بوسة إيد الحماية والحماه << هل هي عادة سيئة ,, تقاليد ,, أم احترام ؟!

[مرام الإماراتيهـ]

مشكوره اختي عالموضوع <<

بالعكس هي عاده حلوه واحسها نوع من الاحتراام ؛؛ و إن شاء الله بعدين راح تتعودين ^^

يعطيــج العافيهـ ..~*

[إيمـان]

تقبيل يد الحماه والحماية ... هل بتوافقو انكو تبوسو ايدهم مستقبلا ؟؟؟
ليش ابوسهاااا انا تزوجتهاااا هي وله ولدهااااااااااا وله بفكراا انا ماببوس ايد الماما والبابا علشان هما ماعودوني هيك ببوس روس ام ادين ليش هذا الي ناقص مو شرط يعني انا اذ كنت بحترمهاا ابوس اديهااااااا بس باقي رجلين حماوت اخر زمن هغهغهغ

[.. ليآل ~]

مممممم

هوي مش شرط ابوس ايدها

بس ازا ابنها طلب مني ،،، وازا انا عملت هيك هوي بيكون مبسوط وراضي

اه بعملها

خصوصا كمان انو هالشي راح يخليها تحبني وترضى عني

وازا هي رضيت ابنها بيرضى

وبعدين تيتا بتئول ،، بوس الايادي ضحك على الدئون ،،

شكرا فراشتي

[فراشة]

المشاركة الأصلية كتبت بواسطة السيف عدي راي ليمار مزبوط .. ازا بستاهلو هالشي ممكن ..

بس انا راي انو الام هي الوحيدة اللي بتستاهل هالشي ..

وجهة نظر ...


شكرا الك السيف عدي ..

نورت ...

[فراشة]

المشاركة الأصلية كتبت بواسطة بنت فلسطين المجروحة بصراحة هاي اول مرة اسمع فيها !!

انو لازم البنت تبوس ايد حماتها :$

عن نفسي ماعندي مانع ،، لأنه راح يكون فيها تحبب الهم وبالتالي تحبب لخطيبي اللي هو زوجي مستقبلا :)

عن نفسي ببوس بابا من ايده لانه بحبش ابوسه من راسه


شكرا عالموضوع فراشة


الله يهنيكي حبيبتي

تسلميلي شو أنك فهمانة ومزوقة


أيوه هيك أتعلمو يا صبايا من عجينة


(( حبيت منك أنو أول مرة تسمعي بالفكرة هاي ومع ذلك ما مانعتي لو كان هالشي بيسعد اهل زوجك وزجك كمان ^^ ))


نورتي حبيبتي ما ننحرم تواجدك العطر ...

[فراشة]

المشاركة الأصلية كتبت بواسطة نور الهدى والله يا فراشة ما عمري بست ايد حدا ..

و حتى اهلي مش معلميني ابوس ايديهم .. و ما بحبوا ابوس ايديهم اصلا ..

لكن ما اعتقد انها مشكلة بالنسبة الي

لو طلب مني خطيبي - في المستقبل - اني ابوس ايد اهله ابوسهم عادي

خصوصي ازا هيك عاداتهم ^^

شبه اللي صار معي نور ...


سعيدة بوجهة نظرك هنا ..


ما ننحرم عزيزتي ...

[فراشة]

المشاركة الأصلية كتبت بواسطة sweet soul مرحبا ياعسولة

انا بشوف انها عادي مافيها شي لاني ببوس ايد ماما وبابا وستي ف ماحتوئف ع حماتي ... ومن ناحيه تانيه هيه بتنبسط وبتحس اني محترميتها اكتر >> بزبطها يعني ^^

يسلمولي صبايا منتدايا شو أنهم فهمانين وعاقلين ...


شكرا الك ع رأيك العطر سويييت سول

[فراشة]

المشاركة الأصلية كتبت بواسطة أبوجهاد الجعبري بوس الايد دليل عل الحترام والتقدير

و عمروا ما كان الاحترام عادة سيئة ابدا


بعدين المرة اللي بتحب جوزها لازم تحترمو وتحترم اهله


و الله اعلم

وجهة نظر جميلة وصحيحة ...


شكرا الك اخي ابو جهاد


سعيدة بتواجدك في نقاشي ..


كل الاحترام ...

[فراشة]

المشاركة الأصلية كتبت بواسطة حورية فلسطين استغربت كتير

الأغلب منكم مو متعودين يبوسو إيدين امهم وابوهم

عن جد غريبة

انا متعودة من اول ما انولدت ابوس ايد ماما وبابا لما هيك يكونو مسافرين ويرجعو من سفرهم

ولما يباركولي على شي ازا كان في مناسبة

بس يعني لازم عنا بوسة الإيد



وبالنسبة إلي مستقبلا ازا كان عندهم هالعادة اهل زوجي او ما كانت عندهم رح ابوس إيد حماي وحماتي


لأنهم رح يكونو زي اهلي

وبما اني متعودة مع اهلي ابوس ايديهم فما عندي مشكلة ابوس ايدين الحماي والحماية


عادي بتضلها اهون من بوسة الراس

بس حلو الموضوع

يا حرام يا فراشة متعقدة منو عالآخر الله يعينك حبيبتي

بكرا بتتعودي وبتلاقيها عادة حلوة بالعكس

لا والله مو قصة متعقدة ,,, بس مشكلتي بستحي


ف بصير مية لون ولون ... انشالله بتعود وببطل اشوفها غريبة


وشي كتير حلو انو تكوني من صغرك متعودة ع هالشي ...


أنا عكسك بحس قمة الاحترام ,, أني أبوس أي حدا بعزو من راسو ..


نورتي حرحوورة ... ما ننحرم نقاشاتك

[فراشة]

المشاركة الأصلية كتبت بواسطة .!. وردة الأقصى .!.

بصراحة انا رأيي من رأي ليمار

في ناس بيعملوها مزلة

مش للإحترام وبجبرو البنت انها تبوس ايد حماتها

ازا البنت مو متعودة في بيت اهلها تبوس الايادي

مالازم حدا يجبرها انها تبوس ايد حماتها وحماها

انا بالنسبة الي ماتعودت ابوس الايدين

بسلم وببوس عالراس بس

فراشة الله يعينك عالبابا والماما بكرة راح يسيرو يغارو من حماتك وحماكي هههههههههههههه

لا ,, هاد بيعتمد على شو أنتي حاسة ...


ازا شايفة انو قصدهم يهينوكي ما بنصحك هيك تعملي ,,,


بس يا وردة ما بظن في أهل بيهون عليهم يهينوا كنتهم ,, حبة عينهم


نورتي يا عسل