{{ إسـرآء الـفـلـسـطـيـنـيـه’ ]] الــمـــ بيدك ــآيك مـــ قدك ــين

[إسراء الفلسطينية]

هلا عنا عطلة

لان عندهم عيد الفصح

//

المـآيك إجى بوقتو ..

يعني رح أفضالكم ع المزبوط

.

.

بس هلا عنجد سطلت

وصار لازم أقوم أنام

نرآكم غداً بإذن الله تعالى

[نابلسية كححح]

يا عينيي

بنستنااكي اسرااء
♥

[إسراء الفلسطينية]

تأخرت كتير بهل موضوع :s

بس والله مش بإيدي

رح أحاول أخلص بهل يومين ان شاء الله

سامحونــآآ

:)

[إسراء الفلسطينية]

ههههههههههه

أبو مجاهد & حورية

شفت ردكم

..

هيــآآني إجيت :]

هل ايام لانو عطلة .. فعم ننشغل كتير بالزيارات ..

من شوي بس إجيت من السويد

السويد قريبة كتير علينآ .. ما في نص ساعة بالسيارة ولا نحنا منكون هناك :)

أهل إمي أغلبهم ساكنين هنـآك ..

فرحنا زرنا خالتي وخالي وستي

,

,

لما رحت عند ستي حسيت بشي غريب

جدي توفى هديك السنة بـ 25/5 ..

هوي بكون جدها لامي

كتير بحبوو و وقت وفاته زعلت عليه كتير

كل ما أروح عندهم ع البيت بحس روحه لساتها موجوده

بتذكر يوم دفنه ..

كان أول مرة بحياتي بشوف إنسان ميت قدامي !

كانوا مغسلينه ومكفنينو .. وقربت عليه وبستو ، ودموعي نزلت ع خدووو

ما بنسى أبدا منظره وهوي ميّت :((

الله يرحمــــه ويغفرله يآآآ رب

,

,


جدي تعذب كتير ، وانحبس 22 سنة ظلم بسوريـآ :S

كان دايماً يحكيلي عن فلسطين ..

ولما رحنا على حدود فلسطين مرة .. رآح معنـآ

كان متل الطفل .. وكان وقتها متأثر كتير !

..

سبحان الله ..

مش عارفة كيف حكيت كل هل حكي عن جدي ، مع انو ما كان ببالي أحكي عنو ..

[إسراء الفلسطينية]

بدي أحكيلكم عن قصة صارت معي لما كنت صغيرة

ما بنساها أبداً !

كان عمري حوالي 5-6 سنين ..

مع اني كنت صغيرة ، بس متذكرة هل حادثة كتير منيح !

كنا ناقلين ع بيت جديد .. هوي كان عمار قديم ومش كل هل قد

بس قعدنا فيه مؤقتاً ..

المهم !

كنت انا واختي وامي لحالنا بالبيت ، وأبوي كان بالسويد

كنت واقفة انا واختي الأصغر مني بسنة ع الشباك

وكنا عم نتطلع لبرآ

كان تحتنا بالزبط وحدة عم بتلّعب إبنها بالطابة ..

أختي كانت مبسوطة .. وعم بتخبط ع أزاز الشباك

الشباك كان قديم طبعاً .. ومش منتبهين أهلي انو مش ثابت منيح

وهيي عم تخبط انفك الشباك ..

تقوم أختي توقع لتحت !!

بتذكر منظرها وهيي مرمية ع الارض .. والدم متلي وجهها ..

وقتها بتذكر انو اجت الشرطة والإسعاف ..

وأخدوها ع المستشفى دغري

وانا وامي ركبنا بسيارة الشرطة

و ع اللخمة رحت ومش لابسة برجلي

الحمد لله انو اجت سليمة ..

مع انو الوقعة اجت ع راسها ، بس الحمد لله ما طلع في شي

كانوا الدكاترة متخوفين انو يكون صاير شي بعيونها

لان طولت لحتى قدرت تفتحهم ..

بس الحمد لله تعافت ، وكل شي رجع تمام :)

وبعدها بشي شهر نقلنا من البيت كلو !

[إسراء الفلسطينية]

هون لما الواحد يخلص توجيهي

ويخلص مدرسة ع الآخر .. بيعطوه متل هل طقية

من ورآ بكون مخيّط إسم الطالب ..

ومن العادات تاعونهم بصيروا الطلاب يكتبوا بقلبها رسائل ..

كل صيفية .. بتلاقي بالشوارع ناس كتير لابسة منها

وهل شي ببين انو نجح وخلّص توجيهي

ما مصدقة وينتى يعطوني ياها .. وأخلص من هل هم :]

طبعاً لما وصيت عليها وأخدوا قياس راسي قلتلهم انو ما بدي الصليب !

خليتهم يعملولي هلال ونجمة بدل الصليب تاعهم :)

لانو لازم يكون في علامة ، تبين الديانة

ههههههههههههه شي بضحك ع فكرة :P

[إسراء الفلسطينية]

مممممـ

ما بعرف حدا من أعضاء المنتدى ع الحقيقة

الوحيدة يلي التقيت فيها هيي دموع الرحيل

التقيت فيها من سنتين لما نزلت ع لبنان

شفتها مرتين ..

وكانت لقائات ولا أحلى من هيك

إنبسطت كتير بشوفتها ..

وإن شاء الله هل سنة ناوية ارجع شوفها هيي ووحيدة القمر





نانا من أكتر البنات يلي تعلق قلبي فيهن

متل أختي الكبيرة تماماً ..

قلبي من جوآ بحبهـــآ هل بنت

تعرفت عليها من أول ما سجلت بالمنتدى

النا ذكريات حلوة كتير مع بعض

سهرآآتنا ع النت .. وأكلنا وشربنا مع بعض

عنجد إيـآم ما بتنتسى

الله يسهل عليهـــآآ حبيبة قلبي .. ويوفقهـــآ

[إسراء الفلسطينية]

[ حرب تموز ]






بسنة 2006 وقت حرب تموز كنا بلبنان

كان أول مرة بحيـآتي بعرف كيف الحرب ..

طبعاً الحرب بدأت فجأة .. ونحنا بإجازة هناك

وقت ما انخطفوا الجنود ، صرت اتمسخر وأقول .. أيواا بدكم هلا يصير في حرب

انا حكيت هل حكي .. وبعد كم ساعة كانوا اليهود موجودين جواً وبحراً

كنت خـآيفة كتير .. وأول مرة كنت بشوف هيك شي !

ما كنت أنام الليل .. وكنت دايماً خايفة :S

وقتها كنا ساكنين بشقة ع جبل .. يعني كل شي واضح من هناك

ما في شي بيتخبى !



بيوم من إيام الحرب .. كان رايح كم ساعة من غير قصف او اي شي

نزلت ع الدكانة يلي بنفس بنايتنا مشان أشتري ..

أنا فتت ع الدكانة من هون .. وقصفوا بمكان قريب كتير علينا من هون

البناية كلها حسيتها اتحركت !!

وصار يوقع حجر صغير من فوق البناية ..

صرت أصرخ .. وما لقيت حالي الا نازلة تحت الطاولة

والزلمة صاحب الدكانة يقولي .. يا عمو ما تخافي .. خلص ما صار شي

وانا ما كنت أستوعب !

يومها عنجد انحرجت ، بس ما كان بإيدي والله

هل موقف لهلا ببالي ، وما بنساه أبداً !

[إسراء الفلسطينية]

الذين يشاهدون محتوى الموضوع الآن : 2 ( الأعضاء 2 والزوار 0) ‏إسراء الفلسطينية, ‏أبومجاهد+

هلآآ أبو مجاهد

منوّر الســآحة

[إسراء الفلسطينية]

" هههههههههه أوكي يا حسام رح أحكيلك عن الدراسة :) "


[ درآستي ]

ممممـ بعتقد الدراسة هون أهون من البلاد العربية

يعني ما في حفظ عن غيب .. ولا في شي من هل نوع

دروسنـآ والمواضيع يلي منكتبها كلها لازم تنكتب ع الكمبيوتر

وقليل لتلاقي استاذ بيقبل تسليم موضوع بخط الإيد

ممنوع أصلاً نكتب ع الورق .. الا الملاحظات والنوتس الخاصة فينا طبعاً

بيعتمدوا ع الكمبيوتر بشكل كبير ..

يعني بصفنا ممكن بحصة عادية تلاقي طلاب فاتحين الكمبيوتر .. وبيكتبوا فيه !

حتى الاستاذ لما بدو يشرح .. بستخدم اللوح الالكتروني يلي بكون موصول بكمبيوتر :)

,

,

لما كنت بالصف السادس والسابع

كناا ناخد حصص سباحة ، وحصص طبخ ، وفي سنة كنا ناخد فيها حصص نجارة كمان

آآه وحصص موسيقى هههههههههه

هاي الحصص كل طالب لازم ياخدها ، يعني ما دخلها بالمدرسة ..

..

لما أخلص هل سنة إن شاء الله .. حابة أدرس IT AND HEALTH

هاي دراسة جديدة نوعا ما .. بتندرج تحت الهندسة

بس كلها عن التكنولجيا .. وتصميم آلات للعلاج ..

و الله أعلم طبعاً وين بيطلع نصيبنا بالدراسة

//


بس ككل .. فنظام الدراسة سهل ومش معقد

والحمد لله