|||||- وقــــــــفـ يــــــــا زمــــــــــــنـ -|||||

[نور اليقين]

حياتي يا بلــــــــو

و الله حسيت بشعورك و أنا بقرا ردك

و على فكرة

أنا متلك بعد زواج أٍسيــــــــرة النجوم

قررت ما اصاحب بنات بعد هيــــــــــك

لانو ما بيدومو

في يوم رعسها رحت عند اختها و قعدت اعيط و اقول و الله فش بنات هالأيام يا ريتني و ما كنت بنت

أقلو الولاد بيتجوزو و بيحافضو على سيستيم حياتهم العادي

يعني شو بدي احكيكي

البنات صحبتهم مش دايمة

[blue-girl]

اخ يا نور اخ
شو بدي احكي

بكفني انتو والله جد بتكفوني

ممكن ما بنعرف بعض منيح
بس جد احسن من لا شيء

[نور اليقين]

حياتي

:)

[&نسيم الروح&]

مبارح وانا قاعده تزكرت موقف بس ما لحقت احطه فقلت لازم ادخل واحطه

كان عمري ست سنين بس ما بنسى لانه عقابه كان كبير

انا عندي اخت اصغر مني بـــسنتين تقريبا وكاانت عاقله وشبه هبل لانه كنت اعمل فيها العمايل وهي زي الهبله ترضى

كنا قاعدين انا وهي يالبيت لحالنا وامي نزلت عند الجيران تودي شي يعني شغله ربع ساعه وراجه

فانا انتهزت الفرصه وكنت بنفس اليوم سمعت ماما وخالتي بحكوا عن تنضيف البشره وكيف بقلب الخلقه

متل ما هلا بنحكي احنا عن عمليات التجميل

المهم طبعا هاد لازم اطبقه فكانت خالتو قايله انه الماده الي بحطوها ريحتها زي ديتول "اكيد الكل عارفه"

فانا ما كزبت خبر واخدت العلبه والقطن وقلت لاختى تعي بدي اعمل تنضيف بشره

قالتلي ماما ما رح تزعل قلتلها لا وليش تزعل بالعكس رح تنبسط لانه بنتها رح تصير حلوه

وقعدت احط على القطن وافرك وشها هههههههههههههههههه

وفعلا خلقتها انقلبت وتتحسس وجها وصار احمر وطلع في حبوب حساسيه الصغيره الحمره

وانا من فصاحتي بدي اخبي هاد الاشي والا بتبهدي فقلتلها لازم تشوفي حالك حلوه بس مو هلا بعد المكياج

وفعلا طلت مكياج ماما كله وزي متخصصين التجميل قعد احط حطيت الفاونديشن

وكتيييييييير يعني كل العلبه

والبودره وبلشت بالمكياج حطيت على عيونها اسود "قال بدي اعمل موضه"

وعلى خدودها احمر وما تنسوا الكحله والمسكاره الي عبوا وشها واجينا للروج وكان اكتر قلب بشع عند ماما ولونه احمر

متل الدم يعني مفقع وحطيتلها اياه وكل العمليه اخدت مني حوالي ربع ساعه لانه كنت مستعجله

قبل ما تيجي ماما لانه هادي مفاجاه لانه بنتها صارت حلوه

المهم ما كزبت خبر حطينلها الروج وصارت زي مش عارفه شو الساحره ولا البسه الي ماكله كل ولادها

ولا شو بالضبط

طبعا انا كنت شايفته حلو وخلصت وهي شافت حالها على المراي من هون وقعدت تبكي وانا اسكت فيها

لانه رح يخرب المكياج طبعا انا ما كنت عارفه ليش بتكي فكرت من الفرحه ولانها اول مره بتشوف حالها حلوه

طلع مو هاد السبب هههههههههههههه كانت تبكي من الخوف

ههههههههههههههههههههههه

ودخلت ماما وانا لما سمعت صوت طقه المفتاح بالباب مسكت اختي لانه سربرايز طبعا

ووقفت فيها ورا الباب وماما دخلت وصارت تصرخ كمان ما كنت عارفه ليش

طلعت بتصرخ علي ليش هيك عملت

واتعاقبت انا واختي ووقفنا عند الحيط لحد ما اجى بابا وكمان ما كنت عارفه ليش واقفين بنستنى بابا

فكرت مااما انبسطت على شكل اختى وقالت لازم افرجي لابوها طلعنا معاقبين

بابا اول ما دخل تفاجا وقعد يضحك ويحكي لاختي مين عمل فيكي هيك قالتله حنين

قلي ليش هيك عملتي انا قلت لانه بنتك مو حلوه فحبيت اسوها حلوه

واحنا طبيعتنا بشرتنا حساسه وطبعا ماما غسلتلها واخدتها على الدكتور على طول وبس رجعوا

سالنا بابا وين بوجعك انتي وياها هههههههههههههههههه

بس مو بلسانه بالقشاط

وانحبسنا لتاني يوم بالغرفه وطبعا كان مو بس هاد العقاب كان العقاب ممنوع نطلع من البيت اسبوع

هاد لو ما عملنا شي وازا عملنا شي تاني ممكن تمد المده

طبعا بالاضافه الى ممنوع تلفزيون ممنوع نلعب بالالعاب كمان لمده اسبوع وفعلا

مر 6 ايام واليوم السابع افرج عنا لانه كنا مادبين

ههههههههههههههههههههههه

توته توته خلصه الحدوته شو رايكم بالعمايل هي وطبعا في غيرها كتير بس هاد اكتر شي متزكرته

وازا اتزكرت شي تاني بقلكم

بااااااااااااااااااااااااااااا ااايز

[صاحبة القلم الحزين]

i will be back

inshallah

[&نسيم الروح&]

عندي صاحبه عزيزه علي موجوده هون بالمنتدى بس ضروفها ما بتسمحلها تدخل دايما

كنا نلتقى كل يوم واليوم الي ما بشوفها في بالشغل بشوفها ببيتها او ببيتي

او عند اي حد من اهلنا

المهم دايما كنت كل ما اروح عندها اخد معي اشياء كتير يعني كيك وبزر وشبس واشياء تانيه

بس ما عمري اخدت اشي بنشرب

مره رحت ومعي ببسي وحطينا القنيه واعدنا نحكي ونضحك ولما طلبت كاسات سالتني

ليش جبتي ببسي معك اليوم؟؟ قلتلها: لانه ما عمرك ضيفتي ببسي مع انه كل اشي كانت اضيفني ياه

بس ما عمرها ضيفت ببسي هههههههههههههههههه

بصراحه انا شتقتلها كتييييييييييير بجد صاري من شهر سبعه ما شفتها وبقول قدامكم انه شتقتلها كتيييييييير

وميته على ما اشوفها بس ضروف البعد

زمان لما كنت اشتغل معاها كان معانا موضف بس ساكن بالمكتب التاني

وانا وهي بالغرفه التانيه وكان جاي على بالي اسمع اغنيه والسماعات الي عنا كانوا خربانين

فرحت اجيب سماعه من مكتب بين مكتبنا ومكتبه وفجاه سمعنا صوت قوي عمل دج

انا فكرتها وقعت المونيتار فاطلعت عندها طلع لا وهي فكرتني وقعت شي

بس كمان مو انا الي وقعت شي وانا كنت واقعه من الضحك

لانه لفيت على المكتب الي في الشب وكان الشب على الارض وبحكي تلفون

هههههههههههههههههههههه

والصوت هو صوت الكرسي الي كان قاعد عليه اصل الكرسي انكسر والشي الي بضحك اكتر هو الي على التلفون

بقله شو في عندك وشو هاد الصوت قله لا بسيطه ما في شي بس انا وقعت بالكرسي الي قاعد عليه

هههههههههههههههههههههه

طبعا ضلينا طول اليوم واحنا نضحك عليه لا ومو بس هيك لهلا كل ما اتزكره بقعد اضحك

ههههههههههههههههههههههههههههه

كنا نقعد انا وهي نضحك ونحكي طول الوقت مره كنت حاسه بديق ومدايقه لانه مو عارفه شو بدي

وكنت اخد دوره كمبيوتر وبيوم طولت ضليت امشي بالشارع بعد المعهد جوالي 8 ونص بالليل

وروحت بعدها كانت تستناني عند بيت جدها ولما نزلت عندي اعدت ابكي وبعدين اعدت اضحك

لانه مو عارفه مين انا وليش هيك ومن وين لوين يسير هيك

بس الله حطني بامتحان والحمد لله طلعت منه اقوى من حالي وتحديت الدنيا بحالي وهاد التحدي خلى ايماني بالله اكبر

وشخصيتي بعد هادي الفتره صارت اقوى مع اني ضليت ولا زلت الدلوعه حبيبه البابا ولهلا ولبعدين

ولحد ما اموت ما بنسى هادي الفتره الي قوتني

بس خلص اليوم حطيت كتير اشياء

بااااااااااااااااااااااااااااي ز

[B a s i m a]

المشاركة الأصلية كتبت بواسطة &نسيم الروح&

المهم طبعا هاد لازم اطبقه فكانت خالتو قايله انه الماده الي بحطوها ريحتها زي ديتول "اكيد الكل عارفه"

باااااااااااااااااااااااااااااااايز

ديتول

طلعتي شريرة نسومة

[&نسيم الروح&]

لا والله بسومه مو شريره ههههههههههههه

بس هي الي قالت انه ريحته هيك

انا شو دخلني هههههههههههههههه

[&نسيم الروح&]

شو ليش كسلانين ومو حد حكى شي

اف يا

كسلانين بدكم بهدله

انا زعلت وما بدي احكي اشي روحوا

[جريحة]

صباحكم سعيد......ونهاركم عيد
صبايا وشباب
اسمحولي من اليوم اوقف معكم ومع زماني
بس حبيت اعلق شوي عكلام الصبايا
انه مو كل اللي بتزوجو بغيرو السستم بتاعهم
يعني في بنات بتتزوج،،،وبتفضل محافظه عالصداقه اللي بينهم

بس نحنا ما بنقدر نحكم عظروفها وهي ببيت زوجها
لانها ما عادت حرة نفسها متل وهي بنت ببيت بيها
صح ولا لا.....