سؤال للشباب وسؤال للصبايا

[ميسم]

بالنسبه للسوال الاول
انا طالبه طبعا ضايلي فصل وبتخرج ان شاء الله
وبالنسبه للسوال التاني
هو ازا كان فاهمني وبحبني لازم يعرف شو الي بريحني بس ازا دقرت معه بحاول اقنعه بطريقتي الخاصه هههههههههههههه

[Dont Ask Why]

انت شاب عين الله عليك..
كامل مكمل..
هلا..نفرض انو قلبك كبير وحبيت بنتين..
والبنتين حبيتهم بنفس القدر وبتعزهم نفس المعزة..
وأجا وقت انك تتزوج...
أي بنت رح تختار وعلى أي أساس...؟؟؟

ولا وحده من التنتين رح شوف وحده تالته

هل كل ممنوع مرغوب بالنسبة لك .. وليه ؟

لأ كل ممنوع ممنوع



ثانكس عدي

[*ريحانة القلب*]

سؤال الصبايا

هلا انت بنت جامعية..
اتخرجتي من الجامعة..
وجدتي وظيفة جيدة..براتب ممتاز..
بتحبي عملك..

بنفس الوقت..في شاب بتحبيه..
اتقدم لطلب ايدك..
وانت وافقت وكل الأمور تمام..
الا انو كان له طلب واحد منك..
هو انو تتركي الشغل..
يعني خيرك ما بين الشغل وما بين نفسه..

كيف رح تتصرفي؟؟!!

يقنعني ليش

بحكي معو .. لنتفاهم

لقيت وجهة نظرو صحيحة بترك

ما لقيتها صحيحة بناقشو وبقنعو وما بترك


طبعا اول عن اخر رح اترك .. لأنو الوظيفة الاساسية للانثى التربية

فاذا رح اتمسك بشغلي واترك ولادي بالمستقبل .. مين بدو يربيهم ! ؟ الشارع والا التلفزيون!!

بس هاد طبعا بعد ما يجو الولاد

هل كل ممنوع مرغوب بالنسبة لك .. وليه ؟

ممممم حسب

ازا كان ممنوع وانا عارفة سبب المنع فـ عادي ما بكون مرغوب

وازا كان الدين منعو بردو ما برغبو ..





’’’’

[&نسيم الروح&]

هلا انت بنت جامعية..
اتخرجتي من الجامعة..
وجدتي وظيفة جيدة..براتب ممتاز..
بتحبي عملك..

بنفس الوقت..في شاب بتحبيه..
اتقدم لطلب ايدك..
وانت وافقت وكل الأمور تمام..
الا انو كان له طلب واحد منك..
هو انو تتركي الشغل..
يعني خيرك ما بين الشغل وما بين نفسه..

كيف رح تتصرفي؟؟!!

هلا انا حسب بكل حاله شكل

يعني ممكن اوئف الشغل لمجرد انه هو بحبني ورح يحئئلي حياه منيحه اما ازا بده يخليني اسيب شغلي وهو شحاد

ما برضه وبفضل انه ما بدي ياه على اني اعيش بوضع مو منيح وانا بادر اعيش باحسن

وبعدين الشهاده ما رح اضيع لانه بتتخبى للزمن

[limar]

سؤال الصبايا

هلا انت بنت جامعية..

اها

اتخرجتي من الجامعة..

لسا ما اخدت بكالوريوس عم كمل هلاء بس معي دبلوم

وجدتي وظيفة جيدة..براتب ممتاز..

ما اشتغلت لسا

بتحبي عملك..

لما اشتغل بشوف

بنفس الوقت..في شاب بتحبيه..

اها

اتقدم لطلب ايدك..

اها بس ما ارتبطنا رسمي هوة ببلد وانا ببلد بس حكى مع اهلي

وانت وافقت وكل الأمور تمام..

يس

الا انو كان له طلب واحد منك..
هو انو تتركي الشغل..

رايئئ راح يكون واحد ان كنت بشتغل او لا يعني

بحاول اقنعو بس ازا استمر برفضو هادا حقو

مع اني ما بواجه هاي المشكلة لانو الحمدلله

عطول بكون براحتي ومافي شي ممنوع

بس اكيد لو اشتغلت راح اوصل لمرحلة انو انا هلاء ما فيي كمل ازا شفت انو الواجبات عم تكتر وما عم غطيها كلها

احسن شي التفاهم مافي شي بالاكراه

وانا الحمدلله بتفهمو وهوة بتفهمني

وبراي انو مستقبلي معو وبعارض بنت صميل انو مستقبلها اهم

المستقبل مع الشخص الي بتختاريه هاي سنة الحياة

ومشكور حسام على الموضوع

[мίsş вε ηίcέ]

انا اصلا بدرس وبتعب وبدي اتخرج من الجامعة بس لحتى اشتغل
واهم اشي تكون الزوجة عندها مصروفها الخاص
حتى تشعر باستقلاليتها وللراحة النفسية كمان وبنفس الوقت بتساعدو
وازا ما بدو خلص بلاش
وللسؤال التاني
الصح مبين والغلط مبين لكل واحد اكيد
يسلمو عالموضوع

[السيف عدي]

المشاركة الأصلية كتبت بواسطة عاشقة الشجاعية سؤال الصبايا



ليكـ أخي .... أنـــا سواء وصلت الجامعة وخلصت أو لأ ،،،، مــا أعتقد إني رح أحاول الارتباط بشخص مــا..


لكـــن إذا صار ما صار يمكن أتركه كرمال واصل هدفي في الحياة... (:"

و سؤال إخير للجميع ....




لا.....ليس كل ممنوع مرغوب لدي ،،،، بس أوقات بنكون ممنوعين من شيء مش ممنوع ...(:"

يسلمو ع مرورك اخت عاشقه .. رايك عقلاني .. بس ليه ما بدك تتزوجي ؟ .. الزواج سنة الحياه ..

منوره

[السيف عدي]

المشاركة الأصلية كتبت بواسطة blue-girl



هلا بالنسبة للشغل والبيت انتي مو قصة انو بدك تشتغلي للمصاري بس ميشان نفسك

وهاد حق لاي انسان .. انو يشتغل ويكون نفسو ويصقل شخصيته .. فكرة حلوة ..

مهوي هون البوينت المقصود ..

لزم الشخص يلي رح يرتبط في شخص تاني ..

يفهمو اكتر نتى نفسو ..

يعني هوي رح يفهم شو معناة انا درست و تعبت ..

و بلاخر اقعد بلبيت و انا عندي شي اشغل حالي فيو ..

مو منطق .. انو ينطلب هاد الشي من شخص فاهم الاخر ..

كرمال هيك بحكيك انو هاد الموقف ببين انو الانسان يلي طلب مني هاد الشي مو فاهمني

و طبعا انا معك انو الشغل مو كرمال شي ..

خصوصا للبنت ..

هاد عشان نفسي ..

عشان بكرا لو صار ما صار اقدر انا اعتمد ع حالي و اطلع للدنيا و اكون قد حالي

و ما يندحك عليي ..

و شكرا الكـ ..

تقبل مروري مره تانبه ..

:)

يا هلا فيكي اخت بلو .. احلى شي في شخصيتك انك عارفه منيح شو بدك .. ^_^ منوره

[السيف عدي]

المشاركة الأصلية كتبت بواسطة arabian girl لا مو عشان عاطفيه عشان عقلانيه ههههه
لانو الشهاده رح تضل معي وباي وقت ممكن ادور ع شغل
بينما شخص بحبو اتركو عشان شغل ؟!
ممكن بترك الشغل وبعدين برجعلو ههههههههههه


بالعكس الزواج ما ممكن ينتهي بلحظة
ممكن الحب بس الزواج لا

تحياتي ^^

هلا الشهاده انو تضل معك اوكيه .. بس مو في اي وقت راح تشتغلي .. لانو الخبره العمليه وعمرك

مترابطين .. ما بتقدري تعقدي 10 سنين في البيت وترجعي تقولي بدي اشتغل بتصير خبراتك ومعلوماتك

قديمه وكمان شهادتك قديمة ..

يسلمو كتير ارابين ع التوضيح منوره ..

[السيف عدي]

المشاركة الأصلية كتبت بواسطة الحان الحرية

بكل بساطهـ بترك الشغل عشانو :)






لأ مش دايماً ,,

يعني مرات اذا شغلة ما بعرف عنها شي و ممنوعة عني من باب الفضول بتصير مرغوبة ,,

أما اذا شغلة ممنوعة عشانها خطرهـ أو مثلاً في سبب لمنعها ما راح تكون مرغوبة

شكراً حسام ع النقاش

رايك حلو .. بس عاطفي كتير .. منوره خيتو ..