ماذا لو أخبرتك زوجتك أنها لا تحبك؟ دعوة للشباب والبنات

[Banbon]

أووووف أووف يا شباب .... و الله ردوكم حلوه ^_^ ..... فهمانين عنجد

يلا موفقين ..... انشالله ما تصيـــــر بحدا

[نور اليقين]

شو بكم


ما عاد في حدا يقول رأيو هون و لا كيف






انتي سألتيني ماذا لو

و أنا بموت في هيك أسئلة

قمت رديت أول وحدة عليكي







بدكش اياني أرد


هادا قمع للآراء الشخصية المتجددة التي تنم عن تفكير العضو الواقعي و اعتقاداتو المترسخة و مدى تفاعلة مع موضوعك الاجتماعي من أجل الوصول الى نضرة شاملة تخدم كافة الآراء و تساعد على ايجاد حل وسط لمشكلة عويصة و صعبة يستطيع اي عضو ان يكون بطلا لها .

---------------------------------------
بخبص تاخدوش علي
راسي بيوجعني

[ملكة الإحساس]

وانت اختي الفتاة ان كنت انت هي الزوجه هل ستضحين بالذي انت معه ويحبك لأجل شاب قد يكون نسيك؟
أم انك ستضلين وتقولين هذا نصيبي ؟
وهل ان سمعتي بالآخر تزوج هل ستحزنين؟ ام انك تفوضين امرك للقدر؟
قل كل ما يمكن ان تفعله بكل صراحه


مرحباا أسيرة النجوم ...
بصراحة .. والمفروض اصلا انو البنت لما تفوت لبيت زوجها .. تنسى اي شب كان بحياتها .. لانو خلص .. هلأ صارت تحت ذمة رجال .. يعني هيا ملك لألو وحدو .. وما بحق لأي شخص يحكي معها بدون ادنوا .. وبما انها رضيت تتزوج .. فتتحمل ... وتنسى هداك الشخص اللي كانت بتحبوا .. اصلا تحمد ربها انها مرتبطة بانسان بحبها ويقدرها .. وكماان لو كان هداك بحبها كان ما تركها .. وكان عمل المستحييل لحتى يتزوجها ..

.. وانا هدا الشي اللي راح افكر فيه لو كنت بهيك موقف ..

واكييد لازم الانسان يرضى بنصيبوا .. بالعكس اصلا المفروض ما تفكر تترك زوجها اللي بحبها عشان واحد تاني ...
والحب جاي .. جاي .. مع الاياام ..

وبالنسبه للزعل .. ماراح ازعل .. ولاراح اتأثر من اصلوا ... شي وصار ..

وبس

تسلمي اسيرة النجوم

[قسامي غزة]

اختي الكريمة
مشكورة علي موضوعك
ولكن بالنسبة لي لو حصل هيك معي
وايش الي يخليني استمر معها في الزواج
ما بضل شي يربطني بيها
ولو حتي اني بحبها
ما في حب علي حساب الكرامة
وهيه ما تحبني
انا برايي لن يستمر الزواج
لاني ما في حب متبادل من الطرفين

[لولو اليبناوية]

وانت اختي الفتاة ان كنت انت هي الزوجه هل ستضحين بالذي انت معه ويحبك لأجل شاب قد يكون نسيك؟
أم انك ستضلين وتقولين هذا نصيبي ؟
وهل ان سمعتي بالآخر تزوج هل ستحزنين؟ ام انك تفوضين امرك للقدر؟
قل كل ما يمكن ان تفعله بكل صراحه
في انتظار ارائكم اخواني

لأ طبعا,,,لزم البنت اول شي تحكم عقلها..
وما تحب اصلا قبل الزواج...
لانو الحب للزوج....مش لقبلو او لبعدو...

[rame]

انا باختصار
يمكن يغمى عليا
او امرض
بكل بساطة

[rame]

لاكن بعد ما اصحى
اكيد راح اطلقها
واخليها تروح لعند حبيبها ومش ممكن ارجعلها تاني
حتى لو انا بحبها اكيد راح اعمل يللي بيسعدها
ولو يللي بيسعدها اطلقها اطلقها
بس بالاخر مش ممكن استمر معها

[وردة حماه]

صعب و الله ع الطرفين الموضوع و اللي بتعمل هيك بكون ما عندها ألب و لا عقل لتفكر فيه ..طامل ارضيت بنصيبها المفروض تكمل معو و اعتقد الأيام اللي عاشتها معو كفيلة انها تخليها تحبو و تنسى اللي حبتو أول ...الا ازا هي من النوع العنيد المقرف اللي ألبها كبير و بتحب الكل ...و مستعدة تبيع المناس كلها في سبيل سعادتها و بتكون وحدة ما بتحس ابدا لأنها رح تجرح مشاعر و تخرب بيت بإيدها و تترك الب حبها كتيير لدرجة انو اختارها زوجة إلو
لو كنت أنا محل اي واحد هيك كنت طلقتها بلا شك لأنو ما بتحمل عيش ما حدا ما بحبني ولو مهما صار رح تكون هي الندمانة و الزوجة بهي الحالة لو عرفت انو حبيبها رجع و ما بتحب الزوج اللي عايشة معو ...فالمفروض تكمل معو لأنو هاد نصيبها و رح يكون ان شاء الله احسن من اي شي اختارتو لنفسها لأنو هاد اختيار من رب العالمين و لو تعاملنا مع الموضوع من ناحية العاطفة رح يكون صعب تتركو أو هو يتقبل الموضوع فخليها ساكتة أحسن ما تموت لأنو الرجال ما بيتقبلو هيك مواضيع بروح رياضية أبدا ....

[عاشق البندقية]

طبعا اختي هاي الكلمة لما تطلع بجد من اي طرف.

رح تكون رصاصة الرحمة على هذا الزواج..

وكل الاحترام.

[اسيرة النجوم]

يسلمو شباب وصبايا على ردودكم الطيبه
اكيد ما بيستمر الزواج لو صار متل هيك شي
لانو عن جد شي فظيع
بس بردوا راح يكون بعد هيك من ناحية الزوج انعدام تقه بالعالم
وغضب على الجنس الاخر
وحتى لو اتزوج بعدين راح يفضل ما يحب الزوجه التانيه مشان ما يعيش العذاب اللي عاشوا في الاول
وبالتالي قد يكون دمار لالو هاذ اذا كان بيحبها عن جد
انا من الناحيه التانيه ففيه كتير شباب ما راح يرضو بهيك شغله وراح ينتقمو من الزوجه وماراح يطلقوها
فيه هيك نوعيه
مشكورين اخواني على ردودكم الطيبه
وهاد نابع من حكمة تفكيركم
نورتو