الدين والتعصب والاستهتار

[احلا فوفو]

شو خيتو!!!!! <--- حنان16
شو مالك نازلة فيني قصف !!
في شي بيناتنا؟
ازا الك شي عندي احكيلي بس
وحئك عراسي من فوء
بعدين اكيد الحجاب ما دخلو لانو في كتير شغلات الله محرمها ووزنها بوزن الحجاب
وبئص ايدي ازا ما حدن بالمنتدى بيعملا
والحجاب جزء من اسلامنا او دينا
مو الدين كلو
صح وللا لا ؟
وبالنسبة للحجاب يعني
بصراحة ^^
انا حاطة هالمشروع ببالي وانشالله ببلش فيه
خخخخخخخخخخخخخخخخ
يثلموو خيتووو

[خيـرَ أُمـة]

السلام عليكم

انا أجيت ارد على كلام أختنا الغالية علينا أحلا فوفو ...

أختي الكريمة يمكن في امور انت ما انتبهتي الها واخذتي الدين بسطحية زيادة شويييية صغيرة :) ..

أول اشي اختي انت الحجاب واجب شرعي وهذا الكلام ما بيختلف عليه ولا عالم من علماء المسلمين وان كان هناك من حارب الحجاب مثل الحكومة السابقة في تركيا والحكومة الحالية في تونس فهدول من منطلق انهم بيعتبرو العلمانية دين الهم وليس من منطلق كونهم مسلمين يدينون بالاسلام دينا ...

يعني مافي خلاف على موضوع الحجاب ...

عارفة اختي لما نزلت اية الحجاب .. لم يبقى ولا امراة الا واتحجبت لانه خلص ايا قرار شرعي ما في نقاش فيه عارفة ليش .. لانه في ايمان انه ربنا بختار الأفضل النا ولا يمكن ييضيعنا ....

اما بالنسبة لاخوكي وأبوكي والعيلة كلها فهمي غلطانين وانصحيهم لانه ربنا حيحاسب كل واحد فيهم ساهم بانه يبعدك عن طاعة ر بنا ومثل ما حكت اختك نور لا طاعة لمخلوق في معصية الخالق ...
هاي مش دعوة للتمرد على الأهل بقدر ما هي دعوة لنصحهم .. جربي معهم مرة واثنين وثلاثة وما تيئسي على الأقل بكون صار عندك عذر عند ربنا ...

بس الحمدالله بعرف الله اكتر من عالم كتييييييييير

طيب لو حكيتلك انه وليد ابن الجيران بعمل السبعة وذمتها وبزني وبشرب الخمر و و و .. لكنو رجل ما بقطع فرض في المسجد حتى الفجر !! هل هذا معناه نبطل صلاة ..

انا بستغرب من البنت الي بتكون حجتها في ترك الحجاب انها أحين من كثير بنات محجبات !!

القضية اختي مش مين أحسن من مين وانما قضية شرعية وامر رباني نزل فيه جبريل من فوق سبع سماوات ... يعني مش مزحة الشغلة .

بس الحجاب ما بيأثر ععقيدتنا الاسلامية

هاي الكلمة خطيرة اختي ... لانه معناها انه ربنا امرنا بالحجاب لاجل لا شيء .. بس حابب يخنق النساء !!!!

كلام خطير اختي ويريت تفكري فيه أكثر من مرة ... مافي شيء عبث وما في شيء بدون سبب في دينا ((أفحسبتم انما خلقناكم عبثا)) صدق الله العظيم

بعدين اختي مافي عبادة في دينا من العبادات الا والها تأثير أخلاقي والقران ذكر هذا الشيء في كثير من العبادات مثل الصلاة والزكاة والحج

في الصلاة
((واقم الصلاة ان الصلاة تنهى عن الفحشاء والمنكر ولذكر الله اكبر والله يعلم ما تصنعون)) صدق الله العظيم


الزكاة
((خذ من اموالهم صدقة تطهرهم وتزكيهم بها وصل عليهم ان صلاتك سكن لهم والله سميع علي )) صدق الله العظيم


الحج
قال تعالى
((الحج اشهر معلومات فمن فرض فيهن الحج فلا رفث ولا فسوق ولا جدال في الحج وما تفعلوا من خير يعلمه الله وتزودوا فان خير الزاد التقوى واتقون يا اولي الالباب )) صدق الله العظيم

حتى الصوم
قال عليه الصلاة والسلام
"فاذا كان يوم صيام أحدكم فلا يرفث ولا يفسق ولا يجهل .. فان شاتمه أحد أو قاتله فاليقل اللهم اني صائم" صدق رسول الله يعني الصيام في النهاية وصل لاخلاق وانعكس على الأخلاق

يعني بختصار جميع العبادات عند المسلمين تنعكس على الأخلاق وتكون سبب في الأخلاق ..

حتى اية الحجاب اختي ((يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا))
لاحظي اختي انه ادنى ان يعرفن فلا يؤذين ... وما أظن انه انت احرص من ربنا على نفسك وربنا خايف عليكي من الأذى ...

انت بتقولي انك محافظة على حالك وهذا شيء جميل طيب هل انت محافظة على المجتمع ... وهل المجتمع محافظ عليكي .. خلينا انفكر بطريقة أكبر شوي ونبعد عن السطحيات ..
الاسلام ما شرع الحجاب فقط عشانك وانما عشاني وعشان محمد وكمال وعباس والجيران ... انت بحجابك بتحمي المجتمع والشباب وبتساعديهم على غض البصر ...

تخيلي اختي انه بكل نظرة بشوفك فيها غريب وانت مش محجبة انه الك فيها سيئة .. انا بقترح انك في يوم من الأيام لما تطلعي تحسبي السيئات 1 2 3 4 .... عديهم ... والخوف لو دخلتي حديقة عامة - مصييييبة- وقتها بدنا محاسب يشتغل ميحسب معك :)
ويا خوفي توصلي يوم القيامة ولما تنعرضي على الميزان .. يحكولك مافي حسنات ... او تلاقي الحسنات أقل من السيئات ... مجرد مخاوف اختي

انا اسف اذا كلامي شوي قاسي بس اعتبري من أخ حريص على اخته :)

السلام عليكم

[.!.ذكـــريـــات.!.]

بصراحة يوم واحد لي في المنتدى .. عرفت ان اهله مثقفين متدينين


بل

رائعين



بالنسبة للموضوع ..

أخي بصراحة إسلامنا منهج حياة

أي انه اذا طبقناه في جميع مجالات حياتنا فانا باذن الله سنفوز ..

ولكن انقلاب الموازيين وتغير المعتقدات والأفكار كما قال الكثيرون قبلي فهو من علامات الساعة وهو نتيجة الغزو الثقافي


فعلينا بتقوى الله عز وجل

" ومن يتق الله يجعل له مخرجا"


وعلينا ان نغير انفسنا ومجتمعنا ونجعل نية التغيير صادقة
"حتى يغيروا ما بأنفسهم"

أختي فوفو ..

حجابك رمز عفتك وطهرك ..

حجابك عزتك..

حجابك إسلامك ..

..

غاليتي ..

لا تجعلي للشيطان في قلبك مكانا ..

واذكري مصعب بن عمير حين اعلن إسلامه كيف عذبته امه وقاطعته واضربت عن الطعام

... فصبـــر ...

أختي الغالية .. اصبري وادعي الله واستغفريه ..

لعله يشرح صدرك للحجاب ..


دينك غالٍ أخية فتمسكي به ..



من قلب يحترق عليكِ

أختك .. ذكريات

[S M S]

يا جماعة مالكم

هدوي اللعب شوي



روئي فوفو



حنان >> دينا دين يسر مش عسر


وبشر ولا تنفر



^_^

[خيـرَ أُمـة]

أخت "حنان" ... الدوة بتكون بالحكمة والموعظة الحسنة ((ادعُ الى سبيل ربك بالحكمة والموعظة الحسنة وجادلهم بالتي هي أحسن)) صدق الله العظيم ..

الحوار مش عبارة عن مصارعة واستماته عشان نثبت وجهة نظرنا وبس وانما هو لاقناع الاخر اذا كنا شايفين انه على خطأ ! ....


أخت "أحلا فوفو" كنت بتمنى تردي على الردود الي في ظني مقنعة مثل ردي ورد الأخت نور والي فيها ردود على تسائلاتك الجديدة ... لانه بصراحة احنا بنعرف الاسئلة الي بتدور براس كل فتاة غير محجبة :) وعلى فكرة اختي احنا كان عنا مشروع مبارك بالمنتدى قبل عام تقريبا وكان اسمه "احياء امه" .. وفي حلقة كانت عن الحجاب جدا مؤثرة واتحجب على اثرها ثنتين من صبايا المنتدى ...
يريت ترجعي لردي السابق وتقاري بعقلك وقلبك ...

موفقة يا رب ..

أخوك.

[حنان16]

يا خيتو فوفو انا ما بيني وبينك اي شي

وصدقيني انا مو معصبة ولا اي شي

وعموما اختي انا عاملة مشروع تحت عنوان

--لنتذوق طعم الحياة--

ادخليه اختي راح اخصص عنوانه الجاي لالك على وجه الخصوص

واللي راح يتمحور حول الحجاب

تحيتي

[مارلين برلو]

موضوع كتير راااائع

انا راى من راى اخى سيف الاسلام انو خير الامور الوسط

يسلمو الك

[حنان16]

بالنسبة لخيو اس ام اس

والله يا اخي نحنا هون ما بنلعب

وانا عارفة انه الدين دين يسر وليس دين عسر

وشكرا عموما اخي ^_^

تحيتي

[وردة بين الأشواك]

كله بسبب الاعلام
واستعمار الفكر من قبل الغرب

الحجاب واللحية عندهم تخلف وللاسف نقلولنا العدوة

بس الغريب هالايام فعلا انه منلاقي الشباب والبنات يا اما ملتزمين كتييير يا اما فري كتيييير
يعني بطل في نص نص ما بعرف ليه

موضوع رائع وجدير بالنقاش
ونحن فعلا نعيش في زمن الموازين انقلبت فيه

شكرا الك قسامي الله يعطيك العافية
وكل عام وانت بخير

[حنان16]

أخت "حنان" ... الدوة بتكون بالحكمة والموعظة الحسنة ((ادعُ الى سبيل ربك بالحكمة والموعظة الحسنة وجادلهم بالتي هي أحسن)) صدق الله العظيم ..

صدق الله العظيم..

وانا عارفة هيك اخي^_^

الحوار مش عبارة عن مصارعة واستماته عشان نثبت وجهة نظرنا وبس وانما هو لاقناع الاخر اذا كنا شايفين انه على خطأ ! ....

لو ممكن تربط الكلمات المميزة اخي

مو غريب حكيك شوية وفيه نوع من التناقض

انا ما دخل دماغي بصراحة ؟؟!!

لان الحوار عمره ما كان عبارة عن مصارعة اصلا..

عموما مشان نكون واضحين لو تقصد طريقة ردي

فاسمحلي احكيلك اني كنت قصداها..

وما كان غرضي اثباث وجهة نظري وبس

مع انها ما تحتاج اصلا الى اثبات..

انما كان ايظا من اغراضي الاقناع والنصح..

فانت اخي نظرت لردي من زاوية واحدة فقط

لانه انا تعمدت اقابل كلام اختي فوفو بكلام اقوى او ان صح التعبير

فيه نوع من الصرامة..

لاني حطيت نفسي مكانها وتطرقت لكيف راح يكون تفكيرها وكيف راح تواجه الموقف

وهيدا كان نقطة بدايتي

وعموما بكررها اخي انا كنت متعمدة الاسلوب اياه

مو للي انت شفته بس

انما لاشيا اخرى ..

تحيتي اخي ^_^