انه يخون ...

[نوران]

ولكن يا عزيزتي اعتقد بأن الانسان عندما يحب يحلق بحبه في عنان السماء ولايريد ان ينظر الى الارض ابدا فتبقين تبريرين كل ما يدور في راسك حول خيانة ترينها بعينك ومع ذلك تحاولين خلق الاعذار لانك لاتصدقين ان من احببتي و اعترفتي له بحبك يوما انه يخون فتأملين لو انك عشتي باقي الكذبة حتى النهاية وكنت مستلذة بذاك الحب اهون من حقيقة تضيع لكي كيانك وحبك الابدي شكرا كتير لتعليقك اختك نوران واذا مو مقتنعة بكلامي ياريت تحكيلي

[**بنت نابلس**]

أختي..
كلمات رائعة..
بس معلش رح أحكي ملاحظة زغنونة
بتمنى ما تضايقك..
عندك شوية أخطاء بالقواعد لو تتعدل بيكون النص أروع من الروعة..
أتمنى لك دوام التقدم عزيزتي
واسمحي لي أن أنثر بعض الكلمات
جاءتني من وحي ما أبدعتِ..

إنه يخون..
ما كفاه أن أحبه بجنون..
إنه يخون..
وما استطاع حفظ عهدٍ..
حتى بالعيون..

إنه يخون..
ما كفاه ألمي.. وادعائي السكون..
اختار قتلي طائعاً..
كأنني..
لم أكون..

إنه يخون..
والذكريات كلها..
صارت بحراً من الشجون..
إنه حبيبي..
وإنه يخون..

[**بنت نابلس**]

المشاركة الأصلية كتبت بواسطة نوران

ولكن يا عزيزتي اعتقد بأن الانسان عندما يحب يحلق بحبه في عنان السماء ولايريد ان ينظر الى الارض ابدا فتبقين تبريرين كل ما يدور في راسك حول خيانة ترينها بعينك ومع ذلك تحاولين خلق الاعذار لانك لاتصدقين ان من احببتي و اعترفتي له بحبك يوما انه يخون فتأملين لو انك عشتي باقي الكذبة حتى النهاية وكنت مستلذة بذاك الحب اهون من حقيقة تضيع لكي كيانك وحبك الابدي شكرا كتير لتعليقك اختك نوران واذا مو مقتنعة بكلامي ياريت تحكيلي

قمة الحكمة..
يمكن كنت بحاجة لهيك كلمات
يسلموا مرة تانية

[بسكوتة]

الخيـانـه هي لقلـب إنسـان استـطاع الكـذب والنفـاق ،،،،،،

ليسـت صفـة لرجـل أو امـرأة بـل صفـة لإنسـان لا يعـز عليه الفـراق ،،،،،،،



كـلام غـايـة في الروعـة والله

سافرت وعشت مع الكلمـات ،،،،،،

روعـة ،،،،،، كلامي يعجـز عن وصـف ما خطـت به يداكي ،،،،،،

دائمـا أبدعي ونحن بانتــظار إبداعاتك ،،،،،،

[نوران]

اشكرك جدا بنت نابلس بس بدي اطلب منك طلب اذا ممكن بدي تحكيلي واتوضحيلي وين الخطأ بالزبط وشكرا كتير لملاحظتك وانا بتمنى دايما اتشرفيني بمرورك وتنتقدني نقدك البناء شكرا كتير الك انا ناطرة ردك وانت اختي بسكوتة شكرا كتير الك كلماتك الي اروع حبيبتي

[**بنت نابلس**]

المشاركة الأصلية كتبت بواسطة نوران

اشكرك جدا بنت نابلس بس بدي اطلب منك طلب اذا ممكن بدي تحكيلي واتوضحيلي وين الخطأ بالزبط وشكرا كتير لملاحظتك وانا بتمنى دايما اتشرفيني بمرورك وتنتقدني نقدك البناء شكرا كتير الك انا ناطرة ردك

من عيوني أختي ولا يهمك..
رح أحطلك التعديلات بالأحمر
وبعدلك الهمزات عالبيعة

المشاركة الأصلية كتبت بواسطة نوران

انه يخون ... عندما سكن قلبي حبه كالزيزفون وما أجمل تلك العيون والأفئدة له عابدون وكلام الحب شدا وشدا وبات القلب بعشقه مسكون (لأنه ما بنقدر نقول عشقه مسكون لحاله.. هو ساكن) وفي يوم ذكرى حبنا وصالنا .. وعناقنا ... رأيته يخون .... انه يخون .. يخون .. فحينها آلمني الخوف واحتضنني الجنون وكتضخم الرقادي انفجرت دموع العيون فحدثت نفسي وقلت لها إنه خيال .. أضغاث أحلام إنه يحبني .. إنه لا يخون لا يخون .. لا يخون .. ولكن عيني باكية وتقول لي إنه يخون ومن حزن عيني على نفسي تطابقت الجفون نعم .. تطابقت كي لا أراه كي لا أراه يخون .. فيا ليته ما كان .. ويا ليتي لم أكون فعندما عصف بحبه قلبي وهواجسي انبعثت بجنون ولأجله خطت يداي أعظم تاريخ للفنون وتمنيت استيطان قلبه وأكون فيه كنزاً مكنون ولكنه سلبني عقلي وقلبي .. وروحي وبات أمام عيني يخون إنه يخون .. يخون أي مجرم هذا تبرأ أمامه كل المجرون يا حسرتي على نفسي .. يا ويلي من أهاتي من ذا الذي أحببت ؟؟ من هو .. من يكون ؟؟ رأيته في نسائم الهوى وعبير الجوري .. ويافعة الصبا .. ولم يرني من حبه سوى أنه يخون.. يخون يا ليته قطّعني .. قتلني فبعثني وعاد ليسحقني ولكن دون أن يخون إني أناشد العدالة استغيث بالقانون أليس للحب قانون ؟؟؟ فبماذا يُحكم فيه الخائنون ؟؟؟ أصغوا لي ..... أصغوا لي ..... أتسمعون أم لا تسمعون هل تستوعبون هل تتصورون .. هل تتخيلون؟ إنه يخون .. إنه يخون إني في عشقه غارقة قدمت له ما املك قدمت له ما يتحف المالكون ولكنه دمرني .. ضيعني .. لقد رأيته وهو يخون .. يا جنس حواء انهضوا ما زلتم في الخدر ترقدون ألم تحس قلوبكم بعد بأن الرجال خائنون إنها ليست شكوك إنها حقيقة ليست ظنون زرعت له بساتين الزهور والعطر دخاناً يثور وملابسي بألوانها زاهية تبعث الفرح والسرور وانتظرته ... والنرجس على الأرض منثور وعندما أبصرته عيني نظرَته وهو يخون أتراني في الحب هيامْ أسرار أمست أسحارا كلمات خلدت أذكارا ولكن طعم الخيانة جعلني لا أنام .. لا أنامْ كيف أنام وهو يخون؟ (حلو تضيفيها) هل أقدر يوما أن أنسى أو تعرف سفني المرسى؟ أو ألقى رجلا أذكى عندما يخون يخون بذكاء وبفطنة الرجال وبخبث و دهاء ولا اعلم حينها أنه يخون

وشكراً لترحيبك وسعة صدرك

[نوران]

يعطيكي عافية اختي على هاد النقد ولكن !!! 1. وبات عشقه بي مسكون وبات القلب بعشقه مسكون 2.فما حكم الخائنون ؟؟؟ فبماذا يُحكم فيه الخائنون 3.تتصورون .. تتخيلون هل تتصورون .. هل تتخيلون؟ 4.ولكنه لم يخون ولكن دون ان يخون؟؟؟؟؟؟؟؟؟ " هاد الشي غير المعنى تماما يعني انت حكيتي النقد بالقواعد بس المعنى ما لازم حد ينقدة لانو الشعر متل اللوحة الفنية ما بسير نحكي انو لازم تستعملي هاد الون او هاد يعني هادي دلالات خاصة ومعبرة داخليا وانا ما بعرف كيف انت متصورتيها بس حسب تصوراتي ومشاعري لازم تبقى متل ما هي" 4.كيف أنام وهو يخون؟ " انا قبلت النقد ولكن عفوا لا اقبل الاضافة " 5. تحس؟؟؟ انا اخترت كلمة تجس لانها اقوى وهي لغويا صحيحة مئة بالمئة 6. دخانٌ وليس دخاناً لانها نعت مرفوع اذا انت هنا اختي انظري ما بقي من النقد اريدك ان تعلمي انك مشكروة جدا ولكن النقد لايكون بمعاني الشعر او طريقة العرض مثل النقاط الاولى لان هذاه شيء يخص الكاتب ولا يجوز التعدي عليه واعلمي دوما انه يحق للشاعر ما لايحق لغيرة انا لا ابرر هذا الكلام للدفاع عن نفسي من بعض الاخطاء لقد وضعت يدك على بعض الكلمات الخاطئة من الناحية القواعدية وهذا شيء جميل ومشكورة عليه مثل " اسحار اذكار .. " فقواعد اللغة هي قاعدة يحق للجميع ان ينتقدها لان العربية ملك للجميع ولكن المعنى هو ملك للشاعر نفسة ولا يحق لاحد ان يقول يجب ان يكون او لايكون ارجو ان لاتنزعجي من ردي هذا وانا بنتظار ردك ورايك على ما قمت بعرضة مع العلم انك مشكورة حتى النهاية لعرضك هذا ولك مني كل الحب والاحترام واتمنى ان تشرفيني دوما اختي اختك نوران

[**بنت نابلس**]

عفكرة لما قرأت ردك حسيت إنه ولا شي حطيته صح..
عالعموم بعتذر منك أختي للإضافات..
النقطة 1 قلتلك بتيجي ساكن.. مش مسكون..
لأنه عشقه يسكن قلي.. فهو ساكن.. أما قلبي فمسكون..
ووضحتلك ياها بس معلش.. في الإعادة إفادة..

النقطة 2 لغويا بتيجي "فما حكم الخائنين"..
فعدبتبك ياها عشان تكون خائنون..

النقطة 3.. آسفة :)

النقطة 4.. الأصل لم يخن.. أصح..
بس براحتك :)

النقطة 4 المكررة.. آسفة :)

النقطة 5.. فكرتها خطأ إملائي.. وإذا بتستحملي رأيي بقلك برضه حاسستها مش زابطة :s

النقطة 6.. بتيجي هون حال أكثر من إنها صفة..

على فكرة..
كنت بدي أقلك بس أول كلمتين وما أكمل رد..
بس لأنه متأكدة من سعة صدرك حبيت أوضح رأيي..
وسامحيني أخيتي :)
بتمنالك مزيد الإبداع..

[نوران]

لالالالا ارجـــــــــــــــــــــوك اختي لا داعي للاعتذار انا جد كننت مبسوطة بهاد النقد وانت ردك متميز لانه هاد الشي بيعني انو انت دخلت في عمق المعنى وعندك خبرة ودراية وانا فعلا استفدت من هاد النقد يعني ما في داعي للاعتذار بعدين خلينا انغير لانو ما في شي بيخلى من الغلط وصدقيني بدون النقد ما رح يكون في تطور وتقدم وانا بحكيلك من كل قلبي شكرا وبتمنى تستمري على هاد الشي وبالمناسبة انتي جذبتيني بردودك هادي اني اتابع يلي بتكتبي حضرتك وانا هلأ ناطرة رد منك تحكيلي انو رح تستمري بنقدك هاد صدقيني نحنا بهادي المرحلة بحاجة مش بس للدعم بحاجة للنقد عشان لما نوصل في يوم نوصل صح ياريت تتقبلي ردي وجد شرفتيني شكرا كتير

[**بنت نابلس**]

من عيوني حبيبتي :)
خلص رح تلاقيني واقفالك عالنقرة..!

الله يوفقك كمان وكمان