●|[ حَـوَّآءْ فِـيْ ضِـيَـفَـتِـنَـآ ]|●

[PaLeStiNe FlOwEr]

بكمل الليلة ان شاء الله ..~

[نابلسية كححح]

أجوبتك حلوة مهووشتي

بانتظار الباقي ان شاء الله

موفقه ..~

[جورية القسام]

بانتظار الباقي مهوووش

^^

[PaLeStiNe FlOwEr]

●[ آلـمـحـطـة آلـثـآنـيـة ]●

لـبـآسـكـ ~

1- مآ هو لونكـِ آلمفضل في لبآسكـ ؟
باللبس ما بتفرق , بس انو بحب الألوان الراكزة مو المعجوئة والملفتة ..
بالعادة بطلع بعباي يعني سودة , فبكون الشيلة ع لون الشوز فيفضل شي راقي ..
اما بالطلعات الرسمية شوية ومع اهلي بلبس عادي بس ما يكون فوق الركبة أغلبو تحت ,, فألوان هادية بحب وراقية وراكزة ..

2- هل هُنآكـ شرِكة ( مآركة ) معينة تحبين آلشرآء من بضآئعهآ ؟
لا المهم القطعة ..


3- هل تكررين آللبآس في أكثر من منآسبة ؟
لا ,, أغلب الي ينعرفهم , بيعرفو الي بنعرفهم ههههـ
الجالية الفلسطينية عنا الأغلب بعرف بعضو , متل حلقة الوصل , فكلو بتشوفيه بكلو ..
فما بكرر :d


4- " الحقيبة اليدوية " هل تشكل أهمية لأنآقتكـِ ؟
يس , زمان كنت ما استخدمها بالمرة ولا أحبها , بس بالجامعة اضطريت , فبعدها صارت شي اساسي وتكون بتلبق وهيك ..

[PaLeStiNe FlOwEr]

مـسـآحـيـقـكـِ آلـتـجـمـيـلـيـة ~

1- هل أنتِ من هوآة وضع مسآحيق آلتجميل ( آلمكيآج ) دائماً ؟
أم تكتفين به في آلمنآسبآت آلكبيرة ؟
لا أبدا ما بطيقها , بالمناسبات الي أكبر من الكبيرة ..


2- مآ هو نوع شركة مسآحيقكـِ ( مآركة مكيآجكـِ ) ؟
ما في ماركة معينة , انا ازا حطيت بكون كحل أما غيرو لا ..


3- هل تحبين وضع آلمسآحيق بنفسكـِ أم تفضلين أن يضعهآ غيركـِ لكـِ ؟ ولمآذآ ؟
بنفسي لأني لو بدي احط حيكون خفيف جدا وعارفة زوقي , غيري حيغبص وما حيعمل متل ما انا بدي ..

[PaLeStiNe FlOwEr]

عـنـآيـتـكـِ بـبـشـرتـكـِ ~

1- مآ هي نوعية آلصآبون آلذي تغسلين به بشرتكـِ ووجهكـِ ؟
الي موجود بالبيت ..


2- هل تستخدمين ( آلواقي من أشعة آلشمس ) حين تخرجين لمكآن يعرضكـِ لهآ ؟
بس يجي ع بالي , مع انو محطوط ع التسريحة وبتخلص علبة وبتنفتح علبة وما بحط منو ..
بشرتي مو متل أخواتي , انا ما بتتأثر كتير بالشمس , والحمدلله ..


3- لو رأيتِ ( حب شبآب ) في بشرتكـِ ، هل تسآرعين إلى آلطبيبة للعلآج ؟
ما بيطلع الحمدلله , لو طلع بشكل مخيف وكتير أكيد بروح , بس لو حبة او تنين ما بتأثر ..


4- هل سبق وأن نظفتِ بشرتكـِ بآلبُخآر ؟
لا ..

[PaLeStiNe FlOwEr]

عـنـآيـتـكـِ بـشـعـركـ ~

1- كم مرة تغسلين شعركـِ أسبوعياً ؟
بالعادة 2 -3 مرات
بس احيانا بالصيف ازا طلعت وهيك حتى لو كان مغسول بيومه , برجع بغسله , من الحر والرطوبة بلبد ببعضو وهيك ..
وأنا ما بستحمل هيك ..


2- كيف حآلكـِ مع زيوت الشعر / خلطات الشعر ؟
ما الي فيها ..


3- مآ هو آلشآمبو آلذي تغسلين به شعركـِ ؟
مم بالعادة Head & shoulders
صرلي اسابيع بشامبو مش عارفة اسمو غارنيه او هيك شي ..
بس اليوم رجعنا لـ Head & shoulders


4- هل تستخدمين ( أصبآغ آلشعر ) ؟ ومآ هي ألوآن أصبآغكـِ آلمنآسبة ؟
لا ولا مرة , حتى حنة ما جربت ,, لون شعري كتير حلو فبخاف اغير فيه ويروح الأصلي ..
وكل ما احكي بدي اعمل شي لو خصل ما حد بنصحني مشان اللون ..

[PaLeStiNe FlOwEr]

عـنـآيـتـكـِ بـجـسـمـكـِ ~

1- هل أنتِ حريصة على رشآقتكـِ ؟
تقريباً


2- هل تحرصين على آلغذآء آلصحي آلمتوآزن ؟
أحياناً


3- هل تتجنبين عوآمل آلسُّمنة ؟ وآلمأكولآت آلسريعة ؟
المأكولات السريعة ما الي فيها كتير , يعني كل شهر ممكن مرة , وبندم بعدها ..
حتى معدتي بتقلب عليها وما بستحملها بالمرة وبصير مغص ولازم ينتهي الاشي بدوا :(




آلـإكـسـسـوآرآت ~

1- هل تحبين لبس آلإكسسوآرآت ؟
زمان كنت أعشقها ما اعيش بدونها , من وقت الجامعة قليل بلبس , يعني ممكن خاتم أكتر شي وساعة ع شكل اسوارة ..


2- أتفضلين لبس آلمجوهرآت آلثمينة أم آلإكسسوآرآت آلبسيطة ؟
لا البسيطة ..


عـطـوركـِ ~

1- هل تشكل آلعطور أهمية كبيرة لكـِ كجزء من أنآقتكـِ ؟
بالحفلات والمناسبات والبيت اه ,,
بالبيت رايحة جاية اتعطر ..
بس برا البيت لا أبدا ما بحط ..


2- ماهو عطركِ المفضل ؟
ما في عطر معين , بحب العطر الخفيفة ريحتو وناعمة وتدوم ,
بتحسس من الريحة التقيلة ..
في كريم للجسم بعد الاستحمام , ريحتو روعة بالفواكه وفي انواع , هاد أكتر شي بستخدمه وبيعطي ريحة معطرة على طول ..
حاليا ازا بستخدم عطر , برش من عطر اجاني من أخي هدية من السعودية ما بعرف اسمو ههههـ
مكسلة اروح اشوف الاسم:p

[PaLeStiNe FlOwEr]

استمتعت بالاستضافة , توقعت ما اجاوب ع شي :p

بس الأسئلة حلوين كتير ..

صبايا قرأت كل الموضوع وردودكم ,, ما شاء الله عنكم كلكم مزوقات ,

في نية اعلق ع وحدة وحدة من الي شاركو بالأجوبة بس قريبا ان شاء الله :)

تسلمي كلارا ع الاستضافة والموضوع الحلو متلك

[clara]

المشاركة الأصلية كتبت بواسطة PaLeStiNe FlOwEr استمتعت بالاستضافة , توقعت ما اجاوب ع شي :p

بس الأسئلة حلوين كتير ..

صبايا قرأت كل الموضوع وردودكم ,, ما شاء الله عنكم كلكم مزوقات ,

في نية اعلق ع وحدة وحدة من الي شاركو بالأجوبة بس قريبا ان شاء الله :)

تسلمي كلارا ع الاستضافة والموضوع الحلو متلك

إجآبآتكـ حلوين وأنيقين زيكـ يآ مهوش

يعطيكـِ ألف عآفية حبوشتي