•| الـ.~ آنثى ~. عبير الورد |•

[9ada al 2lam]

al ajweba raw3a


o e7na ben7bk nana

[نابلسية كححح]

اجوبة حللوة

تسلمي نانا ع اجاباتك ...

منورة

^_^

[Pink Rose]

يسعدلي ياكي ننوش

ما في منك والله ..

اجوبتك روعة متل العادة ..

نورتي الموضوع حبيبتي :)

[Pink Rose]

نابلسية كحح ..

ضيفتنا الجديدة ^^

تفضلي يا قمر :)

[نابلسية كححح]

راجعة ~

وشكرا كتيييير ع الاستضافة ..

[نابلسية كححح]

بسم الله .. يلا أبدأ ..


س 1 / عبري عن " ذاتكِ " بـ خمس كلماتٍ فقط ..؟!

احب التحدي - صريحة - واضحه - متفائلة - احب الضحك .. والمزااح و الفرفشة و الحرية


س 2 / .. أيهما الأقرب لطبيعتكِ " الهدوء / الصمتْ / القوَه / غير ذلك " .. ؟!


الكثير من الناس بفكروني هادئة .. بس بالحقيقة أبدا .. القوة ... بتوقع انها منيحه بس مش كتير .. ممكن المرح افضل ..


إن كان جوابكِ غير ذلك يُرجى كتابته





س 3 / .. هل أنتِ واثقة من ذوقكِ .. ؟!


اكييد ..

..

دايما انا بنقي لخواتي اواعيهم ...


س 4 / .. ما رأيكِ بهذه العبارات ..



(أ ) .. حلاة البنت شعرها .. ؟! : )


اكييد .. الشعر هو اساس انوثة المرأة .. بس برضو مش مقياس .. ممكن الشعر يكون حلو كتير وطويل .. ويكون الوج ... فمش شرط .. بس طول و جمال الشعر اكييد شيء اساسي ..


( ب ) .. كُل فتاةِ بأبيها مُعجبه .. ؟!


طبعا ....


( ج ) .. نصف الرجل مرأه .. ؟!

اه اكيد ..

.



س 5 / .. أعطي نفسكِ " نسبه من 100 " لكلِ منْ ..

النعومه / الذوق / الفضول / الخجل / الهدوء / الرومانسيه/ العاطفه / ..؟!

70 % / 97% / 65% / 80 % / 50% / 77% / 90 % بعطف ع الكل انا




س 6 / .. خمس عبارات توجهينها لـِ " إنـاث " المنتدى .

من هنّ وماتلكَ العبارات .. ؟!

كل اناث المنتدى بشكل عام ,, حبوبات كتييييييير .
.. و بتحسيهم مع بعض دايما ..
بجننو ..




س 7 / .. بكلمتان صفي الوضع العام لـ " إناث المنتدى " ؟!

حكيت فوق ..


س 8/ .. لونكِ المٌفضل .. ؟!

فوشي .. بموت فيه .. فوشي واسود ..

س 9 / أيهما تفضلين عطرآ برائحة " الورد / الفواكه / البخور و العود " ؟!

الورد اكيد ..

س 10/ هل تُجيدين الطبخْ .. ؟!



ليه الفضايح يعني ..

لا والله ..

يادووب ..

قلي بيض ..

و كيكة .. ومرااااااات بتزبط ..

الشغلة اللي شاطرة فيها ..

هي لف الورق ..

ورق دوالي و خااصة اليلنجي

لاني بموووووووووووت فيه ..

بساعد ماما بلفو .. انا شطتووورة

ومرة انا وبنت خالتي - توأم هناي - نمنا عند تاتا مرة ..

و تيتا طلبت منا نعمل عشا.. و عاساس انو احنا بدنا نريحها ..

رحنا نعمل بيض وبطاطا ,,

دخلنا وشمرنا ..

والله لا بورجيكم اشي عااطل ..


تصورنا يوميتها صور بتجنن ,,

ونمنا الليلة عند تيتا ..

يااي ما احلا هديك الايام ..

ازا لقيت الصورة تبعت الطنجرة بحطها ..

والله رح تموتو ضحك ..

خببصة ..

لبيطه ..

احكو اللي بدكم ياه ..




س 11 / .. جميعنا معشر الإناث تحدث لنا " مواقف مُضحكه"..



اذكري لناآ موقف من هذه المواقف ..؟!

هههههههه

يا عيني ,,

انا كل المواقف اللي بتسير الي لما اسافر بالصيف ع نابلس ,,

لانو اللي بيجو من بلاد الغربة بكونو هباايل ..

يعني مرة .. دخلت ع الدكان اللي جنب دارنا ..

وهون بالامارات مش متعوده اروح دكاكين ..

لانو بنخاف من عمو الهندي

اما بفلسطين البياع بكون من نصص البلد .. وبعرفك وبعرف كل العائلة .

المهم .. دخلت ..

ع طوووول ع تلاجه الايس كريم ..

فتحتحا وبديت اطلع بالكرااتين واطلعهم ع فوق التلاجه ..

وعمو واقف هيك بطلع

وانا حاطه راسي براس هالتلاجه

وبدور ع الايس كريم المفضل



بدين قال لي عمو .. : عمو عشو بدوري ..

قلت له لو سمحت عندك ايس كريم التركي ..

قال لي : عمو بالتلاجه التانية

انا .. طبعا بديت ارجع بالكراتين اللي طلتها ..

لانو كل بالي انو امبارح طال لي ياها من التلاجه هادي

طلع مغير ..

وليا الفضيحه مش هوون ..

لما طلعت من الدكانه .. هو متعود يقول ..

معوضين .. او يعوض ..

انا طلعت عند اختي ع الدار قلت لها شو اسمو عمو اللي جوا الدكانه اسمو عمو عمار ؟

قالت لا اسمو عميد ..

فصرت احكي انا وانا واقفه جنب الشبااك ..

عميييد بعووض .. معوضينن

صرت اقلدو ..

ولا انا بطلع ع الشارع تحت

لقيتو بقطع الشارع .. وبطللع ..

من وين مصدر الصوت ..

ااخ



يوميتها انا حطيت ايدي ع تمي .. ونزلت راسي

الحمد لله الي ع شباكنا في شجر

كنت اكلت هوا ..

بس اكيد عرف من وين مصدر الصوت ..




س 12 / أكملي الفراغات : )



بكمل بعدين

[ღ حورية فلسطين ღ]

ههههههههههههههههههههههههههههه


اللله لا يعطي يهودك عافية فرطت ضحك على هبلك ههههههههههههه


فايتة زي الطحشة تطلعي بالكراتين

ولك الكراتين وحركات الهبل ما بطلعوها غير عنا بالخليج


هناك عندهم كل شي مرتب ومنظم ههههههههههههههه



اخخخخخخ بس فظيعة انتي


دتؤبشي ئلبي شو بحب حكياتك


نورتي يااحلى انثى

[بنت فلسطين المجروحة]

طيب انا جاية بعد الهنا بسنة وبدي ارد هههههههههه

روز يما تسلملي الناعمة اللي بتعرفش تقلي بيضة ياحيف عالمراجل :P

عاشقة حبيبتي الغالية ،، نور الموضوع بيكي ،، الك معزة والله بقلبي لانك من المغرب ولانك عملتي الخضروات بالباشاميل الي

طويلة فلسطين ههههههههههه يووه قصدي حورية ،، انا بشهدلك يما بالنعومة ههههههههههههه

كلمتك مرة وحرمت ،، حسيت حالي شب من وراكي هههههههههههههههه

خليني استر عليكي :P<<عاساس ضل اشي ماحكيتو

دموع الرحيل ،، منورة يما بس لازم تتعلمي الطبخ ،، عشان عش الزوجية :P

ناابلسية كحححح يا عسل يعطيكي الف عافية عاجوبتك المميزة والموقف القلق ههههههههههههههههههههههه

[نابلسية كححح]

( أ ) أنا " ..... " أحب " ..... " وَ أكره " ...... "
فتاة الحرية و الصدق الكذب والنفاق والخدااع

(ب) لو كان الأمر بيدي لـ " ....... "
لجعلت كل شعوب العالم متحابين .. قدوتهم الرسول صلى الله عليه وسلم ..



(ج ) قالوا " ...... " وَ قلتْ " ....... "


(د) يحدثٌ أحيانآ .. " ......... "




( هـ ) لا شيء يستحق الـ " ...... "

اانتحار ..

الحياة حلوة

( و ) أكتفيتُ منَ .. " ...... "

مش عارفه .. اكتفيت من الضحك



س 13 / كوني شُجاعه وقدّمي إعتذار علني فلمن تعتذرين ؟!


مش عارفه ..

لكل من أخطأت بحقه ..





س 14/ بطاقتكِ الشخصيه ؟!

نابلسية كححح

من نابلس طبعا ..

ساكنه بالامارات ..

وانا لسا بالمدرسة
بالمرحله الثانوية

عيد ميلادي .. في

16-11-

وانا ايضا مشرفة في منتديات شباب فلسطين

ولي الافتخاار



س 15/ كلمه أخيرهـ تودين قولها لنا ؟!


شكرا لاختياري ..

و كتيير انبسطت وانا بجاوب ..

اتزكرت كل شي حلوو

وبدي احكي انوو بكرا المداااااااااااارس



تصبجو على خيير

[نابلسية كححح]

المشاركة الأصلية كتبت بواسطة حورية فلسطين ههههههههههههههههههههههههههههه


اللله لا يعطي يهودك عافية فرطت ضحك على هبلك ههههههههههههه


فايتة زي الطحشة تطلعي بالكراتين

ولك الكراتين وحركات الهبل ما بطلعوها غير عنا بالخليج


هناك عندهم كل شي مرتب ومنظم ههههههههههههههه



اخخخخخخ بس فظيعة انتي


دتؤبشي ئلبي شو بحب حكياتك


نورتي يااحلى انثى

هههههههههه

هلا بأحلى حرحر والله ..

منورة منورة ..

تسلمي لمرورك ..

انتي علمتيني الحكي الحلو ..

يا طحشه

والله الموقف .. كان فزييع ..

ههههههه

تسلميلي ع مرورك ..

بس اشوف اسمك انك رااده

بفرفش



والله يحكي جد

تسلمي