هل تخجل من لهجتك العاميه

[فلسطينيه والراس مرفوع]

المشاركة الأصلية كتبت بواسطة خيـرَ أُمـة انا زرت كذا بلد عربي والحمد لله دائما بستعمل لهجتي ...

لكن اتمنى لو نصحى في يوم من الأيام ونجد جميع العرب يتكلمون بالعربية الفصحى ...

اللغة العربية من اجمل اللغات ويكفينا انها لغة آخر المرسلين ولغة القرآن الكريم ..

شكرا أختي ..

جزاك الله خيرا ..

العفو خيووو احمد

اكيد اللغة الرعبية الفصحى من اجمل اللغات في الدنيي كلها

بس للاسف نسيناها

نورت عمووو

[ابنة الشتات]

الحمد لله ما بخجل

اساسا بعلمهم يحكو فلسطيني ^_^

ليش في أحلى من لهجتنا :)

[فدى فلسطين]

انا والله مستحيل اغير لهجتي وما بحب اللي بغيروا لهجتهم لانه الواحد لازمبالعكس يفتخر بلهجته

يسلموا كتير حبيبتي (فلسطينيه والراس مرفوع)

[حنين الروح]

انـا أكيد الحمد للهـ ما بخجل منها ..

بالعكس بفتخر فيها ..

مين بصحلو يحكي فلسطيني أصلا

وبعدين احنـا اللي عايشين بالغربة ...

واللي محرومين شوفة وطنـا ..

شو ضللنـا غير لهجتنـا اللي نتمسك فيها !!

لهيك مستحيل بيوم اني اغيرها ..

وربي يرجعنـا لبلادنا ونصير نسمع كل اللي حوالينا بحكو نفس لهجتنـا ...

بس هالظاهرة اللي بتحكي عنها انا لاحظت انها منتشرة اكتر شي بدول الخليج

متل عنـا ..

كتير بلاحظ .. خصوصا البنات بالمدرسة ..

للأسف كتير بنات بغيروا لهجتهم وبصيرو يحكو خليجي ..

وطبعا هاد اكتر شي بكرهو

يعني شو الي بخليهم يعملو هيك !!

رح يصيرو الناس يحبوهم أكتر مثلا ولا شو !!

عن جد شي بقهر

سامحيني فلفولة طولت بالرد وما جاوبت ع الأسئلة بالزبط *.*

لإنو بصراحة ما عندي اجوبة ع اكترهم ..

يسلمو ايديكي ع الطرح

يعطيكي العافية حبيبتي

[RaWaNoOo]

هلاء احنا الفلسطينين عنا اكتر من لهجة

عنا المدنية و عنا فلاحين و عنا بدو

انا لهجتي خليلية

و احلى لهجة بنظري لهجتنا

و بفتخر بلهجتي

و بعلم صاحباتي و صارو يحكو متلي هههههه

مثلا في بيحكو كومي انا بحكي ئومي هههههه

بس بالنهاية ابدا ما بخجل من لهجتي

يسلمو عالموضوع

[،،عـيـون الوجـد،،]

والله انا مابخجل من لهجتي
لكن مااتكلم بلهجتي في المنتدى لان ممكن الاعضاء مايفهمون شو بحكي
لهذا السبب مااتكلم بلهجتي هنا
تسلميلي والله على الموضوع

[Anonymous Gril]

فماالسبب ؟؟

لأنه احنا بدنا نتعلم لغة غيرنا عشان نتفاهم معهم ويمكن عشان يفهمونا..
لماذا يخجل البعض من لهجته الأم ؟؟

خوفاً من تعليق بعض الناس عليها..
هل من المعيب أن نتكلم بلهجتنا الأصلية مع الأجانب ؟؟

لأ مش عيب...
هل ترون أن لهجتنا تتناسب والتخاطب مع الآخرين بطريقة مفهومة وبشكل واضح ؟؟


آ...نعم..
هل علينا التوجه الى لهجات اخرى ؟؟ ام التحدث بأسلوب الشخص المتعلم والدارس ؟؟


حتكلم بهلجتي وأتعلم لهجتهم عشان أفهمهم وأتفاداهم..





--------------------------------------------------------------

أنا فلاحة ومدنية بس بضل فلاحة وبعتز....

ولهجتي فش أحلى منها...


هأعطيكي مثال::

مرة في المدرسة عنا البنات قعدوا يتمسخروا ع بنت صفي ...لأنها بتتكلم بالسوري.. و وحدة تانية بالمصري...

لهجاتهم الأصلية.. اجين ع كلمات ما فهموهاش فترجموهن الهن.. بس أنا اجت المعلمة وقالتلي احكي بلهجتكـ

الأم...

فحيكت وتكلمت باللهجة المدنية.....بعدين دخلت بالفلاحية...و البنات مفهموش كلمات كتير...

وقعدوا يضحكوا عليّ....فقالوا لهجتنا الإمارتية أحلى منكم المصرية... (أي انا)..

فحتكيتلهم أنا مش مصرية ولوكنت حافتخر بذلكــ ..أنا فلسطينية و لهجتنا أحلى لهجات العالم ومتل مالهجتنا

مش مفهومة عندكم انتوا كمان لهجتكم مش مفهومة في أوقات وهما بقلن لهجتكم تافهة وغبية

وأنا عاد بعرفونيش وأنا عصبية وكنا رح نتطاوش......


بس اجت المعلمة و قالت .... كل واحد اله لهجته ويعتز فيها و كل واحد اله وجهة نظر وبعدها تصالحنا

وطبعاً أنا من انتصر..



وسلامتكم،،،،

[الاماني الفلسطنية]

طبعا لأ ومستحيل يصير هالشي ...


الحمدلله عاجباني لهجتنا ومستحيل اغيرها لحتى اعجب حدا مثلا ...


والدليل هيني بحكي فيها بالمنتدى


والعكس والله البنات بمدرستنا الخليجيات و مرات المعلمات لما يحكو معي او اي بنت تانية بصيرو يحكوا متل


لهجتها ويعوجوا لسانهم ههههه ...


يسلمو يا فلفولة مواضيع دايما بتجنن

[Abu Shadi]

فماالسبب ؟؟

ما عمري غيرت لهجتي لاعرف شو السبب بس اكيد اكيد هذا ضعف بالشخصية وبين قوسين تــــافه

لماذا يخجل البعض من لهجته الأم ؟؟

الحمد لله ما بخجل من لهجتي بس الانسان بتعود على شي خلص بيظل عليه بس الحمد لله لهجتي ما عمرها تغيرت
مثل ما هي عليه

هل من المعيب أن نتكلم بلهجتنا الأصلية مع الأجانب ؟؟

مش عيب ولا غلط بالعكس شي رائع بس هي من الممكن انو العرب يتلكمو بلهجتهم بكل قوة قدام الاجانب اكيد لاء

هل ترون أن لهجتنا تتناسب والتخاطب مع الآخرين بطريقة مفهومة وبشكل واضح ؟؟

اكيد تتناسب..هذا بيرجع للمخاطب الي قبالك هل من الممكن يستوعب ويفهم الكلام اكيد لاء هههههه

هل علينا التوجه الى لهجات اخرى ؟؟ ام التحدث بأسلوب الشخص المتعلم والدارس ؟؟

بتعرفي بتدايق لمن القي الدول العربية اغلبها بتعتمد على لهجات ولغات غير لغتها وطبعا الانسان الي بلاقيه بيحكي لهجة غير لهجتو بستحقرو جدا واكيد يجب ان نتكلم بلغة المتعلم

تحيتي لكي اختي

وتقبلي مروري عبر صفحتك

تحـــيــــــتـــــــي

[نور الهدى]

ممممم

هو بصراحة انا ما بعطي اي قيمة لأي لهجة كانت ،، اهم شيء هو اني محافظة على العربية الفصحى و هاد بكفيني :)

ممكن احكي بلهجتي الجزائرية و ممكن احكي باللهجة الفلسطينية و ممكن بالمغربية - احيانا -

حسب الشخص المقابل اللي بحكي معه ... عشان يكون كلامي مفهوم و واضح ^^

و اكيد ما بخجل من لهجتي عادي


يعطيك الصحة على موضوعك ^^