ماذا تستشف من شخصية الاعضاء...؟؟!!

[لمسة وردة]

امممممممممممم
تسلمي كتير

نسمي بسم الله ونبدا

محمود
هادئ وخجول وطيوب و خلوق ومحترم و بتعبروا متل خيي الكبير

فجر الحياة وانجيلا

بنات طيوبات وحلوات وخلوقات وحشوني هالدبب لما اكلمهم ما بسكت عن الضحك من خفة دمهم ومرحهم

هلون

البسة الحلوة هاي خلوقة وطيوبة وهادئة ومؤدبة وحبوبة وحشتني موت هي وبسسها وهي من اول البنات الي تعرفت عليهم بالمنتدى

دموع الرحيل

حبيبتي هالبنت قمة في الادب والاخلاق بحبها وبموت فيها وحشني كلامها وهي من اول البنات الي تعرفت عليهم بالمنتدى

بنت الرملة

وحشتني الدبة بنت مؤدبة وخلوقة و مرحة كتير كتير وانا بموت فيها هالهبلة< بمزح > اشتقت لنكتها و اذا كلمتها ما بسكت عن الضحك

بيسان ومملكة ولولو

بنتين في غاية الروعة والادب والاخلاق ما بعرف كيف اوصف اخلاقهم وادبهم

بنبون وشذى

اشتقت لطلتهم الحلوة بنات حلوات و مؤدبات و خلوقات وطيوبات

صدى و عاشقة فلسطين

بنات طيوبات ومرحات ومؤدبات كتير بحبهم كتير كتير وفيهم عرق هبل< بمزح

نور اليقين

بنت طيبة وخلوقة وحبوبة و كتير حكيها بيعجبني

رورو و توين

هالبنتين طيوبة وحبوبات و خلوقات و بحبهم كتير سوالفهم كتير حلوة دمهم خفيف كتير

قمر الخليل
هاي البنت لا توصف في خفة دمها وطيبتها ومرحها وادبها وحلاوتها والله هي شاطرة لما سمت حالها قمر

شهد
بنت طيبة وخلوقة وحبوبة و كتير حكيها بيعجبني


بعدين بكمل

تسلمي لولو ع الموضوع الحلو

[ريما الفلسطينيه]

المشاركة الأصلية كتبت بواسطة عاشق البندقية
بتخيلها زي امي وين ما في مشاكل بلاقيها .. شخصيتها قوية ولسانها طليق ما شاء الله ..^^

.

انا هيـــــك ...مشاعري!!!!

حرام عليك لساني مش طويل ..بس بيطول عالحق ..


بيسان :: بتفهم ..عاقله ..و بتعرف تتصرف بحكمه ..


ايمن :: انا بشوفو اروع شخصيه بالمنتدى ...بيفهم تقريبا بكل شي ..و بيعرف كيف يتصرف .. حكيم في التعامل مع الاعضاء..


عاشق البندقه :: لسانو طويل ( مش وحده بوحده بس انت هيك ^^)..بس صراحه مرات بيفهم .. بحب الكل و ما بيكره حد ..


مجهول:: غامض كتير ..فينا نحكي اسم على مسمى ..بس كتييييييييير بحترمو ..بيوقف مع الحق.. وبيوقف مع يلي بيحتاجو..


ابو فوزي :: شخصيه ما عليها كلام ..رائع بمعنى الكلمه ..وببين اكبر من عمرو ..وكانت صدمه بس اعرفت انو 15 سنه ..

ام فوزي:: مش رح احكي غير كلمه وحده .....( عســــــــــل)..


قمر الخليل :: يمكن رح اتعصب لاني ذكرت اسمها .... بس انا مسامحيتها على كل شي .. في الها حركات ما بتعجبني ..بس بضلها اختي الزغيره يلي بخاف عليها ..وما بتخلى الاخوه من بعض الحزازيات ..


بو هبــه:: قـــــــــــــرد زمانو ..بس بضل خيي الزغير يلي طخو حلال ..


ولنا عوده ..^^

[Abu Shadi]

المشاركة الأصلية كتبت بواسطة بو هبه
ابن فلسطين ...حبيب الشعب بعرفش زعلان مني لهلأ ولالأ بس والله انك محترم وصاحب جرايم يا ولد بس بالمنتدى اشي طكع انتا يا معلم والخير بتستاهلو والله

ولو مالنا يا بو هبه حدا بزعل من اصحابو وانا بالنصبه الي الاصحاب اشي طاني على الي بعاديني مالنا يا بو هبه
على فكرة بعض الاعضاء ماخدين فكرة عني اني فطحاوي حاقد بكره طعين حماص
عندكم عاشق الحور بعرفني بعرف الشباب طعينهم والشباب الكبار مش الصغار ههههههه
يعني في معامله بيني وبين اخواننا الحمصاوية وحطى المشاكل رغم المشاكل كان في طواصل بص طبعا عن طريق اخواننا الصرايا ههههههههههههه



وانطا بحبك موووط هاط بوصه ولا

[Abu Shadi]

المشاركة الأصلية كتبت بواسطة عاشق البندقية
اخي ابن فلصطين

هاد الزلمة بتخيلة بيشبه واحد صاحبي اسمو خليل.

ما باجي عندو إلا ابريق هالقهوه جنبة وبكيت الدخان 24 ساعة.هههههههههههههه

دايما قرفان الدنيا وبدو نكشه عشان يعصب.



وبس..

هههههههههههههههههههههه
مالنا يا عاشق البندقية بردو انا بدي نكشة لاعصب ههههههههههههههه
ماشي يا عم عديها المره الي جاي راح احطك علي الفحم نعملك عشوه لاعضاء المنطدى هههههههههههه

[مؤيد]

طبعا ً بدي أحكي عن أعضاء بعرفهم وبعزهم كتير ........... وفيه أعضاء بعزهم كتير بس الوقت ضيق شوي معي مش راح أحكي عن الكل ,

أول واحد ببلش فيه ، الدب نشأت " عاشق الحور " :
ايجابيات : فش ولا ايجابية فيه .
سلبيات : مهما ذكرنا من سلبياته ، ما بنوفيه حقه ، بس أبرز صفاته السلبية ، تيس ، غبي ، أحمق ، معتوه ، دب ، no service ، متكبر ، أطرش . هههههههه ،،، مكيود وغيور مني ، وحقود علي ، لإنو بسببي قلت شعبيته في المنتدى .

لولو اليبناوية :
ايجابياتها : فرفوشة وخفيفة دم ، مميزة بشخصيتها وبكل شي ، مواضيعها حلوة .
سلبياتها : جاري البحث دون العثور على نتائج ..... ولا أقلك مش خايف منك ، انتي فضولية كتير كتير ..

بو هبه :
ايجابياته : زاكي ، غريب الأطوار ، رجل عند كلمة الحق ..
سلبياته : مطنشنا بطل زي أول يفوت المنتدى كتير .

قمر الخليل :
ايجابياتها : طيبة ، ذكية ، خفيفة دم ، بتعرف تنظم وقتها ، وتعطي لكل شي حقه .
سلبياتها : بتفكر كل الناس طيبين متلها ..

أحلى رورو :
ايجابياتها : مثقفة ، صاحبة طلة مميزة على المنتدى ، نشيطة ، قدسية خوالها خلايلة .
سلبياتها : بدور مش لاقي .

محمود :
ايجابياته : مدير ، جريء ، شاطر وقد حاله ، قلبه بيوسع الكل .
سلبياته : مزاجي ، يعني مرات بتلاقيه مروق ولا أحلى من هيك ، مرات بتلاقيه معصب ، ويا ويل الي بعصب عليه محمود .ههههه

دموع الرحيل :
ايجابياتها : عقل راجح ، تفكير عميق ، عاطفية تجاه وطنها بشكل كبير ، عقلانية ..
سلبياتها : جاري البحث بلا نتائج ..

ahmadix :
ايجابياته : فهمان ، عقل كبير ، بعتبره اخ ، طيب كتير ، إنسان هادف ومثقف وله أهداف رائعة في الحياة .
سلبياته : مرة ما حبيت بعض آرائه السياسية ، ههههههههه .

أبو معاذ :
ايجابياته : قوة تنفيذية ، هههه ، حبوب ، طيوب وبياع قلوب ،،، ههههه ، بمزح ،،، أخ حبيب وغالي . غزاوي ،هههه
سلبياته : نفسي ألاقي عليك ممسك ، هههه .

قسامي غزة :
ايجابياته : زاكي ، شاب مخلص وصاحب هم وقضية ، مجاهد ، جريء ، طيب ، حمساوي ههههه .
سلبياته : فضولي مرات ..

Twin :
ايجابياتها : مشرفة ، هههه ، فتاة طيوبة كتير ، عندها اهتمام بوطنها كتير ، محبوبة من الكل .
سلبياتها : بطلنا نشوفها كتير بالمنتدى آخر فترة .

فراشة :
ايجابياتها : هادئة ، خفيفة ظل زي الفراشة ، محترمة كتير كتير .
سلبياتها : مش لاقي ...

نغوم :
ايجابياتها : أخلاق عالية ، انسانة هادفة ، مثقفة ، مثابرة ، تحب الخير ، تلحمية ، هههه .
سلبياتها : فش فش .

سالي بنت فلسطين :
ايجابياتها : سياسية ووطنية بدرجة كبيرة ، طيبة قلب ، مش قليلة ، مبزة تستحق لأجلها كل الإحترام والتقدير .
سلبياتها : مرات بتكون هجومية .

فجر الحياة:
ايجابياتها : قمة في اللباقة وفن التعامل ، تستحق كل احترام وتقدير ، خلوقة وطيبة .
سلبياتها : صارت تترك المنتدى كتير .

صدى الصمت :
ايجابياتها : متفهمة ، احترام كبير تجاهها ، طيوبة ، وأخلاق عالية .
سلبياتها : إزا بتعصب مشكلة ، بس الحمد لله ما عمرها عصبت علي .

عاشق البندقية :
ايجابياته : دب ، طيب ، شاب محترم ، من صوته مبين فهمان وحبوب .
سلبياته : لا يوجد


في ناس كتير بدي أحكي عنهم ، بس الوقت مش مساعدني .

[محمود]

محمود :
ايجابياته : مدير ، جريء ، شاطر وقد حاله ، قلبه بيوسع الكل .
سلبياته : مزاجي ، يعني مرات بتلاقيه مروق ولا أحلى من هيك ، مرات بتلاقيه معصب ، ويا ويل الي بعصب عليه محمود .ههههه

يا ويلك مني عصبت عليك هههههههههه

يسلموو يا أبو مزاجي

[لطفي الياسيني]

يا مؤيد لا تهتم انت ومحمود اولاد العم وشملكم ان شاء الله بلتم

محمود

م 0000 مؤدب

ح0000 حكيم

م000 مؤمن

و000 ودود


د 000 دائم على العهد

ابو معاذ / أ00 استقامة 0 ب / بار بوالديه 0 و / وفي

م / مؤدب 0 ع / عاطفي 0 أ / امير 0 ذ / ذكي

[محمود]

ديروا بالكم شوي من الموضوع :)

لاني حاسس حالي راح أغلقـــه طبعـا ازا الأمر زاد عن حده في الوصف ^^ ،،

فياريت يكون الحكي من خلال التعامل من المنتدى مش انتقاد شخصية :)

يعني بنريد انتقاد بناء للردود حتى الواحد ازا فيه سلبيات يعدلها ..

لكن ما ياخد الموضوع منحى مدح ومجاملات وبعضها مغازلات فمنحى الشيطان في الموضوع

ما بنريده ،،،

ياريت الكل يلبي هالطلب والله يخليكم كلكم خير وبركة ..

[محمود]

شكرا لك اخي أبو مازن على الكلمات العطرة ،،

حفظك الله ورعاك :)

سامحوني راح احذف كل الردود الي ما الها دخل في الموضوع ..

[ريما الفلسطينيه]

فيي اسال شغله يمكن مش وقتها بس خطرت على بالي ...و دايما بييجي هالسؤال على بالي ..


الصوره الشخصيه يلي حاططها الاخ لطفي ..صوره مين ؟؟؟ شخص معروف ولا شو ؟؟



بس مجرد فضول ..