طلب ابن الجليل بمحاورة شعرية

[عاشق الحرية]

شاعر جنين ما بصح
تسميه نص الشاعر

لانو الشعر اخلاق
قبل كل المشاعر

ومن حرفو شم وذاق
وع حرفو ماني عابر

صبرت من هم ونفاق
واكثر انا مش صابر

*******

انت الشاعر المذواق
يا لطفي اعلا المنابر

انت الشعر يالي باق
مسطر في وسط الديوان

[لطفي الياسيني]

انا تلميذ الشعار وعن ديوانك مش حايد


انت شاعر الشعار وغيرك في دارو قاعد



انت الحكمة والعطار ونجمك بضلو سايد




نصيحة لهلشعار لا تتحدو هالمارد




بكرا بفتح النوار وريحة عطرك اقحوان

[عاشق الحرية]

انا مجرد انسان لا شاعر ولا أمير

بس ما برضا الهوان والسرقة ولا التزوير

اتهموني وسبوني كمان بس الحق النا مصير

وكل قبلي شو ما كان لازم نوقف عدلو للميزان

[لطفي الياسيني]

انت شاعرنا الاكبر انت الامير

ابن العراقة اصلك ابن الجليل




غيرك ما في لباقة ولا اكسير




احنا الصبورة واكتب قلمك رنان

[عاشق الحرية]

يلا انا بدي روح بشوفك الليلة ع خير
حامل بقلبي الجروح ما الها ابدا نظير
اسمعني حبيب الروح بو مازن خليني طير
شاعر كلو خفة وروح لطفي للشعر امير
حلقي صار متل المبحوح ووراقي طارت بالميدان

سلامات مؤقتا

[لطفي الياسيني]

انا لطفي امير الشاعرية اذا بهتز بعمل الف غارة

فلسطيني الاصل عندي هوية حمساوي وقسامي الشرارة

انا في قلعة الزجل الغنية ابو الشعار مشهور العبارة
ابن جنين تربى ع إديي وبتمرد علي يا خسارة

انا الصوان ارضي فولاذية هزمت الشعر من اول اشارة


يمين الله ورودي مستوية وغيري شعرهم سرقة بشطارة


جيبولي القوي والبحترية وابو نواس ديك الجن جارة




وهارون الرشيد العباسية انا المهزوم اذا ما هد دارة

[لطفي الياسيني]

ادخل ابن الجليل هون

[جيفارا*نابلس]

بتحكي عن حالك سيد الشعار وناسي اني من اهل الدار

انا شاعر برضو يالطفي وازا ناسي اسأل الحجار

ياما وقفو ا وشهدولي وعلى شعري رنو الافكار

جرحي هو الي متعبني ولو تعرف جرحي بتنهار

انا يالطفي سميت امير وسيد الشعار

لكن اسمك رح يسحب ازا ما رنتلي الاوتار

[لطفي الياسيني]

يا جاي بتتحدا في وعاملي حالك شاعر


انت وابو يقين الظل عم بتدقو ع الحافر




ابو مازن شاعر كبير وانتو لسا بيادر






يا بهزمكو يا شعار او الليلة بغادر

[جيفارا*نابلس]

انا يااعمي ما بدي تتركني واعد غرقان

انا من دونك انا حاير وحياتك عايش قرفان

حبيت الهوشه من طرفي تا حرك مد وطوفان

شفتك تعبان شويي سليتك وانتا الخسران