على بال مين ياللي بترقص في العتمة

[لطفي الياسيني]

بعد غيابك يا ياسر صرنا ايتام لا حلينا القضية ولا سلام


كل واحد فينا بدو يفرض نظام لا راضينا المسيحي ولا الاسلام

[جيفارا*نابلس]

يالطفي لا تتنكر ياسر ماغاب لطفي عايش في قلبي بين الاحباب
يمكن طولو شويه لكن راجع شفتو الليله بمنامي وقال الصحاب
يالطفي ياسر علم شعبو كيف بضعف الحريه يصيرو انياب
ياسر علمنا الثوره علمنا نحمل بارود وعلمنا نفتح الكتاب
ياياسر لا تتركنا بين الذياب بلدك صارت ملغومه بكل الاحزاب
ادعي لربك ينصرنا ومن فجري رايح ادعي بالقدس وعلى عتبه وباب

[لطفي الياسيني]

عايش جوا وجداني ياسر عرفات


هو جوا رامالله عايش ما مات


بكرا روحو راح ترجع تلقي خطابات


لا ابو مازن باقي ولا عريقات

[جيفارا*نابلس]

كلو بيحلف بالثوره وما بالثوره
ولما بتسال على حقق بلعبو كوره
واحد ببرمي لتاني وبشوط فاول
وبعمل من بحرو طحينه ومن حالو ابو الهول

[لطفي الياسيني]

ساحة دولتنا صارت ملعب فطبول

امريكا بتدخل فيها والانتربول


واليهود بتتفرج لا مش معقول


والخزينة فضيانة وشعبي مسطول


محروم الليلة اسهر جوا الجندول


ومراتي زعلت مني دخلنا جول

[جيفارا*نابلس]

ازا هيك القصه ولعت وصارت عشاق
تاركني العب بالساحه وانتا شواق
زي الي اعد ببلادو وتفكيرو بالواق الواق
يالطفي منك برضو لبيتك حق واحقاق
مسيتك ولقانا بكرا مع الاشواق

[لطفي الياسيني]

اشكرك على هذه المساجلة الشعرية واتمنى لك ليلة هنية

وما يكون فيها فلتان وشطحات هلوسية

[جيفارا*نابلس]

وانا اشكرك يا نبع صافي من الكلمات العذبه

وتصبح على الف خير

[لطفي الياسيني]

وانت من اهله يا جيفارا نوارة كل الحارة

[لطفي الياسيني]

ارقص ما شئت بدنياك


فانا لا امتشق هواك