شباب فلسطين

رأفت · 09-03-2008, 12:23 AM

الحان الحرية ..
برضو تعرفت عليها السنة اللي فاتت في رمضان ...

في منتدى الطرائف ..

شخصية مرحة كتير و قلبها طيب و محبوبة من الجميع ..

بتحب النكت و المشاكسة .. يعني شقية ..

الي الشرف اني تعرفت عليها .. كصديقة ..

كنا كتير نمزح و نلعب ... و الصراحة كانت تتحمل و ما تتدايق و تتقبل كل شي ...

بتمنالها كل خير و صحة .. و انشاء الله ما ننحرم طلتها ..

كل عام وانتي بالف خير ...

بنكمل بكرة انشاء الله .. لاني تعبت و بدي اروح انام ...

عندي شغل بكرة من الصبح .. تصبحو على خير ...

رأفت · 09-03-2008, 04:37 PM

مسا الخير ...

خلصت شغل و جيتكم على طول .....

اليوم قضيتها مسطل تسطيل و عطش ... عطشان لابو موزة ....

و الله بحياتي ... ما عطشت هيك برمضان ....

اليوم كنت عم ركب كمرات لمحل .. المحل هاد ..

عبارة عن معرض موكيت و سجاد ...

شوفو شو صار معي و اضحكو ..

في زاوية بالمعرض عارضين فيها سجاد من الكبير الـ 4×4 ملفوف و واقف وقوف

...شالو كل السجادات ...و ضل اربع سجادات بس ....

المهم انا حطيت السيبة وبلشت اشتغل ... طبعا السجادات طوال...

اربعة متر ...

تحركو السجادات ..لاحظت انهم تحركو ... و رجعت اشتغل ...

ما شفت الا الاربعة كلهم نازلين علي ... انا ما عرفت ايش بدي اعمل ....

ويلي بدي امسك حالي حتى ما يوقعوني عن السيبة ...

و ويلي بدي امسكهم الاربعة بس كيف ... و كلو هاد بلحظة ..

المهم .. وقعو الاربعة علي و بالموت لثبتت حالي ...

و صرت ماسكهم و انادي ... يا شباب ... يا شباب .. واحد يجي ... وينكم ...

و ابدا ما حدا سمعني .. بالاخر صرت انادي على طول صوتي ...

ولكم يا بني ادمين وينكم ...الصراحة طلعت روحي ...

.... و قعدت يا اخوان تقريبا دقيقتين و انا على هالحال ...

لحد ما اجا مدير المعرض و ناداهم و اجو مسكو السجادات

اما انا صرت اصرخ عليهم .... و هم يضحكو .... و بالاخر صرت اضحك معهم ...

يلا... نعيش و نحكي لولادنا ....ههههههههههههههههه

راجعلكم عشان نكمل مع الاعضاء ...

رأفت · 09-03-2008, 04:57 PM

مساء الخير من شباب اف ام ..

نرحب بكم انساتي سادتي من جديد ببرنامجكم ... مين ادك ... المايك معك

و ما زال المايك مع ... رأفت .. يعني ( انا )

اليوم بدنا نكمل حكي على الاعضاء ...ههههههههههههههه

قصدي بدي اكمل كلام عن الاعضاء...

وصلنا لعند ...

ريحانة القلب ..
اهلا وسهلا ريحانة بحب امسي عليكي .. الله يمسيكي بانوار النبي ...

ريحانة من البنات المتميزات بالمنتدى ... و الها طابعها الخاص ..

طيبة كتير و قلبها ابيض ..و محبوبة من الجميع ...

تعرفت عليها السنة اللي فاتت ... في منتدى الطرائف برضو ...

و كانت كتير فترة حلوة ..خلتني اتعرف على طقم الطناجر هاد ...ههههههههههههههههههههههههههههه

حورية

الحان

ريحانة

زمان كنت افكرهن خوات ..و بعدين صرت اشك انهن صاحبات و بعرفن بعض ...

لانو كان في بينهن تشابه غريب بالاسلوب ....

ريحانة الها كتير مواضيع جميلة و الها اسلوب مميز في الكتابة ...

بنت كتير مهضومة ومرحة و مشاكسة ... و مشاغبة كمان ... هههههههههههههههه

بتمنالها الرضا من الله ... وتنول كل يلي في بالها ..و مزيد من النجاح ..

كل عام و انتي بخير ...

رأفت · 09-03-2008, 05:04 PM

نسيم الروح ..
برضو نسيمو تعرفت عليها في منتدى الطرائف ...

اعطتني انطباع في البداية .. من كتاباتها ...

انها محبطة ومكتئبة ... وهم البيت و الاولاد .. و الزوج ...

بعدين اكتشفت انها من الز وازكى البنات .. في المنتدى ...

مهضومة كتير و طيوبة و مرحة كتير كتير كمان ...

محبوبة من الجميع ... و حضورها مميز ...

بتمنالها كل السعادة و الهناء .. في حياتها الزوجية ..هي و اولادها ..

موفئة ..

كل عام و انتي بخير ...

رأفت · 09-03-2008, 05:13 PM

دق التحية قدامك فلسطينية ...

هاي البنت كمان تعرفت عليها في منتدى الطرائف ...

اول ما شفت اسمها قلبت ضحك ... و حسيت انها كسولة ... و روحها طويلة ..

و طبعا انا اسمها ما كنت اقدر كل ما بدي احكيلها اشي اكتب اسمها كامل ...

لحد ما لاقو البنات او ما بعرف مين ... مختصر لاسمها

صارو يحكولها دقدق .. او دقدوقة ..قلنا هيك اسهل ...هههههههههههههههههههه

بس الصراحة... كتير لطيفة .. كتير حبابة ... كتير مهضومة ...

كتير دقدوقة .. كتير هيك صح ؟؟؟ ههههههههههههههههه

لا والله بتستاهل اكتر من هيك ...

بتمنالها كل الرضا من الله ... و النجاح بحياتها ...

كل عام و انتي بخير ...

رأفت · 09-03-2008, 05:15 PM

بنكمل بعد الفطور ...

الساعة هلا 6:15

ضايل 45 دقيقة ...

بشوفكم بعد الفطور باذن الله ..

رأفت · 09-03-2008, 08:47 PM

مسا الخير ...

كيفكم ؟؟...

اليوم ما عملنا شي جديد .. شوربة .. وفتوش ... مقلوبة من المبارح ..

و فواكه ...

الحمد لله على هالنعة ...

خلينا نكمل ...

هلا وصلنا لـ ( وردة الاقصى )

وردة بنت كتير طيبة ...

عرفتها .... من خلال منتدى الاهداءات ...

حطيت موضوع في منتدى الاهداءات ...بدي توقيع ....

و هي ما قصرت عملتلي توقيع ..رااااااااااااااااااائع ..ضليت حاطه فترة طويلة .... لغاية قبل رمضان بيوم ..

وبشكرها على التوقيع الرائع ..

و انا بدوري ما قصرت ... كتبتلها قصيدة خاصة الها ...ارجو انها ما زالت محتفظة فيها ...

بنت خلوقة وحبابة .. و طيوبة ..مرحة ... و اجتماعية .... و محبوبة من الكل .

الها مواضيع كتير حلوة ....و اسلوبها راقي ...

بتمنالها كل خير و رضا من الله ...

كل عام و انتي بالف خير ...

رأفت · 09-03-2008, 08:54 PM

لولو اليبناوية ...

بعرفها من اول ما دخلت المنتدى ...

مرحة لدرجة ... و طيبة لدرجة ... و فرفوشة لدرجة ... و كان لقبها ( فرفوشة المنتدى )

طيوبة وحبابة ... و محبوبة من الجميع ... مواضيعها كتير جميلة و راقية ... بتحب النكت و الفرفشة و اللعب و

المزح ...

و دائما بتضحك ... و كانت عاملة جو غير شكل ... الها حركات بتفطس ضحك ... بتدخل باسماء غريبة ...

و بتصير تسرح و تتهبل ... هههههههههههه

متل ... ملطوش بمخو ... و مهوي فاير ... نفسي اعرف من وين بتجيب هالاسماء ... هههههههههههههههههه

صارلي فترة ما شفتها هون ... من يوم ما دفنت مهوي فاير ... ههههههههههههههه الله يرحمو ...

بتمنالها التوفيق و كل الرضا من الله ..

كل عام و انتي بخير ....

رأفت · 09-03-2008, 09:14 PM

ضل حدا ؟؟؟؟..

اها ...

عاشقة الفيروز ...

اول بنت عرفتها اول ما دخلت المنتدى ...

صغيرة بس عقلها كبير ... كلها حيوية و نشاط ..

مرحة من الطراز الاول ...

و شقية كتير ... طيوبة و حبابة .. و محبوبة من الكل ...

الي فترة كبيرة ما شفتها ما بعرف شو اخبارها ...

بتمنالها كل خير و سلامة .. و رضا من الله ...

كل عام و انتي بخير ...

رأفت · 09-03-2008, 09:42 PM

مين ضل ؟؟؟

هلا في اعضاء بعرفهم بس ما اختلطت فيهم او تعاملت ...

لكن الكل بعرف انو الهم بصمة واضحة في المنتدى ...

منهم ...

دموع الرحيل ...

صاحبة القلم الحزين ...

صدى الصمت ...

عاشق البندقية ...

فجر الحياة ...
و في غيرهم صراحة كتييييييير ... اعذرو ذاكرتي ...

بحب احكيلهم كلهم .. الله يعطيكو العافية ... ما قصرتو ...

بتمنالكو كل خير و سعادة و رضا من الله ..

كل عام و انتو بالف خير ..

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء