ممكن خدمة خيي ابو النور،، واي حدا بيقدر يساعدني كمان يتفضل مع الشكر..

[MoHaDe]

يلا ممتاز

الف مبروك اختي

هلا بنقدر نبلش بالمرحلة التانية
بتحبي اشرحلك الادوات ولا انزل دروس طوالي مع انو الادوات سهلة ومع الوقت بتتعرفي عليهم سهلين بس اذا بتحبي من عيوني بعملك شرح

بالنسبة للدروس بتحبي احطهم هون ولا بالقسم برا علشان كل الاعضاء يشوفوهم ؟

[حنان16]

الله يبارك فيك خيي الكريم

الك الفضل الكبير في هالشي

مشكور

..



بس في شغلة اولا

من بحثي عرفت انه في تنشيط بينعمل

لو ما عملناه خلال 30 يوم ما بيحقلنا نحمل البرنامج من جديد

الا بعد الفرمتة


..

؟

[MoHaDe]

ولو اختي واجبي هادا خاصة انو كنت بيوم من الايام متل حالتك وام لقيت حد يساعدني
وانا جد بحب اعلم ناس شغلات انا تعلمتها وخاصة اللي بكون متحمس انو يتعلمها و بحب اتعلم كلشي قدامي خاصة في النت

المهم
بالنسبة لقصة التنشيط هادي انتي تخطيتها لانو حطيتي السيريال وهلا ان شاء الله البرنامج كامل للابد
هادا التلاتين يوم فترة تجريبية للي فش عندو سيريال ومنزل نسخة ديمو

[حنان16]

طيب تسلم خيي

..


هلا بنقدر نروح يا اما للقوائم او للدروس

الي يريحك اخي

وسواء هون او موضوع خاص

المهم الاستفادة..

وراحتك اخي الكريم..

[MoHaDe]

ولوو

هلا انا بحكي علشان نختصر القوائم بنرجعلها بعدين هم سهلات مبيني من الرسمة اذا عمرك استخدمتي الرسام في كم شغلة بشبهو هناك
عفكرة مع تطبيق الدروس بتعرفي اغلبهم
صحيح شغلة مهم هلا القوائم اللي عالجنب الصور لما تضغطي عالوحدة وتضلك ضاغطة بطلعلك مجموعة بكونو تقريبا كل مجموعة نفس الوظيفة المهم هادا بالنسبة للي عندهم زي سهم عالزاوية اليمين من تحت

ولا اقلك خلص بزبطلك شرح لحال عالقوائم وهلا بحطلك كم درس هيك خفاف وحليوين

صحيح ملاحظة اخيرة
في برنامجين نزلو عندك الفوتوشوب والايميج ردي

الايميج ردي وظيفتو يعطي حركة للصورة يعني الصور اللي بتشوفيهم بتحركو مثل الجليتر وهدول بكونو معملوين عالفوتشوب وحركوهم عن طريق الايمج ريدي
وهي هلا بحطلك اول درس اوك

[حنان16]

ايه البرنامجين نزلوا

وخلص خيي القوائم انا فهمت من التعامل معها هلا شوية

ومع الدروس بتوضح اكثر

خصوصا انه في منها اللي باعرفهم من قبل..

اتوكل على الله خيي

بانتظار الدروس

مع الشكر الجزيل

..

[MoHaDe]

خلص اجاكي

وهي بدي انزلك درس لتلوين الصور
خليكي تشاركي معنا بالمسابقة اوك

هو باعتبار درس بسيط كتيير ومن ابسط طرق التلوين
وان شاء الله مع الزمن بتصيري تطلعي طرق لحالك
هي بدي ازبطو للدرس اوك يعني 10 دقايق ان شاء الله وبكون جاهز

[حنان16]

طيب اخي الكريم

على راحتك انا ان شاء الله بكرة بحاول اطبقه بعد الفهم طبعا

..

بس سؤال مسابقة شو اللي اشارك فيها

وكمان لا خيي بعدي بعيدة على مستوى المحترفين

والشخص الواعي هو اللي لازم يمشي عقده


^_^

[MoHaDe]

هههه لك لا صعبة ولا محترفين ولا شي
هيها موجودة عمنتدى التصميم والجرافيكس
والدرس موجود هناك

حطي بنظرك انو اللي سوا هالشي انسان يعني اي واحد فينا بقدر يسوي زيو
وهي الدرس اللي حطيتو بسيط جدا شوفي هي تطبيقو هلا بتشوفي اوك فش اي صعوبة بالموضوع

هي رابط الدرس
http://shabab.ps/vb/showthread.php?p=967856#post967856

[حنان16]

طيب اخي الكريم

طبقت وما بدها الصورة تترفع لي من الجهاز

؟!


..