نقاش بين الشباب والبنات

[Banbon]

والحلو بيضل حلو حتى ولو ما لبس على الموضه
يا عيني عليك يا ابوجروح ............و الله انك بتفهم.......شايفين بالله!!
فعلا و الله مره شفت شب شرشـــــــــوح و مبهدل عالاخر......و مع هيك صحباتي ميتين عليه لانه اسمر و عيونه لونهم اخضر...........ماشالله عليه كتير حلو....

[ابو جروح]

اول مره واحد بيحكيلي انك بتفهم ههههههههههههههههههه

[alaa_sabbah]

اما بالنسبة للبنت فجمالها بدينها و اخلاقها
يعني قصة انو البنات بيلبسو عشان الاغراء هاد مش عندنا هاد في امريكا

احنى في الاسلام ما في بنات يلبسو و يتمكيجو برة البيت
البنت المنيحة بنظر كل الشباب الصادقين المسلمين هي البنت يلي بتكون متسترة منيح و اخلاقها عالية
يعني ما في شب بينظر لبنت فايعة بنظرة مستقبلية
و اذا نظر بتكون نظرتة لشهوته و بس
يعني بيحب يقعد معاها يحكي معاها فقط مجرد تسالي و يمكن يكذب عليها و يعيشها باحلام
فقط مجرد انو يضل يحكي معاها و يشوفها كل يوم و في النهاية بيحكيلها بدي اسافر بدي اشتغل و بعدين بتركها و بيحكيلها الله معك ما في نصيب
فالاحسن انو البنت تحافظ على كرامتها و على مستقبلها و على سمعتها
كمان متل هيك امور يمكن تسبب امراض نفسية بالبنات على كبر
انا هلا اذا بدي ادور على بنت بالاول بسال الاهل و كيف همو لانو الاهل همو يلي بيربو و معرفتهم كمعرفتها تقريبا بعدين ببعت امي او اختي لتشوف شكلها منظرها فيها اصابه ولا لا مرض ولا لا
المهم يكون شكلها بشر و كمان يشوفو سلوك البنت و كلامها و علمها و علاقتها مع اهلها
و بعدين بتقدم و النصيب بايد ربنا
و حياة البنت السعيدة مش باللبس و الجامعة و الفياعة و السوق و الوظيفة لا
حياة البنت السعيدة بتكون مع اهلها و مع خطيبها يلي رح يصير زوجها
ياما بنات ضيعو عمرهم باللهو و المكيجة و ما راحت الا عليهم
ههههههههههه حلو البنت يكون عمرها 35 سنة و بعدها مفرعة و فايعة و بتستنا بفارس الاحلام
بتكون بتحلم ساعيتها

اشوف ردود الصبايا يلا

[Banbon]

و الله يا علاء كلامك حلو.....و معاك حق ...
مو بس البنت جمالها باخلاقها ......حتى الشب....لانه لو كان الشخص حلو و مرتب و لابس عالموضه...كل هالشي ما اله فايده لو كانت اخلاقه مو منيحه او بيسرق او بيكذب او كان لسانو طويل او حتى لو كان ما عنده احترام للناس....و هيك شي يعني...

[ابو جروح]

ليس الجمل بأثوابا تزيننا انما الجمال جمال العلم والادب
الالنسان بالمجضر وليش بالمنظر

[alaa_sabbah]

بنرجع و بنقول انو بنات العرب بيحبو يتشبهو ببنات الغرب الا من رحم ربي

[Banbon]

شو علاء.......بدك تحميها مره تانيه؟؟؟ ههههههههههههههه
طيب .......صح كلامك ....بس انت ناسي انو هلأ تلت أرباع الشباب كمــــان بيلبسو زي الاجانب ....و هاد غير الوشم و العقد و الاساور؟؟؟

[alaa_sabbah]

الحمد لله بالنسبة الي و اولاد البلد اصحابي ما بيعملو هيك
يعني انا لا بسحل البنطلون ولا في علي وشم ولا سنسال ولا حلق ولا اسوارة
الحمد لله
اما البنات الغالبية العظمى بيتحومرو و بيتبودرو

[Banbon]

شو يعني ؟؟ اذا استخدمنا مكياج صرنا بنقلد الغرب؟؟؟
لا طبعا ...... المكياج يمكن العرب استخدموه قبل الاجانب ((( ما بعرف مين الاول بس مرئوها ..ههه )))
بقولو انو حرام بس مو علشان التقليد ابدا ...

[alaa_sabbah]

و الله انا شايف الحنا و زيت الزيتون احلى من كل هالصبغات الكيماوية يلي بتصنعها امريكا للبنات