هـــل تـــقـبـل بــالـــزواج مـمـن أكـبـر مـنـك سناً ؟؟؟

[صاحبة القلم الحزين]

هههههههههههه

والله حلو الواحد ينكش مواضيع قديمة

ذكرتوني بأعضاء غاليين علينا غابو عنا

بس من وين لقيتيه هالموضوع!!!

على كل حال

انا ما بقبل اتزوج واحد اصغر مني

بس بعرفش ليش!!

يسلموو فراشة

^_^

[نسرينا الفلسطينيه]

انا شايفة أغلب الصبايا بحكو اخد واحد ازغر مني مشان أربيه

وليش ما نفكر بطريقه مغايره عن هيك

انو ممكن واحد يكون ازغر منك وبفهم اكتر من واحد اكبر من عمره ويكون هالزغير لافف الدنيا كلها وعندو خبره فيها اكتر من هالكبير!!

يعني الشغله مش بالعمر انا بشوفها،،الشغلة شغله شخصية بتكون في الانسان بغض النظر عن عمره،،

مش شرط لما يكون الواحد اكبر من التاني افهم منو ،،مو قاعدة هاي^^

فيه كتير كبار وهبايل :P

مع احترامي لجميع طبعا..

الوحدة لما تيجي تتجوز بهمها الشخصيه والدين والاخلاق وانو يفهما وغيره..

شو الفايدة لما يكون كبير وما عنده اخلاق متلا!!

حسستوني انو الزغير واحد مش متربي ورح تربوه انتو ،،ليش ما عنده اهل مربينو قبل ما ياخدك؟؟

ع العموم احنا تريبنا بمجتمعاتنا انو عيبة لما الوحده تاخد ازغر منها مشان هيك ما بلومكم..

بس اكبر مثال واكبر قدوه النا صلى الله عليه وسلم اتجوز وحده اكبر منو بكتير كمان،،ع هيك ما بنقدر انعارض هيك كلام..


خلصت من الصبايا انتقل ع الشباب هلا :P

بدي أعلق ع كل الي حكو مستحيل ياخد وحدة اكبر منو

كانها مصيبة ولا شي

وليش مش ممكن الي اكبر هاي تهنيك وتعيشك احلى عيشة وووووو من أي وحدة ازغر منك؟

والي بعلقو ع الشكل انو رح تكبر وتكرمش بدري هههه

هاي مش قاعدة برده

يعني مش ممكن تكون الي اكبر جمالها واهتمامها بحالها اكتر من اي وحدة زغيره

ما الواحد بشوف كتير بتكون زغيره اول ما تتجوز بتبطل تهتم بحالها ولا بشي وبتصير كانها اكبر بالشكل من سنها عشر سنين،،

هالشغله ما دخلها بالعمر،،يعني ممكن تكون اكبر واضل محافظه طول العمر وتبقى كانها ازغر من عمرها..

الخلاصة الشغلة مش بالسن الشغلة بتكون في الانسان نفسه والعمر مش دايما بحدد

شي اخير كلام احمداكس هون

الشرع ما بمنع... بس الشب بحب يكون أكبر ومسيطر هههه والبنت بتحب تكون أصغر ومسيطر عليها...

كمان هالشغله ما دخلها بالعمر ،، الشب ازا كان زلمة بجد وقدها بقدر يسيطر ع كل الامور،،والبنت ازا اكبر ولا ازغر منها طاعة جوزها واجب عليها^^ ..بس طبعا مش بعنف يسيطر


وسوري ع الاطالة

سلام..

[&نسيم الروح&]

akeed ma b2bl 7ta lw kan a5r wa7d balkoon
l2no altfahm w2tha bkoon mst7eel

w marci 7beebti 3la almwdoo3

[سووونة]

بصراحة انا مستحيل ارضى اني اتزوج واحد اصغر مني بالسن لاني رح احس اني امو مو زوجتو
على الرغم انو في كتير بيتزوجو شباب اضغر منهم وهاي بتصير بمجتمعات كتيرة
بس بالنسبة الي مستحيل شو ما كانت الظروف
تقبلي مروري
تحياتي سووونة

[ameerelarab]

اتزحلقت من القسم العام

القيت حالي هون قلت بعلق

على الموضوع :-

الراجل بحب الاصغر بالعمر دايما

وبينفرض عليه اللي بعمره ومرات بوخذ وحده اكبر منه لأسباب

المهم انا حاس انه في عنصريه وعقد ؟؟؟؟؟؟؟؟؟؟؟؟؟؟

الراجل حر شو ما بده بوخذ كبيره ولا صغيره


هاد منطق غلط امير

امير بعرف


خصوصي حكيت هيك








تحياتي

[ameera]

ابدا مابقبل واحد اصغر مني ولا اكبر مني بعشر سنين اوتسع سنين

ممكن اكبر مني بتمن سنين كتر من هيك لاااااااء والف لااااااااء

بدي رجااااال افهموا ويفهمني مو عئلاتي ماتيجي على عئلاتوووووو ولابدي ياه ولد صغير لسه حبيب ماما وبابا لا بدي يااه عصامي وشهم

شكرا فراشة

[فلسطيني حتى النخاع]

انا الصراحة بفضل تكون اصغر مني

[حورية الحريّة]

انا تقريبا شبه مستحيل اقبل بشاب أصغر مني
لأنو البنت بتحب تحس انو أكبر منها يعني بجد رجال و سندها.........

أبصر الآراء بتختلف
بس الأكبر عمرو مين ما يكون بيضل الو مكان و هيبة اكتر من العمرو أصغر......خاصة الزوج
أبصر
على كل انا بقبل يكون اكبر مني لحد 7 سنين يعني و ان طارت 8 و بس ...و النصيب بيصيب
يسلمو

[فراشة]

تسلمو جميعا ع مروركو الظريف ووجهات نظركو بحترمها جميعا ... سبحان الله الله خلئ الناس اشكال والوان وكل واحد الو كمان وجهة نظر مختلفة ... تسلمو يا غاليين عنجد زكرتوني باللذي مضى حزنتوني ربي يسامحكو ..

[خيـرَ أُمـة]

كمان هالشغله ما دخلها بالعمر ،، الشب ازا كان زلمة بجد وقدها بقدر يسيطر ع كل الامور،،والبنت ازا اكبر ولا ازغر منها طاعة جوزها واجب عليها^^ ..بس طبعا مش بعنف يسيطر

كلامك صحيح نسرينا لكن انا قصدت بشكل عام وأكيد كل قاعدة الها شواذ مثل ما تفضلتي ..

تسلمو يا غاليين عنجد زكرتوني باللذي مضى حزنتوني ربي يسامحكو ..

الله يسلمك فراشة .. وما في اشي محرز تحزني عليه :)

سلمي على توين وذكريها بالوصايا القديمة (رفرش للميموري يعني هه) وان شاء الله ربنا يوفقكن بالدراسة وترجعن سالمات غانمات ..