هل يوجد صداقة بين الشاب و الفتاة؟؟

[هلــون]

يا صبايا شوي شوي

ما في بنت الا بيوم رح يمر بحياتها شباب مش بالضرورة حب
في صداقة كتير بننجبر عليها
يعني انا بحكي عن حالي انا عندي اللصفوف بلكلية مختلطة والشباب الي عنا ما شاء الله
عليهم كتير شاطرين
ولاااااااا بنت بكليتنا شاطرة...... الصراحة بلكمبيوتر الشباب اشطر

انا بضطر احكي معهم ليشرحولي المادة

يعني انجبرت

وبالشغل كمان معظم الموظفين شباب,,,, بدي اطلب منو طلب اكتب على ورقة

في كتير اشياء بننجبر عليها
يا نسرينا ولولا وبنوتة انشاء الله بكرة رح اتشوفو كلامي صح

[بنوتة فلسطين]

المشاركة الأصلية كتبت بواسطة heln afif يا صبايا شوي شوي

ما في بنت الا بيوم رح يمر بحياتها شباب مش بالضرورة حب
في صداقة كتير بننجبر عليها
يعني انا بحكي عن حالي انا عندي اللصفوف بلكلية مختلطة والشباب الي عنا ما شاء الله
عليهم كتير شاطرين
ولاااااااا بنت بكليتنا شاطرة...... الصراحة بلكمبيوتر الشباب اشطر

انا بضطر احكي معهم ليشرحولي المادة

يعني انجبرت

وبالشغل كمان معظم الموظفين شباب,,,, بدي اطلب منو طلب اكتب على ورقة

في كتير اشياء بننجبر عليها
يا نسرينا ولولا وبنوتة انشاء الله بكرة رح اتشوفو كلامي صح

ايوة حبيبتي هاي ماختلفنا عليها عشان اسمها زمالة
واكيد الاختلاط موجود بكل مكان وهاي ظروف نحنا مجبورين عليها
بس صداقة انا برأيي مافي حاجة اسما صداقة بين شب وبنت لأنها رح تجر لأشياء اكتر
مع احترامي ..

[~ | Mazaj]

مرحبا اخواني اخوتي ..

الصداقة بين الجنسين مشروع فاشل هادا امر حتمي ..
انا ما بعرف شو الهدف من هادي الصحبة .. شو بيصير لو صاحبتي بنت من جنسك ..
انا بخاطب كل اللي بيصادقن شباب ..
هادي نصيحة من اخت لاختها ..
وكل واحد يبـدأ من نفســو ..
الشباب يرفضو يكلموهن .. وبهيك بتكونو عاونتو اختكم ..
لكن شو انا بحكي معقول الشب تيجي عندو الفرصة وبنت تقولو بدي اكلمك .. وهوا يحكي لأ ..

طبعـــا هادي من سابع المستحيلات .. وقليل ما بنلاقي شباب بيرفضو الصداقة من البنات ..

ونعيب زماننا والعيب فينا وما لزماننا عيب سوانا ..

وشكرا اخي جولد .. شفت هادا الفلاش بس بصورة تانية ..

وهادا بيعبر عن رأيي .. وما ننسى دور الأهل اللي بيسمحو لبناتهم وابناؤهم الحديث مع الجنس الآخر ..

بتمنى انو ما حدا يزعل مني بنات او شباب ,,

وهادا رأيي الشخصي !!

[رفعت]

ايش هالكلام الكبير يا روسانا

والله يا عم الكبير كبير

وانا رايي من راي روسانا

[عقرب فلسطين]

اعرفت اشي بالحياه اسمو كما تدين تدان..

يعني لو انت اعملت شغله ببنت رح تصير بالانسان يا بأخته با ببنته يا بحدا بهمه..

انا كمان رأي انو ما في علاقه بين الشب والبنت وإن كانت مبنيه على الاخوه فهي حرام..

اختي فجر الحياه ابدعتي..

اخي جولدن فلاش رائع..

[بياع القلوب]

يا..شمعه..وهيلين..
ماتحاولو..تبررو..الخطأ
على..انو..شي..صح
وتكزبو..الكزبه..وتصدقوها
لأنو..احنا..في..مجتمع..عربي..
وانتو..عربيات..وعمرنا..مارح..انكون. .متل..الغرب..
ولو..انتو..بتعتبرو..هالكلام..صحيح
فأنا..متأكد..100%انكم..بتعملوه
من..ورا..أهليكم..وهدا..أكبر
دليل..انو..انتو..بتعرفو..انو..غلط
لأانو..ماأظن..انو..ابوكي..او..اخوكي
بقبل..على..رجولتو..اختو..أوبنتو..به الموقف..

وازا..انتي..ياهيلين..بالامارات
ممكن..اعرف..بأي..جامعه
بتدرسي؟؟

ولما..انتي..تتكلمي..مع..زميل
الك..هاي..مش..معناها..صداقه
الصداقه..هي..انك..تزوري..ويزورك
وتتكلمي..معه..بمواضيع..خاصه..
وتطلعي..معو..لحالك
هل..هذا..هو..الي..بتعملي؟؟
ازا..هادا..الي..بتعملي
معناه..مصيبه
اما..غير..هيك..فهي
زماله..عمل..
بشرط..انها..لاتتجاوز..حدود
الزماله..حدود..العمل..
وتنتهي..بنتهاء..ساعات..العمل..ووجود ك..بالمكان
واتمنى..انك..تحافظي..على..نفسك
لانك..صدقيني..بمجرد..ان..تنتهي..فتر ه..المراهقه
حتحسي..بندم..شديد..

وبحيي..الاصيلات..نسرينا,,ولولا,,وبن وته

[درب الأمـــل]

يعطيكو العافيه

انا عني
مش حفتي ولا احكي حلال او حرام

انا بحب الصدراقه جدا

الصداقه بالمنتدى متلا

هياتنا شباب وصبايا بنتناقش بنتحاور في مواضيع جميله جدا

مش بالضروره تكون الصحوبيه على المسنجر او التلفون

فكرت الصحوبيه على التلفون مرفوضه بتاتا "لان ما بعتقد وحده بتسترجي تحكي قدام اهلها ..يعني عارفه انو الي بتعملو غلط ادا ليش بتعملو من الاول"

وعلى المسنجر انا متاكده اي بنت بحكي مع شب يا شوي شوي حتاخد رقمو وتحكي معو يا حتتركو ومش حطول الصدراقه اكتر " ان طالت طالت .. من 3 سنين 4"

اما بالمنتدى كمشاركات وتبادل منفعه واراء فشي جميل جدا

بالعمل شيء ضروري وخصوصا ادا كان مختلط انها تحكي مع الشباب بس البنت امرت انها تغض البصر وتلتزم بحياءها ودينها وجميل جدا البنت تكون محترمه وبذلك حتكسب ود واحترام الجميع

تحياتي

[هلــون]

اولا يا بياع القلوب انا بحترم وجهة نظرك ...

بس انا بدي احكيلك هذا الشي ومهم اتكون تعرفوا .. اولا انا بشتغل بشركة البابا( العقارية نيوز ) يعني بابا فوء راسي وشايف كل شي والحمد الله ما بعمل الغلط حتى لو كنت لحالي.. لانو اذا بابا مش موجود الله موجود ..
انا ما بعمل شي من ورى عم اهلي ابدا ابدا .... وبخاف من ربي والحمد الله

وتانيا الكلية وهي كلية الحاسوب بدبي الي انا فيها بيكون صاحب بابا وهوي علي غنيم يعني ما بسوي شي الا بيكون عند بابا واهلي كلهم ..

والحمد الله انا ما بسوي شي الا باحترام ومحترمة الكل فما اظن الي بسويه شي من الغلط ..


وانا بشكر كل عضو وعضوة على المرور

[a7la_programmer]

مسا الخير للجميع
حابة اشارك بهالموضوع لانو كتير حلو
انا من رايي الصداقة شي كتير حلو بس بشرط ما تعدي الحدود والقيم
بستغرب من العضو بياع القلوب لما قال
الصداقه..هي..انك..تزوري..ويزورك
وتتكلمي..معه..بمواضيع..خاصه..
وتطلعي..معو..لحالك
الصداقة مش معناها انو لازم الواحد يطلع مع صديقو ومن هالحكي
الصداقة ارقى من هيك بكتير
يمكن اللي بتحكي عنو بيسموه الصحبة او الفريندز
وهاد اكيد شي مو منيح
بس ممكن يكون في صداقة بين الشاب والبنت عن طريق المنتديات او المسنجر
طبعا هاد بيعتمد على شخصية كل منهما وغرضو
االلي بدو صداقة اكيد رح يدور على انسان بدو صداقة
وكل منهما رح يحترم الاخر

[درب الأمـــل]

الاختلاف في الرأي لا يفسد للود قضيه

مش مفروض نكون كلنا مؤيدين للقضيه ولا كلنا معارضين

كل انسان الو وجهة نظرو بؤمن فيها وبيحكيها

بس بجد انا بحكي انو ما في داعي الها ابدا هالصداقه

لان عمرو البنت ما بترتاح الا مع بنت متلها تشكيلها وتحكيلها في اشياء ومواضيع كتير البنت ما بتقدر تحكيها للشب ولا بتقدر تناقشو فيها ونفس الشي الشب

البنت مخلوق ناعم رقيق حساس مفعم بالعواطف والمشاعر بس الشب (مع احترامي للجميع) حمش غيور ودفش وهيك مفروض يكون

تحياتي مره تانيه