عيدنا عيد الاحزان لا نكهة ولا مزية
وفرحتنا رجوع الجولان مع القدس العربية
وشعبي مهجر في لبنان وفي ارض السعودية
وفي العراق في عمان في الاراضي السورية
وفي الجزائر في السودان في الاراضي الليبية
وفي المغرب في باكستان في الاراضي المصرية
وفي المنفى وارض الشيشان في الارض الامريكية
منفي جوا عسقلان وفي نفحة الصحراوية
وفي شطة وارض بيسان وفي الرملة المركزية
وعتليت ومجدو الكان قرية فلسطينية
وكفار يونا العنوان مع سجن المسكوبية
كل واحد عليه سجان وعصابة صهيونية
في البرد الواحد سقعان ما عندو بطانية
ولا مية الواحد عطشان ما في اكله هنية
ولا كنتينا شو طفران ولا حلوى في العيدية
وكرت التلفون الفضيان ولا زيارة شهرية
والشعب النازح غلبان لا عودة ولا حرية
والشعب العربي مليان بالاراضي النفطية
بسهر عند الامريكان في الحانات الليلية
وحوار العرب الطرشان ضيع باقي القضية
وبوش مخاوي ع العربان بعصابة سرسرية
بص تفرج يا زمان بدنا وحدة وطنية
من غزة بان العنوان كانت امس الضحية
تعودنا على الفلتان يمين ويسارية
كل واحد عامل فرمان وعندو شلة قوية
بتفرج جيش العدوان وغزة صارت ضحية
وفي رفح انقطع الاذان في الفجر وفي العشية
والراتب ما هو وصلان والعوايل منسية
والشهدا عند الرحمان عملية استشهادية
والجرحى المشفى مليان ومافي اجهزة طبية
اما تفرج يا زمان بنطالب بالحرية
والدولة بنسمع كمان ماتت ضمن القضية
شاعر دير ياسين
لطفي الياسيني
12-13-2006, 07:47 PM
بطاقه هويتي الفلسطينية
العرض الشجري