلات أعضاء شباب فلسطين××|| مشـاهد متجددة،، ‏

[مآهينآز]

المشاركة الأصلية كتبت بواسطة haboosh فكرة كتييييييييير حلوة و مفيدة

عيونك الاحلى حبيبتى هبوووش

بإنتظار مشاركتك يا قمر

[limar]

فكرة رائعة ماهيناز

دايما مبدعة

الي رجعة اكيد

[السيف عدي]

فكره رائعة وجديده ..

اكيد بشارك ..

تسلمي مهيناز ع الابداع ..

ما ننحرم منك ..

[حفيظ الليبي]

من مشهد يوم عظيم


في يوم كان مقداره خمسين ألف سنه ‏،
ينفخ في الصور ، يخرج الناس من القبور في لحظة واحدة كأنهم جراد منتشر ، مسرعين مهطعين إلى الداعي ، كل منهم‎ يفكر في نفسه فقط ، ماذا سيفعل به؟


إن زلزلة الساعة شئ عظيم ‏،‏ يوم ترونها تذهل كل مرضعة عما أرضعت ‏، و تضع كل ذات حمل حملها ‏، و ترى الناس سكارى ‏، و ما هم بسكارى ‏، و لكن عذاب الله شديد


و في هذا الموقف المهيب العصيب ‏،
يحشر الناس و هم حفاة عراة .

قالت أمنا عائشة .. قلت يا رسول الله : كيف يحشر الناس يوم القيامة ؟
قال : حفاة عراه .
قلت : و النساء ؟
قال : و النساء .
قلت : يا رسول الله فما يستحيا ؟
قال : يا عائشة ، الأمر أهم من أن ينظر بعضهم إلى بعض .
أخرجه البخاري و مسلم .


وجوه الناس ، تختلف تعابيرها ،
فهناك وجوه مشرقة تعكس الإيمان و الإطمئنان .
و هناك وجوه مسودة تعكس الكفر و الرعب و الخسران .


وجوه يومئذ مسفرة ‏،‏ ضاحكة مستبشره ‏.
و وجوه يومئذ عليها غبره ، ترهقها قتره ، أولئك هم الكفرة الفجره .


‏ وجوه أهل الجنه ‏،‏ و وجوه أهل النار ‏:


للذين أحسنوا الحسنى و زياده ‏،‏ و لا يرهق وجوهم قتر و لا ذله ‏،‏ أولئك أصحاب الجنة هم فيها خالدون ‏.
و الذين كسبوا السيئات جزاء سيئة بمثلها و ترهقهم ذله ، ما لهم من الله من عاصم ، كأنما أغشيت وجوههم قطعا من الليل مظلما ، أولئك أصحاب النار هم فيها خالدون .

ما بين النفخ في الصور و قيام الناس لرب العالمين ليقفوا في المحشر ‏،‏ الكثير و الكثير من المشاهد ‏،‏ و التي أرجو أن أكون قد قدمت جزء صغير منها ‏.

أسأل الله أن يجعلني و إياكم ممن تبيض وجوههم يوم القيامه ، و أن يغفر لنا ذنوبنا و يرحمنا برحمته ،
إنه هو الغفور الرحيم .



إذا قربت ساعة يالها ‏،
و زلزلت الأرض زلزالها .

تسير الجبال على سرعة ،
كمر السحاب ترى حالها .

و تنفطر الأرض من نفخة ،
هنالك تخرج أثقالها .

و لابد من سائل قائل ،
من الناس يومئذ مالها .

تحدث أخبار ربها ،
و ربك لا شك أوحى لها .

و يصدر كل إلى موقف ،
يقيم الكهول و أطفالها .

ترى النفس ما عملت محضرا ،
و لو ذرة كان مثقالها .

يحاسبها مالك قادر ،
فإما عليها و إما لها .

ترى الناس سكرى بلا خمرة ،
و لكن ترى العين ما هالها .

ذنوبي بلائي فما حيلتي ،
إذا جئت بالبعث حمالها .

نسيت المعاد فيا ويلتي ،
و أعطيت للنفس آمالها .

[مآهينآز]

المشاركة الأصلية كتبت بواسطة limar فكرة رائعة ماهيناز

دايما مبدعة

الي رجعة اكيد

تسلميلى حبيبتى ليمار

انتى الابداع كله يا قمر

بإنتظار راجعتك حبيبتى

[مآهينآز]

المشاركة الأصلية كتبت بواسطة السيف عدي فكره رائعة وجديده ..

اكيد بشارك ..

تسلمي مهيناز ع الابداع ..

ما ننحرم منك ..

تسلم اخى حسام

بإنتظار مشاركتك

ما ننحرم طلتك يارب

[مآهينآز]

جزاك الله كل الخير أخى حفيظ الليبى

وجعله فى ميزان حسناتك إن شاء الله

/


أسأل الله أن يجعلني و إياكم ممن تبيض وجوههم يوم القيامه ، و أن يغفر لنا ذنوبنا و يرحمنا برحمته ،
إنه هو الغفور الرحيم .

اللهم أمين يارب

/


مجهود رائع بارك الله فيك

وبإنتظار المزيد

[مآهينآز]

{.... المشهد الثــــــالـــــــث ....}

ها خلاص الناس كلها خرجت من القبور مثل الجراد المنتشر حفاة .. عراة


وكلهم واقفين فى مكان واحد (أرض المحشر)


وتخيل وصف النبى صلى الله عليه وسلم لارض المحشر


(أرض بيضاء ،عفراء،لا معلم لها)


أرض فاضية فضاء


كل الناس واقفين ومتجمعين فيها


بس يا ترى وقفتك فى ارض المحشر هتكون قد ايه وقت


قال صلى الله عليه وسلم


(كيف بكم إذا جمعكم ربكم خمسين الف سنة لاتأكلون أكلة ولا تشربون شربة ،، حفاة ،، عراة)


يعنى خمسين الف سنة لا بتأكل ولا بتشرب وكمان مش بتموت


ياااااااه مين يقدر يستحمل


طيب يا ترى هنقف خمسين الف سنة ازاى


أكيد مش هتقدر ..صح ؟؟


اه اكيد مش هقدر


لا


لا


انت مش هتحس بيها


الوقفة ديه للعصاة


انت مؤمن ،، كنت بتطيع ربنا فى الدنيا


انظر لكلام النبى صلى الله عليه وسلم


(وإنها لتمر على المؤمن،، كركعتين خفيفتين يصليهما)


ده المؤمن


ياترى انت المؤمن ؟؟


ياترى هتقف كام سنة ؟؟


كلا على حسب إيمانه


طيب هقف


يعنى هكون واقف ولا قاعد ولا راكب ولا نايم


قال تعالى (ومن أعرض عن ذكرى فأن له معيشة ضنكا ،، ونحشره يوم القيامة أعمى ، قال ربى لما حشرتنى أعمى وقد كنت بصيراً ،قال كذلك أتاتك اياتنا فنسيتها وكذلك اليوم تنسى)


تخيل بقى يبقى عذاب وجوع وعطش ووقفة وكمان اعمى ومش شايف


بس طبعا فى الوجه الاخر


فى ناس هتيجى راكبة


قال صلى الله عليه وسلم


(يحشر الناس يوم القيامة ركباناًً ،، ومشاة وعلى وجوههم ،، "حتى ان صحابة رسول الله صلى الله عليه وسلم استغربوا وسألوه كيف يمشون الناس على وجوههم" فقال صلى الله عليه وسلم الذى أمشاهم على اقدامهم قادر ان يمشيهم على وجوههم)


قال تعالى (ونحشرهم يوم القيامة على وجوههم عميا وبكما وصما ومأواهم النار)


تخيل بقى


ها ياترى انت وضعك ايه


هتيجى راكب ولا هيكون مأواك النار ولعياذوا بالله؟؟


ومش بس واقف وعطشـان ده انت كمان ممكن يوم القيامة تيجى على شكل نملة


انا .. ازاى .. ليه ؟؟


ايوه انت على شكل نملة والناس بتدوس عليك


أسمع قول الصادق الامين (يحشر المتكبرون يوم القيامة كأمثال الذر ،على صورة رجال ونساء ،يدوسهم الناس بأقدامهم، يغشاهم الذل )


يااااه تخيل


انت بنفس شكلك وملامحك بس على شكل نملة والناس بتدوس عليك برجليها وانت مذلول


ليه ؟


علشان كنت بتتكبر على الناس فى الدنيا


أصل ربنا عادل ،، انت مش كنت بتتكبر على الناس


لازم يكون الجزاء من جنس العمل


بس انا مكنتش بتكبر على حد


طيب كويس الحمد لله دى عديت منها


تعالى نشوف باقى الاشكال


قال تعالى (وترى المجرمين يومئذ مقرنين فى الاصفاد، سرابيلهم من قطران وتغشى وجوههم النار)


تخيل عطشان وجعان وكمان مربوط فى سلاسل من حديد


واللبس النسيج بتاعه من قطران تخيل قطران ووشك من نار ,, يعنى حريقة


طيب هو يعنى ايه المجرمين


المجرمين ،، اللى كانوا بيفسدوا فى الارض


اللى كانوا بيعلموا الناس الذنوب


يااااه كل ده عذاب


شكلك خفت


ازاى ما أخفش ,,كل ده وما أخفش .. لازم أخاف



لا متخفش الكلام ده مش ليك


انت كنت كويس فى الدنيا ،، انت كنت مطيع لربنا سبحانه وتعالى


ربنا عادل ،، عمره ما هيضيعك ،، أصل انت كنت بتحبه


وهو كمان بيحبك


أسمع قول الله تعالى (يوم ترى المؤمنين والمؤمنات ،، يسعى نورهم بين ايديهم وبأيمانهم ن بشراكم اليوم جنات تجرى من تحتها الانهار )


ياااه تخيل


ايوه انت كلك نور ،، ايديك شعاع من النور


تحركها يمين او شمال نور


/


تخيل وعليك تختار


ها تختار ايه خمسين ألف سنة يمروا كأنهم ركعتين خفيفتين


ولا نار وقطران


سأترك لك الخيار

/



وإلى ان نلتقى هنا


كونوا بخير وفى حفظ الرحمن دائما

تابعونا مع مشهد أخر من مشاهد يوم القيامة يا من تجيدون التخيل .....

[مآهينآز]

وقفت جميع مشاعري تتأمل ...وفمي عن النطق المبين معطل



ما كنت في حلم ولا في يقظة... بل كنت بين يديهما أتململ



أرنو إلى الأفق البعيد فماأرى ... إلا دخانا تائهـا يتجول



وحشود أسئلة تجر ذيولها ... نحوي وباب الذهن عنها مقفل



أحسست أن إرادتي مسلوبة ... وشعرت أن مخاوفـي تترهل



وشعرت أني في القيامة واقف ... والناس في ساحاتها قد هرولوا



يسعون كالموج العنيف عيونهم ... مشدوهـة وعقولهـم لا تعقـل



والكون من حولي ضجيج مرعب ... والأرض من حولي امتداد مذهل



قد أخرجت أثقالها وتأهبـت ... للحشر وانكسر الرتاج المقفـل



والناس أمثال الفراش تقاطروا ... من كل صوب هاهنا وتكتلـوا



كل الجبال تحولت من حولهم ... عهنا وكل الشامخـات تزلـزل



وجميع من حولي بما في نفسهم ... لاه فلا معـط ولا متفضــل



كل الخلائق في صعيد واحـد ... جمعت فسبحـان الذي لايغفـل

[مآهينآز]

{.... المشهد الرابــــــــع ....}

وهذه هى الشمس تقترب وتقترب وتدنوا من الرؤس


مش كفاية كل العذاب اللى فات


وكمان الشمس


تخيل


ده احنا الدنيا بتبقى حر شوية ومش طايقين ،، مبنقدرش نتنفس فى الحر


لا وشمس يوم القيامة حاجة تانية


تدونوا وتقترب من الرؤس


حتى لا يكون بينها بينها وبيننا إلا ميل واحد


ايه الميل ده ؟؟


يقول احد الصحابة والله لا أعرف اى ميل كان يقصد رسول الله صلى الله عليه وسلم


هل كان يقصد ميل العين ام الميل المسافة


الاتنين أصعب من بعض ،، مش هتفرق


المهم انها مش هتكون على بعد ملايين السناوات الضوئية زى فى الدنيا


لا دى هتبقى قريبة جدا


وطبعا الناس أمتلئت بالعرق


مهو اكيد حر وشمس قريبة لازم الناس تعرق


لا حتى العرق بحساب


قال صلى الله عليه وسلم (فمنهم من يصل العرق إلى كعبيه ومنهم من يصل إلى قدميه ،، ومنهم من يصل إلى عنقه ومنهم من يلجمه العرق )



تخيل واحد العرق ملجمه ،، مش قادر يفتح فمه من كتر العرق وكمان التراب على العرق


ياااه


/






بس إحنا اتفقنا يوم القيامة مش كله خوف


ازاى هى مش الشمس عليا وعلى الكل


أسمع قول الرسول صلى الله عليه وسلم (سبعة يظلهم الله فى ظله يوم لا ظل إلا ظله
1-إمام عادل
2-شاب نشأ فى طاعة الله
3-رجل قلبه معلق بالمساجد
4-رجلان تحابا فى الله ،إجتمعا عليه وتفرقا عليه
5-رجل دعته امراءة ذات منصب وجمال فقال انى اخاف الله
6-رجل تصدق بصدقة فأخفاها حتى لا تعلم شماله ما انفقت يمينه
7-رجل ذكر الله خاليا ففاضت عيناه)


تعالى نشوفهم واحدة واحدة


الاولى : إمام عادل


للأسف انا مكنتش إمام


طيب يمكن الاولى تروح منك


تعالى نشوف الباقى


طيب التانية : شاب نشأ فى طاعة الله


ها جبتها وجبتيها ولا لا


سهلة ديه


للأسف انت كبرت وربنا مكنش اهم حاجة فى حياتك


خسارة ،، راحت دى كمان منك


طيب التالتة : رجل قلبه معلق بالمساجد


ها لما بتسمع الاذان بتجرى تنزل على الجامع


متهيألى مش صعبة زى ما اتعودت انك تصحى كل يوم تعمل حاجة معينة اتعود تنزل تصلى فى الجامع


أتعود يا مؤمن وعود قلبك على حب المسجد


لعل تلك العادة تنجيك من حر يوم القيامة


بس للأسف معرفتش تجبها ديه


طيب الرابعة :رجلان تحابا فى الله ،،اجتمعا عليه وتفرقا عليه


ها ليك صاحب او انتى ليكى صاحبة


أجتمعتم على الله


يعنى بتحبوا بعض لله فلله


منغير مصالح


حافظ عليه


شجعوا بعض على الخير


شجعوا بعض على حب ربنا وأوعوا تفترقوا غير على الله


أظنى ديه سهلة اوى


أكيد ليك صاحب بتحبه فى الله وهو كمان


بس للأسف الزمان بقى كله مصالح ،، للأسف مقدرش اضمن الرابعة


طيب الخامسة: رجل دعته أمراءة ذات منصب وجمال فقال إنى أخاف الله


ها صعبة ديه ولا ايه


متهيألى مش صعبة وخصوصا فى الزمان ده ،، مبقاش فى حاجة صعبة


ممكن تحصل معاك


بس لو حصلت هتقول لا ،، هتقدر..وتضمن ظل عرش الرحمن ،، ولا هتضعف


شكلك لسه مش عارف نفسك


طيب تعالى نشوف السادسة


السادسة: رجل تصدق بصدقة فأخفاها حتى لاتعلم شماله ما أنفقت يمينه


سهلة ولا صعبة ؟؟


ما أكثر المساكين والمحتاجين والفقراء


تصدق ،، بس هتقدر تخفى الصدقة


ولا هتديهاله بالمن والاذى


طيب انت حلك الوحيد السابعة


السابعة :رجل ذكر الله خاليا ففاضت عيناه


ايه رائيك ،، قدرت تجيبها قبل كده ولو لمرة


مين فينا مبكاش من خشية ربنا


مين فينا مسمعش قرأن فأمتلأت عيونه بالدموع


يااااه


ايه القلب ده معقولة مقدرتش تجبها


ها الوقفة طولت


هتستحمل الحر والشمس والعرق


يا ترى عاوز تستظل بظل عرش الرحمن بسرعة وتكون من اول ناس


ولا انت موافق تبقى أخر واحد ربنا ينادى عليه


حاول تجيب الاولى او التانية او التالتة


بلاش تكون دايما الاخير


ألحق نفسك


/

وإلى ان نلتقى هنا


كونوا بخير وفى حفظ الرحمن دائما

/

تابعونا مع مشهد أخر من مشاهد يوم القيامة يا من تجيدون التخيل .....