الاخ الشاعر ابن الجليل تفضل

[لطفي الياسيني]

افخري يا حروف شعر الابجدية
اجا ابن الجليل رد التحية
يا ريت ورود بستاني بتكفي
حملتلو الورد والمزهرية
على راسي احترامك يا رفيقي
وهنيئا للمراقب لك تحية
يا عزي انته والله تاج راسي
وانته معلمي في الجامعية
انته الموهبه و الشعر كلو
وانته اليوم رمز المعنوية
جيلك انته والله غير جيلي
انا جيلي زمان الختيرية
انته عنترة وشداد بييك
انا بعتز فيك وبالرعية
ويا ابن الجليل الذاع صيتو
قبل ما اكون شاعر يا أخيي
صباح الخير يسعد لي صباحك
صباح المسك عنبر يا عينيي
صباح المنتدى الاعضاء مني
الك ل كلهم اجمل تحية
يا استاذ الاوائل والاواخر
اذا زعلتكو حقك عليي
كلامي بسحبو والرب يشهد
لالغي اشتراكي والعضوية
لأنو كرامتي ما عاد تسمح
انا تخطرت والمعنى عليي
بكرر اعتذاري ان كنت تغضب
انا المسؤول جرمي في إيديي
قصدت الزجل لتعرف عليكم
ما كان القصد تجريحك يا جدو
لأنو كرامتك تصعب عليي
يا رائدنا وابو الشعار فينا
بكفي أ تضيق الهوه عليي
انا يحرم علي الشعر بعدك اذا سببت لشخصك اذيه

[عاشق الحرية]

يا ابن الوطن وسيد القوافي
يا رسم حدود قدس عربية

يا شاعر غنى بلا مخافي
الا من رب الكون والبشرية

على بحر شعرك بكون طوافي
ومن لحنك للزجل الابجدية

يا شاعر لزجلك ماني وافي
ولو حولت كل الشعر الك مزهرية

[لطفي الياسيني]

انا ابن الوطن وانت المحامي
وعاشت في تواجدك الاسامي
ويا ابن الجليل اليوم خاسر
انا قدام شعرك يا امامي
انت اللي عطاك الرب علمو
وعلا رتبتك مشرف وسامي
انا لطفي انا تلميذ صفك
وانت معلمي ابن الكرام
اذا اخطيت في حقك سماحك
انا طالب لاني اعتصامي
وهذا اليوم ما بقدر اقلك
الا انت استاذي المقام

[عاشق الحرية]

يا شاعر شوف كيف شعري
صار خافت قدام كلامك

رضيت افدي للكتب نظري
واليوم ما بطلب الا سلامك

انت شعلة في سما ليلي وظهري
وما يعلى ولا شاعر فوق مقامك

[لطفي الياسيني]

اسمعي يا شاعريه افتخاري
دخل ابن الجليل بعمق داري
اجا عندي ياميت اهلا وسهلا
بكررها بقدم اعتذاري
انا حجمي طلع قدام شعرك
خرم ابره ايا ابن الدراري
انا مشتاقلك يا نور عيني
فتحتلك صدر بيتي وداري
اجيت اليوم اتعلم قصيدك
يا استاذ الشعر اقبل سواري
انا لطفي بهني الشاعريه
باستاذي ورمز الشعر عندي
لانو للمكارم جد ضاري

[عاشق الحرية]

يا شاعر ما في داعي اعتذارك
انت عالراس والعين يا غالي

يا لوحة عجز فنان عن رسمو
يا ابن القدس حياك ربي بالعلالي

يبارك فيك مباركتك لنفسي
وبعون الرب بكون قد المجال

يا شاعر حامل بكيسو كلامه
وبقلبو حامل ود وحب كالجبال

[لطفي الياسيني]

انا تعلمت منك كيف احني
واقدم تحياتي لاستازي
انا اصغر حجم قدام شعرك
انت الموهبه وفيك اعتزازي
ويا ابن الجليل اليوم عفوا
انا وياك صرنا .......بالتوازي
كلك لطف والاخلاق منك
يا موسيقى الشعر لحنك حجازي
اجيت اليوم افخر في قصيدك
كيف اليوم شخصك راح اجازي

[عاشق الحرية]

اوووف

تعال نعزف للوطن اجمل الحـــان
ونرسم ع جبين الشهيد قوافيـنا

ونعمل عرس حداي مع الشبـــان
كرمال الوطن للمــــر جينــا

يا شعب قاسى الظلم والعـدوان
لا بد يطلع فجر حرية ع اراضينا

ولو طال ليل المحتل شو ما كان
لا تهابو يا شعب الكرامة فينا

كرمال الوطن يلا نطلق العنان
نغني الاوف اولنا لتالينــــا

[لطفي الياسيني]

ع الهوارة الهوارة يابن الجليل
انت ابن الحضارة انت القنديل
مشرف مش فيك خسارة ربي يعليك
انت هرم الامارة وباعك طويل
يراعك ياما تسامى وتقدم هون
تسلم رمز الانارة شدللي الحيل

[عاشق الحرية]

اسمك يا شاعر ساطع فوق العربان
وشعرك كالبدر الضاوي بين الاخوان

يا شعبي اوعى تتنازل لو شو ما كان
شعبك لطفي بنادي لبي الندا