][®][^][®][مــــــآيــــك المــنــتــدى مع مديرنا مــحــمــود][®][^][®][

[عبير فلسطين]

نور اليقين...
البنت يلي لفتيلي نظري من أول ما سجلت بالمنتدى بخفة دمها وصراحتها وطيبة قلبها
عنجد وأنا بقرأ الموضوع حسيت أديش انتي حبوبة وقلبك أبيض زي التلج وقلت نيال يلي بتكوني صاحبتهم
وعنجد بشرفني كتير أكون صديقة وحدة متلك يا عسل
هاد اذا ما عندك مانع ولا شووووو؟؟؟؟!!!!!!!! :)
الله يوفقك حبيبتي بحياتك وبشغلك وبكل خطوة بتعمليها بحياتك يا نور المنتدى كله :) :)

[*ريحانة القلب*]

نور

فعلا كلامك عرفني عليكي اكتر ..

ووضح جوانب شخصيتك اكتر ..

الله يخليكي للمنتدى ويسعدك بحياتك :)



وردة موضوعك مميز

يعطيك العافية ^ ^

[[ Islam ]]

السلام عليكم ورحمة الله وبركاته ...

أولاً .. شكراً كتيييييييييييييييييييير وردة الأقصى على الفكرة السوووو نايسة

ثانياً : نـــــــــور اليقين ... طبعا ان من الي لساتهم جداااد على المنتدى ,, ومن خلال الردود عرفت انو

الاعضاء بحبوو كتيير نوور اليقين ,,, فانا صار عندي فضول كل ما اشوف موضوع مشاركة فيه لازم اقرؤه

فكنت ما شاء الله عليكِ متميزة في كل ردودك ,, كلامك كان يعطي رونق جميل جدااا للموضوع ,,

وعنجد انا كمان حبيتـــــــــــــ ـــــــــــ ــــــك ,,, ومن بعد ما قرأت هالحكي

أعجبت فيكِ أكترررر وأكترررر ,,, انسانة قلبها شفاف وصافي ,,, وصراحتك كتييييييييييير عجبتني الي قليل

بنلاقيها في هالأيام ,,,

وبالنسبة لأهل المغرب صراحة انا كنت أفكرهم في عااااالم تاااااني ,,, بس لما تعرفت على ناس مغربين

من المنتديات وجدتهم هم الي يحملوا الضمير العربي ,,, ناس رااااائعين جدااااااا ,,, حتى والله بأحكي مع

بنت من المغرب عمرها 13 سنة وما بتقبل غير تحكي إلا بالعربية الفصحى وهي عمرها بس 13 سنة

ما شاء الله عليكم يا اخواااانا في المغرب ,,, الله يحفظكم ويرضى عنكم ياااااااااااااااااااااارب ,,,


الله يوووفقك يانوووور ...

[.:.!دموع الرحيل!.:.]

والله العظيم ما بعرف شو أحكي

كل الي بقدر اقولك يـــــــــاه

إنـي بحــــــــــــبــــــــــــــــــــ ــــــــــــــــــــــــــــك أكــــــــتر والله العظيم أكتر ما تتصوري

وبعترف يا نــــور

إنـي كل ما اشوف اسمك بالمنتدى وبدون مبالغه

قلبي بينحرق

وبحس بغصــة !!!

وين كنـا ووين ووين صرنـا ..

وينهـا ؟؟؟

بس برجع بقول .. الحمدلله الي لسـاتـهـا بيننــــا

مش عارفه انتي بالنسبة الي زمـن رائع .. وذكريات اروع

بس يا ريتك ترجعي تصيري من الحاضر ^^

عمبكتب ودموعي بتنزل

مش عارفه يمكن صار عنـدي نوع من الاستسلام انه هاي هي الحيـاة ..

او انا مش عارفه اقنعك ؟

أو يمكن مش قادرة أثر عليكي

أو إنـي وصلت لمرحلة .. حـتى مش قادرة أوصلك :)

ما قادرة أغمق بالحكي أكتر من هيك

لأني مخنوقة بجد

بس في شغله بحب اقولك ياها لفتتلي نظري بكلامك ..

هي عن قصة نظرة العالم للمغرب العربي

فعلا كانت نظرتنـا شي .. وانتي الي بديتي وحولتي هالنظرة كليـا ومن بعدك كل المغاربة الي سجلو بالمنتدى

الي همي أغلى الناس ع قلبي

صرت أعشق شي اسمه المغرب

ومش بس هيك ..

والله صرت بحكي عليهـا بكل شغف بأي فرصة بتسمحلي ..

وبحاول أعرف النـاس شو همي أهل المغرب .

تيم :)

ما ننحرم منك يا رب

في كتييييييير كلام لو بدي احكيه رح اقهر حـالي

يمكن انتي حساه وعرفاه بدون ما اقوله

:)

[Abu Shadi]

مجرد مرور...

[ضوء القمر]

^_*

مجرد مروور

[.!. وردة الأقصى .!.]

مرحبا

مساء الخيرات والليرات عليكم جميعا ً

بما انه خلصو الــ 3 أيآم

ونور اليقين حبيبة ئلبي ماقصرت معنا بشي

وحكت كل اللي بئلبها عالمايك

بحب أشكرها من كل ئلبي وبتمنالها السعادة والتوفيق بحياتها يارب

وبدي أشكر جميع الأعضاء اللي ردو واللي شكروني ع الموضوع واللي ماشكروني كمان

وهلأ حابه استضيف عضوة لزيزة امورة دمها عسل

وأنآ بحبها كتير وئبل فتره كانت خطوبتها

ان شاء الله تتهنا بحياتها

وتشوف ولادها وولاد ولادها بركضو حواليها

العضوة هيي

جريحة فلسطين

المايك بيدك .... مين ئدك


تفضلي ..

هلأ صمت تام ياحبايبي لحد ماتخلص جريحة كلامها

[جريحة فلسطين]

اس اس ,, احم احم

<<<< بجرب بصوت المايك

وردة حبيبه قلبي ,,

تسلميلي على الاستضافه الي بتجنن متلك ,,

والي حتعطيني فرصه عبر عن شعوري تجاه المنتدى والاعضاء ,,

اول شي انا مش من زمان مسجله بالمنتدى ,,

يعني تقريبا الي مممم 4 شهور بس ,,

بس والله كاني حاسه انهن 4 سنين ,,

بجد لما كون بالمنتدى بحس حالي بين اهلي وناسي ,,

وبقعد بالمنتدى اكتر من ما بقعد مع اهلي ,,

حتى كل يوم امي بتصير تصرخ عليي ميشان الله تطلعي من الغرفه وتيجي تسهري معنا ,,

لاني انا بصراحه بحب كون بالمكان الي بتريحلو كتير وبحبو ,,

وما لاقيت احلى واهدا من المنتدى ,,

كنت مسجله بمنتديات تانيه ,,

وكان معي اشراف ,,,

وكنت اكتر الاعضاء نشاط هناك ,,,

بس ما بعرف ما كنت مرتاحه كتير هناك ,,

لانو ما كانو الاعضاء يحيو بعض ,, وقلوبهم على بعض ,,

كان الشاطر بدو يخرب بيت التاني ,, ويفضحو ,,

او الصبيه بتغار من التانيه وبدها تصير اعلى منها ,,,

فانا اخدتت من قاصرها واعتزلت المنتدى وتنازلت عن الاشراف وكلو ,,

هاد الحكي من تلات سنين تقريبا ,,

ومن تلات سنين لهلاء ما سجلت مولا منتدى ,, الا هاد المنتدى كتير لفت نظري ,,

قبل ما اسجل ,

صرت افوت واراقب كيف الاجواء والاعضاء ,,

بجد كتير حبيتو واتريحتلو ,,

والاعضاء كتير حبوبين وطيوبين ,,

الله يسعدكم يا ربي ويوفقكم ,,

والحمد لله علاقتي مع الاعضاء كتير طيبه ,,

تقريبا اغلب الصبايا عندي على الميل ,,

وبعض الشباب ,,

بصراحه ما بلاقي احلى والز من هيك صبايا وشباب ,,

اول صبيه اتعرفت عليها كانت احلى فوفو ,,

بنت طيوبه لزيزة الله يخليها شو بتجنن ,,

وبعدين اتعرفت على الامل بالله ,, الي هي هلاء بالوقت الحالي نكها جروح الايام ,,

كمان بينت طيوبه كتير بس ما بعرف وينها بهالوقت مختفيه ,,

بحب احكيلها كتير اشتقتلك يا بطه ,,

وبعدها اتعرفت على اطيب شب بالمنتدى ,, sms

بجد اطيب سب عرفتو ,, كتير محترم وطيوب ,,

بس للاسف صار بعض الخلافات بينا وما عدنا نشوف بعض ,,

بحب امسك المايك هلاء واعتذرلو عن اي شي بدر مني ودايقو ,,

وبعدين كل يوم صرت استقبل اضافه من صبيه ,,

من الرمش الحساس ,, الحان الحريه ,, ليمار ,,,

وقتها هدول التلات صبايا اتصاحبنا كتير بقصه نزلتها بيسا مشاكل ,,

ام الجماجم ,, ااخ وينك يا بيسا ووين ايامك

وبعديها من الصبايا كانت القلب الطيب ,, ودق التحيه قدامك فلسطينيه , , اسراء الفلسطينيه ,,اميرة فلسطين ,,
وزهراء المغرب ونور اليقين ,, ولولو وبنت الرمله ,, وحوريه فلسطين العسل ,,, وبينك روز ,, وبسكوته اللزيزة

وضو القمر ,, وضوء الشمس ,, وبلو جيرل ,, وبنت فلسطين (بالانجلش) ودموع الرحيل ,, وميرو حبيبه قلبي ,,

كمان ومن الشباب الي اتعرفت عليهم جديد ,, بينمارو واحلى انا ,, بجد اروع من هيك شباب ما قابلت ,,

ييييييييي كنت راح انسى المسطول ابن فلسطين ,,

ابو البطاطا ,, بجد طيوب هالشب وكتير امور ^^

وأخيرا راح اصل لاكتر عضوة بحبها ,,

تقريبا بحسها نصي التاني ,,

ما بقدر فوت النت وما شوفها ,,

والله بحبها اكتر من اختي ,,

وردة الاقصىآ

موووووووووووووووواح الك حبيبتي ,,

وكمان بجد نفسي كتير اتعرف على باقي الصبايا اخد ميلاتهن ,,

ونكون اصحاب ,,


هلاء راح اخد بريك ,, كيت كات مع كاسه نس كافيه وبرجع ^^

يلا سي يو

[جريحة فلسطين]

هلاء راح احكيلكم شوي عن حالي ,,

مممم عمري 22

بدرس تمريض سنه تالته ,,

ومن كم يوم بس رجعت الدراسه ,,


كنت ماخده اجازة سنه ونص ,,

يعني لو ما اخدت كان هلاء اتخرجت انا

طيب ما علينا الله بيختار الاحسن ,,

وانا من عرب ال48 ,,, من منطقه المثلث بالذات ,,


انا بطبيعتي كسوله ,,

واسالو الصبايا عني

كسوله وينك ,, نايمه ,,

وين كنتي نايمه ,,

برب ,, وين رايحه انام ,,

وكمان بحب النسكافيه كتيير ,,

يعني لازم باليوم اشرب 5 كاسات نسكافيه ,,

وطبعا ما بحب الشاي ,, بس الي يومين ابصر ليش حنيتلو وبشربو

بحب الاكل كتيير ,, ههههههههههه اسا بتفكروني تخينه ^^

لاء مو تخينه بس بحب اكل كتيير ,,

يعني مرة على ايام التوجيهي ,,

كنت انا وصاحبيتي بالفسحه ,,

وكل وحده شرت ساندويشه واكلتها ,,

اوكي خلص الدوام ,, طلعنا من الكلاس ,,

الا ريحه الفلافل والشوارما بمناخيرنا ^^

هوووب تووب كل وحده كمان شرت سندويشه واكلناها ,,

طيب اخدنا تاكسي وروحنا ,,

نزلتنا التاكسي بنص البلد ,,

واحنا منمشي الا مطعم يميميميممم

اطلعنا على بعض وفتنا المطعم من غير ما نحكي ولا كلمه

ههههههههههههههههههه

بس ضحححححححك ,,

ههههههههههههه

المهم ,, كمان من هواياتي ,,

النت ,,


يعني بحب كون على النت كتييير ,,

اي فرصه بتسمحلي كون على النت ما بقصر ,,

بس طبعا هلاء بدي خفف من النت شوي ,, رجعت للدراسه

وكمان بحب الافلام الاجنبيه والمصريه كتيير ,,

ممممم

واسوء عاده فيني هي ,,

اني بقطع كتير بالصلاه ,,

بجد نفسي اصير اصلي بانتظاام ,,

هاي امنيتي الوحيده بالحياه ,,

مع اني والحمد لله بقرأ قرأن وكتير كمان بحضر دروس دينيه ,,

خاصه محطه الناس والرحمه والبركه ,, كتير بيجيبو فيهن اشايء ودروس دينيه

بس ما بعرف مشكلتي بجد ,, يعني بصلي باليوم صلاتين او تلاته وبس :S

الله يهدينا ويهدي الجميع يا ربي ,,

وكمان بحب اضيف عن حالي ,,

ممممممم

يمكن بطبعي كتير حنونه ,,

وكمان كتيييييير مش شوي حشريه ,,

يعني بالبيت بينادوني كونان

واي واحد من العيله بدو خبر او شي بيتصل على موبايلي بيطلب كونان ,,

وطبعا الاخبار بتكون عندي تازة

ههههههههههههه

وكمان بحب كتييير الواحد يكون كوووول ,,,

يعني الضحك واللعب ,,

وكمان قاعدتي بالحياه غير لو حياتك فاضيه املاها بالكسل ,,

طتش تعش تنتعش ^^

بحب اللون الابيض ,,

وبحب رقم 2 ^^

وبحياتي كلها سافرت 5 مرات ,,

4 على الاردن ,,

ومرة وحده على مصر ,,

ورحله مصر كانت بجنن كتييييييييير ^^

وبحب الاولاد الصغار كتير كتير ,,

عندي ابن اخ الله يخلي يا ربي ,,

عندي اياه بالدنيا كلها ,,

حمووووووووووووووووووووووووودي ,,

عمرو تقريبا سنه ونتوفه ,,

يختي ما الزو ,,,

ان شاءالله راح احاول انزلو صور بالمنتدى ^^

ندوش بتعرفو صح ,,

وكمان احلى فوفو حجزتلها اياه عريسها المستقبلي ^^

[جريحة فلسطين]

كســـــــول ,, وكســـــــولة ^^

اكيد الكل هلاء راح يستغرب من الي بدي احكي ,,

طيب ما علينا ,,

من تلات سنين او اكتر بشوي ,,

كنت مدمنه شات انا ,, الحمد لله كنت وهلاء ما بفوتها ^^

الا هديك المرة انا وندوش^^ وردة الاقصىآ ^^ ههههههههههههههه

المهم ,, كان معي سوبر باحد الشاتات ,,

وكنت مسيطرة على الجو كتير ال يعني هههههههه

كان وقتها اسمي أشـــوريا ,,

ووقتها ما كان في بالي اني احب او انغرم ,,

وكنت ماخده فكرة انو النت كلو هبل ,, وتضييع وقت ,,

اه صح وقتها كنت مخطوبه لشخص تاني ,, (اعتراف خطير )

طبعا خطوبه كانت تقليديه من قبل الاهل والقرايب ,,

طيب ما علينا ,,

كان بالشات يجي ناس اشكال والاوان الله وكيلكم ,,

وانا الحمد لله اسلخ باند ,, شغاله باندات كنت ,, وكليك ^^

طيب هوووووب تووب ,,

من غير احم ولا دستور ,,

الحب دق قلبي ,,

كان بالشات نكو ادم ,,

او مرات يدخل حج ادم ,,

المهم

هو الوحدي الي كان يناديني شوربا ^^ خضار او عدس حدد ^^

شخصيتو كانت بتجنن ومختلف عن باقي الشباب ,,

طبعا كسوله تتجاهل ,,

هو يحاول يتقرب ,, وانا طبعا ملتلو كتير مش شوي ,,

بس انو ال عيب البنت تبين مشاعرها للشب

واتقلي يا كسوله ,,

المهم تقريبا قعدنا 6 شهور واحنا بس هيك نحكي بس بالشات ,,

طبعا كتيير اتقربنا ببعض ,,

بس هو ال ما طلب ميلي ,, وانا بالمقابل مستحيل اطلب ميلو ,,

تصورو 6 شهور تقريبا بس نحكي بالشات ,, من دون ميل ,,

ما علينا ,,

هوووووب تووب كسول اعترف لكسوله بحبو ^^

وطبعا شو كانت رده فعلها لكسوله ^^

السكووت والهورب ,,

بس بالاخر في نهايه للهرب والسكوت ,,

طلب ميلي المسعد واخيرا ً ,,

صرنا نحكي بالميل ,, هو حكالي ما بدي منك جواب هلاء ,,

بس اعطيني فرصه عرفك على حالي واتعرف عليكي اكتر ,,

وانا بدوري حكيتلو كل شي عن حياتي ,,

وعن خطيبي الي مخطوبه منو بالغصب تقريبا ,,

طيب شوي شوي صرت اتعلق في كتيير ,,

وهو كمان نفس الشي ,,

ممممممم

طبعا حكيت لامي كل شي صار ,,

وصارت تحكيلي يما هاد كلو حكي فاضي وهبل نت ,,

واوهام وحكي من هاد ,, غشيمين عن الاهالي انتو

المهم ,,, اخدت قراري وقتها انو افسخ خطوبتي ,,

وبالفعل هاد الي صار بعد مشادات مع ابوي ,,

طيب وفضلنا سوا انا وكسول لحد هلاء ,,

طبعا كانت الامور لا تخلى من الخلافات ,,

لانو انا بطبعي عنيده ,,

بس الحمد لله كانت كل مرة تنحل على خير

لانو صح انا عنيده بس حنونه :$:$

وطبعا امي كان معها خبر بكل شي ,,

بس ابوي كنت اتجنبو شوي ,,

لحد اخر فترة ,, صار اتصال بين اهلي واهل كسول ,,

وتمت الخطوبه على خير ,,


والخطوبه كانت بالاردن ,,

لانو هو ما بقدر يدخل لعنا ,,,

ولا انا بقدر ادخل لعندهم ,,

وان شاء الله كتب الكتاب حيكون بس وقت ما يزبطو جواز سفري ,,

ادعولنا يتم كل شي على خير ,,,

وعقبال عندكم كلكم يا ربي ,,

وما بنسى طبعا الحفله الي اعملتولي ياها هون ,,

بجد كتيير بتجنن ,,

الله يخليلي ياكم يا ربي ,,

ويسعدكم ,,

وهاي هي كل قصتي مع كسول ,,