حين تُهان محجبة في أمريكا؟ [ كامرا خفية بعيون أمريكية ]

[أمل]

المشاركة الأصلية كتبت بواسطة شهيد أماني احنا ما بنقارن الفئة المؤمنة من العرب بالكفار من الغرب ،،

شيء طبيعي و أنا واثق انه الخـير في العرب المؤمنين حقا ما انقطع

لكن أنا بقارن بين الجيل البعيد عن الاخلاق والقيم " في العرب "

وايضا الجيل البعيد عن الاخلاق والقيم " الغـرب "

ما كان قصدي مؤمن عرب بكافر اجنبي ..

لا قصدي الجيل الصاعد الهاوي العرب مع نفسه من ذات الملة الغربي !!

فرق شاسع بينهم

::

واذا القصة على الؤمنين فطبيعي المؤمن يغار على اخوته من المؤمنين

أينما كان وأينما حل ، وأيا كانت جنسيته عربي مسلم غربي مسلم

::

لو لاحظنا الفيديو معظه كانوا ناس عاديين ، ونخلينا نقول لا منحازين لـ هيك

ولا لـ هيك .. واللي خلا تصرفاتهم هيك هي الفطرة زي ما قولت ^^

يللي اساسا هي الفطرة مش موجوة في العرب اطلاقاً

الا عند الجيل المؤمن التقي :)

[نور الهدى]

مش عارفة شو احكي ..

احيانا لما بتصير معي مواقف هيك بكون نفسي احكيلهم والله ما بدي الكم غير الخير !!

اي والله احنا ما بنكرهكوا بالعكس ..

بصراحة ساعات احس حالي بموقف صعب .. مش واضح

مش ممكن انكر فضل البلد اللي عايشة فيه .. بتضل الي فيه كرامتي و حقوقي اللي ممكن اطالب فيها ..

و بضل فيه الامان اللي احيانا ما كنا بنلاقيه في بلدنا ..

لكن

بضل ضيفة ثقيلة .. مش مرغوب فيني كـ مسلمة و كـ محجية و كـ انسانة الي مبادئي ..

بنفس الوقت بحس بمسؤولية الرسالة اللي لازم اوصلها

و هالشي ما كنت فاهماه قبل .. التعامل السيء اللي بنتلقاه و العنصرية بتصيبنا بنوع من الاحباط

و بعد ما انطردت من المدرسة ترسخ اكتر هادا الاحساس ..

لكن بعدين اكتشفت انه موقف اناني .. و انه السبب في سةء المعاملة مش الغرب بقدر ما هو احنا !!

مش ممكن نستنى نعاملة كويسة ازا هما ما شافوا اخلاق اسلامية من المسلمين : الاحسان في العمل الامانة و الصدق ..

و غيرها من الاخلاق

للاسف مش كلالمسلمين هيك و مش كلهم افراد فاعلين في المجتمع .. فطبيعي الاعلام يضحك على الغربيين كشعوب ..

ازا احنا ما وصلنا رسالتنا بشكل سليم !

لذلك صرت ما استغرب من تصرفاتهم .. و قبل ما الوم غيري .. بشوف حالي انا بشو قصرت !

و اكيد حنطلع كلنا - المسلمين في الغرب - مقصرين و بشكل كبير ..

[PaLeSt!Ne SouL]

الله يهديهم

فعلا شو ما كان الشخص افكاره و مبادئه الا نكون متفقين انه الظلم ممنوع

و شئ حلو نلاقي اشخاص بيدافعوا و بيصروا ع موقفهم خاصة البنتين

ممكن ما نلاقيها عند بعض المسلمين


لكن بالنسبة للبس و المعانقة

انه هذا البرنامج موجه اصلا للامريكين حيكون الهدف بالنسبه الهم فعلا عن العنصرية اكتر
لانه مش شي غريب عندهم

على الرغم انه مخالف لدينا او حتى لبسها و انها تصلي ببنطلون !

بيركز ع العنصرية اكتر حسب وجهة نظري

[قدسية أنا]

لا حول ولا قوة الا بالله

الله يخدهم مفكرين حالهم احسن شعب لااسف هم اوسخ شعب

عجبني موقف الي وقفواا مع المسلمة والي انحازوا ضدهاا الله يوخدهمم

بكرااا بيندموووا وبيصيرواا يحكواا ياليتني كنت مسلماااا

اما الي ما علقوااا على الموضوع نسبتهمم كبير 22 بشوف وجودهم وعدموا نفس الشي

تقبل مشاركتي
الحمدلله على نعمة الاسلام

[بسملة]

مش مسألة غيرة يا أماني ..اكثر ما هي مسألة حق يدافع عنو

مبدأ تؤمن به البشرية وتسعى لذلك بغض النظر عن الدين .. الفطرة التي خلقنا الله عليها والتي هي بالاصل سليمة ..

أكد من كانوا في ظل الموقف .. أن من حق الانسان ان يلقى الاحترام والتقدير لشخصه ..

.

.

طيب أنا بدي أسمع منكم شي ثاني و هاد ملاحظاتي ع الفيديو

فيه اشيا أثارت انتباهي وهي إنو فيه كثير رسائل بتمرر من خلال هالفيديو

أي نعم زي ما تفقنا فيه جوانب إيجابية كثير

بس مش ملاحظين قصة العراق الي داخلة بالحلقة؟

الطريقة السلبية الي تعاملت بها الممثلة المحجبة؟

و لما الفتاة المحجبة الممثلة لما عانقت الرجل الأمريكي شكرا له على تأييده لها؟

أليس بنظركم أن الفيديو يسعى لتمرير رسائل أكثر تاثيرا من كونها نبذ للعنصرية تجاه المسلمين

الله يكرمك أمل ..

قرأتي الفيديو كـمـآ قرأته أنـآ وسبقتني بالتنويه ..

لا ادري حقيقة كثيرة تلك الامور التي لا يمكن ان نتصورها من اعداء الاسلام ..

- هل هدفهم من ذلك أن يقولوا بان الشعب الامريكي شعب متسامح ويحب المسلم وهو ليس عدو ..

- أنك انت يا مسلم باتخاذك الامريكي عدو فأنت مخطئ فانظر كيف شعوره تجاهك ..!

- أنتِ ما من تمثلين الاسلام ..هل هو كذلك اصبح ..! أم أنه نشر للدين على طريق الامريكأن ؟

- ابنه قد تجند بالعراق وهو يقف بجانب المسلمة هل هذا تاكيد ان الاحتلال للعراق كان بهدف المحافظة على العراقيين من التسلط الذي كان والتاكيد على الادعاءات التي تنشر ؟

مكر دفين .. لا تفسير له غير ذلك ..

[عبد الصمد الراوي]

انا مع الاخت اماني بصراحة ..

الله عدنا اخواني في العراق على مثل يعني ناس صاقطين اخلاقيا ً .. يعني تقدر تقول عايشناهم ...


بس والله لما تكون صحيح والشغلة حارة والله ينتفضوا .. وتقول هو هذا الي كانت اخلاقة هابطة يعمل هيك ..


يعني بوقت الشدة والله يعتمد عليهم ..


اني اقلك في قلة قليلة من ضاعت عدهم الاخلاق فأصبحت الغيرة جزءا مفصول عن حياتهم ..


كنت اصور ان الفديو مو هيك فكان في بالي حكي غير ,.


لكن الان الفديو شفنته ... عرفت شنو الاهانة التي تلقتها .الاخت المسلمة ..


بصراحة انا لا اعتب على واحد غربي ان يبصق في وجهها مو بس يساعد ابو المتجر على عمله الشنيع ..


مو شغلة عتب لو مو عتب .. بس هي شغلة عادية . لان هناك اشخاص شوه الاسلام اشوه ما يكون .. اضافة الى التربية التي يتلقونها كل يوم وهو كره المسلمين ..


في قصة حلوة ..


يقلك اليهود يشتروا لأولادهم شيء حلوة مثل يعني كلب أو قطة أو لعبه ..


لما يتعلقوا الابناء بيها جدا ً .. فجأءة اباءهم يقتلوها او يسحبوها من عدها .. يجي الابن يدور ما يلقاها ..


شو تتصورا يقولوا اباءهم لابناءهم ... " الفلسطينين قتلوها .. او المسلمين نهبوها " وهكذا ..


تتولد عند ابناءهم حقد ما شايل حقد مثله طبيعي بتكرار الفيلم السخيف ..


بصراحة انا حبيت هذا الفيلم وراح طبقة على ابنائي ان شاء الله ..


لما جيبلهم شيء اقول الهم هاي هدية من حماس ولما آخذها اقول اليهود اخذوها ...


شو رأيكم ..



يا رب تكونون افتهمتم تفكيري ...


يعني هو حقد شايلة اليهودي على المسلم أو الامريكي على الاسلام .. يعني التفجيرات والى ما هذا تدبير سلطة امريكية وتربية يهودية لتخريج اجيال تنبذ الاسلامين بكل صفة ...


هذه مخيلتي ..


وهذا ما خطه قلمي . فاعذرونا على الاطالة


تحياتي

[عبد الصمد الراوي]

اكثر ما عجبني في الموضوع بعد قراءة الردود ...


اشارتين ..


اشارة الاخت نور الهدى واشارة الاخت امل .. على اشياء مميزة ..


نحن السبب في ذلك ..


نحن نحن نحن ..


ولا تقولون غير شيء .. قصرنا فجاء من حل مكاننا

[PaLeSt!Ne SouL]

صدقني يا دكتور عبد الصمد مش محتاجين نعمل هيك باطفالنا لحتى يكرهوا اليهود


اليهود و عمايلهم السودة بتكفي و بتوفي

لما الواحد يشوف اهله بيموتوا وا بيته بيهدم اظن اكبر من لعبة تاخدها منه

...

لكن حتى لو المسلمين شوهوا صورة حالهم او تربية الغرب ولدت حقد ضدنا
هل هذا يعني انه فطرتنا نلغيها بانا نكره الظلم و انو نحب نساعد المحتاج

احنا بنكره المسيحين لعقيدتهم الفاسدة و اهانتهم للرسول لكن ما رح ارضى انه اظلم مسيحي لو كان مسالم و ما بيضرني

لانه مش اخلاق ديننا

...

بالفيديو شفنا امريكين دافعوا عنها و في ضدها مع انهم عايشين بنفس البلد تقريبا نفس التربية و نفس التحريض ضد الاسلام

لكن في ناس بتدرك الحق و ناس بيسحبها التيار .

[Mr. FANTASY]

المشاركة الأصلية كتبت بواسطة أمل

السلام عليكم ورحمة الله

أعرض عليكم فيديو من اليوتيوب

وهي حلقة بعنوان حين تُهان محجبة في أمريكا؟ من سلسلة " ماذا قد تفعلون؟"

كامرا خفية تسلط الضوء على سلوكات المجتمع الأمريكي و تصرفاته

إليكم الفيديو:

http://www.youtube.com/watch?v=-do6b...feature=search

مع الإعتذار عن بعض المشاهد التي لا يمكن اقتطاعها _ لأهمية الموضوع تم إدراجه _

بعد ان تشاهدو ما جاء فيه

...

1- تعليقاتكم على ردة فعل صاحب المخبزة _ الممثل_ و الفتاة المحجبة _ الممثلة _؟

2- تعليقكم على ردود افعال المتواجدين على حدة ؟

3- ماذا قراتم من من سطور في هذا الفيديو ؟ و هل هناك هدف يحاولون الوصول إليه بهذه الحلقة؟

4- من ناحية أخرى لما لا ترقى كامراتنا الخفية الى مثل هكذا مستوى و اقتصارها على سفاسف الأمور؟

5- و لمن له تعليق متفرد بالحلقة فلا يبخل به

مساء الخير ..

1- بالنسبة للتعليق على صاحب المخبز (الممثل) والفتاة (الممثلة) .. في رأيي انه هاد الشي بيعود في أساسه الى التكوين الثقافي المبني على عدم تقبّل الآخر .. وهاد الشي ملحوظ عنا أو عند غيرنا .. بصراحة المجتمعات الشرقية من أكثر المجتمعات اللي ما بتتقبل الآخر .. أو بين قوسين "عنصرية" .. لهيك أنا ما بتفاجئ من هيك مشاهدات في مجتمع غربي مع بعض المقاربات ..
بالنسبة لفكرة البرنامج جدا رائعة والله .. وصراحة أول مره بشاهد هيك برنامج من هيك نوعيه .. ويا ريت فيما لو كان هناك مزيد من الحلقات انه تعطونا روابط .. لأنه جد جميل ..

2- عزيزتي صاحبة الموضوع .. خلينا ناخد الموضوع بالمعكوس .. وخلينا نتخيل الموضوع كالتالي .. أنا صاحب المخبز المسلم .. فاتح في الخليل فرضا .. واجاني يهودي يشتري من عندي .. وكل المشترين من المنطقة مسلمين خلايله .. او واتيفير .. كيف رح بيكون الصورة .. متخيلين معي ؟
على فكرة .. رح يكون الموضوع والصورة جدا أسوأ .. بغض النظر عن الانتهاكات اللي بتصير بحقنا .. بس عند نقطة معينه بنبطل نميز هل هاد الشخص اليهودي اللي بدو يشتري مني مع أو ضد اللي بيصير ضد الفلسطينية .. وفي أفضل الحالات .. ممكن شخص يستاء بس ما يعبر عن استياءه .. وما في ولا شخص رح يوقف معه .. في النهاية اللي بيعزينا انه احنا مش دولة او شعب بيفتخر بديمقراطيته وتعدد حرياته متل الأمريكان .. وحقوقنا عمرها ما كانت محفوظه .. وفي المقابل بنحاول نتهرب من الضرائب .. طبعا ازا عمرنا دفعناها .. وكتير اشيا ..

بالنسبة لتحليل الشخصيات اللي مطلوب في هاي النقطة .. لفت نظري شيء مهم .. وانه دفاع الفتاة في الأخير كان بسبب انه صديقتها اللي معها مسلمه .. ومن تعاملها معها عرفت انه المسلمين ناس وبشر متلها .. بيفهموا وبيتواصلوا .. وبطلوا يعيشوا في خيم .. مع انه تفسيرها للبائع عن موضوع الحجاب كان لزيز انه عادة تراثية قديمة .. بس في النهاية كانت بتدافع .. لأنه في عندها صورة معينه وتكوين معين عن المسلمين .. وهاي النقطة بتعود فينا الى سلاح الاعلام .. وكيف احنا بمقدورنا نوصل صورة المسلم المتحضر .. المسلم الليبرالي .. متقبل للآخر .. محب .. غير المتعصب ..


3- بالنسبة للرسائل اللي في البرنامج انه أمريكا ليست كما هي ظاهره .. ممكن تكون بلد حر ممكن تعمل اللي بدك ياه بس العقل الباطن للمواطن الأمريكي ما بتقدر تكتشفه الا من خلال هيك مواقف ..
في مقاربة معينه حسب مؤرخ اسرائيلي كتب انه الدولة العبرية يجب أن تكون في حالة حرب دائما .. لأنه لا يوجد ما يجمع الاسرائيليين الا عدو مشترك .. وأرى من وجهة نظري انه ممكن نقارب هذه القضية على المجتمع الأمريكي ..

من ناحية تانيه في ناس كتير وهي الغالبية .. اما بسطاء أو ما الهم علاقة في الدنيا .. يعين ما بيهمهم واللهم أسألك نفسي .. ما بيعرفوا شي عن اللي بيصير في العالم .. مش مهتمين يعرفوا .. وهؤلاء بيشكلوا نسبة كبيرة في المجتمع الأمريكي .. حسب الاحصائيات معظم الأمريكيين مهتمين في قضايا داخلية .. متل الضرائب والتعليم والصحة والتقاعد .. أكتر من القضايا الخارجية .. في الواقع ما في حد مهتم في حرب العراق ولا حرب افغانستان .. ازا بيعرفوا انها جاريه أصلا ..

في شغلة تانيه بحب ألفت نظر الجميع اليها .. البرنامج اتصور في ولاية تكساس .. وهاي الولايه فيها أكبر نسبة ناس متعصبين .. والأمريكيين فيها عنصريين الى حد كبير (بيكفي انها ولايه بوش) .. ولاحظنا في الفيديو بعض المشاهدات ..

4- سؤالك شوي خارج الموضوع في النقطة هاي.

5- بتخيل اني علقت كفاية .. :)

موضوع جميل .. الى الأمام

دمتم

[أمل]

اممم لي رجعة ..~