الصبايا والشباب ،ماذا لو ...الشباب والصبايا ؟؟

[دمع المطر]

مبارح كنت بفكر لو كنت شب شو كنت ساويت ..

كتير أشياء خطرت ببالي وضليت أفكر لدرجة اني وصلت لعالم تاني ..خيـــــــــالي كتير .

وفكرت .. هلأ كل العالم متلي بفكرو هيك ؟


حبيت أطرح الموضوع عليكم وأشوف لوين رح توصل خيالاتكم ...

أكيد بالنهاية هي شي كان وخلص وما رح يتغير شي ..بس خلينا نتخيل ما بنخسر شي ...

مش من منطق انه نتخيل وبس ، كمان لنعرف من خلال تخيلاتكم دور كل من الشب والبنت في مجتمعنا الفلسطيني والمجتمعات الاخرى ...

أنا مثلاً مرات بتمنى لو اني كنت شب حتى أطلع وأفوت على كيفي وما يضلو أهلي يخافوا علي وكمان لأتخلص من المعاكسات الرايحة والجاية وبرضو مشان أريح بابا شوي وأدرس بأي جامعة بدي إياها لو كانت بإنجلترا

بس بالوقت نفسه كوني بنت هاد شي بيسعدني كتير لانه زي ما بتعرفو البنت عندها اهتمامات كتير متل عمل الكيك والاكلات ..
كمان .. اهتماماتها بالموضة وأناقتها _هاي الاشياء اللي بحبها _ مو متل الشب بيلبس أي قميص شو كان لوته _ يعني مو كل الشباب هيك بس أكترهم ، كمان شغلة الشب لما يفكر يتزوج في مليون شغلة براسه ..أول شي لازم العريس المحروس يبني البيت ويوصل كهربا ومي واثاث وستاير وتبعاته_ كمان ما تنسو المهر والشبكة والعرس ..يا إمي شو بده يحمل ليحمل .. هاد من ناحية مادية غير المسؤلية الللي رح يتحملها كزوج ومن ثم كأب ومسؤل عن عيلة ..أما البنت لما تفكر بموضوع الزواج ما عليها الا تحكي okay وبس ...
فيعني الشب والبنت وجهان لعملة واحدة وهاي العملة ما هي الا ..الحضارة !

بانتظار مشاركاتكم ...
وتخيلاتكم لو كنت انت الشب بنت شو بتعمل
ولو كنتي انتي البنت شب شو عملتي